Boeke Nag, 23 April

2 Kommentaar


23 April is Wêreld Boeke Nag.

boekenag

Klik gerus op die onderstreepte woorde om na verskillende skrywes te gaan.  Tik ook soekterme soos “biblioteek, boek, boekedag, lees, boekmerk, nuwe leser, taal” by die bruin soekblokkie aan die regterkant in vir soortgelyke idees om tuis te probeer.

boeknag boekmerk boekmerk nag Boekmerk wit Lees boek

Werksvelle, Muurkaarte en ander hulpmiddels

Lewer kommentaar


jufferteachablad

Tik soekterme (in geen spesifieke volgorde) soos die volgende by die bruin soekblokkie aan die regterkant in, loer na die “Drukbare Bladsye” of na die skakels wat aan die regterkant gelys is.

  • hulpmiddels
  • naamkaart
  • eerste dag
  • klanke
  • abc uitspraak
  • alfabet
  • sigwoord
  • dubbelklank
  • tweeklank
  • drieklank
  • klanksamevloeiings
  • hersien
  • meervoud
  • verkleinwoord
  • flits
  • oefen self
  • e klink soos i
  • f en v
  • omkering
  • b en d
  • woordeinde
  • lees
  • komponente
  • rym
  • rympies
  • stories
  • leesreeks
  • biblioteek
  • boeke dag
  • boeke nag
  • fondsinsameling
  • liedjies
  • e-boek
  • toeps
  • apps
  • inklusiewe onderwys
  • wiskunde huiswerk
  • woordsom
  • geld
  • Hoe laat is dit?
  • vorms
  • patroon
  • patrone
  • handspier
  • skrif
  • skryf
  • lopende skrif
  • abc skryf
  • knip
  • skryf stadig
  • ogies
  • oog
  • oogsorg
  • VMI
  • visuele
  • ouditiewe
  • taal ontwikkeling
  • woordeskat
  • Graad R
  • Graad 1
  • posisie
  • middellynkruising
  • links en regs
  • spiertonus
  • tuis idees
  • tuis oefen
  • speel-speel
  • Engels
  • vraestel
  • JNA / ANA

Daar is heelwat tema’s en ander idees ook beskikbaar.  Vra gerus😉

Loer gerus elke nou en dan op Teacha/Teaching Resources in vir winskopies.

Hulp / Pay it Forward

2 Kommentaar


pif1

Vanjaar vier ons Pay it Forward dag op die 28ste April.  Is daar iemand in jou gemeenskap wat kan baatvind by ‘n klein of groot gebaar?  Help iemand as ‘n klas, ‘n gesin of doen dit selfs anoniem.  Dit hoef nie finansiële implikasies te hê en deur bv. papiere op te tel, onkruid uit te trek, ‘n boodskappie te skryf, gaan jy beslis iemand anders se dag opkikker.

help

Depicta Hulpmiddels

2 Kommentaar


AD FOR AFFILIATES

Loer gerus na Depicta se hulpbronne en hulpmiddels (bv. flitskaarte, weerkaarte, boeke, plakkers).   Bekostigbaar en kindervriendelik.  Van die muurprente is tans teen R12 – R25 elk beskikbaar en jy kry afslag (beloningspunte) as jy aansluit.

Screen Shot 2015-11-23 at 20.34.08

Screen Shot 2015-04-20 at 6.12.06Screen Shot 2015-04-20 at 6.11.46 maal hoek A-OPP3_medium SA34_medium gril diere groet leesteken skrif woordsoort kombinasies wetenskap musiek antoniem zuluST-WA-A_Wiele_en_asse_medium WEL8-A_medium DIS-CP-A_Waterpokkies_mediumdepictaDepicta liggaamsdeleWeatherboard englishweerkaartkalenderafrikaans

Die prente is slegs voorbeelde van die muurprente wat beskikbaar is.  Loer gerus.  Sien ook “How to order” vir ‘n pryslys.

Downsindroom

2 Kommentaar


21 Maart is die Wêreld Bewustheidsdag vir Downsindroom en vanjaar dra ons ons bontste sokkies.

Down

Earth Hour en Waterweek

Lewer kommentaar


earthhour

Skakel die elektroniese toestelle af en begin nuwe bewarings- en besparingsprojekte.  Loer gerus na herwinningsaksies in jou omgewing of begin jou eie.  Verseker dat die krane nie lek nie en bespaar soveel jul kan.  Is daar ‘n rivier, damme of strandgebied om skoon te maak?  Dit kan ‘n ideale klasuitstappie maak so ‘n dag of twee voor die skole sluit.

Tik gerus soekterme soos “aarde, grond, water, waterweek, herwin, earth hour, groen…” by die bruin soekblokkie aan die regterkant in vir soortgelyke idees.

waterweek

Paastyd

Lewer kommentaar


paasfees

Hiermee nog ‘n paar ekstra werksvelle:

Kies ‘n ontwerp en druk genoeg om ‘n muurlys of ingang te dek.  Druk die velle op verskillende kleure papier en wissel dit in patroonvorm af.

Screen Shot 2016-03-11 at 19.22.40

Tik gerus soekterme soos “Paasfees” of “Bybel” by die bruin soekblokkie aan die regterkant in vir ouer inskrywings en drukbare velle.

 

Boekedag

Lewer kommentaar


boekedag

Tik gerus soekterme soos “boekmerk, boekedag, biblioteek, lees, klanke, sigwoord, Engels…” by die bruin soekblokkie in vir verskeie idees.

Skryf in

2 Kommentaar


skryfinvirskool

Tik gerus soekterme soos “Graad R, Graad 1, skoolgereed, skoolpligtig, vaardighede, ouditiewe, visuele, VMI, ogies, handspier, fynspier, potloodgreep, abc uitspraak, klanke, syfers, vorms, patrone, abc skrif, robotkaart, middellyn, spiertonus, posisie, linkshanding, knip, links en regs, tuis idees…” by die bruin soekblokkie aan die regterkant in vir enkele idees.

dae en tydsverloop

Lewer kommentaar


dae

‘n Prettige weergawe.  Sien ook “Hoe laat is dit?”

 

dag-en-tydwoorde

365 dae

weke in 1 jaar

skoolweek

7 dae week

12 maande

eeu

Tik ook soekterme soos “kalender, hoe laat is dit?, skrikkeljaar, 12-12-12″ by die bruin soekblokkie in, vir voorbeelde van tyd, drukbare kalenders en ander werksvelle.

dae flitsTyd

Skrikkeljaar

Lewer kommentaar


Dit is vanjaar Skrikkeljaar en ons kan die 29ste Februarie ekstra lekker maak.  Doen unieke wiskunde werksvelle of deel die dag in periodes van 29 minute in.  Hoe lank voel/duur 29 minute?  Hoe lyk die getal?😉.

29 Eng.

29 Afr.

366dae

366days

 

Teacha – Hoe maak ‘n mens?

8 Kommentaar


Ek het vele navrae ontvang.  Laat weet gerus indien daar nog onsekerheid is😉

Screen Shot 2016-02-03 at 17.14.08

This slideshow requires JavaScript.

Die volgende inligting is op Teacha beskikbaar:teachateacha1teacha 2teacha4teacha5teacha6teacha7teacha8teacha9

 

Biblioteekweek

1 Kommentaar


bibweek

Biblioteekweek duur vanjaar 10 dae – van 11 tot 21 Maart.  Fokus op lewenslange leer en die bemagtiging van jong lesers.

  • Besoek die dorpsbiblioteek en die skool s’n.  Hoe vergelyk die twee en wat is anders?  Kry jy soortgelyke boeke by soortgelyke aanwinsnommers?
  • Neem ‘n selfie met jou gunstelingboek en maak ‘n muurcollage van die klas se foto’s.
  • Selfie kunswerke gaan beslis die oog vang.  Gebruik media soos pastelle om die bladsye helder en aanloklik te maak.  Skryf die boek se titel en aanwinsnommer onderaan die kunswerk en versier dan die gange daarmee.
  • Gebruik groot rolle/velle papier om bo-oor deure te pas.  Teken ‘n groot boekomslag daarop en skryf as ‘n klas kort aanbevelings daarop.
  • Gebruik ‘n toep en ‘n webwerf om QR-kodes te skep waar jong lesers na stories kan luister.  Verskaf oorfone en tablette hiervoor.
  • Betrek luisterstories – CD’s en boeke.
  • Gebruik ‘n Kindle toep (of storie toeps) waar outjies saam-saam of alleen na stories kan luister.
  • Rol die omslae van verskeie boeke af, laat die outjies dit inkleur en versier die gange.  Dit behoort die belangstelling te prikkel vir later.
  • Hou ‘n pajamadag of trek soos ‘n karakter aan.
  • Laat die outjies kort dialoë oor ‘n boek skryf.  Voer dit op of hou ‘n poppekas.
  • Ouer kinders kan boekbesprekings hou.  Verskaf dieselfde boek aan klein groepies en gee 15 minute sodat hulle daaroor kan gesels.  Vra dat hulle na mekaar luister en indien hulle by die kommentaar of gedeelte aanklank vind, kan hulle ‘n bydrae lewer.  (Watter deel was vir jou interessant? Waaraan het dit jou laat dink?)
  • Deel klasse uit die verskillende fases by makker leesgroepe in en kies kort stories om aan mekaar voor te lees.  Kies ‘n periode daarvoor en hou gereelde leestye.
  • Hou ‘n “spog met ons leeshoekie” of “spog met ons biblioteek” aand.  Nooi die ouers en gesinne (of selfs inwoners van ‘n plaaslike ouetehuis) om saam met ‘n graadgroep stories te lees, muurprente te maak, woordspeletjies te speel (soos Krabbel/Scrabble), ens.  Vra vir ‘n vrywillige donasie waarmee die skool nuwe boeke kan aankoop.
  • Biblioteekbronne

Sien ook:  BiblioteekweekLees

 

 

#libraries4lifelonglearning

Moedertaaldag, 21 Februarie

2 Kommentaar


Grafiek Opname [Drukbare vel]

Navorsing

Medemenslikheid en Internasionale Dag van Geluk

4 Kommentaar


 

Vandag is Random Acts of Kindness Day en 20 Maart is die Internasionale Dag van Geluk.  Ek sou dit egter nie tot een dag wou beperk nie…Hoe kan ons in het kleine iemand anders se dag opkikker?

  • Gooi ‘n ekstra munt in iemand anders se parkeermeter.
  • Het jy afslagkoepons iewers gekry?  Plaas dit hier en daar op die winkelrakke vir ander om te kry.
  • Laai ‘n ekstra pakkie koekies in die winkelmandjie vir die werkers by die skool of by die huis.
  • Werk saam aan ‘n maaltyd (soos lasagna) en lewer dit by iemand af wat dit nooit sal verwag nie.
  • Nie ‘n goeie kok nie?  Steek ‘n blom in ‘n ou speserybottel en plaas dit op ‘n buurvrou se stoep of ‘n juffrou se tafel.
  • Gooi die week se snoepiekleingeld in ‘n spaarbussie tot ‘n week voor die dag van jou/jul keuse.  Tel dit en besluit op ‘n skenking – hetsy kontant of byvoorbeeld kos aan iemand of ‘n instansie.
  • Is geld ‘n bietjie min?  Verskaf jou dienste gratis – om byvoorbeeld ‘n buurman te help.  By die skool, kan die klas die gang namens die opsigter vee of die dromme leegmaak.
  • Skenk klere.
  • Skenk orige verf om die klimrame te verf.
Tik gerus ook soekterme soos “hulp, pay it forward, omgee” by die bruin soekblokkie aan die regterkant in vir meer idees.

Luidleesdag, 2016

2 Kommentaar


Luidleesdag

Wat kan ‘n mens alles op Luidleesdag lees of doen?

  • Knip en plak sigwoorde, rymwoorde en ander ouderdomstoepaslike woorde uit tydskrifte of bou dit uit los opskrifletters.  Flits die woorde, plaas dit op die woordmuur, skryf dit oor in die individuele woordeboekies of tik dit oor tydens rekenaarlesse.
  • Luister na voorlesings op die mat, e-boeke of op die rekenaar.

luidlees2016

Tik gerus ook soekterme soos “luidlees, biblioteek, lees, geletterdheid” by die bruin soekblokkie aan die regterkant in of loer na die skakels onder die “Geletterdheid”-hofie.

uitdeel en deling

2 Kommentaar


‘n Vinnige en eenvoudige manier om deling te verduidelik, is deur items uit te deel.  Dié outjie het ‘n rits somme gekry wat hom oorweldig het.  Dit mag dalk die konsep van deling óf die bewerkingsteken gewees het…Ons het watte en albasters byderhand gehad en dít as mense en lekkers ingespan.

Bv.  Hoeveel lekkers is daar? 10 (albasters). Tussen hoeveel mense gaan ons die lekkers uitdeel? 5 (watte pluisies).

‘n Ander idee is om ‘n ou ysbakkie te gebruik – as die mense.

Dit het ‘n paar oefenslae geverg, maar teen die derde som het dinge voor die wind gegaan.  Binnekort sal ons ‘n groter ysbakkie benodig😉.

deling VB
Deling skoon taak

 

Biddag

Lewer kommentaar


Screen Shot 2016-01-19 at 11.53.30

Biddag vir Opvoeding en Onderwys.

Nog oulike Apple en Android toeps/apps

Lewer kommentaar


Na aanleiding van versoeke, het die volgende toeps geplaas ter aanvulling van die skrywe oor Apple/iPad toeps.

Ek het onlangs op ‘n toep af gekom wat jou van gratis toeps inlig.

Appsgonefree gee jou ‘n daaglikse lysie om af te laai en te kies.  Daar is dikwels iets vir ‘n bietjie intervensiewerk.

Screen Shot 2016-01-28 at 16.29.52 Screen Shot 2016-01-28 at 16.29.49

Clock Puzzle help met die uitleg van ‘n analoog horlosie.

Screen Shot 2016-01-28 at 17.19.50

DocScanHD is ‘n vinnige skandeermasjien – veral wanneer jy gou nota’s moet neem of huiswerk moet kopieer.

Screen Shot 2016-01-28 at 17.23.04

Indien jy dikwels na video’s, webtuistes, ens. verwys, kan jy die skakel by enige van die QR Kodemakers in tik en die kode in jou werksvelle druk.  Die leerder(s) mik dan die QR Reader na die kode en word onmiddelik na die leesstuk of inligting geneem.  Ek gebruik dit met outjies wat nie kan lees nie – asook ter verryking. [Android se weergawe]

Screen Shot 2016-01-17 at 8.15.40

Writing Wizard gee vir die outjie die opsie om Engelse klanke, syfers, patrone en kort woordjies te “skryf” (na te trek).  Daar is ook ‘n opsie om jou eie woorde (soos spelwoorde – ongeag van die taal) te tik, op te neem en te stoor.  Die t het nie ‘n ronding nie, maar die ander letters is 99% korrek. [Android]

This slideshow requires JavaScript.

Letter School is ook baie vermaaklik en leer die outjies hoe om Engelse klanke (hoofletters / kleinletters) en  syfers in ‘n keuse van 3 lettertipes (fonts) te skryf. [Android]

Screen Shot 2016-01-20 at 18.03.05

Khan Academy gaan vir jou lank besig hou met Wiskunde, Kuns, Geskiedenis, Musiek, Biologie, Wiskunde, ens.  Loer gerus. [Android]

Screen Shot 2016-01-28 at 17.42.39

PRC Language Lab:  Gebruik dit vir taalontwikkeling (Engelse woordeskat).  Jy kan foto’s van familielede en klasmaats laai om die name te leer ken.

Screen Shot 2016-01-29 at 8.11.02

Animal Math 1 [Android]

Screen Shot 2016-02-13 at 18.39.03

Animal Math 2 [Android] Patrone, Plekwaarde, Ewe/Onewe getalle, Groter as/Kleiner as…

Screen Shot 2016-02-13 at 18.40.44

Epic Stories [Android]

Screen Shot 2016-02-13 at 18.43.16Screen Shot 2016-02-13 at 18.46.57

Air Projector gee jou die geleentheid om inligting op jou foon of iPad met ander – op ‘n rekenaar – te deel.  Dit is nie heeltemal so duidelik nie, maar as jy vinnig na iets wil verwys in ‘n vergadering/les/mondeling/aanbieding, sal dit deug.

projekteer

iPad toeps

Android toeps

Huiswerk en Roetine

4 Kommentaar


huiswerk

  • Merk elke vak se boeke met ‘n kleurkol op die rugkant om dit makliker in die tas of kas op te spoor.  Gebruik dieselfde kleure op die skoolrooster.
  • Plak ‘n kalender en rooster teen die muur op.  Merk inhandigings- en toetsdatums in dieselfde kleure as die boeke en steek die besonderhede teen die notabord vas.  Maak nota’s op die rekenaar of selfoon se kalender om datums te onthou.
  • Wys vir die outjie hoe om die tas volgens die rooster in te pak. Smiddae kan hy/sy die boeke daarvolgens uitpak en deurgaan om die huiswerk te voltooi.
  • Sorg dat daar ‘n stil hoekie is om die huiswerk te doen.  Geen gedruis, geen televisie en geen speletjies.  Sagte musiek (sonder lirieke) help wel vir sommige outjies.
  • Stel ‘n wekker (timer op die rekenaar of selfoon) om leer- of huiswerktyd af te baken (15, 20, 30…minute) en neem breuke tussen-in.  Doen ‘n fisieke aktiwiteit (ry fiets, spring op die trampolien, loop om die huis, doen strekke), drink ‘n bietjie water en gaan voort.
  • Let op na die onderwyser se vraagstelling in take of werksvelle, want dit duik dikwels in toetse op.  Bespreek die woordeskat en maak aantekeninge (Bespreek beteken…, Beskryf beteken…).
  • Hou nota’s en opsommings in ‘n lêer.  Dit kan handig te pas kom tydens die eksamen.
  • Hou ‘n eksamenblok, skoon blaaie, verligpenne (highlighters) en plakkerige vlaggies (sticky tags) byderhand.
  • Maak ‘n tydlyn al om die muurrand as julle na iets uit die Geskiedenis kyk.
  • Soek prente, diagramme, sketse, atlasse, boeke, ens. oor die onderwerpe sodat ‘n mens ‘n beter beeld oor bv. die bou van ‘n duif, kaarte, ens. kan kry.  Die internet is propvol inligting.
  • Gaan deur die opsommings en formules.  Kan julle aan ‘n prettige kletsrymliedjie (rap) of ritme dink om die werk te onthou?  Maak ‘n opname en hou dit gereed vir later.
  • Is daar aspekte wat ‘n mens in die motor oppad huistoe kan oefen?  Dink aan spelwoorde, veelvoude, ens.
  • Maak flitskaarte van die woorde (twee stelle):  trek na, speel “Snap” of ‘n geheuespel.
  • Maak “self oefen” legkaarte van woorde, maaltafels, ens.
  • As julle toegang tot tablette het, skep spelwoordspeletjies op forums soos TinyTap.  Die outjie kan die woorde op die rekenaar, Android en/of Apple toestelle hersien.
  • Onderwysers kan toeps (apps) soos SeeSaw of Google Classroom gebruik om ouers op hoogte van sake te hou.  Neem ‘n foto van jou huiswerkbord en plaas eenmalig.  Deel ook dokumente deur Google Classroom.
Tik gerus soekterme soos “huiswerk, vraestel, JNA, hersien, eksamen, leer…” by die bruin soekblokkie aan die regterkant in of loer na die hofie “Vraestelle, Studietegnieke en Toetse” bo-aan die lysie skakels vir meer riglyne en idees.

Sakpas Doen-dit-self Hulpmiddels

3 Kommentaar


 

‘n Vinnige “werkende” woordmuur:

  • Ons het ‘n ou lêertipe foto-album opgeknip en kaartjies daarin geplaas. Die outjies soek dan die letter/klank teen die muur, neem ‘n kaartjie, skryf die woord neer en bring dit terug.  Hou kaartjies van verskillende kleure in die sakkie of bring meer as een sakkie onder elke letter/klank aan (vir die onderskeie tale).
  • Gee vir elkeen sy/haar eie woordeboek – om woorde aan te vul soos nodig.  Beskerm die bladsye in ‘n flip file.  Hulle kan die woordmuur se woorde hierin oorskryf en die “woordeboek” vir langer as ‘n jaar gebruik.

‘n Permanente woordmuur:

  • Druk sigwoorde (én ander flitskaarte) uit, lamineer en plak dit om die hoogste gedeeltes van die klasmure of hang dit aan ‘n draad dwars oor die klas.
  • Druk die flitskaarte vir dubbel-, twee- en drieklanke uit en plak dit onder elke soort se muurkaart as ‘n vinnige verwysingsbron.  Indien die muurspasie beperk is, kan ‘n mens hierdie velle ook in die flip file liaseer.

‘n Woordhospitaal:

  • Lamineer ‘n groot, rooi vel en skryf kwelwoorde daarop neer (witbordveselpen).  Gewone boekplastiek of ‘n lêersakkie werk ook goed.  Die kinders teken dié woorde in hul eie woordeboeke/-lyste aan.  Sodra die outjies dit reg kan spel, kan ‘n mens die woorde afvee (ontslaan).

Skrifvelle:

  • Plaas skrifvelle in ‘n flip file om na te trek as deel van die huiswerk of intervensie.  Gebruik verkieslik ‘n dun, witbordveselpen.
  • Plaas ‘n natrekvel onder ‘n dik, plastiek tafeldoek in die Geletterdheidshoekie – vir outjies wat ekstra skrifoefeninge wil doen.

Doen-dit-self afskrifte (as die nood druk):

Mure:

  • Skuif jy jaarliks van klas tot klas of het jy nie kans om te verf nie?  Meet die lengte en breedte van ‘n muur, koop lap van jou keuse en dun plankies (selfs paletplankies).  Rol die rand van die lap oor die plankie en kram (kramgeweer) of kap die plankie teen die borand van die muur vas.  Steek jou muurprente met spelde vas of gebruik klitsgras (velcro).  Hang ‘n dik plastiek doek – as ‘n impromptu witbord.

‘n Mens hoef nie aanvanklik alles te lamineer nie.  Beskerm dit in lêersakkies of met boekplastiek totdat die geldsake beter lyk.  Flitskaarte kan met breë, kleurlose kleeflint beskerm word.

Tik gerus soekterme soos “hulpmiddels”, “weer”, “robotkaart”, “tuis idees”…by die bruin soekblokkie aan die regterkant in vir soortgelyke idees.
Klik hier onder om deur die prente te blaai.  Meer besonderhede en prente is by die skakels onderaan elkeen beskikbaar.

 

Nuwe skooljaar

5 Kommentaar


 

skool toe

Stories (sommige aanlyn en sommige in die biblioteek) vir die nuwe skooljaar:

  1. Skool toe
  2. Piempiempie en Jan viool se skool (voorgelees deur Bertha le Roux)
  3. Die Blou Mensies: Daantjie gaan skool toe
  4. Loebi gaan skool toe
  5. Tjiff en Tjaff gaan skool toe (ook op die Storierak toep)
  6. Bollie-Blaps gaan skool toe
  7. Jasper: Krisis op skool (Engels)
  8. Ons gaan skool toe
  9. Skool toe
  10. Skool toe (Nou is ek groot)
  11. Sisi gaan skool toe
  12. Toppie gaan skool toe
  13. Skool Toe (Gr.1 – Ruimland)
  14. Pierewiet:  Skool toe
  15. Liewe Heksie gaan skool toe (op die Storierak toep)
  16. Otto gaan skool toe
  17. Skoolstories

Voorspoed met die nuwe skooljaar!

Bly koel

4 Kommentaar


Screen Shot 2016-01-05 at 10.12.04

  • Probeer dik, donker gordyne.
  • Maak al die vensters vroeg oop en draai die waaiers daarheen, sodat die benoude lug uitblaas.
  • Trek die gordyne toe en indien daar lugversorging is, maak die vensters en gordyne toe.
  • Vries blokke ys in 2l of 5l-roomysbakke en pak dit voor die waaiers. Laat die outjies waterbottels bring en hou dit bo-op die roomysbakke koel.
  • Maak katoenlapserpe (sny lap in lang stroke), sit elkeen in ‘n sakkie en bêre oornag in die vrieskas. As die dag baie warm raak, hang die serpe om die nekke.
  • Maak sponsies nat, bêre in ‘n seëlbare sakkie en vries.  Trek die skoene onder die lessenaar uit en rus op die sakkie of plaas die sponse agter die nek (in die kraag).  Dit werk ook sommer as ‘n goedkoop noodhulpyssakkie.
  • Maak ou lakens nat, droog uit, vou op en bêre op ‘n skinkbord in die vrieskas.  Hang voor die vensters gedurende die warmste tyd van die dag.
  • Maak ysstokkies of klein yssakkies.  Koop (of vra donasies) die vormpies of ysblokkiesakkies en deel ‘n ysie uit ná pouse of ‘n LO-klas.
  • Gebruik oulike, klein vormpies om ‘n klein ysblokkie in die kies te gooi.  Skud die blokkies in ‘n bak en deel die los blokkies uit.
  • Koop water “coolers” by tweedehandse winkels.
  • Probeer hierdie doen-dit-self lugversorger met ‘n toeklap krat of ‘n plastiese houer met ‘n deksel.

Ken mekaar

Lewer kommentaar


2016busDit is die begin van ‘n nuwe skooljaar en daar sit ‘n nuwe groep leerders voor jou.  Hoe gemaak?

  • Stel jouself op ‘n prettige manier bekend.
  • Gee vir elkeen ‘n persoonlike inligtingsvorm om te voltooi en neem foto’s om daarby te plaas.  Plak dit teen die kennisgewingsbord in jou klas op of bind dit in individuele boekies.
  • Hou “ken mekaar“-besprekingsgroepe of onderhoude.  Hou ‘n stel vrae in ‘n houer, laat ‘n maat een trek en hardop beantwoord of stuur die kaartjie deur die klas, sodat elkeen sy antwoord verskaf (bv. “Wat is jou naam?”  “My naam is…”).
    [Engels]
  • Gee vir elkeen sy naamkaartjie en laat hulle dan die verjaarsdagdatums byvoeg en op die verjaarsdagmuur aanbring…of laat elkeen sy/haar naam en verjaarsdag op die verjaarsdagkalender aanbring.
  • Gee vir elkeen ‘n rits vrae om vir die maat langsaan te vrae.  Indien die klas ‘n ongelyke aantal kinders het, kan Juffrou of Meneer ook inspring.  Bind die vraelyste en deel dit uit, sodat die outjies meer oor hul maats kan lees en leer.  ‘n Mens kan heerlik verras word deur al die nuwe inligting.
  • Neem van Dag 1 af dikwels foto’s van die klas en gebeure.  Aan die einde van die jaar sal julle vir elkeen ‘n stel foto’s of ‘n CD met foto’s kan gee van “My jaar in Graad 3”.
  • Welkomvlaggies
  • Probeer ‘n klasjoernaal (soos Google Classroom) of ‘n individuele een (soos SeeSaw).  SeeSaw werk veral goed in ‘n klas waar outjies nog nie goed kan lees en skryf nie, ‘n tweede taal klas of in ‘n klas vir outjies met spesiale onderwysbehoeftes.  Die onderwyser skep ‘n klasprofiel en gee vir elke leerder ‘n profiel.  Elke ouer kry dan ‘n kode om sy/haar kind se profiel te volg en die inligting bly privaat.  ‘n Mens kan nou foto’s en video’s met die ouer deel en hulle kan daarop kommentaar lewer.  Ek gebruik hierdie toep gereeld (kamera, selfoon, rekenaar, tablet).

Wat doen julle op die eerste dag?

Tik gerus soekterme soos “hulpmiddels, alfabet, abc, syfers, muurkaart, vorms, patrone, Engels, geld, tyd, flits, klanke…” by die bruin soekblokkie aan die regterkant in vir meer hulpmiddels en drukbare idees.

‘n Voorspoedige 2016

3 Kommentaar


2016silwer20162016A2016E


Screen Shot 2014-12-04 at 16.36.26

2016Kalender

‘n Geseënde Kersfees

4 Kommentaar


Screen Shot 2015-12-24 at 10.28.18

vakansie

2 Kommentaar


vakansie2015

Klik op die prente om na hierdie bladsye te gaan…

Screen Shot 2015-12-10 at 6.36.29

Screen Shot 2015-12-10 at 6.41.08

Screen Shot 2015-12-10 at 6.44.01

Screen Shot 2015-12-24 at 7.20.24Screen Shot 2015-12-24 at 7.19.18

Geskenk idees

4 Kommentaar


geskenk

Heelwat mense het begin loer na moontlike idees vir geskenke.  Daar is geskenk idees in verskeie skrywes op my blog beskikbaar.  Hiermee ‘n paar idees vir…

Tik gerus soekterme soos “valentyn, moedersdag, vadersdag, onderwyser, waardering, waardeer, kaartjie, Kersfees, dankie, boodskap, geskenk…” by die bruin soekblokkie aan die regterkant in vir nog idees.

 

2016

2 Kommentaar


2016skoolbusScreen Shot 2015-11-27 at 19.20.13

Kalender met spesiale dae soos Moedersdag, Vadersdag, Skrifdag, ens.

Screen Shot 2015-11-27 at 21.31.16

2016Kalender

2016 Drukbare Kalender en Skoolkwartale (Afrikaans)
2016 Printable Calendar (Engels)

 

 

Kersfees

Lewer kommentaar


Kersfees is om die draai en is ‘n opwindende tema.  Wat kan ons in die klas doen om vir Kersfees voor te berei?

  1. ‘n Boekmerk (hang verskeie aan die boom om uit te deel) en ‘n boodskap (rol op, bind ‘n lint om die rol en plaas dit by elke bord).  Jesaja 9 vers 5
  2. Gloeilamp-sneeuborrels:  Vra ou gloeilampies of koop ‘n paar.  Indien jy deursigtige kersborrels kan kry, gebruik dit eerder.  Wikkel die skroefkoppie los en breek die filament met ‘n knyptangetjie uit (voorafwerk – met ‘n lappie of ‘n handskoen).  Sny ‘n leë toiletrolletjie in ringetjies om ‘n rusplek vir die gloeilamp te vorm.
    • Vul nou die binnekant met blinkertjies (goud of silwer) of Engelse sout en skroef toe.  Knoop ‘n toutjie om die skroefdeel en hang aan die boom.
    • Werk bo-op ‘n ou handdoek of sagte oppervlak.  Kies een tot drie kleure vetkryt om skerp te maak.  Glip een kleur se was in en verhit met ‘n haardroër sodat die was smelt en rond gly.  Wag totdat die was afkoel en voeg ‘n ander kleur by.  Seël en hang aan die boom of hang verskeie lampies tussen die kersliggies op.
    • Druk die buitelyne van ‘n ster, sneeuvlokkie, ens. op papier.  Plaas die vel papier in ‘n lêersakkie of plaas plastiek bo-oor.  Trek die vorm na met houtlym (‘n botteltjie met ‘n nou/dun punt) en sprinkel blinkertjies bo-oor die nat gom.  Wanneer dit droog is, kan ‘n mens die gom versigtig oplig en met ‘n knyptangetjie binne-in die gloeilampie laat sak – blinkertjies teen die glas.  Spuit ‘n bietjie haarsproei binne-in die lampie om die vormpie aanvanklik te laat heg.  Gebruik alternatiewelik blinkertjiegom.
    • Teken ‘n sneeuvlokkie of skryf ‘n naam buite-op die gloeilamp, trek na met gom en sprinkel poeier bo-oor.
    • Giet of drup naellak binne-in die lampie en beweeg of rol dit rond om die binnekant te dek.  ‘n Blinkerige naellak sal mooi in kerslig skitter.
    • Pons gate uit foelie, spuit spuitbare gom of haarsproei binne-in die gloeilamp, swaai of skud rond en gebruik ‘n knyptangetjie om die foelie confetti binne-in te laat sak.
    • Spuit gom of haarsproei binne-in die gloeilamp en giet blinkertjies met behulp van ‘n tregter binne-in die gloeilamp.  Seël en skud om die blinkers te versprei.
    • Pluis wit watte in ‘n pofferige wolkie.  Plaas dit binne-in die gloeilamp en sprinkel silwer blinkertjies by.  Skud ‘n bietjie om die blinkertjies te versprei.
    • Iemand het vir my ‘n paar groot blinkertjieplakkers gegee.  Ons het dit in stroke gesny en deur ‘n papierversnipperaar gestuur.  Daarna het die outjies ‘n asteriks (*) gevorm en die dele so geplak.  Dit is binne-in die sneeuborrel geplaas en verseël.
    • Kies ‘n kleur en sny die papier in ongeveer 10cm breë stroke.  Stuur dit deur die papierversnipperaar en vul die sneeuborrel daarmee…of plak dit buite-om.
    • As jy ‘n gloeilamp gebruik, kan jy ‘n bietjie olie (kookolie) binne-in giet, skud en uit gooi.  As jy confetti uit ou snesiepapier (vir geskenkpakkies) pons, sal dit aan die olie kleef en glasig of deursigtig word.  Dit lyk soos gebrandskilderde glas in sonlig.
    • As die sneeuborrel in twee helftes oop maak:  Teken ‘n sneeumangesiggie op ‘n styrofoambal en plak hom onder-in die sneeuborrel vas.  Seël of heg die dele met kleurlose naellak.
  3. Versiering:
    • Smeer of bedek ‘n styrofoambal met houtlym of muurpapier-gom en besprinkel met blinkertjies.  Vou bloemistedraad in ‘n lus en steek dit in die versiering.  Rus op ‘n plastiekbotteltjie of ‘n toiletrolringetjie tot droog.
    • Pons gate uit foelie en plak die confetti buite-om die styrofoambal – blink kant bo.
    • Rol of draai gerygde blinkers (sequence) om die styrofoambal en gebruik die punte om ‘n lus te maak.  Hang die versiering daaraan op.
    • Warm gom:  Trek die buitelyne van ‘n sneeuvlokkie op ‘n stuk plastiek.  Gaan dan oor die lyne met ‘n gom geweer en verseker dat jy stadig werk om die lyne dikkerig te trek.  Druk ‘n toutjie (lussie) in een van die punte en drup nog ‘n bietjie gom bo-op.  Sodra dit afkoel, kan ‘n mens die agterkant met water of olie besprinkel om dit teen ‘n ruit te laat vasplak.  Sprinkel ook blinkertjies op die warm gom vir meer sprankel.
    • ‘n Vinnige Kersboom: Sny ‘n basiese boom uit donker papier en vou dit twee of drie keer in die lengte. Laat die outjie gate pons en skuif die voue elke nou en dan. Plak die boom bo-op ‘n kleurvolle agtergrond. Indien dit ‘n ou vel snesiepapier (soos gebruik word in geskenkpakkies) is, plak dit teen ‘n ruit of hang dit voor kersliggies.
    • Probeer ook die bogenoemde met tinfoelie as die agtergrond.  Steek/prik dan gate versigtig deur om ‘n sterrehemel te vorm.  Gebruik ‘n skuifspeld of ‘n tandestokkie – met spons, groot stukke foamalite of oase onder die vel.  Die lig behoort die kolle soos liggies te laat skyn.
    • Gemmerbroodmannetjies:
      Druk prente op bruin, natuurlike karton. Maak ‘n pasta met 1E sout, 1E meel en bietjies-bietjies water. Verf die versierings en plaas in die mikrogolfoond vir 30 sekondes. Vir verskillende kleure, kan jy voedselkleursel én water inmeng.
  4. Wassertjies, krale en moere:  Plaas ‘n versameling wassertjies en krale op die tafel.  Buig ‘n skuifspeld in ‘n s-vorm oop en haak aan ‘n gespande toutjie of draad.
    • Verf die krale of wassertjies met gom en besprinkel met blinkertjies.  Haak dit aan die skuifspeld om droog te word.
    • Verf die krale of wassers met blinkerige naellak en laat droog word.
    • Knoop ‘n lint deur die wasser of kraal om as individuele kersversierings te gebruik of hang meer as een aan die lint.
    • Probeer ook stortgordynhake in plaas van linte.  Ryg dan meer as een wasser per haak.
  5. Sneeuflessies:  Gebruik klein flessies (soos Purityflessies of kleiner).  Rasper wit styrofoam (indien jy nie die los korrels kan kry nie).  Verf krale of sade met blinkerige verf.  Plak dít of iets feesteliks aan die binnekant van die dekseltjie (selfs ‘n Legomannetjie).  Vul ‘n kwart tot ‘n derde van die fles met styrofoamkorrels en die res met water.  Los ‘n lugleegte of ‘n effense gaping.  Skroef styf vas en rus die fles op die deksel.  Die mannetjie behoort dan regop te staan.
  6. “Garland”/stringe:
    • Engelse vlaggies:  Merry Christmas
    • Sny leë toiletrolletjies in ringe.  Verf in feestelike kleure.  Sodra dit droog is, kan ‘n mens dit plat en teenmekaar rangskik.  Heg met sterk gom.
    • Gebruik ‘n harde buis of plastiek pyp.  Knoop heelwat pypskoonmakers individueel om die buis, knip die orige lengtes af en glip af.  Heg die ringetjies deur dit met die afvalstukkies vas te draai.
    • Maak springmielies.  Ryg dit met ‘n dik borduurnaald en -gare.
    • Sny watte in klein pluisies en ryg met ‘n dik borduurnaald en -gare.
    • Soek bruinpapier met ‘n wit, goue of silwer keersy en sny dit in small stroke.  Voer dit lengte gewys in ‘n papierversnipperaar en stop sowat twee sentimeter van die borand.  Vou die borand oor ‘n toutjie en kram of plak vas.
    • Indien jy nie die bogenoemde papier in ‘n winkel kry nie, gebruik gewone bruinpapier.  Doop ‘n ou tandeborsel in dikkerige wit, silwer of goue verf en spat die verf bo-oor die papier.  Hou die tandeborsel sowat 30 cm bokant die papier.
    • Vou papierdoilies in die helfte.  Skuif inkleurprente met die Kersverhaal tussen die lae in en trek na – aan beide kante.  Kleur die prente in en hang of plak die doilies bo-oor ‘n toutjie.  Indien die buitelyne met swart veselpen getrek word, kan ‘n mens die prente met uitdraaikryte (druk hard) inkleur en dan met flouerige voedselkleursel verf.
    • Steek die Kersverhaalprente bo-op foelie en dan op styrofoam of oase vas.  Gebruik ‘n speld om  al op die lyne langs te pons.  Meet en pas die foelie en prente om buite-om ‘n flessie of glasie te pas.  Plak dit vas en plaas ‘n teeliggie binne-in.
  7. Takkies:  
    • Doop takkies in muurpapiergom of houtlym.  Besprinkel met blinkertjies en laat droog word.  Bind ‘n toutjie of ‘n draadjie aan ‘n punt en hang aan die boom.
    • Spuitverf takkies met silwer of goue spuitverf.
  8. Kaartjies:
    • Teken “holly” blare en verf dit groen.  Meng kersierooi of wynrooi pastadikte verf.  Verskaf kurkproppe, doop dit in die verf en druk dit soos kersies waar die blare ontmoet op ‘n kaartjie.
  9. Kinderbederf:
    • Rasper wit badseep met ‘n fyn rasper en vul klein flessies daarmee.  Teken ‘n sneeuman-gesiggie met ‘n veselpen aan die buitekant, plak ‘n oranje driehoek neusie en gee dit vir elkeen in die klas.
    • In plaas van seep, kan jy die flessie met wit malvalekkers of Jellie Tots vul.  Verf die deksel.
  10. Peuselhappie (Doen-dit-self):
    • Doop soutvrye, geknoopte pretzels halflyf in gesmelte kooksjokolade (melk of donker) en haak aan ‘n skuifspeld oor ‘n bakkie om af te koel en te stol.
    • Sneeumanne:  Pas ‘n malvalekker in die middel van en bo-op ‘n koekie (soos ‘n Oreo).  Verhit in die mikrogolfoond (10 sekondes op ‘n slag) totdat die malvalekker oppof en begin smelt.
    • Rol blaardeeg uit.  Druk sirkels met glasies uit. Gebruik ‘n stomp tande- of sosatiestokkie om ‘n sneeumangesiggie te pons.  Spuit ‘n bietjie Spray and Cook op ‘n bakplaat of smeer botter.  Smeer met ‘n bietjie melk oor die deeg en bak tot goudbruin.  Doen dieselfde met kort worsrolletjies.
  11. Hempies:
    • Gebruik wit frokkies of t-hempies en trek dit oor ‘n stuk karton.
      • Sneeuman:  Maak dotjies of kolletjies met ‘n swart veselpen en dan met ‘n lapverfspuitbotteltjie.  Trek ‘n driehoekie neus met oranje verf.  In plaas van die botteltjie, kan ‘n mens die agterkant van ‘n potlood of oorstokkies in die verf doop en druk.
      • Kersboom:  Trek ‘n groot driehoek met groen verf en verf die hele driehoek.  Daarna kan ‘n mens helder kleure kolle al om en oor die boom druk.
    • Belangrik:  Laat die t-hemp bo-op die karton droog word om vlekke te voorkom.  Dop om en stryk aan die binnekant en/of plaas die hempie in ‘n tuimeldroeër.

IMG_20151215_153255IMG_20151213_100031_edit

Screen Shot 2015-12-14 at 9.03.52
Tik gerus soekterme soos “Kersfees” by die bruin soekblokkie aan die regterkant in vir meer idees.

 

Basiese meervoude

Lewer kommentaar


Screen Shot 2016-02-21 at 18.36.35Kry die woord ‘n -s, -e of -we?  Hoe gemaak met die verdubbeling van ‘n medeklinker in meervoude soos katte?  Hoe gemaak met die weglating van ‘n klinker in meervoude soos tone?

Hierdie pakket som basiese spelwyses van meervoude op en verskaf ‘n skyfievertoning om die verdubbeling van die medeklinker of weglating van ‘n klinker te verduidelik.

Loer gerus ook na die lysie skakels aan die regterkant – onder “Geletterdheid” – vir enkele idees.

 

basiese meervoudemeervoude

einde van die jaar

Lewer kommentaar


Screen Shot 2015-11-17 at 18.03.31

Iemand het onlangs gevra wat ‘n mens kan doen om die skooljaar af te sluit.

  • Gebruik die onderstaande boodskappe voor-op ‘n kaartjie of op vlaggies.
  • Druk vlaggies en hang dit op.
  • Maak soutklei en laat die klas sirkels met plastiese glasies uitdruk.  Druk ‘n duimafdruk in ink en dan op die klei (of sonder ink), skryf die outjie se naam en die datum by en pons ‘n gat vir die toutjie. Ryg ‘n stelletjie aan ‘n toutjie vir die klas se kroonlysie en maak duplikate wat die outjies aan hul kersbome kan hang.  Skryf ‘n boodskap op elke versiering se keersy om dit ekstra spesiaal te maak.
  • Druk ‘n klasfoto (of rol een af) op ‘n A4-grootte en laat elkeen sy/haar naam agter-op skryf voordat jy dit vir elkeen in die klas afrol (swart/wit of kleur).
  • Indien julle foto’s gedurende die jaar geneem het, maak ‘n collage van verskillende foto’s en heg ‘n verjaarsdagkalender onderaan.  Skryf elkeen se verjaarsdag op die kalender, sodat die maats mekaar kan onthou.
  • Vra dat die ouers gloeilampe skenk en verskaf glasverf.  Die outjies kan ‘n boodskap, woord, jaartal, patrone, ens. op papier ontwerp (vet simbole) en dan met ‘n permanente veselpen (koki) oorteken op die gloeilamp.  Verdeel die lampie in blokkies soos gebrandskilderde glas en verf die dele in verskillende kleure.  Hierdie kunswerkie gaan die outjies lank aan hul jaar herinner.
  • A5 Koeverte (nog koeverte)
  • Afskeidsrympies

Screen Shot 2015-10-05 at 15.16.06

verjaarsdagnamedankie1dankie8 dankie7 dankie6 dankie4 dankie3 dankie2 dankie5

Sien ook einde van die jaar.

Beurse

2 Kommentaar


Screen Shot 2015-11-11 at 11.34.38

Klik op hierdie skakels vir meer besonderhede.

Onthou

Lewer kommentaar


Screen Shot 2015-11-08 at 14.15.55

Op 11 November dra ons ‘n rooi papawer om oorlogsoldate te onthou en om hul opoffering te herdenk.  Op die 11de dag van die 11de maand, om 11:00 vm, word ons vir 2 minute stil.

  • Berei ‘n lang strook papier vir ‘n muurtoneel voor, deur die boonste deel blou en die onderste helfte groen te verf.  Indien jy die verf met sponsdrukwerk wil aanwend, kan ‘n mens selfs die kleure effens in mekaar laat vloei.  Gebruik ‘n ou kam om vertikale strepe in die groen gras te trek.  Sodra dit droog is, kan ‘n mens skakerings van rooi en donker oranje verf meng.  Verseker dat dit dikkerig (soos tandepasta) is en skep dit in plat bakkies of borde.  Laat die outjies die vuis bal en doop die pinkiekant in die verf voordat die papawers op die “veld” gedruk word.  Skryf die name liggies by elke blom by.  Wanneer die rooi verf droog is, kan ‘n mens ‘n duim in geel en dan swart verf doop en in die middel van die blom druk.  Rond die muurtoneel af met gepaste woorde soos “Ons onthou…“.
  • Doop koffiefilters in flou rooi waterverf of ‘n voedselkleurselmengsel.  Die filters absorbeer die kleur baie vinnig.  Vou die filters soos blomme (met ‘n tuit) toe en laat dit droog word.  Doop ‘n kwas in swart verf en laat die ergste waterigheid af drup.  Maak die blomme effens oop en verf die binneste of middelste deel.  Sodra dit droog is, kan die blomme op individuele prente of ‘n muurtoneel geplak word.
  • ‘n Mens kan bogenoemde met kolwyntjiepapiertjies doen.  Indien jy die papier ‘n bietjie stewiger of stywer wil maak, verf dit met muurpapiergom (koop koevertjies by hardeware winkels).
  • Doop die onderkant van gaskoeldrankbotteltjies in dikkeringe rooi verf om blomme te druk.  Doop dan ‘n krukprop in swart verf vir die middel.
  • Sny ‘n papawer uit die onderkant van ‘n gaskoeldrankbotteltjie.  Gebruik spuitverf om dit rooi te verf.  Kleur ‘n sagte vilt- of watteballetjie swart en plak dit in die middel.
  • Spuitverf metaal botteldoppies met rooi verf en doop ‘n potlood se uitveër in swart verf vir die kern.  Sodra dit droog is, kan ‘n mens gom liggies in die middel verf en goue blinkertjies sprinkel.  Plak op ‘n borsspeldjie vas.
  • Maak ‘n rooi wolpom-pom, sprei die wol oop en werk ‘n swart knopie vas…of plak ‘n viltballetjie vas.
  • ‘n Mens kan rooi viltpapawers uitknip, ‘n swart knoop op die geel deel plaas en dit vas werk of gom.  Werk dit aan ‘n klein doekspeldjie vas, plak dit op ‘n klein kaartjie vas of maak ‘n krans uit die klas se versameling.

Dra die papawers tydens ‘n besoek aan die plaaslike tehuis vir bejaardes of neem dit na die dorp se helde-akker.  Nooi gerus families saam…

Google Docs en Google Classroom

Lewer kommentaar


Google het ‘n oulike toep (app) vir ouens wat sukkel met die spel- en tikwerk.  Begin deur ‘n “gmail”-rekening te skep.  Gaan dan na die toep-opsies regs, bo-aan die webblad en klik op die blokkies.

Screen Shot 2015-11-05 at 16.46.18

  1.  Google Docs het ‘n blou prentjie.  Klik daarop om ‘n nuwe dokument oop te maak.

Screen Shot 2015-11-05 at 16.46.31

Dit werk nou net soos ‘n Word-dokument en jy kan jou werk privaat aanlyn (onder jou e-pos inskrywing) stoor.  As jy lus het vir iets nuuts, kan jy die volgende probeer:

Gaan na “Tools” en klik dan op “Voice Typing”.  ‘n Mikrofoon sal links verskyn.  Klik daarop en begin gesels.  Ek tik my leestekens self, maar jy kan dit hardop noem.  In die voorbeeld, het ek in Engels gesels en die dokument vertaal.

Screen Shot 2015-11-05 at 16.41.46Screen Shot 2015-11-05 at 16.41.58

Verlig die teks en gaan na “Tools” en “Translate document”.  Jy kan nou tale soos Afrikaans en Swahili kies en siedaar!

Screen Shot 2015-11-05 at 16.41.00Screen Shot 2015-11-05 at 16.41.07

*In die vertaling is daar nog hier en daar woordorde probleme, maar jy kan die woorde dan net na die korrekte plekke skuif.

2.  Skep ‘n aanlyn, interaktiewe klaskamer vir jou vakgebied.  Hierdie toep werk goed as beide die leerders en hul ouers ‘n gmail-rekening het.

Gaan na die toep-opsies en soek “Classroom”.

Screen Shot 2015-11-05 at 17.05.33

Skep nou ‘n klaskamer met versierings en beskrywings van jou keuse.  Bv. Graad 6 Huistaal, Grade 4 FAL…

Screen Shot 2015-11-05 at 17.05.44

Wanneer jy tevrede met die uitleg is, kan jy die klas se wagwoord met jou leerders en hul ouers deel.

Screen Shot 2015-11-05 at 17.11.09 Screen Shot 2015-11-05 at 17.10.20

Klik op die plusteken regs onder en begin opdragte en take byvoeg.  As die ouers die toep op hul slimfone of rekenaars laai, sal hulle die huiswerk kan sien en volg.  Dit verskyn op Google Calendar – waar jy hulle voor die inhandigingsdatum daaraan kan herinner.

Screen Shot 2015-11-05 at 17.20.20Screen Shot 2015-11-05 at 17.25.29Screen Shot 2015-11-05 at 17.30.02

Spotprente

Lewer kommentaar


spotprente

Gids 1

Gids 2

Onderwysersdag, 5 en 16 Oktober

7 Kommentaar


Screen Shot 2015-10-04 at 10.06.07

Ons vier vanjaar Onderwysersdag op 5 én 16 Oktober.

Wêreld Onderwysersdag gaan nie oor geskenke nie, maar eerder oor die bewustheid en ondersteuning van die persone wat nuwe generasies onderrig en opvoed.  Om hierdie dag spesiaal te maak, kan ‘n mens die volgende geskenkies oorweeg, maar ‘n briefie of ‘n boodskap bly altyd ‘n wenner.  Loer gerus na die skakels aan die einde van hierdie skrywe.

Indien jy ‘n onderwyser/-es is, sit vandag agteroor en ontspan lekker.

Klik hier om ‘n Dankie-vlaggie (bunting) te druk:  dankie

Screen Shot 2015-10-05 at 15.16.06

Screen Shot 2015-10-04 at 10.12.54 Screen Shot 2015-10-04 at 10.12.44

Screen Shot 2015-10-04 at 10.31.43

Screen Shot 2015-10-04 at 19.40.03 Screen Shot 2015-10-04 at 11.20.05

Onderwysersdag, waardering

Oogsorg

Lewer kommentaar


Screen Shot 2015-09-16 at 6.44.26

Dit is Oogsorgmaand.  Fokus hierdie maand op visuele persepsies, deur verskeie takies en speletjies beskikbaar te stel, reël ‘n optometris as spreker of verskaf inligtingstukke aan ouers oor die belangrikheid van oogsorg en oogtoetse.  Bv.

Visuele geheue:

  • Teken of pak 4 tot 6 prente in ‘n ry. Die kind kyk vir vyf tellings daarna en dan word dit geskommel. Die kind moet dit weer in die regte volgorde pak.
  • Teken of pak 4 tot 6 prente in ‘n ry. Die kind kyk vir vyf tellings daarna en dan word dit bedek. Die kind moet sê / noem wat hy gesien het.
  • Skryf ‘n klank of syfer neer. Tel tot drie en hou toe. Die kind moet dit herroep en skryf.
  • Voeg telkens ‘n klank by totdat die hele naam geskryf word.

Visuele diskriminasie:

  • Speel met enige tipe domino.
  • Teken ‘n klomp prente van verskillende tema’s op ‘n bladsy. Die kind moet nou bv. al die kosprente omkring, ens. Dieselfde kan met klankies (kleinletters) gedoen word.
  • Skryf ‘n klomp klanke rond en bont op ‘n bladsy neer. Die kind kan nou klanke soek wat in sy naam voor kom.

Aanlyn oefeninge:

  1. Visuele Diskriminasie
  2. Visuele Geheue
  3. Visuele Opeenvolging
  4. Ruimtelike Oriëntasie
  5. Visuele Voorgrond-Agtergrond
  6. Sluiting
  7. Vormkonstantheid
  8. Visual Learning
  9. Visual Learning 2
  10. Verskeie oefeninge
  11. Letter- of klankdoolhowe
  12. Woordvorms of vormkonstantheid
  13. Oefeninge

Roald Dahl

Lewer kommentaar


roalddahllogo

Die skrywer van stories soos “Charlie and the Chocolate Factory“, “James and the Giant Peach” en “Matilda” het op 13 September verjaar.  Hierdie dag word gebruik om Roald Dahl se boeke te lees en om sy karakters te vier.

Klik op die onderskeie skakels in hierdie skrywe om verskeie idees te kry en sien ook die hofie “Geletterdheid” aan die regterkant vir Roald Dahl toeps.

Tydsvorme

2 Kommentaar


tydsvormejufferScreen Shot 2015-09-07 at 9.45.06

‘n Eenvoudige manier om die tydsvorme te verduidelik, sal wees om ‘n tydlyn te gebruik met aanduidings van “nou”, “voor nou = verlede = verlede tyd” en “na nou = toekomende = dit kom nog”.
Sinne wat in die verlede afspeel, het gewoonlik “het”, “was” en “ge-” daarin.
Teenwoordige sinne het “is” en werkwoorde wat tans afspeel (doen, sien, klim).
Toekomende sinne kom nog, is amper ‘n wens of ‘n vooruitskatting. (sal, gaan…)

tydsvorme

Tenses

http://www.slideserve.com/zola/my-stompv2i-gids

Spikkeldag

1 Kommentaar


spikkeldag

Elders in die wêreld vier skole Dot Day op die 15de September na aanleiding van Peter H. Reynold se boek – The Dot.  Die gedagte is om jou merk te maak.  Hoe kan ons diė gedagte op ‘n prettige manier vier?

  • Loer in al die aktiwiteitsboeke vir “dot-to-dot” aktiwiteite en stel ‘n verskeidenheid beskikbaar.
  • Ondersoek die Pointilisme kunsbeweging en skep julle eie kolletjies- of spikkelkuns.  Gebruik pastadikte verf en kies ‘n verskeidenheid drukkertjies, oorstokkies en sponsies wat kolle en spikkels sal druk.  Druk letters, bo-op letters (sommer op die robotkaarte), syfers, patrone en selfs woorde.  ‘n Mens kan dit ook met ink op ‘n inkkussing doen.
  • Gebruik die bogenoemde verfdruktegniek of plak ronde plakkertjies (van verskillende groottes) bo-op ‘n lang patroon om later om die deurraam, kroon- of vloerlysie te plak.
  • Doen skrif oefeninge deur spikkelwoorde en skrif na te trek.  [skrif oefeninge – drukskrif]
  • Hoeveel sinne kan julle met spikkelwoorde (sinonieme) maak?  Wie kan ‘n rympie, ‘n storie of ‘n liedjie skryf?
  • Verdeel die spelwoorde (of spikkel- en kolletjie woorde) tussen ouer kinders, deur verskillende woorde in ‘n groot lettertipe te druk en vir elkeen ‘n speld te gee.  Pons dan spikkels al op die woorde langs en plak dit teen ‘n ruit sodat die sonlig kan deur skyn.  Dit sal groot konsentrasie verg.
  • Plaas verskillende kleure papier, bakkies wat gemerk is met kleure se name en ‘n papierpons op ‘n tafel.  Wanneer die outjies ‘n kans kry, kan hulle een kleur op ‘n slag pons en die confetti in ‘n gemerkte bakkie uitskud.
  • Gebruik die confetti later in die week in strooiwerk.  Teken groot vorms, vet letters of syfers en smeer gom oral op die agtergrond.  Strooi die confetti van jou keuse.  Wanneer die agtergrond droog is, kan jy die letter met ander kleure vul.  Kies byvoorbeeld primêre of sekondêre kleure en selfs skakerings van ‘n spesifieke kleur soos rooi.
  • Doen tekstuurwerk met borreltjieplastiek of Lego deur dit te verf en bo-op velle papier te druk.  Gebruik die papier om prentjies uit te knip of as die agtergrond vir ‘n collage.
  • ‘n Tydjie gelede, het ek ‘n foto elders gesien waar iemand die borreltjieplastiek teen ‘n muur opplak en dan sorgvuldig die onderskeie blasies met kleursel in spuit om ‘n syfer of ‘n woord te vorm.  Dit kan ‘n oulike idee vir ‘n opskrif in die klas wees.
  • Onder toesig, kan ‘n mens ou vetkryte bo ‘n kersvlam verhit en op papier druk of drup.  Gebruik dit as ‘n agtergrond.  ‘n Mens kan kan ook plastiek stensils bo-op die papier laat rus terwyl die waskryte binne-in gedrup word.  Sodra die was droog is, kan ‘n mens die stensil lig en skoon maak.

spikkeldag agtergrond

spikkelwoorde

Loer gerus na Dot Day se webwerf vir meer idees.

September Huiswerk

2 Kommentaar


Screen Shot 2015-09-01 at 14.31.26

September Huiswerk (Drukbaar)

Gebruik die volgende inligting tesame met die kalender:

Internasionale Geletterdheidsdag en SA Boekweek

Lewer kommentaar


Screen Shot 2015-08-30 at 13.30.46Op 8 September vier ons Internasionale Geletterdheidsdag en van 7 – 13 September is dit Nasionale Boekweek in Suid-Afrika.

  1. Stel hope ou tydskrifte en koerante beskikbaar sodat die outjies die opskrifletters in nuwe woorde en sinne kan gebruik.  Bou slagspreuke of idiome en laat die outjies hul eie prente daaroor teken.  Plak dit in die gange op, sodat ander ook kan leer.
  2. Maak soutklei of speelklei.  Gebruik ‘n verskeidenheid letterkoekiedrukkers om letters uit te druk en bou woorde daarmee.  Andersins kan ‘n mens die deeg uitrol en met gewone stempels woorde uitdruk.  As julle soutklei gebruik, kan ‘n mens die stempel eers op die inkkussing druk.  Sodra die deeg droog is, glasuur dit met deursigtige vernis of spuitverf dit.
  3. Gebruik koekiedeeg om woorde of letters soos bo te pons/druk en bak dit vir ‘n pouse happie.
  4. Neem die onderskeie leesgroepe (groeplees) op en speel die opnames later terug as daar ‘n ruskans is.
  5. Speel stories op die rekenaar – waar die outjies kan saam lees.
  6. Indien jou skool die gratis Kindle toep gebruik om stories op die rekenaar of ander toestelle te lees, stel dit beskikbaar.
  7. ‘n Mens kry gratis storie toeps om op Android en op Apple toestelle (fone, tablette, ens.) te laai.
  8. Indien jou skool nie allerhande duur toerusting het nie, kan ‘n mens stories op jou selfoon of ‘n ou bandopnemer opneem.  Die kinders kan dan na stories luister.  As die klank te sag is, kan hulle in klein groepies kom luister.
  9. Skryf gesamentlik ‘n klas storie en maak aantekeninge of sketse op die bord om later oor te tik.  Tik byvoorbeeld een sin per A4-bladsy (bo-aan) en laat ruimte vir illustrasies.  Herinner die outjies om hul name op die voorblad te plaas (langs “illustreerder”) en stal die boekies uit.  Hierdie aktiwiteit sal oulik by boekopvoeding en biblioteekkennis in pas.  Deel die boekies met ‘n ander skool of instansie.
Tik gerus soekterme soos “lees, leeslys, e-boek, biblioteek, boek” by die bruin soekblokkie aan die regterkant in vir nog idees.

Lente en Boomplantweek

1 Kommentaar


Screen Shot 2015-08-23 at 17.43.43

Lentedag word tradisioneel op die 1ste September gevier – al skyn die sonnetjie nog nie heeltemal so skerp nie.  Om voorbrand vir die nuwe seisoen te maak, kan ‘n mens die volgende idees in die klas probeer…

 1.  Indien jy ‘n rol rekenaar- of ongedrukte koerantpapier het, kan jy lengtes vir jou kennisgewingsborde of ‘n ruit afmeet.  Trek ‘n golwende kurwe lengte-gewys deur die middel of in die onderste derde van die papier, sodat die kurwe soos ‘n heuwellandskap lyk.  Ouer kinders kan die boonste helfte blou (waterverf of verdunde voedselkleursel) en die onderste helfte groen verf.

As jy met die kleintjies werk, kan jy die bladsy op die golwende lyn deursny en apart laat spuitverf.  Gee vir hulle verskillende soorte spuitbottels met verdunde voedselkleursel (verskillende skakerings van blou of groen) om die fynspiertjies te ontwikkel.  Die maklikste sal wees om die papier bo-op plastiek te plaas en om dan vir elkeen ‘n sekere aantal spuite toe te staan.  Hou ‘n ogie sodat die papier nie te nat word nie.

‘n Mens kan ook verskillende vlak bakkies (met skakerings van pastadikte wit en blou of geel en groen verf) en sponsies (bv. dié wat jy in pille botteltjie kry) verskaf, sodat die outjies die velle kan bedruk.  Herinner hulle daaraan dat ‘n mens die spons afvee of uitdruk voordat jy die sponsie op die papier kan druk.

2.  Gebruik ‘n basiese blom ontwerp of blomblare.   Trek ‘n templaat of patroon op ‘n ou x-straalplaat (of dik karton) af en sny uit.  Só kan jy meer as een patroon hê en versprei.  Gebruik ou papier of sny ‘n paar lae snesiepapier van ‘n eenderse kleur (soos dié wat ‘n mens in geskenksakkies sien) per blom.  Die idee is om die blare met muurpapiergom (‘n klein koevertjie strek ver) te smeer en lagie-vir-lagie te verdik of te versterk.  Laat die blare op ‘n rakkie droog word.

Trek ‘n sirkelvorm af en doen dieselfde smeer- en plakwerk vir die binnekant van die blom.  Sodra die dele droog is, kan ‘n mens die blomblare met houtlym aan die -kelk vasplak.  ‘n Mens kan ook die nat of klam dele met behulp van ekstra kolletjies muurpapiergom heg.

Verf die blomme met helder kleure en plak dit teen jou geverfde agtergrond.

3.  As julle nie so baie tyd het om aan die gomblomme te spandeer nie, kan ‘n mens steeds blomme aftrek op karton en dan met pastelle of verf versier.  Los dit net so of heg ‘n klein plastieksakkie (selfs ‘n ballon) met blomsade daarin aan.  As julle die blomme klaar uitgestal het, kan die outjies die sade huistoe neem of in ‘n spesiale bak/bedding by die skool saai.

4.  Versier die vensterbanke of ingang:  Gebruik ou speelgoed (emmertjies, ens.) of buitespeltoerusting vir julle eie herwinbare blombakke.  Samel herwinbare plastiekbakke in (verkieslik groot), kap dreineringsgate daarin en vul met blompotgrond.  Plant blomplantjies, saai sade of plant julle papierblomme (op stokkies geplant) daarin.  Die natleiwerk kan ‘n ekstra werkie word (verskaf dalk eerder net spuitbotteltjies met fyn gate eerder as ‘n gieter).

5.  Berei ou koeldrankdoppies voor deur dit te spuitverf (bv. wit).  Gee dan ‘n verskeidenheid permanente veselpenne (koki’s), sodat die outjies sonneblomme, tulpe, madeliefies, ens. binne-in die doppies kan teken.  Plak dan ‘n borsspeldjie agterop en dra die lapelblommetjies op Lentedag.

6.  Knip eenvoudige blomme uit viltlap en plak dit op die borsspeldjie vas.  Heelwat borsspeldjies het gate sodat ‘n mens dit aan die lap kan vas werk (ouer kinders).

Screen Shot 2015-08-23 at 21.04.09

Aangesien Lentedag en die begin van Boomplantweek/-maand (1 – 7 September) saam val, kan ‘n mens die twee in dieselfde week vier.  Vanjaar se boomsoort is die Bosvaderlandswilg en die skaars soort is die Wildepieterseliebos.  Indien julle kan, soek jong boompies om op die skoolgrond te plant en maak beurte (leiertjies, klasse, grade, ens.) om die bome nat te lei.

Indien die skool genoeg skadubome het, kan ‘n mens skenkings aan organisasies of tehuise maak om bome elders te plant.  ‘n Mens kan ook as klasgroepe spesifieke bome bemes en beddings opknap.  Reël ‘n gesinsdag en kry ouers om te help indien die hande tydens skooltyd beperk is.

Wat van ‘n uitstappie na ‘n plaaslike natuurtuin, park of kwekery?  Nooi ‘n boomkundige (dendroloog) om die klas toe te spreek – selfs ‘n knap, plaaslike tuinier.

Hoe dit ook al sy, September is die maand vir groei, vernuwing en laf wees.  Geniet dit as ‘n klas saam.

*Tik ook soekterme soos “boom, lente, boomplantdag” by die bruin soekblokke regs bo-aan dié bladsy in vir ouer idees.

Breuke vir beginners

Lewer kommentaar


Screen Shot 2015-08-21 at 19.07.41

Ons praat van breuke wanneer ons ‘n item of ‘n hoeveelheid in gelyke dele opbreek.  Dink aan ‘n groterige sjokolade (soos ‘n Kit-Kat) wat 4 lang stawe of blokke het.  Die blokke is gelyk of ewe groot.  As ons die sjokolade in 4 dele opbreek, het ons 4 uit 4 stukke.  As jy een stafie geëet het, het jy een uit 4 ewe groot stawe geëet.  As jy 2 stawe geëet het, kan ons sê dat jy die helfte geëet het of 2 uit 4 stukke.

Loer hier, na Breuke en na Spesiale breukname vir werksvelle en idees.

Screen Shot 2016-02-18 at 15.36.19

[Engels]

Vrouedag, 9 Augustus

1 Kommentaar


Screen Shot 2015-08-06 at 22.09.26

Bye

Lewer kommentaar


Screen Shot 2015-08-06 at 21.46.20

Saterdag, 15 Augustus, is Wêreld Heuningbydag.  Wat kan ons doen as ons “bye” bespreek?

Soek seshoekige vorms om tydens kleiwerk of wiskunde te gebruik.  Die ou vormpasballe, het ‘n stewige blokkie in die stel.  Jy kan koekies uit deeg druk, byekorwe uit geel klei druk of drukwerk met dikkerige verf doen.

Knak leë toiletrolle aan drie kante.  Druk dit plat, vou oop, druk plat, vou oop…totdat jy ‘n seshoekvorm kry.  Sny die rolletjie in die helfte en weer in die helfte – totdat jy die breedte van jou keuse kry.  Verf dit geel en oranje en plak dit met houtlym om ‘n byekorf te maak.

Verf ‘n vel karton of papier met ‘n oranje-geel verf (gooi bietjie rooi by geel).  Giet dan geel (of ligte bruin) verf in ‘n plat skinkbord en druk ‘n groot vel borreltjieplastiek (bubble wrap) daarin en druk dit op die oranje-geel vel.  Siedaar!  ‘n Byekorf.  Jy kan ook die verf op die plastiek verf of smeer.  Gebruik die velle as ‘n agtergrond of druk by- en opskrifte op A4-velle voordat jy die bladsy met verdunde (water-) verf bedruk.  Knip die vet woorde uit en daar het jy ‘n unieke opskrif.

Bye vingerdrukwerk.  Doop duime in dikkerige geel verf en druk dit op ‘n blommetjie of korf agtergrond.  Sodra dit droog is, kan julle swart lyne oor die lyfies trek (veselpen) en vlerke in teken.

Maak ‘n 3D-byekorf deur ‘n opvoubare papierlantern te spuitverf of met geel snesiepapier te bedek (gebruik pastadikte muurpapiergom).  Maak bye van pom-poms (fluff balls) en hang of plak dit op/aan die korf.

Smeer houtlym aan ‘n akker, wasgoedpennetjie of ‘n klein klippe.  Buig en wen ‘n geel pypskoonmaker om en om die kern.  Wen dan ‘n bruin of swart pypskoonmaker in breë ringe om die gele.  Knip ‘n swart of bruin pypskoonmaker in twee gelyke dele en knoop in ‘n druppelvorm.  Laasgenoemde vorm die vlerke.  Druk die ekstra draadpunte by die lyfie in en voeg gom as versterking in.  Plak twee wikkelogies bymekaar.  Plak die sye of pensies op die korwe of agtergronde.  As jy verkies om die bye te laat hang, knoop ‘n vislyntjie of gare aan ‘n vlerk.

Gee ‘n ovaalvormige deksel (of knip een uit ‘n ou x-straalplaat).  Plak met wondergom op papier, trek af en knip uit.  Skeur en plak verskillende stukkies geel papier op die ovaal.  Indien julle snesiepapier gebruik, kan ‘n mens ‘n lagie kookolie oor verf om dit ‘n glans te gee.  Plak ligte bloue op die vlerk en druk ‘n swart vel deur ‘n snippermasjien om swart stroke vir die lyfies te kry.  Gebruik dan gelyke stukke donker pypskoonmakers vir die pote en groot wikkelogies vir die oë.  [bytjie]

Ek sal aan nog ‘n paar idees dink.😉

Augustus Huiswerk

9 Kommentaar


Screen Shot 2015-08-19 at 21.12.08

Augustus Huiswerk

Gebruik jou kennis van veelvoude, maaltafels, klanke, vorms, rym, woordsoorte en kleur.

TAAL- én Boekedag, 14 Augustus

6 Kommentaar


Die 14de is Koop-‘n-boek-dag.  Doen asseblief iets om ‘n liefde vir lees en vir tale aan te moedig.

Screen Shot 2015-07-29 at 9.22.35

  • Hou ‘n leesuur.  Laat almal toe om ‘n kussing of kombers te bring en lees die kleingoed se gunstelingboeke voor…of
  • kry iemand uit die gemeenskap om die boeke te lees.
  • Laat die kleingoed kreatiewe stories skryf en bind dit in groot boeke.  Maak ‘n paar afskrifte, versier met kleurvolle kinderkuns en skenk dit aan gemeenskapsentrums (wagkamers, ouetehuise…).  Tydskrifte is mos tog te vervelig!😉
  • Laat die kleingoed ekstra oulike stories skryf, versier die blaaie en plak dit in die gang op sodat ander maats dit in die verbygang kan lees.
  • Vra die opvoeders om stories te skryf en bind dit in ‘n klein boekie (‘n A4-vel voor en agter , wat in ‘n A5-grootte gevou word is voldoende).
  • Vra die Intersen personeel om vir die kleintjies te lees en die Grondslagfasepersoneel om vir die ouer kinders te lees.  Die groottes verlang mos na die juffrouens en die kleintjies sal “groot” en “belangrik” voel as meneer so-en-so vir hulle kom lees.
  • Kies ‘n tema per klas, skryf kreatiewe stories daaroor, versier die klas volgens die tema en trek daarvolgens aan.  Kies een storie per klas om vir die ander klasse voor te lees.  Volg dan die Vrydag, die 13de, ‘n leesprogram waar die klasse vir mekaar lees – binne die graad of fase.  Die “gehoor” luister na ‘n leser terwyl die hele klasse op die verhoog is vir ondersteuning.
  • Hou ‘n muntlegging vir nuwe biblioteekboeke…of
  • verkoop Milo by die leesuur.
  • Besoek ‘n literêre instelling soos die Taalmuseum.
  • Kry ‘n spreker soos ‘n skrywer van kinderboeke om te gesels oor die lekkerte van lees.

 

skool kruip nader

5 Kommentaar


Die nuwe skooljaar begin binnekort.  Hiermee so ‘n paar inkleurprente en gedagtes vir ouers en die jongspan.

  • Kry vandag nog al die skryfbehoeftes, kosblikitems en die uniform gereed.
  • Onthou dat die aanvangs van die nuwe skooljaar dikwels gepaard gaan met ‘n bekendstellingsproses.  Daar sal moontlik van julle verwag word om foto’s van die gesin of familie skool toe te stuur.  Loer solank vir gepaste foto’s…
  • Verseker dat jou kleinding julle telefoonnommers en adres ken (agtergrondbladsy vir ‘n klaswerk- of huiswerkboek).
  • Indien die skool nie skryfbehoeftes (boeke, oortrekpapier en plastiek) verskaf nie, kan jy solank seker maak dat die benodigdhede gereed lê vir die eerste skoolnaweek (alias “oortrek naweek“).  Ek het ‘n paar voorbeelde van basiese voorblaaie onder “drukbares” gestoor.  Gebruik dit gerus indien die skool nie voorblaaie verskaf nie.
  • Merk vandag nog ALLE skryfbehoeftes en kry die skooltas gereed.  Dit is altyd beter om die roetine so ‘n paar dae voor die tyd te begin as om dit op nommer 99 te probeer toepas (persoonlike ervaring het my geleer😉 )…

Begin solank met die opgewondenheid…

Elizabeth Dulemba het ‘n hele paar oulike inkleurprente wat sy gratis aan die publiek bekend stel en Friends Accross America s’n is net so kreatief. Kaboose se prente het oulike lyne en hier kan jy leer hoe om die letters van die alfabet met jou lyf te vorm (Graad 2 en ouer). Dan is daar ook verskeie skoolgaande diere kinders!

Older Entries

Follow

Get every new post delivered to your Inbox.

Join 3 278 other followers

%d bloggers like this: