Ek het hier onder vir jou skakels geplaas waar daar “skrifferige” dinge bespreek word. Afhangend van die ouderdomsgroep kan jy ook die volgende doen as alternatiewe of as deel van die skrifles:
- Oefen skrif op groot ongedrukte koerantpapier – in gekleurde styselpap. Die kinders smeer die papier met ‘n dun lagie stysel en doen die patrone en skryfwerk met ‘n wysvinger. As dit droog is, kan dit teen die muur op geplak word. …of jy kan na aanleiding van jou tema (bv. Die see) groot vorms (bv. visse, seesterre…) op x-straalplate afteken en uitknip. Die kinders kan dan op dag 2 die vorms op hul droë stysel-oefening aftrek en uitknip! Maak een groot muur collage teen die einde van die week van almal se skrif!
- Verf met ‘n skoon kwas en water op die bord of plaveisel om die letterformasies te oefen (Gr. 1).
- Skeur blaaie uit ‘n ou telefoongids en plaas twee voor elke kind. Hy moet dan eers die een hand in die middel sit, terwyl die voorarm plat op die tafel lê. Dan word net die handspiere en vingers gebruik om die papier nader te trek en te frommel in ‘n balletjie. As die balletjie gereed is, mag die outjie vanaf ‘n gegewe punt “doel skiet” na die drom. Doen met beide hande as opwarmingsoefening.
- Speel kamma klavier in die lug, op die maat langsaan se rug, op die tafel, ens. Gebruik spesifieke opgeruimde musiek om almal gefokus te hou op ‘n ritme – anders is dit nag
- Druk ‘n groot letter alleen op die bladsy. Sit ‘n magneet onder die papier en ‘n metaalskyfie bo-op. Die kind moet dat die letter “oefen” deur die skyfie rond te skuif met die magneet. Dit help ook met die aandagspan en hand-oog koördinasie.
- Knip die letters uit gekleurde karton en druk gaatjies reg rondom (mooi gespasieerd). Laat die kind ‘n veter daardeur ryg om die klankie te versier.
Nikita
Feb 14, 2009 @ 17:06:54
hi Juffer, oulike idees wat jy hier het! Wat ek kan byvoeg is dat die outjies wat dit nodig het, kan bietjie wasgoedpennetjies oop-en-toe knyp vir die fynmotoriese spiere om sterker te word vir die skryf ook. Dis nogal iets wat ek met my eie kind moes doen – op aanbeveling van ‘n arbeidsterapeut en dit het nogal gehelp met die skryf, veral as dit kom by lopende skrif ook.
LikeLike
juffer
Feb 14, 2009 @ 20:10:17
Hello Nikita. Ja, die wasgoedpennetjies kom nogal handig te pas. Ons gebruik ook soms papierborde vir wiskunde aktiwiteite. Skryf bv. ‘n 5 in die middel en knyp 5 pennetjies om die rand vas. Trek ‘n lyn reg deur die middel van die bord. Knyp bv. 1 pen aan die een kant en die res aan die ander kant: 1 en 4 gee 5. Skuif ‘n pennetjie om: 2 en 3 gee steeds 5. As ek 2 terug skuif kry ek? en so aan…Ek weet dat sommige AT’s breë rubberrekkies oor die vingers trek sodat die vingertjies oop moet rek en toe knyp.
LikeLike
lopende skrif « My klaskamer
Feb 19, 2009 @ 22:58:26
Petru O'Kelly
Jan 18, 2010 @ 15:40:57
my kleinseun is nou graad 1 toe .ons het agtergekom dat hy met alby hande skryf .gaan dit ‘n probleem veroorsaak?
LikeLike
juffer
Jan 18, 2010 @ 18:55:06
Hello, Petru 😉
Jou kleinseun het ‘n unieke vaardigheid. Die Engelse term is Ambidextrous en ek stel voor dat daar baie op gelees word oor hoe ‘n mens met so ‘n outjie te werk gaan.
As ‘n kind nie die rigtings verwar nie en byvoorbeeld nie klanke of syfers in die spieëlbeeld skryf nie – is daar nie ‘n probleem met die “tweehandigheid” nie. Indien die kind wel sukkel met omkerings en met die verwarring van rigtings, sal ek ‘n konsultasie met ‘n arbeidsterapeut aanraai. Hulle kan die outjie toets en oefeninge doen om die begrip en ervaring van rigtings vas te lê. Vra die juffrou om jou kleinseun dop te hou en om gereeld terugvoer te gee. Gelukkig is daar ‘n landwye “basislyn assesseringsperiode” van sowat 3 weke – waartydens die Graad 1’s “van kop tot tone” getoets word. Daarna sal die juffrou kan sê waar probleme lê en waaraan julle kan aandag gee. Hier is nog ‘n paar skakels:
http://www.associatedcontent.com/article/379964/is_your_child_ambidextrous.html
Stywe druk vir Grootman 😉
LikeLike
Tracey le Roux
Mar 17, 2012 @ 01:12:59
Ek het ‘n paar fyn-motoriese oefeninge op my “OT Mom” website gesit – die bladsye is in Engels, maar daar is baie fotos, dus is dit maklik om die “idee” te kry. Ek probeer om ouers en onderwysers te help. Kyk vir die handoefeninge op hierdie bladsy http://www.ot-mom-learning-activities.com/hand-exercises-for-kids.html en vingeroefeninge hier http://www.ot-mom-learning-activities.com/finger-exercises-for-kids.html. Daar is ook ‘n paar oefeninge wat ouer kinders kan probeer voor skrifwerk- kyk hier http://www.ot-mom-learning-activities.com/fine-motor-skills-activities-for-older-kids.html.
Ek hoop dit help!
LikeLike
juffer
Mar 17, 2012 @ 12:04:28
Dankie, Tracey 😉 Dit gaan beslis help!
LikeLike
Mary-Anne
Feb 16, 2014 @ 08:25:44
Baie dankie vir die wenke. Gaan dit beslis afrol en deel met die opv by Temperance Town Primer en ander buur skole. Lekker dag.
LikeLike
jana
Mei 20, 2014 @ 10:43:29
Juffer, my kind skryf in spieelbeeld is daar oefeninge wat sy kan doen om haar te help?
LikeLike
Juffer
Mei 20, 2014 @ 19:01:47
😉 Middag, Jana.
Is dit enkele klanke of volle woorde wat sy omkeer? Hersien haar kennis van links en regs – asook posisie/plasing. ‘n Goeie oogtoets om haar oogbewegings én visie/sig te evalueer, sou waardevolle inligting kon bied. Sommige kinders se oogbewegings is onegalig – wat beteken dat die oë nie korrek saam werk nie. Daarom gee die optometriste oefeninge om die spiere te versterk.
Buiten die vaslegging van links/regs en posisie, kan julle visueel perseptuele oefeninge probeer. ‘n Mens kry dikwels inkleur-/aktiwiteitsboeke met interessante doolhowe, ens.
As hierdie oefeninge nie binne twee weke begin help nie, sou ek beslis ‘n afspraak met ‘n gesoute arbeidsterapeut reël sodat julle raakvat idees en hulp kan kry. Dit is duur, maar dit werk.
Ek hoop dit kan help 😉
LikeLike
Jana Seevinck
Mei 21, 2014 @ 10:49:10
Baie dankie Juffer, ek gaan beslis die oefeninge met haar probeer. Baie dankie vir al die oulike wenke. Lekker dag verder.
LikeLike
Juffer
Mei 21, 2014 @ 18:08:36
Dis ‘n groot plesier 😉
LikeLike
Elmay Robinson
Jul 29, 2014 @ 18:21:53
Het jy nie asb vir my oulike idees vir ‘n graad 1 leesles nie? Soek bietjie nuwe idees om ‘n leesles aan te bide vir die kleintjies.
LikeLike
Juffer
Aug 08, 2014 @ 01:15:13
Hallo, Elmay 😉 Tik gerus soekterme soos “abc, klanke, lees, sigwoord, flits, hersien…” by die bruin soekblokkie aan die regterkant in vir ‘n paar idees 😉
LikeLike