Ek het gemerk dat daar na idees oor tyd en horlosies gesoek word. Hier is so ‘n paar webwerwe met oulike idees. Onthou dat sommige werwe ‘n proeseltjie gee en dan vra dat jy aansluit of betaal vir meer inligting. Gebruik egter die proesel as inspirasie en maak jou eie werkvelle.
Analoog is die ouer weergawe en het twee “arms” – ‘n korte en ‘n lange. Die arms beweeg altyd regs om en die horlosie is in 12 ure verdeel.
Digitaal is die meer moderne weergawe en flits of wys die tyd met syfers. Digitale tyd wys die ure aan die linkerkant – met die minute aan die regterkant van die kolletjies. Die linkerkant is dus soos die kort “arm” en die regterkant soos die “lang” arm op ‘n analoog horlosie. Sommige digitale horlosies is in twaalf ure verdeel (herhaal dus twee maal gedurende ‘n dag) en ander in 24 ure.
NB: As jy begin fokus op tyd, verseker dat daar ‘n muurhorlosie in die klas is. Só kan ‘n mens kort-kort na die tyd verwys, blitsig take volgens tyd afbaken (witbord veselpen/koki op die plastiek), tel in veelvoude van 3 en 5, breuke…noem paar op…
- As ‘n mens tyd bespreek, kan die tydsverloop deur middel van prente voor gestel word. Hang dit kronologies aan ‘n draad of plak dit teen ‘n skoon muur.
- Plak die digitale en analooghorlosies by die prente – om die outjies aan tydsverloop gewoond te maak.
- Kleur die agtergrond van die klashorlosie in om “voor” en “oor” voor te stel. Jy kan so ‘n voorstelling op ‘n ekstra groot horlosie maak.
- Speel ‘n stil speletjie – waar die outjie die digitale en analoogtye bymekaar pas.
- Speel ‘n speletjie met twee of meer persone.
- Kyk na hierdie tipe vrae oor tyd en pas jou eie aan.
- Pas die analoog- en digitale ure by mekaar deur middel van ‘n legkaartspeletjie.
- tyd-hoe-laat-is-dit drukbaar
Loer ook na: inter-aktief, the teacher corner, time for time, teaching time, education, home school (tik tye in en “submit”), Rimpelstories se leesboek (“Hoe laat is dit?”) , teachnology, dae take, dag-en-tydwoorde, dag-en-tydwoorde
‘n Video oor tyd – speel deur die TinyTap toep op ‘n slimfoon of tablet.
Juffer
© My Klaskamer - idees en gedagtes uit 'n juffrou se pen 
Mei 25, 2009 @ 15:02:29
http://www.time-for-time.com/swf/myclox.swf
Hi Juffer, hierdie is ‘n interaktiewe link, baie oulik as mens so iets op jou rekenaar kan gebruik met kinders (of die Interaktiewe Witborde)..maar ook goed vir ‘n “print screen”-shot en ‘n werksvel daarvan print..natuurlik duurder met die ink. En die volgende link (weet dis niks met tyd nie!) is ‘n sakrekenaar en is daar twee opsies om die grootte te kies.
http://www.mrjennings.co.uk/teacher/maths/calc.html
LikeLike
Mei 01, 2017 @ 17:51:37
In engels asseblief
LikeLike
Mei 01, 2017 @ 19:47:56
Hallo, Renie 😉
Loer gerus hier:
Engelse Tyd Werksvelle
Engelse Kalenderwoorde
Tyd/Time
LikeLike
Jan 31, 2018 @ 14:49:55
Goei dag
Ek het ñ evve probleem met die horlosie
Wanneer die tydperk half en meer is moet die kort wyser ook in die helfde van die nommers staan die kortwyser beweeg ook aan en sodoende kan die kind ook sien dis tussen 2 tye.As n tyd bv. 5 voor 4 sou wees is dit dat die kort wyser amper op die 4 sou wees maar die kind kan die tyd skryf as 5 voor 3 die kind word geleer dat daar 60 min in n uur is en dan kry ons die uur die wyser beweeg saam en nie n sprong van een uur na die ander uur eweskielik nie.
LikeLike
Feb 01, 2018 @ 00:06:31
Hallo, Mornay 😉 Loer gerus hier indien jy die video met die outjies wil deel.
LikeLike