mondeling

Lewer kommentaar

Lees saam boeke oor die onderwerp en laat die outjie dan ‘n opstel daaroor skryf.  Lees dit saam deur om seker te maak dat dit goeie inligting bied en interessant is.  Die woordeskat moet op die kind se vlak wees en indien ‘n nuwe woord bekend gestel word, kan die outjie dit aan sy maats verduidelik.  ‘n Kwinkslag of twee kan die mondeling interessant hou.

  • Stap vorentoe, kry die bladsye gereed, haal asem, kyk op en glimlag.  Raak kalm.
  • Dink aan ‘n juffrou wat boeke voor lees of iets interessants vertel.  Wissel die stemtoon af en praat harder of sagter om klem op sekere terme of beskrywings te lê.
  • Maak kartonkaarte met kernwoorde,-sinne of -prente daarop.  A5- of A4-grootte behoort goed te werk.  As ‘n mens dit dupliseer in ‘n blaaiboekvorm, kan julle die kaarte met sleutelringetjies bind en blaai tydens die mondeling. Sodoende hang die prent waaroor die outjie praat na die klas se kant om belangstelling te behou en kan hy na sy eie weergawe op die keersy loer as hy verward raak.
  • Indien die onderwyser ‘n groot plakaat wil sien, plak ‘n A2-karton teen die bord en staan langs die prent.  Vir klein lyfies, kan ‘n mens ‘n stok of liniaal gee om na prente of dele van die plakaat te wys.  Maak seker dat die woorde of prente groot genoeg is.
  • Dit is belangrik om die mondeling te ken en op te kyk na die sprekers.  As die outjie benoud is, kan ‘n mens dit aanmoedig dat die outjie bo-oor die koppe kyk.  Oefen dit.
  • Maak seker dat die woorde korrek en duidelik uit gespreek word.
  • Moenie die mondeling aframmel na die einde se kant toe nie.

Indien dit meer soos ‘n redenaarstoespraak is, kan julle hier loer vir idees :wink:

nuwe kwartaal

Lewer kommentaar

This slideshow requires JavaScript.

  • Pak die tas uit, verstel die bande sodat die tas reg op die rug pas en verseker dat die naamkaartjie duidelik sigbaar is.
  • Gaan deur die inhoud van die tas en besluit saam oor die nut of belangrikheid van elk.
  • Gaan saam deur die week se rooster en buite muurse aktiwiteite en stel ‘n roostertjie saam waarvolgens die tas reeds die vorige aand gepak kan word.
  • Hou ‘n boekrak, mandjie of houer gereed om die onbenutte boeke te hou vir die volgende dag.  As die boeke regop kan staan, blaai ‘n mens makliker daar deur.
  • Hou ‘n eenvoudige stelletjie gereed om die skoene blink te poets.
  • Kyk na die pennesakkie.  Verseker dat die potlode skerp en gemerk is.  Ander benodigdhede sou gom, ‘n uitveër, kleurpotlode of uitdraaikryte, ‘n swart veselpen (ronde punt), ‘n skêr, ‘n liniaal en ‘n goeie skerpmaker kon insluit.
  • Vou een of twee plastieksakke op en bêre dit saam met ‘n goedkoop poncho in ‘n seëlbare sakkie vir die reëndae.
  • Kram ‘n geld-/banksakkie agter-in die huiswerkboek vas en bêre ‘n foonkaart daarin vir noodsituasies.  Plak die gesin se kontaknommers onder die sakkie af langsaan vas.  Naamkaartjie
  • As die skool selfone toelaat, laai genoeg geld daarop en merk die omhulsel deeglik.
  • Hou hierdie kwartaal die huiswerkvelle, opdragte, toetse en take dop vir interessante vraagstellings.  Die eksamens lê om die draai en al die vaslegging gaan beslis help.

Voorspoed aan elke ouer, opvoeder en kind :wink:

Paasfees

4 Kommentaar

This slideshow requires JavaScript.

  • Druk ‘n groot ovaal, reghoek of sirkel uit soutklei.  Plaas ‘n kruisvormige koekiedrukker in die middel en “pons” ‘n kruis uit die middel.  Strooi ‘n verskeidenheid deursigtige krale in die middel en bak totdat die krale gesmelt het.  Hierdie sonvanger kan in die venster of aan die Kersboom gehang word.  Indien die outjie vooraf ‘n teksvers in die raam wil skryf (gebruik tandestokkies), kan dit ‘n spesiale boodskap oordra.
  • Maak ‘n sonvanger met roomysstokkies en deursigtige plastiek.
  • Maak ‘n eie soutkleistempel deur ‘n ontwerp met mooi knope en proppies saam te stel.  Laat dit droog word, bak en gebruik.  As ‘n mens ‘n kruis-ontwerp gebruik, kan jy die stempel gebruik om inkkruise op soutklei te druk.  Druk die kruis met ‘n koekiedrukker uit en sodra dit droog is, kan ‘n mens ‘n borsspeld agterop plak.
  • Rol soutklei uit, plaas ‘n growwe doilie of lap bo-op en druk die motief in die klei in.  Druk daarna kruise, ovale of sterre met koekiedrukkers uit.  Onthou om ‘n gat in die hoek of kant te pons indien jy die ornament iewers wil hang of as ‘n hangertjie wil gebruik.
  • Hemelvaart:  Verf ‘n papierglasie blou en voeg wil wolkies by.  Pons ‘n gat in die boom en ryg ‘n veter of lint deur.  Plak ‘n teksvers aan die onderpunt van die lint.  Trek die boodskap op na die koppie.
  • Maak ‘n graf- met ‘n groot rots wat die opening oop en toe kan rol.
  • Ryg ‘n boekmerkkruis.
  • Drukbare Paastyd prente
  • Paastyd hersiening
  • Druk Paasfeeswoorde om op die rand van die kennisgewingbord te plak of gebruik dit as boekmerkies.  [Paasfees drukbaar]
  • Vissers van mense:

Inkleurprent, inkleurprent, inkleurprentkruis, Paasfeestake

 

bewus

Lewer kommentaar

This slideshow requires JavaScript.

April is Outisme Spektrum Bewustheidsmaand en die 2de is ‘n spesiale bewustheidsdag.

Loer na die skakels vir Aspergersindroom of Outisme aan die regterkant, asook na die skole op die Verwysingsblad.

Koeverte

Lewer kommentaar

This slideshow requires JavaScript.

Hiermee verskillende koeverte vir boodskappe of rapporte.  Druk dit op koeverte, wit papier of kardoes sakkies van die toepaslike grootte.  Toets eers voordat jy dit in groot maat druk.

  • Druk die kind se naam met Graad 1-skrif op ‘n strook papier en skuif dit binne-in die koevert.  Laat die kind die deurslag met ‘n dik veselpen natrek.
  • Druk die kinders se name groot op die koevert en laat hulle dit met fyn skeur- en plak-werk vul.
  • Teken gesinsprente of ‘n tema van die kwartaal met ‘n veselpen en kleur met uitdraaikryte in.  Los dit so of verf met ‘n effense verdunde voedselkleursellagie.
  • Soek en knip die letters in die naam uit tydskrifopskrifte en plak dit voor op die koevert.
  • Druk ‘n foto van die kind op die koevert.
  • Knip vorms uit verskillende kleure en bou ‘n prent (soos Brainy Blocks se idees).
  • Lamineer die koevert op die rand van die plastiekvel as jy dit vir die hele jaar wil beskerm of gebruik kleefbare plastiek.
  1. Raam DL Koevert
  2. Graad R A4 Koevert 
  3. A4 Graad R
  4. Graad 1 DL Koevert
  5. Graad 1 A4 Koevert
  6. Graad 1 Koevert
  7. Graad 2 DL Koevert
  8. Graad 2 A4 Koevert
  9. Graad 2 Koevert 
  10. Graad 3 A4 Koevert
  11.  2014 A4 Koevert Hart
  12. 2014 Koevert A4 
  13. A4 Koevert 2014
  14. A4 Koevert FDL
  15. A4 Koevert Yum
  16. A4 Koevert
  17. koevertraam
  18. abc 123 A4 Koevert
  19. Minion
  20. Vertroulik DL Koevert
  21. Vertroulik 2 DL Koevert

Boeke Nag

Lewer kommentaar

This slideshow requires JavaScript.

23 April is Wêreld Boeke Nag.

  • Hou ‘n Gesinsaand.  Nooi gesinne na die biblioteek met die belofte van sagte kussings, koffie, warm sjokolade en malvalekkers.  Hou uitstallings van die skool se nuutste biblioteekboeke en lees vir mekaar.
  • Nooi die ouers om saam na nuwe moontlikhede te kyk en om saam om oulike boeke vir die klas of biblioteek te besluit.  Los kleingeld kan dan aangewend word om boeke names die klas aan te skaf en aan die biblioteek te skenk.  
  • Skryf ‘n klasboek met behulp van die kinders en ouers.  Neem foto’s ter illustrasie en bind die boek.
  • Verf,  versier en organiseer die boekrakke.
Moontlike…

boeknagborg2boeknagborg

boeknagborg3

boeknag

geluk

Lewer kommentaar

DagvanGeluk

 

Doen vandag wat jou gelukkig maak!

ligte uit

Lewer kommentaar

earth hour

 

Dit is amper skoolvakansie en EARTH HOUR val op die 29ste Maart.  Skakel die krag vir ‘n uur af, steek die kerse aan en ontspan saam as gesin.  Maak solank ‘n oorlewingshouer gereed en vul dit met bordspeletjies (slangetjies en leertjies, Scrabble, kaarte, ens.), storieboeke, stories of liedjies op die iPod en die kwartaal se flitskaarte.  Dink aan herwinningsprojekte om te probeer en probeer een of twee in dié uur.  Voeg items soos ‘n groot kombers, eetgoed en ‘n flitslig by om die oorlewingsproses lekkerder te maak, MAAR hou die houer toe om eers Saterdag om 20:30 oop te maak.  Hoe lank duur ‘n uur?  Stel die aftel wekker.  Geniet die aandjie saam!

earth hour

verjaarsdag

Lewer kommentaar

Hoe vier julle verjaarsdae in die klas?  Dit gaan dikwels met ‘n kroon gepaard.  Gebruik viltlap indien jy die kroon weer gaan gebruik of dikkerige karton.  As jy nie die kroon lank genoeg kan maak om rondom die kop te pas nie, gebruik ‘n rekkie met klitsgras (velcro) of draai ‘n “alice band” dwars voor die voorkop.  Versier die krone met groot, glinsterende stene (verkrygbaar by kunsvlyt- of materiaalwinkels) of teken met vloeibare gom en besprinkel dit met blinkertjies.  Vir ‘n ietsie ekstra, kan jy die ouderdom voorop die kroon aanbring.  Maak ‘n getal of twee en heg dit met klitsgras indien julle die kroon weer wou gebruik.   Neem ‘n foto van die kroondraer voor die datumbord en siedaar!

 Hiermee dan so ‘n paar kroonpatrone:

Ouderdomme vir die krone:

Gebruik op kroon, as ‘n medalje om die nek of steek dit op die klere vas.

Verjaarsdaglyste vir die muur of om in ‘n boekie te bind (bv. as geskenk):

Engelse verjaarsdaglyste/maande

Water

Lewer kommentaar

Waterweek

Dit is amper waterweek.  Leer die outjies om waterwys te wees en loer na die idees in hierdie Engelse boekie.  Leer die kleingoed om water op ‘n verantwoordelike wyse te benut deur:

  1. waterbekers/gieters te gebruik.  Maak die klas se potplante met spesifieke hoeveelhede (bv. 1 blikkie) nat en maak dit ‘n reël.
  2. waterspel water te herbenut om die plante nat te lei.
  3. die waterspel water te gebruik om op die teer- of sementoppervlakte te skryf.  Gebruik skoon kwaste en oefen patrone, syfers en klanke.
  4. ballonne met waterspel water te vul.  Gooi en vang die ballonne met herwonne melkbottels.
  5. reënwater op te vang.  ‘n Skool se dak het ‘n groot opvangsgebied en behoort heelwat water vir die tuin te kan opgaar.
  6. geld in te samel vir ‘n gerekenariseerde besproeiingstelsel vir die skooltuin.
  7. waterspel aktiwiteite bo-op gras uit te pak.
  8. druppende krane aan te meld.
  9. druppende krane toe te draai.
  10. ‘n loodgieter as gasspreker te kry.
  11. water uit ‘n opvangsbak te herwin tydens waterspel.  Maak ‘n pypsisteem met tregters – sodat verskeie outjies gelyktydig kan speel.
  • Vries ‘n strooitjie of ‘n kort stokkie in ‘n ysblokkie.  Gee vir die kinders ‘n klein driehoekie om uit te knip en pons gate in twee van die hoeke.  Gebruik dit as die seil vir jou ysbootjie en sien hoe dit op ‘n vlak dammetjie seil.
  • Meng verf (bv. akriel) met water en vries.  Plaas ‘n vel papier in ‘n vlak skinkbord en “verf” of “skryf” met die yskleure.
  • Blaas borrels deur die onderkant van ‘n water- of sapbotteltjie af te sny.  Trek ‘n ou sokkie oor die opening en bind met ‘n rekkie.  Vul die bottel met ‘n sterk seepoplossing en water.  Blaas!

waterweek

waterwyshede

Waterwys

Inhoud

 

 

 

verkleinwoorde

Lewer kommentaar

Verkleinwoorde Verkleinwoorde (Drukbaar) - nie altyd die norm nie.

Verkleinwoorde taak

Biblioteekweek

Lewer kommentaar

biblioteekweek2014

  • Hou ‘n muntlegging om boeke vir die biblioteek te kan aankoop.  Pak dit in vorms, rye, patrone, letters, woorde of embleme.   Skryf die vorms of simbole met bordkryt op teer of maak los papierweergawes.  Kies ‘n spesifieke munttipe (soos 5c of 10c) om te versamel vir die dag en pak dit.
  • Betaal 50c om te raai hoeveel boeke daar in die skool se biblioteek is.  Koop boeke met die fondse en gee vir die wenner(-s) ‘n boekprys.
  • Maak advertensies en prente van die klas se gunstelingboeke.
  • Gee vir die kinders karton om boodskappe, reëls en flitskaarte vir die leeshoek of boekrak te skryf (bv. Gunstelinge, Nuut, Mees genotvolle boeke, Engels, Afrikaans).
  • Vir Graad R en 1
    • Ek het nog ‘n boekmerk wat ons in Graad R gemaak het – rafia en ‘n geruite iets met groot gate. Ons het groot, stomp naalde gebruik.  Gebruik verskillende kleure en help die kinders om die rafia te ryg.  ‘n Lekker lang boekmerk sal goed in kinderboeke werk.
    • Ek hou nogal van die idee om volgens ‘n spesifieke beginklank te werk. Dalk kan ‘n mens klinkerprente maak. Gebruik akkerdoppies of halwe appels om verfdrukwerk op ‘n A4-vel papier te maak (patrone van herhalende kleure). Trek bv. ‘n groot a op ‘n x-straalplaat af en laat die kinders dit aftrek en uitknip. Plak die a dan bo-op die agtergrond. Herhaal met ander klanke en versier die aansteekbord met al die letters.  (Sien die alfabetrympies vir idees.)
    • Doen drukwerk met magneetletters (soek die korrekte Graad 1-letters).  Gebruik dikkerige bont verf op bruin of swart papier of selfs bleikmiddel (gebruik groot, plastiek voorskote) op suikerpapier.  Gebruik dit vir ‘n agtergrond, die kennisgewingbord of as die buiteblad van ‘n self gemaakte boekie.
    • Maak soutklei en laat die outjies self ‘n stukkie plat druk (nie te dun nie).  Gebruik hoofletter- en kleinlettermagnete as drukkers of soek alfabet koekiedrukkers om die kleingoed se name uit te druk.  Gee voorbeelde van die name op papier, sodat die spelling korrek is.  Druk die drukkers/magnete eers op ‘n inkkussing en dan in die klei.  Só, gee dit ‘n mooi effek.  Pons ‘n gat in een hoek of beide en hou dit as ‘n geskenk vir Moedersdag.
    • Gee ‘n basiese alfabetkaartjie (plak op die tafel) en ‘n bak vol los letters op die kleispeltafel.  Die outjies sal dan self met die klanke en letters kan speel.  Die alfabetkaartjie sal help om te verseker dat die letters reg geplaas word.
    • Bak en brou:
      • Kies ‘n eenvoudige koekieresep.  Druk letters, name of “boek” in die deeg en bak.
      • Kies ‘n eenvoudige koekieresep.  Druk ‘n koekie met enige koekiedrukker uit.  Plaas die koekiedrukkerletter (waarmee die outjie se naam begin) liggies bo-op en vul met “hundreds and thousands“.  Druk dit liggies met ‘n stomp voorwerp vas en lig die vormpie af.  Bak soos normaal.
    • Doen drukwerk met lapverf op ‘n tafeldoek, lapsakke of kussings vir die klas.  Gebruik die sponsletters in “matteëls” of magneetletters.

This slideshow requires JavaScript.

leesislekkerEk lees graag...

Biblioteekweek e-pos, Biblioteekweek 1, Biblioteekweek 2, Biblioteekweek 3

Luidleesdag, 5 Maart

Lewer kommentaar

luidleesdag2014

This slideshow requires JavaScript.

5 Maart is Luidleesdag.  Lees stories, nuus en rympies vir mekaar…dalk op Skype?

kappie

Lewer kommentaar

 


kappie

Eenvoudige kappie sinne vir die jonger outjies.

-d en -t

Lewer kommentaar

 

d en t aan die einde d en t einde taak (oefen)

Boekedag, 6 Maart

2 Kommentaar

boekedag

6 Maart is Wêreld Boekedag en vanjaar is daar vele ekstra idees om in die klas te probeer.

  • Verdeel die klanke wat reeds aangespreek is (hetsy enkel-, dubbel-, twee- of drieklanke) en laat die kinders volgens die klanke aan trek – bv. a vir appel, akkers, anker, aartappel, b vir bal, bok, ballonne.  Sien alfabet rympies vir inspirasie.
  • Kies ‘n boek per klas.  Elke klas trek dan volgens die boekkarakters aan en versier die klasdeure.  Neem foto’s en versier die gangmure, biblioteek of kennisgewingborde om die boeke aan ander bekend te stel.  Onthou om die titel by te voeg.
  • Druk of maak boekmerkies om uit te deel.
Kies en spasieer verskeie boekmerkies op ‘n A4-bladsy.
Boekmerk witBoekedag Boekmerk wit Boekedag Boekmerk

breuke

2 Kommentaar

breuke

moedertaal

2 Kommentaar

IMD2014

Leer om mekaar in die onderskeie moedertale van die klasmaats te groet.

Tik gerus moedertaal by die soekblokkie in.

 

 

klanke en patrone

Lewer kommentaar

Dit is nie ‘n moet dat die skryf van klanke noodwendig in dieselfde volgorde aangebied of aangeleer word nie.  ‘n Gids wat uit 1997 dateer gee die volgorde as:  “v, w, m, n, r, h, b, p, a, o, l, k, t, j, u, y, i, d, g, s, f, e, aa, ee, oo, uu, ou, ui, eu, ei.”  Hier volg ‘n moontlike kombinasie van klanke en patrone:

wolfpatroon

Perdjiespring- of wolfpatroon:  

Drukskrif:  v, w en (y as die skool die “skerp y” gebruik) – ook later x en z

hasiehop

Hasie hoppatroon:  

Drukskrif:  m, n, r, l, h, b, p 

apieswaai

Swaai- of “Tarzan”patroon:  

Drukskrif:  u, y, i, j (as die skool die “geronde y” gebruik)

branderpatroon

Brander- of seepatroon:  

Drukskrif:  o, a, e, s, d, g, f, t - en later c en q

Loer ook na Patrone, ABC Skryf, Skrif voorbeelde en die skrif-oefeninge.

Valentynsdag

Lewer kommentaar

  • Druk hartjievlaggies op gekleurde papier en gee dit vir die kinders om uit te knip.  Ouer kinders kan die hartjies en agtergrond met uitdraaikryte inkleur (druk hard)…verf dit met effens verdunde voedselkleursel of hou dit so.  Wat van pastelle?
  • Kies boodskapvelletjies (hier onder) en spasieer dit op ‘n A4-vel.  Druk dit op ‘n gekleurde vel of wit papier.  As wit papier gebruik word, kan ‘n mens die prentjies met uitdraaikryte inkleur.
    • Laat die outjies opbouende sinne skryf en plaas dit op die aansteekbord.  Dis soms net lekker om positiewe boodskappe te lees.
    • Versier die personeelkamer se deur met die opbouende boodskappe of…
    • verklein ‘n paar boodskappe op een bladsy en plaas dit in die onderwysers se vakkies.
    • …vergroot ‘n paar boodskappe, kleur die prentjies lekker helder met pastelle in en versier ‘n ingangsportaal of -deur.
    • …plaas foto’s van die boodskappe op die skool se webtuiste.

valentyn1 valentyn2 valentyn3 valentyn4

Sien ook Valentynsdag, My Valentyn en My hartjie…my liefie

e klink soos i

4 Kommentaar

e klink soos i

 

e klink soos i (takie)

9 Februarie

Lewer kommentaar

  • Verrassings vir die Biddag vir Opvoeding en Onderwys.
  • Bak oulike koekies en versier soos die voorbeelde hier bo.
  • Plak boodskappies bo-op sjokolade (bv. klein Lindt-sjokolade slabs).  Kies uit die volgende boodskappe, spasieer dit op A4-blaaie en druk uit.
  • Koop ‘n klein botteltjie vloeibare seep (pompbotteltjie) en haal die plakker af.  Tik ‘n mooi boodskap of ontwerp ‘n embleem.  Rol dit op ‘n transparantvel af (vir oorhoofse projektors), knip uit, rol op en spasieer dit versigtig voor en binne-in die bottel.  ‘n Ander idee is om ‘n leë houer te koop, die boodskap binne-in te plaas en om dan die seep by te voeg…
  • Gebruik ‘n glasflessie, plaas ‘n transparantboodskap binne-in en vul met bordkryt.  ‘n Mens kan natuurlik die boodskap op gewone papier druk en buite-op plak.  Loer gerus na die prente heel onder.  Selekteer die prent, spasieer op ‘n A4-vel en druk uit.
  • Druk ‘n boodskap op ‘n lang strokie en plak om ‘n kolwyntjie (cupcake).

sjokolade 1 sjokolade2 sjokolade3 sjokolade4aan'nbakonderwyser

bordkrytseep2 dankiebordkryt2 seepthankyou

bewerkingstekens

7 Kommentaar

E het gevra hoe ‘n mens die plus-, minus- en gelyk aan-tekens kon bekendstel.

Ek sou dit koppel aan kort storietjies. Gebruik iets soos lekkergoed. Bv. Jannie en Pierre wil lekkers eet. Hulle eet Smarties en besluit om dit bymekaar op die bord te pak. Wanneer ons hoeveelhede of syfers bymekaar sit, gebruik ons ‘n +-teken (sit ‘n groot voorbeeld neer). Jannie haal 3 uit en Pierre haal 2 uit die pakkie. Daar was 3 en toe word dit 2 meer. Hoeveel lekkers het hulle bymekaar? Hoeveel is dit altesaam?” Gebruik baie woordeskat en terme wat die begrip kan oorbring.

Met aftrekking, kan die outjies in die storie iets eet of voëltjies kan byvoorbeeld weg vlieg. As jy 2 strepies of stokkies van dieselfde lengte vir die + gebruik het, kan die vertikale strepie dan “weg vlieg”.  Gebruik stokkies of kort strooitjies van dieselfde lengte – vir iets meer tasbaar.

As jy later = gebruik, kan die outjies sien dat die stokkies ewe lank of gelyk is. Gebruik dalk ook ‘n skaal om te wys dat wat jy aan die linkerkant van die = het, dieselfde as die hoeveelheid aan die regterkant moet wees.  Watter metodes gebruik jy?

Skrifdag

Lewer kommentaar

skrifdag23Jan2014

 

Skrif tel vir punte en maak deel uit van die algemene assesserings.  Oefen solank.

voorspoed

1 Kommentaar

voorspoed

2014

8 Kommentaar

This slideshow requires JavaScript.

2014 (Klik en druk uit)

2014 English

2014klein

 

Indien die kalender “snaaks” lyk, laat weet gerus.  Ek sal die font aanstuur.

Kersfees

2 Kommentaar

Kersfees2013

This slideshow requires JavaScript.

Kerskaartjie

Hiermee so ‘n paar kaartjies vir Kersgeskenke.

  • Druk dit op stywe wit, rooi, groen of selfs gewone bruin karton.
  • ‘n Mens kan ook die kaartjies op wit papier druk, dit bo-op karton spasieer – met ‘n kleur randjie of raampie – en dan ‘n gat bokant die wit papier pons.
  • Knoop die kaartjie met gewone verpakkingstou of laplint om die geskenk vas.
Vir ander Kersfees idees kan jy soekterme soos “Kersfees” by die bruin soekblokkie aan die regterkant in tik.

Lekker rus!

Lewer kommentaar

somervakansie

Liewe Heksie

Lewer kommentaar

liewe heksie

Liewe Heksie is 50 jaar oud en is vanaand om 19:00 op RSG.

20 November

2 Kommentaar

kinderdag

eksamen

2 Kommentaar

This slideshow requires JavaScript.

 

Eksamentyd

EKSAMEN GROEN

Oogsorgmaand, 20 Sept. – 20 Okt.

Lewer kommentaar

oogsorgmaand

Dit is oogsorgmaand.  Hoe ingelig is jou klas se ouers?  Kry ‘n spreker of ‘n uitdeelstuk om beide ouers en opvoeders beter in te lig.  Daar is oogkundiges wat kinders se oë gratis toets.  Maak ‘n lysie en voeg die besonderhede by.

http://www.youtube.com/watch?v=5utCZyDRIk4

http://www.youtube.com/watch?v=e5KGgbin7O0

Onderwysersdag, 5 Oktober

2 Kommentaar

Onderwysersdag

Die laaste kwartaal het aangebreek!  Ek hoop jy kry verrassings soos ‘n dankie aan die einde van ‘n lang skooldag, ‘n verrassingsblom of -briefie, ‘n pouse met ‘n paar minute ekstra, ‘n stroopsoet klas, nuwe hulpbronne vir die klas, ‘n verrassingsbesoek van iemand wat stories kom lees of die kinders iets leersaams kom vertel…of ‘n lekker koppie koffie sommer net. :wink:  Mag die laaste kwartaal gladder verloop.

 

boekweek

2 Kommentaar

Boekweek2013

Gebruik hierdie week om die mooiste rympies en storieboeke te lees.

  • Soek spesifieke klanke in die storie of rympie (bv. woorde met ‘n oo of ‘n oe) en skryf dit neer.  Hoeveel woorde kan julle kry?  Kan julle sinne met dié woorde maak?  Plak die lyste teen die muur op en kyk of julle dit later in speletjies soos Junior Scrabble kan gebruik.
  • Skryf nuwe of onbekende woorde uit die stories en rympies neer.  Vind uit wat dit beteken.
  • Skryf kort beskrywings oor jou gunstelingboeke neer en illustreer dit.  Stal die boeke dan saam met die beskrywings uit, om die ander klasmaats te interesseer.
  • Neem foto’s van kinders saam met hul gunstellingboeke.  Druk dit (selfs swart op wit) en stal dit in die gange uit.  Gebruik slagspreuke soos “Ja!  Dié boek is in ons biblioteek.”
  • Stel leeslyste vir verskillende graadgroepe op en plak dit in die biblioteek op.  Só kan die leerders boeke op hul eie graadvlak soek.
  • Maak boekmerke vir ander klasse en deel dit as Lenteweek geskenke uit.
  • Maak ‘n leesfoontjie sodat die outjie na sy eie stemtoon en uitspraak kan luister.  ‘n Mens kan ‘n toestel aanskaf of self maak.
Tik gerus soekterme soos lees en boek by die bruin soekblokkie aan die regterkant in vir nog idees.  Probeer klank, hersien, abc, sigwoord, dubbelklank…vir taal idees.

Lente!

Lewer kommentaar

Lentedag

Tik gerus soekterme soos Lente of Seisoen by die bruin soekblokkie aan die regterkant in vir kreatiewe idees :wink:

 

getallyn

3 Kommentaar

getallyn
Hoe kan ‘n mens Graad 1′s met getallyne help?  Ongelukkig is daar min getallyn voorbeelde in Afrikaans beskikbaar.  Loer egter gerus na die Engelse opsies.
‘n Belangrike aspek om te onthou is dat die outjie moet kyk na die rigting waarin die getalle styg of daal.  Loop die getallyn van links na regs?  af?  op?  (Dink aan ‘n termometer.)   Begin by ‘n gegewe getal en tel dan terug/aan (plus/minus).  Speletjies soos “slangetjies en leertjies” help om  hierdie konsep te ontwikkel en dan kan ‘n mens natuurlik ‘n liniaal inspan as plaasvervanger as die regte opsie ontbreek.  Kyk na ‘n kalender en probeer om dit as ‘n getallyn te gebruik.

geletterdheidsdag

2 Kommentaar

8 en 9 Sept

Internasionale Geletterdheidsdag word op 8 September gevier, maar omdat dit vanjaar op ‘n Sondag val gaan ons dit ook op die 9de vier.

Lees ‘n bietjie meer op dié dae, hersien die klanke of speel woordspeletjies.

Loer gerus na Lees 1, Leeslyste, Biblioteek ideesMotivering, klanke, hersien klanke, flitskaarte

8,9 Sept

lengte

4 Kommentaar

lengtelengte eenheid

Graad 5 les-idee

massa

Lewer kommentaar

massamassa eenhede

Graad 1

4 Kommentaar

Hierdie insetsels was Dinsdag, 15 Januarie 2013, in DIE BURGER.  Dit bevat baie oulike inligting.  Ongelukkig kon ek nie die aanlynskakel op gespoor het nie.

artopskrif

Klik om oop te maak.  Deur Marelize Potgieter. Rutgers1Rutgers2

Klik om te vergroot.

boodskap

4 Kommentaar

This slideshow requires JavaScript.

Hiermee so ‘n paar prettige prentjies en boodskappe vir die kosblik, voorblaaie, boekmerkies of boodskapboekie.  Kies en rangskik ‘n paar op ‘n A4-vel voor jy dit uit druk.

gelukster GELUK CONGRATS

RUGBY3 RUGBY KRIEKET LEESTEKENSHOKKIE TENNIS

Kalm weer

LEES 'N BOEK

LEER

MAAK SOMMELees boek

PROBEER WEER

SKRYF 'N STORIE

BEL JOU MA

BEL JOU PA

SKRYF 'N BOODSKAP

PAK JOU TAS

GENIET JOU BROODJIE

ONS LIEF

MAMMA LIEF

PAPPA LIEF

HARD GELEERschool2 SCHOOL RUGBY ENG TENNIS ENGHOCKEY CRICKET2 CRICKET school1school engPUNCTUATIONREAD

Skrifdag

4 Kommentaar

23skrifdag2014

Amerika vier op 23 Januarie Nasionale Skrifdag en doen dit nes die Amerikaners kan.  Die groot vraag wat geopper word is of skrif (met die hand) nog relevant is in die moderne en tegnologiese gemeenskap.  Is dit dalk ‘n kunsvorm wat op sy geskuif sal word?  Volgens sommige studies stimuleer skrifoefening juis breinwerking en verbeter dit denkprosesse (kognitiewe werking).  Loer gerus hier na ‘n navorsingstuk oor die vroeë ontwikkeling van skrif.

Nou ja, wat kan ons doen om die konsep – SKRIF – te vier?

  1. Maak voorblaaie vir die skrifboeke:  As jy ‘n gelinieerde bladsy met donker lyne onder ‘n blanko vel inskuif, skyn dit deur.  Laat die kleingoed dan hul name oor en oor skryf, patrone trek of ‘n skrifles afskryf.  Dit werk goed as hulle eers in potlood skryf en bo-oor skryf met ‘n skerp uitdraaikryt (dubbele oefening!).  Verf ‘n lagie voedselkleursel bo-oor (effens verdun as jy verkies) en daar het jy sommer ‘n voorblad en ‘n skrifles in een!
  2. Kennisgewings:  Ouer kinders kan voorbeelde van goeie en netjiese skrif gebruik om plakate vir die Grondslagfasegang te maak.  Slagspreuke en sinne sal ‘n oulike uitstalling van die spesifieke benodigdhede en toelaatbare skryfbehoeftes afrond.
  3. Ligte:  Laat die ouer kinders groot letters op blokke dik karton (gesny uit verpakkingsdose) trek.  Druk dan gate eweredig al op die lyn langs (soos dot-to-dot).  Hang dié skerms oor of onder gloeilampe vir ‘n spesiale effek.
  4. Skrifpaaie:  Verander los letters in unieke paaie en ry daarop met kryte of klein motortjies.  (Sien “drukbares” vir voorbeelde van sulke los letters.)
  5. Kuns:  Gebruik skrif in kunswerke.
  6. Verf die alfabet (in Graad 1-skrif) op die speelgrond se teerblad.  Dui die beginpunte met ‘n groen kol en die eindpunte met ‘n rooi kol aan.  Nou kan die Graad 1′s en 2′s lekker daaroor loop en oefen.  (Sien “robotkaarte” onder die “drukbares” hierbo.)
  7. Skryfhoekie:  Rig ‘n spesiale skryfhoekie in waar verskillende potlode, kryte en papier reg lê vir oefening.  Voeg ook potloodgrepies of kort opdragte by sodat die outjies self hul fynspiere kan stimuleer.
  8. Op ‘n stasie:  Maak verskillende oefeningstasies waar die outjies op verskillende soorte papier en met verskillende kryte kan oefen.  As jy spesifieke verwarrings soos b en d in jou klas kry, kan jy vir elke klank ‘n unieke stasie skep.  Selfs syfers , patrone en vorms kan betrek word.  Stel ‘n egg timer of ‘n ander wekkertjie om na elke 10 of 15 minute te wek – sodat die groepe kan wissel.

Vir nog idees kan jy gerus soekterme soos skryf, skrif, patroon, potloodgreep, fynmotoriek, fynspier, handspier, syfer…by die soekblokkie in tik.  Lekker skryf!

Trots Suid-Afrikaans

2 Kommentaar

This slideshow requires JavaScript.

Met die oog op die Wêreldbeker en verwante sake, kan ‘n mens seker ‘n bietjie patrioties raak.  Gebruik die laaste paar dae voor die vakansie om vlae te maak.  Plak dit in die ruite op of stuur dit huis toe vir die motorruite.

Vlytige vingers:  Skeur en plak die korrekte kleure (uit ou tydskrifte) om die vlag te versier…of laat die kleingoed in groepe werk om ander landsvlae ook te versier.  Maak ‘n collage (in ‘n venster) wat sigbaar van die pad af is.  Onthou dat die rooi gedeelte altyd bo is of as die vlag hang, is die rooi deel aan die linkerkant.

  • Kyk na Kaarte om te lamineer.  Knip ‘n duplikaat uit en laat die outjies die kontinente op ‘n wêreldkaartpas of vir jonger outjies kan ‘n mens ‘n kaart van Suid-Afrika en dele van die oseane gee.  Hulle pas dan die los stukke bo-op die volledige weergawe.
  • Gee Kaarte om in te kleur of vul dit met skeur- en plakwerk.  Gee ‘n topografiese kaart om “na te plak”.  Die outjies gebruik skakerings van blou, geel, bruin en groen om dus die berge, plantegroei en see aan te dui.  Dit kan nogal mooi lyk as die kaart uit geknip word en bo-op die agtergrond geplak word vir ‘n bietjie meer diepte of dimensie.
  • Kleur die vlag in of verf die kleur in.
  • Maak ‘n groot klasvlag.  Trek die buitelyne op ‘n lap af en gee vir die outjies die verskillende kleure in lapverf om met die kwas of handafdrukke te versier.

Ander Suid-Afrikaanse embleme:

Speel ‘n bietjie

Lewer kommentaar

speeldag228 Mei is Wêreld Speeldag.  Ander mense noem dit wêreld speelgoeddag.  Wat jy ookal verkies, maak seker dat jy ‘n bietjie pret vir die dag beplan…

  • Pak die speelgoed- of apparaatstoor uit en stel verskeie stasies op waar kinders verskillende aktiwiteite kan probeer. (Balgooi, dribbel, balanseer, kruip, klim, hang, “monkey bars”…)
  • Bou ‘n hindernisbaan.
  • Bou ‘n skattejag (bou ‘n bietjie leeswerk in).
  • Verskaf stasies vir “houtwerk”, waterspel, fantasiespel…’n tipiese Graad R buitespelles.
  • Grawe in die argiewe vir oulike opvoedkundige speletjies.  Skuif die tafels in rye sodat elke speletjie apart gespeel kan word.  (‘n Goeie verskoning vir legkaart-bou is om seker te maak dat al die stukke daar is.)
  • Vra die kinders om self bordspeletjies te beplan vir klanke of wiskunde.
  • Klop aan by ‘n oulike kleuterskool en ruil speletjies met hulle uit.
  • Hou ‘n speletjiesmiddag.
  • Verleng die pouse…
  • Besoek ‘n speelgoedbiblioteek.
  • Begin ‘n speelgoedbiblioteek.
  • Skenk aan ‘n speelgoedbiblioteek.
  • Reël ‘n spreker (soos ‘n arbeidsterapeut) om die ouers in te lig oor oulike opvoedkundige speletjies en speelgoed.
  • Reël ‘n ouma of oupa om oor speelgoed uit hul jeug te praat.

my hartjie…my liefie

2 Kommentaar

Dit is Sondag Valentynsdag en alhoewel die kinders nog nie die romantiese sy van Valenstynsdag ken nie, kan ‘n mens die dag op ‘n spesiale manier vier. Vier die liefde en dinge soos vriendskap en dankbaarheid.

  • ‘n Mens hoef nie die hele dag te spandeer aan Valentynsdag nie, maar kan dalk die volgende idees gebruik…
  • As deel van die Bybelles, kan jy oor aspekte soos liefde (Kor. 13?) praat. Tydens die Skrifles kan ons groot harte (met behulp van ‘n stensil / sjabloon) op ‘n bladsy trek en binne die hart skryf. Juffrou kan dalk ‘n oulike gediggie kies of “liefdessinne” skryf. Na die tyd knip die kinders die harte uit (fynspier oefeninge) en knyp dit met wasgoedpennetjies aan ‘n lang tou vas. Vir ‘n bietjie variasies kan ‘n mens die papier met verdunde rooi kleursel verf…
  • Kyk gerus na die Wiskunde sommetjies wat all kids network beskikbaar stel…As jy die kinders vra om tydens die geletterdheidsbeen stories te skryf, kan julle dít op ekstra groot harte skryf en met tou aan ‘n boom hang. Elkeen wat verby stap, sal wil loer en dit wakker nogal ‘n nuuskierigheid (en leesgierigheid) aan. Indien jy bang is vir die moontlikheid van reën, kan jy die liefdesharte aan kersboomliggies vasknyp en in die gange laat flonker.
  • As jy lus het, kan julle harte uit “filt” lappe sny – so twee verskillende groottes. Werk dit dan met growwe rygsteke al om die rand vas…
    • - om op ‘n kaartjie te plak…
    • - om aan ‘n doekspeld te heg (borsspeld)…
    • - om op ‘n magneet te plak (yskas magneet)…
    • - om op ‘n boekmerk te plak…
  • Bak eenvoudige koekies en druk harte met ‘n koekiedrukker uit. Elke kind versier dan die klaar gebakte koekies…Verpak dit in ‘n spesiale sakkie.
  • Dra jou hart op jou mou:  Maak vriendskaps-armbande uit papier, papierrolletjies en ou linte.  Jy hoef nie noodwendig ‘n hartjie te sny nie, maar kan met enige stensilpons werk.  Plak ‘n breë stukkie lint aan die binnekant van die “venstertjie” en herhaal dit as die “gespe”.  Ouer kinders kan gewone kartonstroke gebruik en oortrek met pienk, rooi of blommetjieslap.
  • Druk ‘n hartjiemotief op kardoessakkies en vul dit met lekkers of ‘n kaartjie.
  • Maak ‘n skoenlapper - met ‘n stokkielekker as die middelpunt.  Kyk ook na die knooprygwerk op dieselfde bladsy.

Verskeie werkvelle en dinge:

Gelukkige Valentynsdag!

Besig bly wiskunde

Lewer kommentaar

Besigbly werkvelle vir die vakansie…

Flink dink 0 – 20

Flink dink Graad 2 en 3 aftrekking

Graad 2

Graad 2 of 3

Graad 3

Flink dink Graad 3 of 4 vermenigvuldiging

Graad 4 Hersiening

Graad 5

Tel aan en terug in veelvoude

Kyk ook onder die blogroll vir skakels na wiskunde take / webwerwe toe.

woordsomme

4 Kommentaar

This slideshow requires JavaScript.

Begin deur die probleem te lees.

Watter getalle / hoeveelhede kry ons in die som?  Bv. ‘n drie, ‘n tien, ens.

Wat dink jy moet ons doen?

Bymekaar tel / plus / optel…wegneem / aftrek / minus…meer maak…minder maak?

Bespreek die woordeskat in die probleem.

Bv. Jan spaar R2 elke dag.  Hoeveel geld spaar hy in 5 dae?  Wat beteken spaar?

“Teken” die som:

sien prent 1

Pak dan boontjies, knope of ander tellers bo-op elke blokkie:

sien prent 2

Tel die tellers een vir een, m.a.w. 1, 2, 3, 4…9, 10!  Hoeveel rand het Jan gespaar? R10!

Is daar nie ‘n makliker manier om die geld te tel nie?  Kom ons tel weer (sê nou die ewe getalle harder as die onewe getalle): 1, 2, 3, 4, 5, 6, 7, 8, 9, 10 en ‘n laaste keer:  2, 4, 6, 8, 10!

Aanvanklik moet ‘n mens maar oor en oor werk en stelselmatig vir die outjies wys hoe om dinge makliker te maak.

Gebruik dan ook ‘n volgende / verdere voorbeeld soos hierdie:

Mia bêre elke dag twee lekkers vir die naweek.  Hoeveel lekkers sal sy na vyf dae oorhê?

sien prent 3

Twee en twee en twee en twee en twee.  Daar is vyf dae – dus het Mia vyf twee’s bymekaar gemaak.  As ons in tweë tel (druk op elke prentjie of blokkie soos jy tel) kry ons twee, vier, ses, ag, tien!  Tien lekkers!

Belangrik:

Hou die getalgebied klein.  Graad 1’s werk meestal in die gebied van 1 tot 10 en later tot by 20.  Graad 2’s werk aanvanklik in die gebied van 1 tot 20 en later tot by 34.  Die Graad 3’s werk dan verder – in dekades (tiene) en honderde (tot by 1004).  Maak by die juffrou seker in watter getalgebied jou kleinding moet werk en moet nooit vooruit hardloop nie.  ‘n Motor sukkel as jy van eerste na vyfde rat spring – so sal die kinders ook vas val as die ratte nie deur die regte prosesse gaan nie.

Werk met tellers as wiskunde en woordprobleme ‘n groot probleem is en hou dit altyd byderhand.  Daar moet ook altyd rofwerkpapier wees om prentjies te teken en om rofwerk op te doen.

Probleemtipes:

Hierdie is voorbeelde van woordsomtipes.  Gebruik die basiese strukture om jou eie probleme te skep.

1. Groepering:

Tom verkoop balle in sakkies van 2 elk.  Hy het 7 balle.  Hoeveel sakkies met 2 balle elk kan hy verpak?

Bly daar balle oor?  Hoeveel balle bly oor?

Jana se ma koop ‘n pakkie lekkers.  Daar is 18 lekkers in die pakkie.  Jana kry elke dag 3 lekkers.  Hoeveel dae sal die pakkie lekkers hou?

2. Verdeel / Uitdeel:

Verdeel 15 lekkers tussen 5 maats sodat al die maats ewe veel lekkers kry.

3. Deling wat tot ‘n breuk lei:

Verdeel 12 worsies tussen vier honde sodat elkeen ewe veel kry en sodat daar niks oorbly nie.

4. Nog deling (proporsioneel):

Tim en Jan werk saam.  Tim werk drie ure lank en Jan werk slegs vir ‘n uur.  Hulle kry saam R90.  Hoe gaan hulle nou die geld verdeel?

5. Herhaalde optelling:

Hoeveel wiele het 3 motors?

Hoeveel pote het 5 honde?

Hoeveel wiele het 2 driewiele?

6. Koers:

Mila eet elke dag twee koekies.  Hoeveel koekies eet sy in ‘n week?

Hoeveel dae is daar in ‘n week?

7. Roosters:

Dink hier aan ‘n “grid” of rooster.

Oom Daan plant beet.  Daar is drie rye beet en ses plante in elke ry.  Hoeveel beetplantjies is daar altesaam?

8. Kombinasies:

Ousus pak ‘n tas vir die naweek.  Sy het 4 verskillende toppies en 3 broeke.  Hoeveel verskillende uitrustings kan sy aantrek?

9.  Optelling en Aftrekking:

Saamvoeg

  • Tim het 3 penne. Tom gee vir hom nog 4 penne.  Hoeveel penne het Tim altesaam?
  • Tim het 3 penne.  Hoeveel meer penne het hy nodig om altesaam 7 penne te hê?

Skei

  • Tim het 7 penne.  Hy gee 4 penne vir Tom.  Hoeveel penne het Tim oor?
  • Tim het 7 penne gehad.  Hy gee van die penne vir Tom.  Nou het hy 3 oor.  Hoeveel penne het Tim vir Tom gegee?

Voorbeelde en werksvelle:

Klik op die skakel – ook in die aparte venster.

woordsom vb

Aflaaibare werkkaarte is in die departementele werkboeke beskikbaar.  Kyk gerus ook na die volgende skakels:

Woordsom 1

Woordsom 2

Wenke

syfers

29 Kommentaar

Janeen het onlangs gevra hoe ‘n mens kleintjies kan help om syfers korrek te skryf (veral syfers soos 2 en 3)…

Dis belangrik dat ‘n mens van die begin af die regte voorbeeld voorhou.  Doen dieselfde aktiwiteite as wanneer jy letters aanleer – baie visuele diskriminasie, visuele geheue, posisie in die ruimte en lateraliteits oefeninge.

Maak ook assosiasies op…’n kollega gebruik ‘n swaan vir 2, ‘n beertjie wat sit vir 3 (die boonste krul is die kop en die onderste vorm die lyf en voete wat alles van die kant af gesien word)…Druk die syfers in die regte font en teken dan die prente om die swart syfer sodat dit nie toegeteken word nie.

Maak ook groot robotkaarte van die syfers:  Druk die syfer groot in swart.  Plak ‘n groen kol waar ons begin skryf en ‘n rooie waar ons stop.  Trek dit oor met plastiek of lamineer die bladsy.  Die kind kan nou na hartelus met die karretjie (vinger) hieroor “ry”.

Skryf die syfer met die vinger in los sand, in meel, in suiker (en lek sommer die soetigheid af), met ‘n nat kwas op sement, teer, ‘n skryfbord…

Skryf die syfer met gom en strooi poeier, sand, blinkertjies, poeierverf…daaroor.  Gebruik gerus hierdie idees (betrek bv. klei).

Skryf die syfer liggies (of druk in grys of ‘n ligte kleur).  Die kind kan nou die lyn met

  • stempeltjies druk of vol plakkertjies plak.
  • waterverf en ‘n dun kwassie / vinger volg (verf).
  • ‘n dik vetkryt, pastel volg en met verdunde voedselkleursel verf.

Dis belangrik dat die kind nie net die syfer kan skryf nie, maar ook kan verstaan.  As hy byvoorbeeld 2 skryf, moet hy 2 prentjies by teken.  As hy 5 skryf, moet hy 5 prentjies byteken.

Doen slegs een syfer of getal per keer en moenie syfers wat byna eenders is direk na mekaar aanleer nie.  6 / 9, 4 / 7, 5 / 2 en 3 / 8 kan verwarring skep.

Die internet is vol taakkaarte, maar ‘n mens moet ook versigtig wees dat die syfers nie “verkeerd” is nie.  Teachers Pet se skrif is die naaste aan korrek.

Loer gerus na die dokumente “syfers” en “syfers met getalname” en die robotkaarte (drukbare bladsye).

Vaardighede om te ontwikkel met die oog op Graad 1

6 Kommentaar

GROOT SKOOL

Hierdie vaardighede is belangrik in die gereedmaking vir die GROOT SKOOL.  Dis ook dinge waarna die Graad 1-juffrou spesifiek kyk tydens die eerste paar weke van die jaar.  Veral mamma’s van Graad R-kinders kan hierdie doelwitte in gedagte hou vir die einde van die jaar.  Vra gerus vir Juffrou vir ‘n paar oefeninge om die vaardighede te verbeter.

OUDITIEWE ONTWIKKELING
• Kan geluide herken (wat raas so? watter geluid maak die koei? )
• Kan tussen geluide onderskei (Is dit ‘n motor of ‘n lorrie wat so dreun? )
• Kan ooreenkomste herken (Sannie sê sy sal…al die woorde begin met ‘n “s”)
• Kan instruksies uitvoer (Tel op jou sak, hang dit op en was jou hande.)
• Ouditiewe geheue (onthou wat gehoor is – bv. telefoonnommer)
• Kan rympies en stories memoriseer (Oorvertel)

VISUELE ONTWIKKELING
• Kan verskille raaksien (Soek die verskille tussen twee eenderse prente)
• Kan ooreenkomste raaksien
• Kan legkaarte voltooi (bou sommer baie! 24, 50, 80, 100 stukke)
• Kan kleure identifiseer (swart, wit, bruin, primêr en sekondêr)
• Kan vorms herken (sirkel, vierkante, reghoek, driehoek)
• Visuele geheue: Kan eie naam herken
• Herken ander se name
• Herken logo’s, handelsname en advertensies (Checkers, Dettol, Edgars, Kellogs)

GROOT EN KLEINSPIERVAARDIGHEDE
• Kan groot voorwerpe hanteer – gooi van bal
• Voet-oog koördinasie – skop van bal
• Hand-oog koördinasie
• Ritme en beweging (aksies)
• Kan ‘n verfkwas hanteer
• Kan kryte hanteer
• Kan prente teken
• Kan prente voltooi
• Kan ‘n skêr hanteer (Knip)
• Kan ‘n potlood hanteer
• Kan kolletjies volg (dot-to-dot)
• Kan ‘n eenvoudige prentjie inkleur

GELETTERDHEID
• Kan sy/haar eie naam sê
• Kan sy/haar naam skryf (eerste letter is ‘n hoofletter en die res is kleinletters)
• Gebruik voldoende woordeskat (geen “babataal” meer nie)
• Gebruik logiese woordorde
• Kommunikeer vrylik
• Ken woorde van liedjies en rympies
• Vertel stories
• Kan prente interpreteer
• Kan liggaamstaal interpreteer
• Kan liggaamsdele benoem
• Links na regs oogbeweging
• Praat duidelik
• Kan uitdrukking gee aan opinies en idees
• Kommunikeer in volsinne
• Kan boeke, tydskrifte hanteer

SYFERKUNDIGHEID
• Kan rympietel 1 – 10
• Herken syfers 1 – 5
• Konsepte: tyd (vandag, gister), grootte, lengte, massa, kapasiteit, geld, posisie (voor, agter, eerste)

LEWENSVAARDIGHEDE
• Ken ouderdom
• Ken telefoonnommer
• Ken adres
• Kan saamwerk met ‘n maat
• Kan onafhanklik werk
• Goeie aandagspan
• Kan probleme oplos
• Leierskap
• Selfvertroue
• Respekteer ander

Nuttige skakels vir huiswerkhulp

2 Kommentaar

huiswerk

Ekstra werk en idees:

1. Kinderwerf

2. Rotsreeks

3. Childlit

4. Homestead

5. The Reading Clinic / Leeskliniek

6. Pret met Afrikaans

7. Wiskunde hulp

8. Nog wiskunde werkvelle

9. Speltake:  Maak jou eie “word search” of “skommeltakie”

10.  Hoe jy kan help

11.  Voorstelle deur die WKOD (Graad R – 6)

12.  Geletterdheid/Taal riglyne (Graad 3)

13.  Wiskunde/Syferkundigheid/Gesyferdheid (Graad 3)

14.  Huiswerk:  Hoe om te help/beplan

Kyk asseblief ook onder die “BLOGROLL” aan die regterkant of tik spesifieke soekterme by die bruin soekblokkie in.

werkswinkel

2 Kommentaar

VVOvvos

“font”

Lewer kommentaar

font

‘n Verskeidenheid “fonts”  vir die Grondslagfase.

 

 

Epilepsie

4 Kommentaar

This slideshow requires JavaScript.

  • Gesels met kollega’s oor ‘n plan van aksie.  Wie kan help?  Wat gaan julle doen?
  • Verseker dat die skool nood-kontakbesonderhede van die ouers het.

noodnommer

 

Older Entries

Follow

Get every new post delivered to your Inbox.

Join 1 740 other followers

%d bloggers like this: