Spikkeldag

1 Kommentaar


spikkeldag

Elders in die wêreld vier skole Dot Day op die 15de September na aanleiding van Peter H. Reynold se boek – The Dot.  Die gedagte is om jou merk te maak.  Hoe kan ons diė gedagte op ‘n prettige manier vier?

  • Loer in al die aktiwiteitsboeke vir “dot-to-dot” aktiwiteite en stel ‘n verskeidenheid beskikbaar.
  • Ondersoek die Pointilisme kunsbeweging en skep julle eie kolletjies- of spikkelkuns.  Gebruik pastadikte verf en kies ‘n verskeidenheid drukkertjies, oorstokkies en sponsies wat kolle en spikkels sal druk.  Druk letters, bo-op letters (sommer op die robotkaarte), syfers, patrone en selfs woorde.  ‘n Mens kan dit ook met ink op ‘n inkkussing doen.
  • Gebruik die bogenoemde verfdruktegniek of plak ronde plakkertjies (van verskillende groottes) bo-op ‘n lang patroon om later om die deurraam, kroon- of vloerlysie te plak.
  • Doen skrif oefeninge deur spikkelwoorde en skrif na te trek.  [skrif oefeninge – drukskrif]
  • Hoeveel sinne kan julle met spikkelwoorde (sinonieme) maak?  Wie kan ‘n rympie, ‘n storie of ‘n liedjie skryf?
  • Verdeel die spelwoorde (of spikkel- en kolletjie woorde) tussen ouer kinders, deur verskillende woorde in ‘n groot lettertipe te druk en vir elkeen ‘n speld te gee.  Pons dan spikkels al op die woorde langs en plak dit teen ‘n ruit sodat die sonlig kan deur skyn.  Dit sal groot konsentrasie verg.
  • Plaas verskillende kleure papier, bakkies wat gemerk is met kleure se name en ‘n papierpons op ‘n tafel.  Wanneer die outjies ‘n kans kry, kan hulle een kleur op ‘n slag pons en die confetti in ‘n gemerkte bakkie uitskud.
  • Gebruik die confetti later in die week in strooiwerk.  Teken groot vorms, vet letters of syfers en smeer gom oral op die agtergrond.  Strooi die confetti van jou keuse.  Wanneer die agtergrond droog is, kan jy die letter met ander kleure vul.  Kies byvoorbeeld primêre of sekondêre kleure en selfs skakerings van ‘n spesifieke kleur soos rooi.
  • Doen tekstuurwerk met borreltjieplastiek of Lego deur dit te verf en bo-op velle papier te druk.  Gebruik die papier om prentjies uit te knip of as die agtergrond vir ‘n collage.
  • ‘n Tydjie gelede, het ek ‘n foto elders gesien waar iemand die borreltjieplastiek teen ‘n muur opplak en dan sorgvuldig die onderskeie blasies met kleursel in spuit om ‘n syfer of ‘n woord te vorm.  Dit kan ‘n oulike idee vir ‘n opskrif in die klas wees.
  • Onder toesig, kan ‘n mens ou vetkryte bo ‘n kersvlam verhit en op papier druk of drup.  Gebruik dit as ‘n agtergrond.  ‘n Mens kan kan ook plastiek stensils bo-op die papier laat rus terwyl die waskryte binne-in gedrup word.  Sodra die was droog is, kan ‘n mens die stensil lig en skoon maak.

spikkeldag agtergrond

spikkelwoorde

Loer gerus na Dot Day se webwerf vir meer idees.

September Huiswerk

2 Kommentaar


Screen Shot 2015-09-01 at 14.31.26

September Huiswerk (Drukbaar)

Gebruik die volgende inligting tesame met die kalender:

Internasionale Geletterdheidsdag en SA Boekweek

Lewer kommentaar


Screen Shot 2015-08-30 at 13.30.46Op 8 September vier ons Internasionale Geletterdheidsdag en van 7 – 13 September is dit Nasionale Boekweek in Suid-Afrika.

  1. Stel hope ou tydskrifte en koerante beskikbaar sodat die outjies die opskrifletters in nuwe woorde en sinne kan gebruik.  Bou slagspreuke of idiome en laat die outjies hul eie prente daaroor teken.  Plak dit in die gange op, sodat ander ook kan leer.
  2. Maak soutklei of speelklei.  Gebruik ‘n verskeidenheid letterkoekiedrukkers om letters uit te druk en bou woorde daarmee.  Andersins kan ‘n mens die deeg uitrol en met gewone stempels woorde uitdruk.  As julle soutklei gebruik, kan ‘n mens die stempel eers op die inkkussing druk.  Sodra die deeg droog is, glasuur dit met deursigtige vernis of spuitverf dit.
  3. Gebruik koekiedeeg om woorde of letters soos bo te pons/druk en bak dit vir ‘n pouse happie.
  4. Neem die onderskeie leesgroepe (groeplees) op en speel die opnames later terug as daar ‘n ruskans is.
  5. Speel stories op die rekenaar – waar die outjies kan saam lees.
  6. Indien jou skool die gratis Kindle toep gebruik om stories op die rekenaar of ander toestelle te lees, stel dit beskikbaar.
  7. ‘n Mens kry gratis storie toeps om op Android en op Apple toestelle (fone, tablette, ens.) te laai.
  8. Indien jou skool nie allerhande duur toerusting het nie, kan ‘n mens stories op jou selfoon of ‘n ou bandopnemer opneem.  Die kinders kan dan na stories luister.  As die klank te sag is, kan hulle in klein groepies kom luister.
  9. Skryf gesamentlik ‘n klas storie en maak aantekeninge of sketse op die bord om later oor te tik.  Tik byvoorbeeld een sin per A4-bladsy (bo-aan) en laat ruimte vir illustrasies.  Herinner die outjies om hul name op die voorblad te plaas (langs “illustreerder”) en stal die boekies uit.  Hierdie aktiwiteit sal oulik by boekopvoeding en biblioteekkennis in pas.  Deel die boekies met ‘n ander skool of instansie.
Tik gerus soekterme soos “lees, leeslys, e-boek, biblioteek, boek” by die bruin soekblokkie aan die regterkant in vir nog idees.

Lente en Boomplantweek

1 Kommentaar


Screen Shot 2015-08-23 at 17.43.43

Lentedag word tradisioneel op die 1ste September gevier – al skyn die sonnetjie nog nie heeltemal so skerp nie.  Om voorbrand vir die nuwe seisoen te maak, kan ‘n mens die volgende idees in die klas probeer…

 1.  Indien jy ‘n rol rekenaar- of ongedrukte koerantpapier het, kan jy lengtes vir jou kennisgewingsborde of ‘n ruit afmeet.  Trek ‘n golwende kurwe lengte-gewys deur die middel of in die onderste derde van die papier, sodat die kurwe soos ‘n heuwellandskap lyk.  Ouer kinders kan die boonste helfte blou (waterverf of verdunde voedselkleursel) en die onderste helfte groen verf.

As jy met die kleintjies werk, kan jy die bladsy op die golwende lyn deursny en apart laat spuitverf.  Gee vir hulle verskillende soorte spuitbottels met verdunde voedselkleursel (verskillende skakerings van blou of groen) om die fynspiertjies te ontwikkel.  Die maklikste sal wees om die papier bo-op plastiek te plaas en om dan vir elkeen ‘n sekere aantal spuite toe te staan.  Hou ‘n ogie sodat die papier nie te nat word nie.

‘n Mens kan ook verskillende vlak bakkies (met skakerings van pastadikte wit en blou of geel en groen verf) en sponsies (bv. dié wat jy in pille botteltjie kry) verskaf, sodat die outjies die velle kan bedruk.  Herinner hulle daaraan dat ‘n mens die spons afvee of uitdruk voordat jy die sponsie op die papier kan druk.

2.  Gebruik ‘n basiese blom ontwerp of blomblare.   Trek ‘n templaat of patroon op ‘n ou x-straalplaat (of dik karton) af en sny uit.  Só kan jy meer as een patroon hê en versprei.  Gebruik ou papier of sny ‘n paar lae snesiepapier van ‘n eenderse kleur (soos dié wat ‘n mens in geskenksakkies sien) per blom.  Die idee is om die blare met muurpapiergom (‘n klein koevertjie strek ver) te smeer en lagie-vir-lagie te verdik of te versterk.  Laat die blare op ‘n rakkie droog word.

Trek ‘n sirkelvorm af en doen dieselfde smeer- en plakwerk vir die binnekant van die blom.  Sodra die dele droog is, kan ‘n mens die blomblare met houtlym aan die -kelk vasplak.  ‘n Mens kan ook die nat of klam dele met behulp van ekstra kolletjies muurpapiergom heg.

Verf die blomme met helder kleure en plak dit teen jou geverfde agtergrond.

3.  As julle nie so baie tyd het om aan die gomblomme te spandeer nie, kan ‘n mens steeds blomme aftrek op karton en dan met pastelle of verf versier.  Los dit net so of heg ‘n klein plastieksakkie (selfs ‘n ballon) met blomsade daarin aan.  As julle die blomme klaar uitgestal het, kan die outjies die sade huistoe neem of in ‘n spesiale bak/bedding by die skool saai.

4.  Versier die vensterbanke of ingang:  Gebruik ou speelgoed (emmertjies, ens.) of buitespeltoerusting vir julle eie herwinbare blombakke.  Samel herwinbare plastiekbakke in (verkieslik groot), kap dreineringsgate daarin en vul met blompotgrond.  Plant blomplantjies, saai sade of plant julle papierblomme (op stokkies geplant) daarin.  Die natleiwerk kan ‘n ekstra werkie word (verskaf dalk eerder net spuitbotteltjies met fyn gate eerder as ‘n gieter).

5.  Berei ou koeldrankdoppies voor deur dit te spuitverf (bv. wit).  Gee dan ‘n verskeidenheid permanente veselpenne (koki’s), sodat die outjies sonneblomme, tulpe, madeliefies, ens. binne-in die doppies kan teken.  Plak dan ‘n borsspeldjie agterop en dra die lapelblommetjies op Lentedag.

6.  Knip eenvoudige blomme uit viltlap en plak dit op die borsspeldjie vas.  Heelwat borsspeldjies het gate sodat ‘n mens dit aan die lap kan vas werk (ouer kinders).

Screen Shot 2015-08-23 at 21.04.09

Aangesien Lentedag en die begin van Boomplantweek/-maand (1 – 7 September) saam val, kan ‘n mens die twee in dieselfde week vier.  Vanjaar se boomsoort is die Bosvaderlandswilg en die skaars soort is die Wildepieterseliebos.  Indien julle kan, soek jong boompies om op die skoolgrond te plant en maak beurte (leiertjies, klasse, grade, ens.) om die bome nat te lei.

Indien die skool genoeg skadubome het, kan ‘n mens skenkings aan organisasies of tehuise maak om bome elders te plant.  ‘n Mens kan ook as klasgroepe spesifieke bome bemes en beddings opknap.  Reël ‘n gesinsdag en kry ouers om te help indien die hande tydens skooltyd beperk is.

Wat van ‘n uitstappie na ‘n plaaslike natuurtuin, park of kwekery?  Nooi ‘n boomkundige (dendroloog) om die klas toe te spreek – selfs ‘n knap, plaaslike tuinier.

Hoe dit ook al sy, September is die maand vir groei, vernuwing en laf wees.  Geniet dit as ‘n klas saam.

*Tik ook soekterme soos “boom, lente, boomplantdag” by die bruin soekblokke regs bo-aan dié bladsy in vir ouer idees.

Breuke vir beginners

Lewer kommentaar


Screen Shot 2015-08-21 at 19.07.41

Ons praat van breuke wanneer ons ‘n item of ‘n hoeveelheid in gelyke dele opbreek.  Dink aan ‘n groterige sjokolade (soos ‘n Kit-Kat) wat 4 lang stawe of blokke het.  Die blokke is gelyk of ewe groot.  As ons die sjokolade in 4 dele opbreek, het ons 4 uit 4 stukke.  As jy een stafie geëet het, het jy een uit 4 ewe groot stawe geëet.  As jy 2 stawe geëet het, kan ons sê dat jy die helfte geëet het of 2 uit 4 stukke.

Loer hier, na Breuke en na Spesiale breukname vir werksvelle en idees.

[Engels]

Depicta Hulpmiddels

Lewer kommentaar


AD FOR AFFILIATES

Loer gerus na Depicta se hulpbronne en hulpmiddels (bv. flitskaarte, weerkaarte, boeke, plakkers).   Bekostigbaar en kindervriendelik.  Die geskenkbewyse is ‘n oulike geskenk vir ‘n onderwyser of onderwysstudent.  Van die muurprente is tans teen R13 – R25 elk beskikbaar en jy kry afslag (R50 + beloningspunte) as jy aansluit.

Screen Shot 2015-02-07 at 8.56.26Screen Shot 2015-08-09 at 23.10.00Screen Shot 2015-04-20 at 6.12.06Screen Shot 2015-04-29 at 19.26.55Screen Shot 2015-04-20 at 6.11.46 maal hoek A-OPP3_medium SA34_medium gril diere groet leesteken skrif woordsoort kombinasies wetenskap musiek antoniem zuluST-WA-A_Wiele_en_asse_medium WEL8-A_medium DIS-CP-A_Waterpokkies_medium

Vrouedag, 9 Augustus

1 Kommentaar


Screen Shot 2015-08-06 at 22.09.26

Bye

Lewer kommentaar


Screen Shot 2015-08-06 at 21.46.20

Saterdag, 15 Augustus, is Wêreld Heuningbydag.  Wat kan ons doen as ons “bye” bespreek?

Soek seshoekige vorms om tydens kleiwerk of wiskunde te gebruik.  Die ou vormpasballe, het ‘n stewige blokkie in die stel.  Jy kan koekies uit deeg druk, byekorwe uit geel klei druk of drukwerk met dikkerige verf doen.

Knak leë toiletrolle aan drie kante.  Druk dit plat, vou oop, druk plat, vou oop…totdat jy ‘n seshoekvorm kry.  Sny die rolletjie in die helfte en weer in die helfte – totdat jy die breedte van jou keuse kry.  Verf dit geel en oranje en plak dit met houtlym om ‘n byekorf te maak.

Verf ‘n vel karton of papier met ‘n oranje-geel verf (gooi bietjie rooi by geel).  Giet dan geel (of ligte bruin) verf in ‘n plat skinkbord en druk ‘n groot vel borreltjieplastiek (bubble wrap) daarin en druk dit op die oranje-geel vel.  Siedaar!  ‘n Byekorf.  Jy kan ook die verf op die plastiek verf of smeer.  Gebruik die velle as ‘n agtergrond of druk by- en opskrifte op A4-velle voordat jy die bladsy met verdunde (water-) verf bedruk.  Knip die vet woorde uit en daar het jy ‘n unieke opskrif.

Bye vingerdrukwerk.  Doop duime in dikkerige geel verf en druk dit op ‘n blommetjie of korf agtergrond.  Sodra dit droog is, kan julle swart lyne oor die lyfies trek (veselpen) en vlerke in teken.

Maak ‘n 3D-byekorf deur ‘n opvoubare papierlantern te spuitverf of met geel snesiepapier te bedek (gebruik pastadikte muurpapiergom).  Maak bye van pom-poms (fluff balls) en hang of plak dit op/aan die korf.

Smeer houtlym aan ‘n akker, wasgoedpennetjie of ‘n klein klippe.  Buig en wen ‘n geel pypskoonmaker om en om die kern.  Wen dan ‘n bruin of swart pypskoonmaker in breë ringe om die gele.  Knip ‘n swart of bruin pypskoonmaker in twee gelyke dele en knoop in ‘n druppelvorm.  Laasgenoemde vorm die vlerke.  Druk die ekstra draadpunte by die lyfie in en voeg gom as versterking in.  Plak twee wikkelogies bymekaar.  Plak die sye of pensies op die korwe of agtergronde.  As jy verkies om die bye te laat hang, knoop ‘n vislyntjie of gare aan ‘n vlerk.

Gee ‘n ovaalvormige deksel (of knip een uit ‘n ou x-straalplaat).  Plak met wondergom op papier, trek af en knip uit.  Skeur en plak verskillende stukkies geel papier op die ovaal.  Indien julle snesiepapier gebruik, kan ‘n mens ‘n lagie kookolie oor verf om dit ‘n glans te gee.  Plak ligte bloue op die vlerk en druk ‘n swart vel deur ‘n snippermasjien om swart stroke vir die lyfies te kry.  Gebruik dan gelyke stukke donker pypskoonmakers vir die pote en groot wikkelogies vir die oë.  [bytjie]

Ek sal aan nog ‘n paar idees dink. :wink:

Augustus Huiswerk

9 Kommentaar


Screen Shot 2015-08-19 at 21.12.08

Augustus Huiswerk

Gebruik jou kennis van veelvoude, maaltafels, klanke, vorms, rym, woordsoorte en kleur.

Rym

4 Kommentaar


Screen Shot 2015-07-21 at 13.47.15Rym en rymende sinne, is ‘n heerlike manier om ouditiewe vaardighede op te skerp en om taalontwikkeling te doen.  Die kleintjies geniet rympies en kan dikwels onsinrympies spontaan voltooi.  Byvoorbeeld:  Vandag is dit baie koud…Ek dra ‘n serp van …goud.

Soos met die jong huistaalleerders, kan ‘n mens ook rymwoorde gebruik om die taal vir tweede taal leerders interessant te maak.

  • Kies ‘n woord en kyk hoeveel onsin en/of sinvolle rymwoorde julle kan kry.
  • Skryf die woorde neer en sorteer dit in onsin en sinvolle woorde.
  • Maak muurprente of rymwoordlyste per rymgroep – om teen die muur op te plak.  Sodoende, kan ‘n mens vinnig die maats op spoor.
  • Maak sinne met die sinvolle woorde.
  • Weet julle wat die woorde beteken?  Vind gerus uit.
  • Skryf julle eie rympies.  Onthou dat die rymwoorde gewoonlik aan die einde van ‘n versreël staan.
  • Maak ‘n afskrif van die klas se rympies en bind dit in ‘n klasbundel (vir die leeshoekie).

Afhangende van die outjies se vaardigheidsvlakke, kan ‘n mens die rymwoorde tot kort woorde (een lettergreep) – met ‘n klinker, dan dubbelklanke, tweeklanke en drieklanke beperk.  Vir uitdagings, kan ‘n mens dan aan woorde met meer lettergrepe dink.

rymprent

rym pakket

Fondsinsameling

Lewer kommentaar


Screen Shot 2015-07-20 at 22.22.04

Goue oues en ‘n paar nuwes…

  1. Hou ‘n dans:  Verskaf die tafels, stoele en musiek en verkoop die tafels of kry lede van die komitee om gasheer/-vrou per tafel te wees.  Gee pryse vir die kreatiefste tafel, ens.  Verkoop ‘n beperkte verskeidenheid eet- en drinkgoed soos koppies sop, water, koeldrank, skyfies of eenvoudige hamburgers.  Verskaf ys teen donasies.
  2. Hou ‘n pretloop/-draf.
  3. Sekere maatskappye neem hande met skole.
    1. Verkoop speserye.
    2. Verkoop sandale.
    3. Verkoop plante.
    4. Verkoop plakkers.
    5. Verkoop deeg.
    6. Reël ‘n boekverkoping by die skool.
  4. Reël ‘n musikant om by die skool op te tree.
  5. Doen navorsing oor fondsinsamelingsprojekte wat aan herwinning gekoppel is.
  6. Hou ‘n muntlegging en pak embleme en woorde wat aan die doel (bv. sporttoer) of skool gekoppel is.
  7. Sekere eetplekke hou spesiale aande (shadow evenings).  Doen gerus navrae.
  8. Sluit aan by My School.
  9. Doen navorsing oor fondsinsamelingswebwerwe.

Watter idees werk vir julle?

Julie Huiswerk

2 Kommentaar


Screen Shot 2015-07-20 at 9.00.18

Julie Huiswerk

Hierdie maand hersien ons die Engelse sigwoorde en kombinasies.  Gebruik dit vir Graad 2 en 3 (of vir Graad 1 HL).

sight words 2015

Tik soekterme soos “Engels” by die bruin soekblokkie in en loer ook na die Drukbare Bladsye hier bo.

eksperimente

2 Kommentaar


eksperimente

Vulkaan of Bruis-aksie

Benodigdhede:

Wit asyn

Koeksoda

Glas fles (een met ‘n nouer nek of ‘n wyer een – soos ‘n groter Purity bottel)

Kommetjie of ‘n wasbak.

Proses:

  • Kies ‘n dieperige fles en giet sowat ‘n ½ koppie asyn daarin.
  • Skep ‘n eetlepel bakpoeier en voeg dit by die asyn.
  • Plaas die fles in die kommetjie.
  • Staan terug en kyk hoe dit bruis.
  • Vir ‘n beter effek, kan ‘n mens voedselkleursel byvoeg.

 

Lawa: Olie en Water

Benodigdhede:

Kookolie

Water

Bruistablette (bv. Panado – selfs 1 teelepel Eno)

Voedselkleursel

Plastiekbottel of fles

Kommetjie of ‘n wasbak.

Proses:

  • Vul die bottel halfpad met olie en voeg dan water by tot net onder die nek.
  • Drup voedselkleursel by.
  • Plaas die bottel in die kommetjie.
  • Voeg die bruistablet by en kyk hoe die vloeistowwe vloei. Vir veiligheid kan ‘n mens die tablet in kwarte verdeel en stuk-stuk byvoeg.
  • Draai die prop op, skud en kyk hoe lank dit sal neem totdat die vloeistowwe weer skei.
  • ‘n Mens kan nog tablette by voeg.

 

Pofferige VerfDis

Benodigdhede:

Voedselkleursel

1E Bruismeel

1E Sout

Water

Kwas of skoon oorstokkies.

Dikkerige papier of karton.

Proses:

  • Meng die droë bestandele en drup water bietjies-bietjies by. Begin met ¼ t water en wissel af met druppels voedselkleursel. Meng dit totdat dit ‘n pasta vorm.
  • Skryf jou naam en spelwoorde of verf ‘n prentjie.
  • Plaas die kunswerk op ‘n bord in die mikrogolfoond. Verhit vir 30 sekondes en sien hoe die verf rys.
  • Dit behoort dadelik te set. Sodra die papier koel genoeg is, kan ‘n mens die prente en woorde uitknip en op ‘n groter karton plak.

 

Skrikkerige Peper

Benodigdhede:

1 teelepel fyn peper

Piering of bakkie

Water

Skottelgoedwasseep

Proses:

  • Skink genoeg water in die piering om die bodem te bedek.
  • Sprinkel die peper oor die oppervalkte van die water.
  • Doop ‘n vinger in die middel van die piering. Wat gebeur?
  • Smeer nou ‘n bietjie seep een jou vinger en doop dit weer in die water. Wat gebeur?

 

Reën in ‘n fles

Benodigdhede:

Fles

Skeerroom of spuitroom

Water

Blou voedselkleursel

Medisynedruppertjie of ‘n strooitjie

Proses:

  • Spuit die room in ‘n dik laag bo-op ‘n halwe fles water.
  • Suig die voedselkleursel in die druppertjie of strooitjie op en drup bietjies-bietjies deur die room.

 

3de Kwartaal

Lewer kommentaar


Screen Shot 2015-07-19 at 9.11.57 Screen Shot 2015-07-19 at 9.46.22

67 minute

Lewer kommentaar


This slideshow requires JavaScript.

Madibadag het begin met 67 minute gemeenskapsdiens of -hulp op die 18de Julie, maar ‘n mens hoef dit nie tot een dag en ‘n paar minute te beperk nie.

  • Maak “Omgee”-pakkies (saam met jou ouers) op om by tehuise (bv. ouetehuise), gemeenskapsdienswerkers (bv. maatskaplike dienste, brandweer, polisie, verpleegsters, weermag…) uit te deel.  ‘n Motiverende boodskap is dikwels skaars en beteken baie.
  • Help vir Mamma of Pappa by die huis.  Probeer dit meer gereeld.
    • Maak die badkamer of kombuis netjies.
    • Vou die skoon wasgoed op.
    • Dek die tafel en dek dit na ete af.
    • Help hulle om inkopies te doen.
  • Help iemand in jou woonbuurt.
  • Skakel jou Oupa en Ouma of skryf vir hulle ‘n brief.
  • Maak jou kamer aan die kant en versamel ou speelgoed, kryte, inkleurboeke en krale om by ‘n skooltjie, ‘n nasorgsentrum of die kerk af te gee.
  • Lees ‘n boek vir ‘n boetie of sussie.
  • Hou jou ou flitskaarte en skoolwerk om vir ‘n maat, ‘n boetie of sussie te gee.
  • Kuier by bekendes en onbekendes in die hospitaal of ouetehuis.
  • As jy oulike vaardighede het (bv. rekenaarvaardighede, handwerk, kunstig), kan jy dit inspan om iets vir ander te skep of om vir iemand te help.
    • Bied aan om die rekenaaronderwyser te help – al is dit net om die rekenaars af te skakel aan die einde van die skooldag.
    • Brei of hekel lappies om ‘n wêreldkombers te skep.
    • Brei komberse in samewerking met jou klas of familie.
    • Ontwerp en stuur serpe vir Story Scarves.

Onthou dat jy nie noodwendig geld hoef te spandeer nie.  Hulpvaardigheid en ‘n glimlag is gratis.

madiba

Die getal: 67

Engels: Aanleer en Vaslegging

2 Kommentaar


This slideshow requires JavaScript.

Hoe spreek ‘n mens die klanke uit?  Kan die outjie die klanke uitken deur na die woorde te luister?  Kan hy/sy eenvoudige woorde ontsluit en met die meegaande prente verbind?

Hersien die Engelse sigwoorde deur dit te lees en in sinne te gebruik.  Kies ‘n flitskaartgroep en gebruik die woorde saam met die verskillende sigwoorde in beskrywende sinne.  Skryf sinne met die kleurwoorde (of selfs hoeveelhede en dae) in die spesifieke kleure.  Speel “snap” of ‘n geheuespel indien jy twee stelle van die woorde (flitskaarte) gedruk het.  Indien jy die stippelsigwoorde gebruik, kan jy die woorde natrek wat jy reeds gebruik het om sodoende rekord te hou.

Hersien die klinker kombinasies (vowel blends/digraphs) en voltooi sinne met die onderskeie woorde.  Bespreek die moontlike vangplekke.  Kan die outjie ‘n persoonlike inligtingsvorm in Engels voltooi?  Hersien die skrif tesame met Engelse letterrympies.

Loer in die biblioteek na reekse soos Letterland – ‘n goue oue wat stories en liedjies vir elke letter of klank het.  Die storieboeke (ABC, Beyond ABC en Far Beyond ABC) sluit dikwels ‘n liedjie CD in en is ook in skryfbehoefte winkels beskikbaar.  Daar is heelwat gratis toeps (apps) vir selfone en tablette beskikbaar – wat aktiwiteite en luisterstories insluit.  Indien jy hierdie aspekte wil ondersoek, tik gerus soekterme soos iPad, Android, Leesreeks, e-boek, Engels…by die bruin soekblokkie regs bo-aan dié blad in of loer na die lysie skakels onder die “Geletterdheid”-hofie aan die regterkant.

‘n Vinnige waterspel aktiwiteit

Lewer kommentaar


Screen Shot 2015-04-14 at 18.35.54

“Water babies”, “water beads” of Jelliekrale vir sensoriese/waterspel:

  • Plaas in ‘n (deursigtige) plastiekbak – ‘n groter oppervlakte speel lekkerder – en vul met water. Voeg kort-kort water by totdat die krale lekker vet is.
  • Gebruik ‘n plat bak en vul die bak met opgepofde krale.  Versteek magneetletters en syfers op die bodem en vra dat die outjie sekere letters of syfers soek en uitlig.  Gebruik die tone indien julle lus het.
  • Indien jy bont kleure het, gee ‘n bakkie vir elke kleur en merk die bakkies met daardie kleure (kolle of woorde). Sorteer dan die kleure.
  • Smeer ‘n laag skeerroom op ‘n vlak skinkbord en bou prente, syfers, vorms of klanke in die room.
  • Kyk of die krale kan bons – in ‘n bak of bad.
  • Tap ‘n bietjie water in ‘n bad of klein swembadjie.  Skep die krale met ‘n klein netjie of ‘n lepel uit.
  • Indien julle kleurlose krale het:  Verflou verskillende kleure voedselkleursel (of waterverf) met water – in verskillende bakkies – en kyk hoe dit die krale in die onderskeie bakke verander.
  • Indien die skool ‘n ultravioletlig (black light) het:  Breek highlighters (veral heldergeel verligters) oop en sny die inkveselkussing oop.  Laat dit in ‘n bak dreineer en voeg ‘n paar jelliekrale daarin.  Voeg ‘n bietjie water by, skyn die lig daarop en kyk hoe die krale gloei.  Maak seker dat die verligter veilig is om te gebruik (non toxic).  Hierdie eksperiment kan dalk beter werk as ‘n mens ‘n deursigtige bak bo-op ‘n glas of draad tafel plaas – met die lig onder.
  • Voeg ‘n paar vet krale in ‘n plastiekglasie (of in ysbakkies) en vries.  Voeg die gevriesde blokkies in ‘n waterbak en speel daarmee totdat dit smelt.  Kyk wat sal gebeur as ‘n mens die krale in ballonne laat swel en vries.

Lekker speel!

Vakansie!

5 Kommentaar


Screen Shot 2015-06-25 at 21.03.09

Vadersdag

Lewer kommentaar


DSCN1340

Maak vir Pa drupmatjies met bekende embleme.  ‘n Mens kan sommige embleme op die internet kry (bv. Castrol), maar ‘n mens kan ook advertensies of die ware Jakob gebruik.

  • Haal die etiket liggies van die spesifieke blikkie af of skeur die dosie versigtig oop.  Meet en pas ‘n kurkmatjie op die logo, sodat jy nie te veel sal afsny nie.  Indien dit makliker is om eers ‘n vorm op die logo af te trek, kan julle ‘n voorwerp soos ‘n wye glas of ‘n kosblikkie gebruik.  Trek die ring, knip uit, smeer ‘n dun lagie wit houtlym (of modge podge) agter-op die papier en plak dit in die middel van die kurkmatjie.  Vryf versigtig oor die prent om lugblasies uit te kry en smeer dan ‘n lagie gom (of modge podge) bo-oor.  Herhaal met nog embleme van Pa se gunstelinge.
  • ‘n Mens kan ook foto’s of tekeninge (met veselpenne) probeer.  Maak net eerder ‘n afskrif as om die oorspronklike foto te gebruik.

vadersdag drupmatjies

DSCN1341 DSCN1343

Versier bekers of koppies met warm water en naellak.

  • Koop unieke kleure naellak vir Pa (loer by die goedkoop winkels) en ‘n skoon beker of bakkie (verwyder plakkers).  Tap warm water in ‘n 2l roomysbak en drup die naellak in die middel van die bak.  Die kleure gaan begin vloei of versprei, maar dit gaan die ontwerp beslis interessant maak.  Hoe groter die item, hoe meer naellak sal nodig wees om die oppervlakte van die water te bedek.
  • Doop die bak of beker so diep as moontlik in die bak en lig uit.  Indien julle dit ‘n tweede keer wil doen, moet ‘n mens weer naellak drup.
  • Laat die beker of bak drupdroog en “set” die kleure in die mikrogolfoond (1 – 2 minute) of oond.  Indien naellak binne-in die bak of beker beland het, kan julle dit met naellakverwyderaar uitvee.  Was met die hand.
  • Vul die beker of bakkie met lekkernye en draai toe.

Tik gerus ook “vadersdag” by die bruin soekblokkie aan die regterkant in vir meer idees en vorige skrywes.

eksamentyd

Lewer kommentaar


Dit is sulke tyd.  Gebruik hierdie boodskappies in e-posse, briewe of op die kennisgewingsbord.  Tik ook soekterme soos “vraestel”, “boodskap” of “eksamen” by die bruin soekblokkie aan die regterkant in of loer na die hofies wat met “vraestel”, “wiskunde” en “geletterdheid” gemerk is vir meer idees.

[Klik om te vergroot.]

Eksamengedig

Junie Huiswerk, Vaslegging of Intervensie

2 Kommentaar


Screen Shot 2015-06-01 at 18.55.02

Junie Huiswerk (drukbaar)

Tik “f en v”, “e klink soos i”, “klanksamevloeiing” of “Vadersdag” by die bruin soekblokkie aan die regterkant in, om skrywes te kry wat sommige van hierdie huiswerk aktiwiteite sal ondersteun.  Die huiswerk strek vir die volle maand, maar kan gekombineer word soos verkies.

Kinderbeskermingsweek

2 Kommentaar


This slideshow requires JavaScript.

Om Kinderbeskermingsweek te vier, gaan ons groen linte dra of ‘n groen lint deur ‘n boekmerk knoop.  Herinner die outjies net aan die simboliek of betekenis daarvan.

  • Maak julle eie wasbare, tydelike tatoëermerke.  Tik die boodskap (ouer se kontakbesonderhede) in die spieëlbeeld en druk uit.  As jy op Power Point werk, kan jy die teks tik en “rotate” gebruik om die blokkie te draai.  Seël die boodskap met 2nd Skin, Liquid Bandage of kleurlose naellak.
  • Jy het nie altyd spesiale papier nodig nie, skryf die besonderhede direk op die vel en seël dit soos bo of gebruik kleurlose naellak.
  • Maak ‘n Kinderbeskermingsboekmerk met moontlike noodnommers daarop.  Hou dit in ‘n spesiale boek of maak meer boekmerke om in die skool uit te deel.  Druk die boekmerk op groen karton of lamineer dit indien julle groen papier verkies.  Pons ‘n gat in die middel van die breedte en knoop ‘n groen lint daar deur.
 Sien ook:

moedersdag

2 Kommentaar


This slideshow requires JavaScript.

Ek het voorheen ‘n paar Moedersdag idees geplaas en het nog een of twee om by te voeg:

  • Verklein ‘n Bybelvers op A5-karton (kaartjie formaat) of hou dit op ‘n A4-grootte.  Laat die kinders die woorde natrek en versier.  (knap vrouens – veelvuldige opsies)
  • Plekmatjies:  Druk glasmatjies of bordmatjies uit om in te kleur en te versier.  Kleur dit in met uitdraaikryte (druk hard) en verf met ‘n lagie effens verdunde voedselkleursel.  Lamineer die matjies apart en bind ‘n lintjie daarom.
  • Die plekmatjie en versies kan ook tot magneetgrootte verklein word.  Plak ‘n dun yskasmagneet agterop en siedaar.  [MoedersdagkleurvolMother’s Day]
  • ‘n Ander idee vir ‘n magneet is om ‘n kleurfoto van elke outjie te neem en dan op ‘n magneet te plak.  ‘n Mens kan die foto’s ook in klein sleutelhouers skuif, maar moet dan verseker dat dit perfek sal pas.
  • Versier teeligkersies met ‘n smal strokie washi tape.  Sny ‘n vierkantige strokie deursigtige (of gewone) materiaal en bind die kers daarin toe.  Die maklikste sou wees om vir elkeen ‘n “loom”-rekkie te gee om die lap se punte bymekaar te bind.  Daarna kan ‘n mens ‘n bypassende lintjie om die rekkie bind.  Voeg ‘n lekkertjie of twee as ‘n verrassing by.
  • Indien die kinders hul eie epos adresse by die skool het, kan julle die kleurvolle Moedersdagboodskappe as ‘n dokument aan elke mamma stuur.

Watter oulike idees het julle al gebruik?

Vir nog idees en drukbare hulpmiddels, tik die soekterme “moeder” of “moedersdag” by die bruin soekblokkie aan die regterkant in.

Hoezit se kaartjies.

Mei Huiswerk

Lewer kommentaar


MeiMei Huiswerk

Verskeie rympies om tydens dié maand se huiswerk te gebruik.

Pikkewyn

1 Kommentaar


scientificillustration2 humboldtmagellan scientificillustration

Vandag is Pikkewyndag.  Die Bril- of Afrika-pikkewyn kom aan die Suid-Westelike kus van Afrika voor en lewe ongeveer 10 – 15 jaar.  Daar is egter ook baie ander soorte pikkewyne.  Ken jy die spesies?  Kan jy soos ‘n pikkewyn waggel (of swem)?

Wêreld Boeke nag

Lewer kommentaar


  • Pak vanaand die boekrak reg,
  • rangskik dit op ‘n interessante manier (bv. volgens kleur),
  • maak boekmerkies vir elke gesinslid,
  • begin ‘n boeke spaarblikkie,
  • besoek die biblioteek,
  • raam oulike leesprente of aanhalings vir die leeshoekie,
  • lees vir mekaar,
  • maak opnames van voorlesings en luister daarna wanneer julle ‘n aftydjie het en
  • neem ‘n “selfie” met jou gunstelingboek.  Druk die foto’s uit maak ‘n muurcollage.  Indien jy dit in jou klas se leeshoekie wil begin, neem maandeliks foto’s en inspireer mekaar.
  • Indien julle boeke het om te skenk, plaas ‘n boodskappie voor-in.

Lekker lees!

Tik ook soekterme soos “boek, biblioteek, taaldag, lees, eboek, leeslys, leesreeks” by die bruin soekblokkie aan die regterkant in vir nog idees.

robotkaarte

Lewer kommentaar


robot

Robotkaarte werk soos ‘n verkeerslig.  Jy kan ‘n groen kol by die beginpunt van syfers of letters plaas en ‘n rooi kol by die eindpunt.  Sodoende weet die kleingoed waar om te begin en te eindig.

robotkaarte abc syfers (een simbool per bladsy)

Wat kan jy met hierdie kaarte doen?

  • Gebruik dit as muurkaarte (voorbeelde of herinnering).  Gebruik dit net so of druk op helderkleurige karton.
  • Liaseer dit in lêersakkie.  Skryf daarop met witbord veselpenne.
  • Oefen skrif deur met elke kleur in die krytpakkie daarop te skryf (reënboogskrif).  Verf met effens verdunde voedselkleursel.
  • Skeur en plak fyn stukkies gekleurde papier (bv. uit ‘n tydskrif) daarop.
  • Skryf die letter en oefen die letter op die wit agtergrond.
  • Skryf die syfer en plak soveel soortgelyke prente rondom.  Bv. 6 eiers, 2 skoene.
  • Plak prente wat met die letter begin, op die wit agtergrond.  Versigtig:  Die klinkers moet soos ‘n klinker (a vir appel, e vir emmer, i vir in, o vir op, u in die middel van bus) en nie soos ‘n dubbelklank (aa, ee, oo, uu) klink nie.
  • Hou die kaarte in lêersakkies of lamineer.  Rol klei in lang wurms en vorm die letters of syfers daarmee bo-op die sakkies.
Screen Shot 2015-06-24 at 18.48.29
Vir soortgelyke idees, tik gerus soekterme soos “abc, skrif, skryf, alfabet, syfer, klanke, fynspier, handspier… tuis idees” by die bruin soekblokkie aan die regterkant in en loer na die “Drukbare Bladsye”-hofie.

Paasfees

Lewer kommentaar


This slideshow requires JavaScript.

Hiermee so ‘n paar kunsvlyt idees om as gesin te probeer…

  • ‘n Paas-sonvanger:  ‘n Eenvoudige, maar effektiewe ruit-versiering is om ‘n son uit snesie-papier (tissue paper) te sny.  Plaas ‘n paar lae (oranje en geel) bo-op mekaar en plaas dan ‘n groot sirkelvormige voorwerp bo-op.  ‘n Stukkie van die bak kan oor die rand skuif om die horison te maak.  Trek af en sny uit.  Hou die res van die papier steeds op mekaar en sny die strale uit.  Doop ‘n sponsie of watte in kookolie en smeer dit bo-oor.  Die papier absorbeer die olie en laat die lae aanmekaar kleef.  Dit laat die son ook aan die ruit kleef (lekker morsig, maar mooi).  Jy kan die strale se lae afsonderlik (of in die pakkie) om die son versprei en dan kruise, woorde of selfs ‘n versie om of op die son plak.  ‘n Mens sal net die letters afsonderlik moet uitknip en plak. Die mooiste deel van hierdie versiering is dat hierdie son gloei wanneer die sonstrale daarop val.
  • Kleur eiers met mooi patrone:  Gebruik ‘n stukkie sylap (bv. gesnyde ou serpe of dasse) – groot genoeg om styf om die eier te bind – en ‘n stukkie katoen (bv. gesnyde, ou t-hemp).  Plaas die sylappie bo-op die katoen en die eier bo-op die materiaal.  Vou die lap so glad en styf as moontlik oor die eier en bind die punt met ‘n rekkie vas.  Bedek die eier(s) met water en drie eetlepels asyn.  Kook vir sowat 20 – 30 minute en haal die eiers uit om af te koel.  Die patrone behoort dan netjies agter te bly en die eiers kan as versierings op die tafel dien.
  • ‘n Mens kan ook oulike, wasbare tatoeërmerke koop en op eiers afets.
  • Los ‘n bietjie muurpapiergom (beskikbaar in klein koevertjies) op en verf die eier daarmee (of houtlym).  Rol die eier in blinkertjies om ‘n dik lagie te maak en laat dit op ‘n ou borsel, naelborsel of ‘n speldekussing stelasie* droog word.  (*Steek spelde in rytjies of blokkies op ‘n stuk spons of oase in.)
  • Verf die eiers met swartbordverf en laat op die speldekussing stelasie droog word.  Skryf die gaste se name op elkeen.
  • Prik ‘n eierdop met ‘n speld en hang dit aan ‘n effens oop gebuigde skuifspeld. Gebruik verskeie kleure ou naellak en drup dit bo-op water in ‘n klein weggooibare glasie totdat die hele oppervlakte met naellak bedek is.  Trek ‘n tandestokkie daardeur om patrone te maak en doop die eier daarin.  ‘n Mens sal die eier dalk meer as een keer moet doop en die proses moet herhaal.  Hang die skuifspelde aan die wasgoedlyn op totdat die eier droog is.
Vir nog Paasfees of Bybelles idees, kan julle soekterme soos “Paasfees” en “Sondagskool” by die bruin soekblokkie regs-bo in tik.

Outisme

Lewer kommentaar


Screen Shot 2015-03-30 at 19.27.21

2 April is Outisme Bewustheidsdag.  Die statistieke wissel, maar tans is die skatting dat ongeveer 1 uit 86 kinders deur die Outisme Spektrum geraak word.  Dit kom vier keer meer in seuns as in dogters voor en in ander wêrelddele is dit meer algemeen.  Wat sê die kundiges?

Indien julle blou gloeilampe het, verlig die skool of voorhuis daarmee en om die dag te ondersteun, dra gerus blou.  Kontak ook een van die spesialis skole om meer oor ondersteuningsgeleenthede in jul area te wete te kom.

Vir nog idees, tik gerus “outisme” by die bruin soekblokkie aan die regterkant in of loer na die skakels onder die hofie “Aandagafleibaarheid, Aspergersindroom, Outisme”.

aarde

Lewer kommentaar


Staan op 28 Maart ‘n uur aan Earth Hour (20:30 – 21:30) af.earthhour

Tik ook soekterme soos “aarde”, “grond”, “water” en “herwin” by die bruin soekblokkie aan die regterkant in.  Loer hier na ‘n oulike herwinnings- en gemeenskapsdiens projek.

water

Lewer kommentaar


16 – 22 Maart
Vanjaar is daar sommer ‘n hele paar wêreld en nasionale dae of weke in dieselfde week. Waterweek het amper verby geglip. Dis nooit te laat om met goeie gewoontes te begin nie.

water

Gelukkig

Lewer kommentaar


DagvanGeluk

Vrydag, 20 Maart, is ‘n Internasionale Dag van Geluk.  Hoeveel dinge kan jy lys wat jou gelukkig maak?  Vertel ander daarvan om hulle te inspireer.  Skryf dit op ‘n taai notatjie (post it) of plak boodskappe op die leerders se boeke of tasse.  Elkeen kort ‘n positiewe boodskap so nou en dan.  [gelukkig]

gelukkig

die see

4 Kommentaar


This slideshow requires JavaScript.

Iemand het onlangs gevra wat ‘n mens kan doen met ‘n see-tema.  Laat ek sien…

  • Berei groot velle wit of koerantpapier vir ‘n seetoneel voor.  Indien jy ‘n rol papier het, kan jy die papier sowat ‘n muurlengte lank maak.  Meng muurpapiergom/styselpap met voedselkleursel (‘n emmer met groen, ‘n emmer met blou en dalk ‘n emmer met ‘n geel mengsel) en gee vir die outjies sponse (of gebruik die hande) om die kleure oor die papier heen te versprei.  Begin met die ligste kleur en laat blertse toe.  Ouer kinders kan die papier teen ‘n muur monteer en smeer.  Terwyl die verf nog nat is, kan hulle die branderpatroon dwars oor die papier trek.  Vee net die vingers kort-kort af om die effek beter te maak.  [Dit gaan lekker morsig wees.]
  • ‘n Mens kan ook die groot papier met ‘n olie mengsel voorberei indien jy dit voor vensters wil hang.  Meng verf of voedselkleursel met gewone sonneblom olie om die papier ‘n deursigtigheid te gee.  Die kleur hoef weereens nie egalig te wees nie.  Hierdie metode gaan ‘n sonvanger-effek teweeg bring.
  • Vir die heel kleintjies, kan ‘n mens visprente (op papier of karton – vir versterking) afrol  en gee om in te kleur met vetkryte of uitdraaikryte.  Hoe harder hulle druk, hoe beter.  Knip dan die prente uit en gee effens verdunde voedselkleursel om bo-oor die visse te verf.  Hoe meer kleure daar beskikbaar is, hoe meer kleure sal jy in jou see sien.  Plak nou die visse rond en bont in die see op en gebruik selfs ou groente-bordjies (foamalite) om die visse van die papier af te lig – vir meer dimensie.
  • Indien jy individuele prente wil maak, meng kleursel of verf met ‘n lekker seperige oplossing.  Gooi dit in vlak bakke (bv. 2 liter roomys bakke) of ou yoghurt-houers (500ml) en verskaf strooitjies sodat hulle kan blaas dat die biesies bewe.  As die borrels oor die rand begin klim, druk jy die A3-bladsy daarop.  Herhaal totdat die bladsy vol borrels is en plak visse daarop sodra dit droog is.  ‘n Goedkoop badskuim of skottelgoed wasmiddel behoort goed te werk.
  • Graad R- en 1-kinders kan hul letterformasies oefen deur die groot vel in lyne te vou (dubbeld en dubbeld totdat die lynspasie ‘n wenslike breedte het).  Gebruik dan wit vetkryt om lugborrels te teken.  Dit gaan sommer deel van ‘n skrifles oor o (klank) of 0 (syfer) wees.  Die outjies moet weereens hard druk en net-net aan die lyne raak.  Verf die bladsy met ‘n olie-en-kleursel of water-en-kleursel mengsel.
  • Trek die buitelyn van ‘n vis op harde karton of ou x-straalplate af en knip uit.  Gee dit vir die kinders om twee op ‘n stuk karton of wit papier af te trek (plak vas met maskeerband of wondergom).  Die idee is om een vis te hê wat na regs kyk en ‘n ander een wat na links kyk.  Versier die visse met patroonwerk (druk met pasta-dikte verf en proppies of teken met vetkryt) en kleur die ogies en bekkies in.  Knip uit en verf met ‘n kleurselmengsel – indien julle vetkryt gebruik het.  Kram of plak die twee dele dan rug-teen-rug vas, sodat die gomstreep om die buiterand is en julle die vis met watte of sagte papier kan op stop.  Plak die laaste stukkie toe en hang die vis met vislyn uit die dak of of voor jou see muur.
  • Gebruik ‘n papierbord met ‘n lekker hol binnekant.  ‘n Mens kry dikwels ‘n “foamalite” of plastiek bord wat lekker diep is en effens weg staan.  Sny die middelste deel uit.  Verf, teken en plak nou ‘n gewone seetoneel op ‘n gewone papierbord en dop die gesnyde een bo-oor die versierde een om om ‘n kajuitvenster te skep.  Indien julle lus het, kan ‘n mens die geknipte ring/vensterraam met foelie oor trek, voordat jy dit op die seetoneel plak of kram.
  • Teken visse lekker groot op A3-blaaie, maar los die stertvin uit.  Kleur die vis in of verf die lyf met voedselkleursel.  Gebruik nou medisyne druppers om effens verdunde voedselkleursel op die vis se vinne te drup en blaas dit met strooitjies na buite.  ‘n Mens kan vooraf die hele bladsy met die drup-en-blaas metode kleur en ‘n vis teken sodra die papier droog is.
  • Vir krappe en krewe, kan julle die handpalm of kant van die vuis in oranje en rooi verf doop en dan op ‘n bladsy druk.  Sodra die papier droog is, kan ‘n mens die ogies in teken.  Knip die krappe en krewe uit en voeg dit by jou seetoneel by, versier ‘n venster of ‘n gang.
  • Dop ‘n papierbord om en verf met oranje-rooi verf.  Indien jy wit papier onder die bord gehad het, kan jy sommer die stukke wat uit steek met die verf by kom as die bord klaar is.  Sny dan later die pote uit hierdie stukke en plak dit weerskante van die krap.  Voeg wikkel ogies by en siedaar.
  • Doen dieselfde om ‘n jellievis te maak, maar gebruik dik, gekleurde styselpap (sagte bloue, perse) en langer, dunner tentakels.  ‘n Mens kan ook stroke snesiepapier en linte vir die tentakels inspan.
  • Seekatte:  Verf dikkerige verf op die voetsool en trap op wit papier.  Sodra dit droog is, kan ‘n mens dit uit knip en onderste-bo gebruik.  Die tone vorm die tentakels.
  • Jy kan blasieplastiek (bubble wrap) verf en ‘n bladsy bo-op druk om die suiers te maak.  Knip ag arms uit en plak dit teen jou seekat vas.  Hoe meer gekrul die arms se punte is, hoe meer karakter het die seekat.
  • ‘n Blink idee is om die seekat se suiers met sequence te maak.  Plak die tentakels vol.
  • Papierborde bly ‘n wenner in Graad R.
  • Gebruik twee papierborde om ‘n orca (moordwalvis) te maak.  Verf die een wit en die ander swart.  Trek ‘n kurwe in die vorm van ‘n heuweltjie oor die breedte van die swart bord en sny uit (sowat ongeveer ‘n kwart na ‘n derde kan af gesny word).  Plak die swart deel bo-op die wit bord en plak twee wikkel ogies aan die kante.  Gebruik die stuk wat jy af gesny het om twee vinne weerskante van die lyf die plak en ‘n driehoekige stukkie vir die dorsale vin.
  • As jy die orca groter wil maak, gebruik ‘n hoepel om die vorm af te trek.
  • Maak ‘n drywende walvis uit ‘n plastiek melkbottel (2 liter) deur dit op die sy te draai.  Die opening dien as die stert gedeelte en die handvatsel is die bokant.  Sny ‘n bek in die onderkant van die bottel – ‘n glimlaggende keep.  Verf gaan vinnig afskilfer of af was.  Teken dus die oë aan die kante en hou die doppie toe as julle die walvis bo-op water laat dryf.
  • Indien julle lus het, kan ‘n mens eerder die bek in teken en ‘n gat bo-in die bottel kap vir waterspel.  Plaas ‘n waterpyp in die bottel se opening en maak dit met rekkies of insulasieband vas.  Hou om hierdie hegtingsdeel vas en draai die kraan wyd oop.
  • Trek twee seeperdjies aan weerskante van ‘n papierbord af.  Sny die bord in die helfte en gee vir twee kinders afsonderlik ‘n seeperdjie.  Verf en sny dit uit.  Versier met ‘n dik laag verf en blinkers of “sequence“.
  • Julle kan die seeperdjies op die muurcollage plak…of versier beide kante van die seeperdjie en hang dit voor ‘n venster.

 Ek sal nog ‘n bietjie dink :wink:

Hoezit se feite

Biblioteekweek

Lewer kommentaar


bibweekBiblioteekweek begin Saterdag.  Hoe gaan jy outjies na die biblioteek toe lok?  Loer ‘n bietjie na idees uit die verlede:

Biblioteekweek A, Biblioteekweek B, Biblioteekweek C, Biblioteekweek D

Lees:  Motivering en Aanmoediging

pi dag

Lewer kommentaar


Screen Shot 2015-03-08 at 17.00.27

 

Pi Dag is op 14 Maart weens die syferwaarde 3,14…Dit is ‘n irrasionale getal en kan nie eintlik as ‘n breuk geskryf word nie.  Jy kry π wanneer jy die omtrek van enige sirkel deur sy deursnee deel.

Pi dag

Pi (Prettig)

stamboom

Lewer kommentaar


This slideshow requires JavaScript.

Ek het heelwat navrae oor stambome en families gekry.  ‘n Mens kan natuurlik pragtige, kleurvolle bome verf – met die unieke besonderhede van die familie daarby.  ‘n Ander opsie is om dit op ‘n bladsy te druk met ‘n eenvoudige diagram.  Hiermee dan so ‘n paar riglyne.

Maak ‘n PowerPoint bladsy oop.  Gaan na SmartArt en dan na Hierarchy.  Dit sal vir jou opsies vir die uitleg bied.  Daarvolgens kan jy ekstra takke en persone invoeg.  Indien jy ‘n foto in ‘n sirkel of blokkie wil plaas, gaan jy daarop regs-klik.  Gaan na “Format Shape” en “Fill”.  Kies dan “Picture or Texture” en kies ‘n ID-tipe foto.

Van die simbole wat ‘n mens kan gebruik is:

* (voor die geboortedatum)

~ (voor die doopdatum)

(voor die datum van afsterwe)

x (dui op huwelik/datum van troue)

xx (dui op ‘n tweede huwelik)

÷ (datum van egskeiding)

Die van word in hoofletters getik en ‘n nooiensvan word tussen hakkies getik (neé …).

Indien julle ‘n program aanlyn soek, loer gerus na webtuistes soos MyHeritageGeni en Ancestry.  Daarop kan ‘n mens in diepte gaan.  Probeer ook die Genealogiese Instituut van Suid-AfrikaeGGSA en die argiewe.

Family_Gesin (drukbaar)

Eenvoudig Gesin Family (drukbaar)

Onderwysers

2 Kommentaar


Vir onderwysers…

Luidleesdag

4 Kommentaar


luidleesdag

Ja, daar is werklik ‘n Luidleesdag.  Skep Woensdag die geleentheid vir luidlees deur middel van die volgende moontlikhede:

  • Lees ‘n storie tydens ‘n saalbyeenkoms voor.
  • Lees ‘n storie oor die interkom voor.
  • Deel die klasse in groepe in sodat klasse oor die graadvlakke heen vir mekaar lees (makker lees).
  • Laat die kinders saam lees en maak opnames van die leesgroepe om tydens ‘n leesuur vir mekaar te speel.
  • Doen iets interessants soos om die aanwysings vir ‘n resep te lees (en maak dit dan).
  • Lees die koerant.
  • Lees grappe.
  • Lees rympies.
  • Lees sigwoorde.
  • Lees stories op ‘n elektroniese toestel (iPad/Android).
  • Lees in die leerders se huistaal of in die tweede taal.
  • Lees boeke iewers in die gemeenskap voor (bv. ‘n voorskoolse dagsorgsentrum, ‘n versorgingsoord…)…
  • of gaan sit eenvoudig iewers in ‘n skadukol en lees vir ontspanning.
Tik gerus soekterme soos luidlees, lees of leeslys by die bruin soekblokkie aan die regterkant in vir nog idees.

world read aloud day

e-Boeke en ander

2 Kommentaar


 

Luisterboeke:

Screen Shot 2015-02-25 at 11.50.32 Gidse

Vir nog leesboeke, tik gerus soekterme soos “leeslys, leesreeks, iPad, Android, boeke” by die bruin soekblokkie laer af aan die regterkant in.  Sien ook die skakels onder “Hulpmiddels” en “Geletterdheid/Taal“.

Screen Shot 2015-04-21 at 18.52.11Screen Shot 2015-05-02 at 6.44.29

iPad Apps / Toeps

4 Kommentaar


Die volgende iPad Apps (en meer) is ook aan die regterkant onder “Hulpmiddels” gelys.  Die eerste groep is meestal Afrikaanse Apps (Big Bug Books en Via Afrika Wiskunde is in Engels en Afrikaans beskikbaar) en die tweede groep is Engelse Apps.  Die hele Letterland storiereeks is aan die regterkant gelys – asook Biebie en Kalla se Engelse reeks:  Biff, Chip, Kipper.  Klik op die prentjie om verdere besonderhede te sien.

Verskeie in Afrikaans:

Screen Shot 2015-02-13 at 20.22.22

Xander Apps – vele tale

Stories uit die Bybel

Stories uit die Bybel

Screen Shot 2015-02-08 at 8.00.54

Die Drie Varkies

Screen Shot 2015-02-21 at 16.12.00

Die Drie Varkies

Storierak

Storierak Verskeie

Screen Shot 2015-02-08 at 7.57.46

Waarvoor is seerowers bang?

Screen Shot 2015-02-21 at 7.26.08

Lollos

Screen Shot 2015-02-24 at 19.11.28

Pennetjiebord

Screen Shot 2015-02-08 at 6.55.25

Kleuterpret

Screen Shot 2015-02-21 at 6.54.51

Afrikaanse Flitskaarte

Screen Shot 2015-02-21 at 6.51.58

Verskeie Boekies

Screen Shot 2015-02-08 at 6.49.24

Gratis Wiskunde

Screen Shot 2015-02-08 at 7.10.18

Soogdiere

Screen Shot 2015-03-18 at 15.01.48

TinyTaps: Klanke

Screen Shot 2015-07-09 at 8.40.45

Soogdiere: Afr., Eng.+

Screen Shot 2015-03-26 at 16.13.24

TinyTaps: Verskeie

Screen Shot 2015-04-17 at 6.24.01

TinyTaps: Verskeie (Kies die SA Vlag vir ‘n lysie Afrikaanse Toeps.)

Screen Shot 2015-04-21 at 21.15.27

Wildrit

Screen Shot 2015-04-21 at 21.19.21

Diere & Geluide

Screen Shot 2015-04-21 at 21.22.01

Ollie Onthou

Screen Shot 2015-08-28 at 6.43.28

Kies die SA Vlag vir ‘n lysie Afrikaanse Toeps.

Screen Shot 2015-02-21 at 7.38.05Screen Shot 2015-02-21 at 7.36.23Screen Shot 2015-02-21 at 7.33.45Screen Shot 2015-02-22 at 13.42.56Screen Shot 2015-02-22 at 13.45.20Screen Shot 2015-02-22 at 13.46.30Screen Shot 2015-03-10 at 15.11.40Screen Shot 2015-03-10 at 15.18.17Screen Shot 2015-06-14 at 14.26.01Screen Shot 2015-06-14 at 14.28.55Screen Shot 2015-06-14 at 14.31.23

Young ones (stories and interactive learning):

Screen Shot 2015-02-21 at 16.17.26

Letterland English Phonics

Screen Shot 2015-02-21 at 16.17.40

Letterland Letters/Writing

Screen Shot 2015-02-22 at 13.09.57

Beatrix Potter

Screen Shot 2015-02-22 at 13.11.53

Beatrix Potter

Screen Shot 2015-07-09 at 20.36.01

Three Little Pigs

Screen Shot 2015-02-22 at 13.13.11

Beatrix Potter

Screen Shot 2015-02-22 at 13.14.45

Biff, Kipper…Oxford Stories

Screen Shot 2015-02-22 at 13.16.26

Biff, Kipper…Oxford Stories

Screen Shot 2015-02-22 at 13.30.15

Ladybird Classic

Screen Shot 2015-02-22 at 13.33.46

Graded reading series

Screen Shot 2015-02-22 at 13.31.34

Peppa

Screen Shot 2015-02-22 at 13.35.38

Dr. Seuss Bookshelf

Screen Shot 2015-02-22 at 13.36.40

The Cat in the Hat

In the classroom:

Screen Shot 2015-05-08 at 22.38.05

SeeSaw: ‘n Private Klas “Facebook” – om werk aan slegs die ouers te wys.

Screen Shot 2015-03-10 at 15.29.22

Socrative – Ouer Grade

Screen Shot 2015-03-10 at 15.41.38

Real Animals

Screen Shot 2015-03-10 at 15.48.43

Science Lab

Screen Shot 2015-03-10 at 15.34.20

Tegnologie: Hoe dinge werk

Screen Shot 2015-03-10 at 15.24.25

On the go assessment

Explain Everything

Explain Everything

Screen Shot 2015-03-10 at 15.11.40

Zoeloe

Screen Shot 2015-03-10 at 15.11.40

Xhosa

Screen Shot 2015-03-10 at 15.11.40

Sesotho (Suid)

Screen Shot 2015-03-10 at 15.11.40

Engels

Screen Shot 2015-03-10 at 15.11.40

Tswana

Android Apps / Toeps

2 Kommentaar


Hierdie is enkele Android Apps – wat ook aan die regterkant onder “Hulpmiddels” gelys is.  Die eerste gedeelte se Apps is meestal in Afrikaans en die tweede helfte is Engelse Apps.  Big Bug Books en Via Afrika se Apps is tweetalig.

Screen Shot 2015-02-21 at 16.28.52Screen Shot 2015-02-21 at 7.38.05Screen Shot 2015-02-21 at 7.36.23Screen Shot 2015-02-21 at 7.47.37Screen Shot 2015-02-21 at 7.33.45Screen Shot 2015-02-21 at 15.58.39Screen Shot 2015-02-21 at 15.56.10Screen Shot 2015-02-08 at 7.00.49Screen Shot 2015-02-08 at 7.10.18Screen Shot 2015-07-09 at 8.40.45Screen Shot 2015-02-08 at 6.49.24Screen Shot 2015-02-21 at 6.51.58Screen Shot 2015-02-21 at 6.47.46Screen Shot 2015-03-18 at 15.01.48Screen Shot 2015-03-26 at 16.13.24Screen Shot 2015-04-17 at 6.24.01Screen Shot 2015-06-14 at 14.31.23Screen Shot 2015-06-14 at 14.28.55Screen Shot 2015-06-14 at 14.26.01Screen Shot 2015-02-13 at 20.28.49Screen Shot 2015-02-13 at 20.23.17Screen Shot 2015-02-13 at 20.22.22

Screen Shot 2015-08-28 at 6.43.28

Klik op die SA vlag vir meer Afrikaanse opsies.

Screen Shot 2015-02-21 at 16.17.40Screen Shot 2015-02-21 at 16.17.26Screen Shot 2015-02-22 at 13.16.26Screen Shot 2015-02-22 at 13.14.45Screen Shot 2015-02-22 at 13.33.46Screen Shot 2015-02-22 at 13.36.40Screen Shot 2015-02-22 at 14.04.54Screen Shot 2015-02-22 at 14.06.43

Screen Shot 2015-05-08 at 22.38.05

SeeSaw: ‘n Private Klas “Facebook” – om werk aan slegs die ouers te wys.

Screen Shot 2015-03-10 at 15.29.22

Interaksie met jou klas.

Screen Shot 2015-03-10 at 15.34.20

So werk dit (Tegnologie)

Screen Shot 2015-03-10 at 15.39.59

Gedragmeter

Screen Shot 2015-03-10 at 15.20.56

Explain Everything

Screen Shot 2015-03-10 at 15.18.17

Moedertaal

Lewer kommentaar


This slideshow requires JavaScript.

Op 21 Februarie vier ons Internasionale Moedertaaldag.  Kyk of jy inligting oor die moedertale in jou omgewing kan in win.  [moedertaal opname]  Watter taal word die meeste of die minste in jou woonbuurt gepraat?

regte

5 Kommentaar


This slideshow requires JavaScript.

Ek het verskeie navrae in verband met Menseregtedag gekry.  Vir jong kinders, sou ek dit eenvoudig gehou het.

  • Elke klas kan een van die regte kies om in ‘n muurkaart te gebruik.  Werk as ‘n klas saam aan ‘n versiering van die klasdeur – waarin een van die menseregte verskyn.
  • Maak papierkettings om in reënboogkleure te versier en dan in die gange op te hang.
  • Trek elkeen se voorarm en hand af.  Verf, versier en knip uit.  Skryf dan een van die regte op die hand en plak die hand só dat dit lyk asof hulle hand skud.  Daar sal dus baie linker- en regterhande moet wees.

Regte en Verantwoordelikhede

reg2 reg3 reg4 reg

Krieket

4 Kommentaar


icc2015

Die Krieket Wêreldbeker word vanjaar gesamentlik deur Australië en Nieu-Seeland aangebied.  Weet jy hoe Australië en Nieu-Seeland lyk?  Australië is bekend vir sy koala-beertjies, kangaroes en eendbekdiere.  Nieu-Seeland is baie kleiner as Australië en lê suid-oos van Australië.  Die land is veral bekend vir die kiwi vrug en die kiwi voëltjie.  Loer gerus na ‘n wêreldkaart om te sien waar dié twee lande is en vind ‘n bietjie meer oor hul unieke eienskappe uit.

Suid-Afrika neem aan die Krieket Wêreldbeker deel.  Jy kan die toernooi op jou Android of Apple toestel volg, maar dit bly altyd lekkerder om na die wedstryde te kyk.  Loer gerus na die Afrikaanse terme vir veldplasings en kyk of jy dit tydens gesprekke kan gebruik.

Deelnemende lande:

Groep A:  Engeland, Australië, Bangladesj, Nieu-Seeland, Afganistan, Skotland, Sri Lanka

Groep B:  Indië, Ierland, Pakistan, Suid-Afrika, Wes-Indië, Verenigde Arabiese Emirate, Zimbabwe

KRIEKET 
Nog Krieket les idees.

8 Februarie

Lewer kommentaar


biddag

liedjies

10 Kommentaar


luister Luister na kinderliedjies aanlyn…

Lees die…

Ou televisiestories  en lofsang liedjies is aanlyn beskikbaar.  

TAAL- én Boekedag, 14 Augustus

6 Kommentaar


Die 14de is Koop-‘n-boek-dag.  Doen asseblief iets om ‘n liefde vir lees en vir tale aan te moedig.

Screen Shot 2015-07-29 at 9.22.35

  • Hou ‘n leesuur.  Laat almal toe om ‘n kussing of kombers te bring en lees die kleingoed se gunstelingboeke voor…of
  • kry iemand uit die gemeenskap om die boeke te lees.
  • Laat die kleingoed kreatiewe stories skryf en bind dit in groot boeke.  Maak ‘n paar afskrifte, versier met kleurvolle kinderkuns en skenk dit aan gemeenskapsentrums (wagkamers, ouetehuise…).  Tydskrifte is mos tog te vervelig! :wink:
  • Laat die kleingoed ekstra oulike stories skryf, versier die blaaie en plak dit in die gang op sodat ander maats dit in die verbygang kan lees.
  • Vra die opvoeders om stories te skryf en bind dit in ‘n klein boekie (‘n A4-vel voor en agter , wat in ‘n A5-grootte gevou word is voldoende).
  • Vra die Intersen personeel om vir die kleintjies te lees en die Grondslagfasepersoneel om vir die ouer kinders te lees.  Die groottes verlang mos na die juffrouens en die kleintjies sal “groot” en “belangrik” voel as meneer so-en-so vir hulle kom lees.
  • Kies ‘n tema per klas, skryf kreatiewe stories daaroor, versier die klas volgens die tema en trek daarvolgens aan.  Kies een storie per klas om vir die ander klasse voor te lees.  Volg dan die Vrydag, die 13de, ‘n leesprogram waar die klasse vir mekaar lees – binne die graad of fase.  Die “gehoor” luister na ‘n leser terwyl die hele klasse op die verhoog is vir ondersteuning.
  • Hou ‘n muntlegging vir nuwe biblioteekboeke…of
  • verkoop Milo by die leesuur.
  • Besoek ‘n literêre instelling soos die Taalmuseum.
  • Kry ‘n spreker soos ‘n skrywer van kinderboeke om te gesels oor die lekkerte van lees.

 

Idees vir die “tuis” klaskamer

2 Kommentaar


Runel het vir my foto’s van haar kinders se huiswerkkamer gestuur. Dit is waar hulle elke dag ‘n spesifieke tydjie inruim om aandag aan die dag se huiswerk te skenk en om saam te leer.  Dit is baie belangrik om ‘n spesifieke hoekie in die huis te kry waar kinders hul huiswerk kan doen.  Maak seker dat die tafel genoeg (verkieslik natuurlike) lig kry en dat daar nie steurnisse soos ‘n televisie is nie.  Ek en Runel het so ‘n bietjie gesels oor al die idees wat ‘n mens vir die klaskamer tuis (huiswerk hoekie) kan gebruik.  Die gedagte is om sakpas apparaat te maak wat jou nie bankrot sal maak nie.

Ek het gewonder of Runel nie gaan moeilikheid kry met al die wondergom teen die mure nie.‘n Mens kan ‘n  slootjiekaart probeer.Ons gebruik gewoonlik ‘n een kleurige karton, waarop plastiek gevou word om rakkies / slootjies te maak.Ek rol die hele rolletjie (boek oortrek plastiek) oop en kram die een breedte vas.Dan vou jy ‘n lus en kram dit op die kante vas.Die proses word herhaal totdat die plastiek óf die karton se lengte op is.Jy kan dalk ‘n ou papboks op sy las oopmaak en oopvou hiervoor.Knip net die flappies af.As jy die kaart klaar het, kan jy ‘n ou hanger aan die bopunt vas maak en die hanger aan ‘n hak, vensterknip of agter die deur ophang.Nou kan jy die flitskaarte in die slootjies sit en skoon hou agter die plastiek.Sodra die Graad eentjie begin sinne bou, kan die sinne binne-in die slootjies gebou en uitgestal word. (Dan kan daar later by pappa gespog word.)

‘n Ander “bewaringsgedagte” is om ‘n rol breë, deursigtige kleeflint (amper soos dié waarmee kartondose geseël word) by die supermark te koop (kos so R5 – R8).Nou hoef jy net die regte lengtes te knip om jou flitskaarte oor te trek.Weereens hou die flitskaarte langer en maak dit makliker skoon.

Al die flitskaarte of woorde kan ‘n ‘n lêer of in ou venstertjiekoeverte gestoor word vir jonger boeties en sussies of om later hersien te word.  (Dan kom daar darem iets positiefs uit die orige koeverte!) ‘n Mens kan altyd later terug gaan na die argief vir ‘n lekker vasvra speletjie.

Runel vertel dat hulle klanke op die muur skryf en dan later mag aflek (gekleurde versiersuiker, suiker of sout werk goed). ‘n Groot stuk plastiek teen die muur kan die lekker lek oefeninge minder moeite te maak. ‘n Mens kan die plastiek net skoonvee met ‘n lappie.Gewone oortrekplastiek of ‘n plastiek tafeldoek (die dunnetjies is in verskillende kleure by die piekniek afdeling van supermarkte verkrygbaar) behoort lig genoeg te wees om op te plak.  Die plastiek kan ook as ‘n skryfbord gebruik word as jy met ‘n witbord veselpen daarop skryf. Vee ekstra lekker skoon met ‘n dettollappie.

Saterdag-oggend was daar ‘n insetsel op Nigella se kookprogram oor koekies bak.Dalk kan ‘n mens klanke uit koekiedeeg rol of sny.Die kinders kan dit dan met gekleurde versiersel versier en later eet. Sny byvoorbeeld ‘n “p” en verf dit pienk of pers, ‘n “r” kan rooi geverf word en “g” geel of groen. Hierdie aktiwiteit integreer sommer die proe-, voel- en sien-aspekte! (…en natuurlik die heerlike reuk van vars gebak…)

Stuur asseblief julle idees.  Dis lekker om te sien hoe kreatief ‘n mens kan wees…

Older Entries

Follow

Get every new post delivered to your Inbox.

Join 2 824 other followers

%d bloggers like this: