Daar verskyn al hoe meer artikels in tydskrifte en koerante oor die dalende vlakke / standaarde van lees en skryf in skole. Sommiges meen dat Uitkomsgebaseerde Onderwys die sondebok is en ander meen dis te wyte aan die meer tegnologies gevorderde samelewing van vandag. Hoe dit ook al sy, taal en spraakontwikkeling (en ook lees) is iets waaraan elke ouer, onderwyser en kind moet aandag gee. Dit is elkeen van ons se verantwoordelikheid.
Interessanthede:
1.Die mens se brein weeg by geboorte byna ‘n kwart van dít wat dit by volwassenheid sal wees en dit ontwikkel binne die eerste jaar tot 70 % van die finale grootte. Deur dus met die jong kind of baba te praat, stimuleer ‘n mens hierdie brein om inligting in te neem en te verwerk.Voortdurende kontak en gesprek help dus om die verstand te ontwikkel.
2.Die basis van alles wat ‘n mens eendag moet en sal leer, word in die eerste vyf tot ses jaar gelê. Sosiale, emosionele en intellektuele ontwikkeling word tydens hierdie jare geweldig sterk beïnvloed en die aspek wat al hierdie dinge aanraak, is taal.
3.Taalvermoë beïnvloed die kind se
-
- selfbeeld,
- sosiale en emosionele ontwikkeling,
- leergierigheid,
- vlak waartoe hy sy intellektuele potensiaal sal ontwikkel,
- begrip van norme en morele waardes en vermoë om tussen reg en verkeerd te onderskei.
4.Om te leer praat, is net so belangrik vir die jong kind as om asem te haal.
5.In die ouderdomsgroepe van vier en vyf jaar, gebruik ‘n kind tussen 1 000 en 1 500 woorde. Die meeste woorde word reg uit gespreek en rympies of rymwoorde fasineer die kind. Ten minste vier tot ses kleure en die basiese vorms (kruise, sirkels, driehoeke, reghoeke, vierkante) kan benoem word. Begrippe soos tyd word aangeraak (“Ons gaan volgende week see toe.”) en die kind kan meerledige / lang opdragte onthou (“Gaan was gou asseblief die waslap in die badkamer en droog dit uit.”). Gebruik woorde soos “wie, waar, wanneer, wonder, wat, hoekom” en gebruik die meeste klanke korrek (behalwe die moeiliker klanke soos “tr”, “kr”, “gr” en “pl”).
6.Die vyf- tot sesjarige kind kan ongeveer 2 200 woorde gebruik en praat mooi duidelik. Sinne bestaan uit min of meer ses woorde en die teenwoordige, toekomstige en verlede tyd word gebruik. Verstaan woorde soos “vandat, totdat, nadat, voordat”. Verstaan en gebruik woorde soos “bo-op, voor, agter, ver, naby” en “maar, en, omdat”. Teenoorgesteldes soos groot en klein, is deel van algemene gesprekke en speletjies. Die kind kan ook nou voorwerpe uittel (borde, lepels, messe, vurke) en telefoonnommers onthou. Tot 24 000 woorde kan nou verstaan word.
7.Die sesjarige kind gebruik tot ongeveer 3 000 woorde en weet wanneer sy verjaarsdag is. Dae van die week en maande van die jaar word nou begryp en geleer. Tel tot tien voorwerpe uit en kan bv. ‘n selfoonnommer memoriseer.
Watter probleme kan voorkom in gesproke taal?
- Gesinswoorde soos “stappies” vir skoene. Die gesin weet wat die woord beteken, maar ander mense verstaan dit nie.
- As ‘n kind sukkel om ‘n woord uit te spreek, vervang hy die woord met “goeters, dinges, watsenaam”.
- Die kind kan nie woorde en klanke herhaal wat voorgesê is nie.
- Die kind praat te hard, te sag, te skril of onduidelik.
- ‘n Woord kan reg uit gespreek word, maar nie in ‘n sin gebruik word nie.
- ‘n Taal- of woordarmoede kan veroorsaak dat ‘n kind kort sinnetjies gebruik of glad nie wil praat nie.
- Ritmeversteurings of uitspraakproleme soos stotter, hakkel, lispel en onduidelike spraak.
- Sommige kinders laat klanke weg in woorde (peel vir speel, tein vir trein).
- Sommige kinders vervang klanke met ander klanke (vam vir vang).
- Die jong kind sukkel dikwels met tydsbegrip. Gelukkig het ons tyd om dit vas te lê, omdat dit eers op negejarige ouderdom voltrek word.
Hoe kan ek my kind se taal en spraakvaardighede ontwikkel?
- PRAAT, PRAAT, PRAAT!
- Praat soveel as moontlik oor dinge wat vir jou kind belangrik is en luister na wat jou kind sê.
- Praat stadig en duidelik.
- Moenie babataal praat nie.
- Praat in ‘n eenvoudige taal en verduidelik moeiliker begrippe.
- Leer jou kind om te luister na wat ander mense sê.
- Verkeerde taalgebruik behoort reg gestel te word.(Herhaal net die regte sin.Die kind kan maar net luister.)
- Werk daaraan om spraakprobleme reg te stel.As ‘n kind klanke of woorde verkeerd uitspreek, kan dit dalk later probleme veroorsaak wanneer hy leer lees.
Hoe kan ek my kind help om ‘n liefde vir lees te ontwikkel?
- Lees soveel boeke as moontlik (in al die tale wat die kind verstaan ) voor.
- Moedig jou kind aan om die stories oor te vertel aan ‘n boetie, sussie of maatjie.
- Bespreek prentjies in storieboeke.
- Gaan GEREELD biblioteek toe.
- Wees ‘n voorbeeld en lees voor jou kind.
- Luister na storiekassette/-opnames.
- Help jou kind om sy naam te herken deur dit op al sy besittings te skryf (in skoolskrif).
- Leer kinderrympies en -liedjies. (Tik soekterme soos rympie en liedjie by die bruin soekblokkie aan die regterkant in.)
- Sorg dat daar altyd storieboeke in die huis is.As die biblioteek te ver en boeke te duur is, maak stories uit vrouetydskrifte (soos Liewe Heksie, Balkie, ens.) bymekaar en plak dit in ‘n ou skoolboek.
- Lees die name van winkels voor (Checkers, Edgars, Shoprite, ens.) as julle daar verbystap.
- Lees gunstelingstories voor en neem dit op ‘n kasset op.Dan kan jou kind oor en oor daarna luister.
- Bou ‘n prentewoordeboek op of koop een.Dit sal van groot waarde in Graad 1 tot 3 wees.
Juffer
© My Klaskamer - idees en gedagtes uit 'n juffrou se pen 
Apr 02, 2009 @ 12:06:51
Hallo Juffer!
Ons het met ‘n prentewoordeboek begin soos hulle die klanke in Graad 1 leer. Jy gaan nie glo hoeveel dit help nie. Dit werk 100 %!
Baie dankie vir al jou wenke! Ons wag nog vir ‘n wenk of raad wat nie vir ons werk nie 🙂 !!
LikeLike
Apr 02, 2009 @ 17:53:37
Jy weet darem hoe om ‘n mens se dag te maak! 😉
LikeLike
Mei 05, 2009 @ 15:03:11
Hallo Juffer!
My seuntjie is nou graad 1 en hy sukkel bietjie met die dae van die week. Is daar dalk n rympie wat ek hom kan leer om sodoende die proses makliker te maak? Het al gesoek, maar kry niks nie!
Groete
Liesl
LikeLike
Mei 05, 2009 @ 16:49:31
Hallo Liesl
Ek het uit nood uit die wysie van Twinkle Twinkle Little Star aangepas. Ons sing die name so op die wysie…Maandag, Dinsdag, Woensdag, Donderdag, Vrydag, Saterdag, Sooondag.
Skryf die woorde in dieselfde orde neer en wys na die woorde terwyl julle sing. Teken ‘n klein maan by Maandag en ‘n sonnetjie by Sondag. Julle kan ook klein prentjies van jou seuntjie se sport of buitemuurse aktiwiteite bylas. Hou die woorde in dieselfde orde en skryf dit in kolletjieskrif sodat jou seuntjie dit moet natrek. Maak twee stelle flitskaarte en flits die woorde terwyl julle die liedjie sing. Speel ‘n geheuespel (memory game) waar julle die kaarte in rye pak (onderste bo) en dan die pare moet soek en omdraai…of speel “snap”.
Julle kan ook ‘n sin teen die yskas bou bv. Dit is: en dan kies en plak jou seuntjie die regte dag om die sin te voltooi. Dis ‘n lekker terloopse aktiwiteit. Hou egter die ander dae se kaarte ook teen die yskas in die korrekte orde – vir toevallige lees.
Sterkte 😉
LikeLike
Des 01, 2009 @ 13:42:59
My dogtertjie is 21 maande en praat nog nie. Sy hoor baie goed en verstaan ook alle opdragte maar die praat is net nie daar nie. Sy “babbel” en “sing” baie , maar sê nog nie uit haar eie woorde nie. Sy het op ‘n stadium ‘n paar woordjies gesê maar nou nie meer nie. Het ek rede tot kommer. My seuntjie, nou al 5, het ook lank geneem om te praat. Ons sing en praat verskriklik baie in ons huis. Is dit ‘n oorerflike ding? Wat stel u voor moet ek doen? Ek is REGTIG BEKOMMERD!
Groete Mariaan Meyer
LikeLike
Des 01, 2009 @ 19:37:30
Welkom, Mariaan 😉
‘n Kollega van my sou nou gesê het dat ‘n ma mos ‘n “gut feeling” het. Gee nog kans tot vroeg in die nuwe jaar en as die praat nog nie begin het nie, sou ek voorstel dat jy ‘n konsultasie met ‘n spraakterapeut reël. Hou ‘n oog oop vir ‘n gesoute terapeut en vra gerus al die hoe wat en waar vrae. Intussen stel ek voor dat julle bitter baie boekies lees en voortgaan met die rympies en gesels. Vra jou dogtertjie se opinie en probeer haar ook ‘n bietjie uitlok tydens speletjies…bv. as julle met haar poppe speel. Hou poppekas of los ‘n speelgoed telefoon iewers. Dogtertjies is gek daaroor om hul ma’s na te boots op die telefoon 😉
Onthou dat voorskoolse kinders gratis by staatshospitale gesien word – indien julle nie ‘n mediese fonds het nie. Baie sterkte
LikeLike
Des 02, 2009 @ 07:43:11
Baie dankie vir die terugvoer. Ek waardeer dit. Ek sal dit verseker so doen.
Ek het nagelaat om te sê dat sy op 9 maande (Desember 2008) koorsstuipe gehad het, kan dit deel van die probleem wees. Dokters het my verseker dat sy niks van die stuipe oorgehou het nie.
Ek wil net weet, het ek rede tot kommer.
Baie dankie vir mense soos julle wat mens kan help en bystaan.
Groete
Mariaan
LikeLike
Des 02, 2009 @ 18:52:24
Dis ‘n plesier. Dit is baie moontlik dat die koorsstuipe niks veroorsaak het nie. Onthou egter om dit eendag vir die skool te noem. ‘n Mens kan in later jare ‘n neuroloog raadpleeg om oor moontlike letsels op die brein. Ek glo egter dat die kanse bitter skraal is vir so iets. Ons hou almal duimvas dat poplap teen Kersfees julle ore van jul lywe af sal kekkel 😉
LikeLike
Apr 16, 2010 @ 17:31:31
Hello. My seuntjie is 4. Ek neem hom vir spraakterapie vir die laaste 6 maande en hy was ook reeds vir arbeidsterapie. Hy praat al baie beter maar dit was n gesukkel. Sy boetie is 18mnde jonger as hy en praat vreeslik goed. Daar is niks fout met sy gehoor nie. Is dit moontlik dat dit n selfvertroue ding is omdat my jongste seuntjie soveel beter as hy praat? Hy raak ook vreeslik ongeduldig met homself as ons nie verstaan wat hy se nie of as hy iets nie goed kan uitdruk nie. Hy het egter verlede week vir my n perfekte 8 woordjie sin gese, ek was so opgewonde maar toe ek wou he hy moet dit weer se toe raak hy skaam en weier. Kan daar iets anders fout wees waaraan ek moet aandag gee? dink u ek moet n pediater/kindersielkundige gaan sien? Hy is n wonderlike, saggeaarde besige plaasseuntjie met n baie klein hartjie. Ek wil net graag doen wat ek kan om te help.
LikeLike
Apr 18, 2010 @ 10:22:20
Hello, Estelle
Op 4 jaar moet ‘n mens die kleingoed nie te veel druk nie. Die tongetjies is nog nie so los en geoefen soos ‘n outjie van 7 of 9 jaar nie. Dit is goed dat hy reeds die ondersteuning van ‘n spraakterapeut het om vir julle raad te kan gee. Dit help ook om die moontlike frustrasies van die ouer te verminder en keer dat die verhouding met die kleintjie skade lei. Ek sal voorstel dat julle baie praat. Passop vir “geslote” sinne of vermy vrae waar jy basies die antwoord gee (bv. “Ek dink dit is ‘n mooi broek. Dink jy nie ook so nie?” Die antwoord sal dus net een woord benodig…) Blaai deur boeke met jou seuntjie onder die blad of op die skoot. Praat oor die detail en vra vrae…”Dit is darem ‘n mooi prent. Wat is alles hier? ..’n boom..’n kind..” Maak ‘n speletjie waartydens daar ‘n rympie of herhalende sin voorkom: “Ek sien ‘n appel. Wat sien jy?” Nou moet boetman dit herhaal en die items verander: “Ek sien ‘n boom. Wat sien jy?” Moenie te erg op die uitsprake fokus tydens die speletjie nie. Na die speletjie kan jy die inhou hersien…Wat het ons nou weer gesien? Ah…Ek het ‘n appel gesien. Jy het ‘n boom gesien…Tydens die “hersiening” spreek jy die woorde as voorbeeld reg uit. Jy kan maar baie herhaal en soos ‘n stukkende plaat klink. Dit gee die outjie die kans om die regte woorde in te neem. As hy dit later wil gebruik, sal die korrekte uitspraak iewers opklink in sy agterkop en sal hy met die korrekte uitspraak speel.
Maak lawwe rympies op – sommer met nonsens woorde…As julle in die tuin is en sommer net na die plante kyk : Ek sien ‘n oom…wat sit en droom…onder my pa se boom…Die lekkerte van so iets is dat jy dit so laf as moontlik kan raak en dat jy kamma met jouself kan praat. Die kleintjie sien en hoor dat ‘n mens kan praat en dat dit lekker is om geluide, klanke en woorde te gebruik. Belangrik is dat ‘n mense nie meer vir hom moet praat nie. Hy moet self sê wat hy wil hê en ander mense kan dan in die vorm van ‘n vraag of invraging die sin korregeer.
Gaan eers voort met spraakterapie. Onthou hulle kyk nie net na die gehoor nie, maar ook na hoe die outjie geluide, klanke en taal interpreteer. Dit gaan oor die inname van die taal en die verwerking daarvan in die brein om dit te verstaan en te beantwoord. ‘n Opvoedkundige sielkundige kan in die middel van die Graad R-jaar gesien word indien julle groot uitvalle opmerk. Indien die spraak- en arbeidsterapeute iets spesifiek opmerk en aanbevelings wil maak – kan jy gerus luister, want hulle kyk uit ‘n “kliniese” oogpunt na die outjie se ontwikkeling. Laat weet my asseblief hoe dit met die outjie gaan so deur die loop van die jaar …en ‘n stywe drukkie vir jou twee 😉
LikeLike
Mei 24, 2010 @ 21:06:47
My dogtertjie is pas 7 en in graad 1 sy sukkel egter met r en l sy probeer wel hard om r te brei en as die woord uit kom soos bv rooi word dit looi. sy se ook dat dit dieselfde klink sy sukkel om vlot te lees en spel meeste van die woorde. grootste probleem is r en l haar juf wil he sy moet vir spraak terapie gaan ek sit met my hande in my hare want ek druk haar baie en kry niks reg nie. wat kan ek doen by die huis om haar te help?
LikeLike
Mei 25, 2010 @ 17:53:12
Hello, Liza 😉 en welkom
Veroorsaak die uitspraak spelprobleme? Indien wel sal ek ook spraak en taalterapie aanbeveel – bloot omdat die hulp van ‘n eksterne kundige minder spanning op die ouer-kind verhouding plaas. Kyk by die skakel hierbo vir ‘n paar idees en kontak die dames wat daar genoem word. Baie sterkte 😉 en ‘n stywe druk vir poplap.
LikeLike
Mar 08, 2011 @ 11:39:38
Goeie dag Juffrou,
My dogtertjie is hierdie jaar in Graad R. Haar juffrou sê sy sukkel om te hoor met watter klank die woord begin en vermoed sy is bietjie agter omdat sy so laat (Oktober) in die jaar verjaar.
Watter tipe oefening kan ek doen om haar te help, asb.
LikeLike
Mar 08, 2011 @ 17:17:59
Middag, Debby 😉
Vir hierdie tipe oefening kan jy maar lekker “mal” raak. Dink aan speletjies soos “I spy with my little eye” en vertaal dit losweg in Afrikaans na iets soos “Ek sien met my klein ogie”…Fokus aanvanklik net op dinge aan die lyfie (‘n kleur, ‘n kledingstuk, ‘n liggaamsdeel) en brei dan heelwat later na die items op die tafel / vloer en vertrek. Begin deur die verskillende items te benoem en sê die aanvangsklanke letter oordrewe. Daarna sal die speletjie makliker wees.
Maak ook julle eie rympies of sinne op met alliterasie daarin. Dink aan rympies soos “Sannie sê Sannie sal sewe sakke sout sleep” – waarin verskeie woorde met dieselfde klank begin. Ek het iets soortgelyks onder die “drukbare bladsye” geplaas.
Jy kan ‘n bietjie na die volgende skakels oor ouditiewe persepsie kyk:
https://juffer.wordpress.com/2010/03/06/speelgoed/
https://juffer.wordpress.com/2009/10/31/amper-in-die-groot-skool/
https://juffer.wordpress.com/2009/03/23/belangrike-dinge-graad-r-en-1/
https://juffer.wordpress.com/2009/01/30/vaardighede-om-te-ontwikkel-met-die-oog-op-graad-1/
Probeer eers die oefeninge en indien dinge nie teen die einde van April verbeter het nie, kan ‘n mens dalk reël vir ‘n konsultasie / gesprek met ‘n spraak- en taalterapeut. Indien nodig, sal die terapeut moontlik terapielesse aanbeveel of idees kan verskaf. Baie sterkte 😉
LikeLike
Aug 01, 2011 @ 14:05:07
Hi Juffer!
Kan jy my dalk raad gee oor tale wat die kind hoor vandat hy gebore is en watter invloed dit het op die kind se praatvaardigheid?
My seuntjie is nog baie klein ( 17 maande ) en gebore in Korea!!! Hy bly bedags by ‘n ongelooflike oulike koreaanse tannie wat BAIE goed is vir ons. Wanneer ons in die parkie stap en hy sien ‘n hond se hy die koreaanse woord vir hond! Selfde met ander ‘random’ situasies. Ek lees en praat Engels en Afrikaans met hom. Meestal Afrikaans in die huis… dit is nou nadat ons klaar skool gegee het – in die aande.
Ek kan verstaan dat hy dalk koreaans beter as ons taal kan verstaan… ek is bang dat hy ‘n agterstand sal ontwikkel omdat hy nie sy moedertaal herhaal nie. Tensy ek hom in die regte oomblik vang, hoor ons nie dikwels Afrikaanse woordjies nie.
Ek het ook al gehoor dat wanneer daar twee tale in die huis is, die een ouer die een taal moet praat en die ander ouer, die ander taal, omdat dit die kind dalk deurmekaar kan maak? Ek probeer maar net op die oomblik aanhou met lees en praat. Ek’s ook ‘n grondslagfase juffrou, maar glo defnitief jy kan my meer vertel? Baie baie dankie!!!
LikeLike
Aug 02, 2011 @ 18:18:07
Middag, Michelle
Ek is ‘n groot voorstaander van moedertaal onderrig. Ongelukkig is jou situasie anders en is julle in ‘n ander land. Indien ‘n mens ‘n Afrikaans- of Engelssprekende oppasser kon kry, sou dit die ideaal gewees het. Ek sou as Afrikaanse ouer voort gegaan het met woordeskat en taalontwikkeling. Is daar dalk ander Afrikaanse kinders in die area? Dalk kan julle speelgroepe stig en weekliks bymekaar kuier. Lees Afrikaans, praat Afrikaans, luister na Afrikaanse stories…Uit ondervinding is dit beter dat die outjies elke ouer se taal in ‘n suiwer vorm hoor – eerder as geradbraakte Afrikaans of Engels. Kinders is slim met tale en tel dit vinnig op. Die eerste 7 jaar van die outjie se lewe is egter baie belangrik vir taalontwikkeling. Dis wonderlik dat hy nog ‘n taal kan praat. Ek droom van ‘n derde taal!
Kyk gerus na die volgende skakel vir nommers en e-pos adresse van spraakterapeute. Hulle sal vir jou goeie raad uit ‘n terapeutiese oogpunt te gee.
As die tannie goed is vir hom sal ek nie sommer die spesiale band wil breek nie. (Kan sy nie dalk ook vir Engelse klasse gaan nie?) Intussen kan julle die Koreaanse woorde net terloops in Afrikaans vertaal…”Ja, dit is ‘n pragtige hond!” of “Dis darem ‘n mooi hond.” Jou seuntjie is nog lekker klein en ontvanklik vir leer. Ek is seker hy sal met julle hulp mooi reg kom.
LikeLike
Aug 01, 2011 @ 14:11:24
Skuus, ekt vergeet om te noem dat sy Tannie GEEN Engels kan praat nie, en sy sing en leer dinge soos liggaamsdele, kleure, vorms, ens. alles in koreaans… ek doen dit OOK, maar ek kry nie dieselfde reaksie nie.
LikeLike
Feb 19, 2014 @ 18:50:11
Hello Juffer,
My dogtertjie van 3 jaar en 2 maande is in ‘n educare, wat baie mooi al die dinge vir ons meisie leer. Vorms, dae van die week, in die lyne verf en knip. Liedjies en rympies. Alles. Maar sy kan vir die wereld nie die kleure uitken en onthou nie. Ek het plakkaarte met die kleure en praat altyd van die rooi rok en die blou bottel ens. ens. maar dit wil net nie vassteek nie. Sy kan dalk net lui wees, maar ek wil graag weet hoe om dit vir haar te leer op die regte manier, dat dit sal vashak.
Ek het haar nie laat toets vir kleurblind nie, want sy kan verskillende kleure goeters saam sorteer (soos smarties en speelgoed), al is hulle verskillende skakerings. Raad asb.
Die tweede ding is dat sy nie ‘n “k” kan uitspreek nie. Hoe verduidelik ek vir haar hoe om die klank te maak. Ek het al alles probeer waaraan ek kan dink. Sy sukkel nie met die ander letters nie, behalwe natuurlik “q” ook.
Jou raad sal baie waardeer word.
Groete
LikeLike
Feb 20, 2014 @ 19:36:08
Middag, Juanita 😉 Ek werk ongelukkig nie met sulke jong outjies nie, maar vermoed dat ‘n spraakterapeut vir jou die beste raad in verband met die k kan gee. Dit blyk dat terapie reeds van ‘n baie jong ouderdom af moontlik is.
Loer gerus na Klein Breintjies se program en Afrikaans Kinderwebtuistes (hier aan die regterkant gelys) vir meer idees vir jong kinders 😉
LikeLike
Aug 31, 2016 @ 10:08:38
Hi Juanita.
Ek het dieselfde “k”-probleem gehad met my 4-jarige. Het haar to ena ‘n spraakterapeut toe gevat wat die volgende gedoen het:
1) Sy het haar “g” soos in “gogga” laat sê, om te kan voel waar die “k” klank gevorm moet word.
2) sy het haar laat gorrel om die agterste spiertjies in die tong te oefen.
3) My kind het “t” in pleks van “k” gesê, daarom het ons haar tongetjie onder saggies platgedruk met ‘n roomysstokkie sodat sy die klankie agter in haar keel moet vorm.
4) Laat sy oefen deur : g,k,g,k,g,k, te herhaal.
Hoop dit help 🙂
LikeLike
Aug 31, 2016 @ 13:58:27
Dankie, Monique 😉
LikeLike
Jun 02, 2015 @ 16:08:00
Hi
Ek het raad nodig,My seuntjie is nou 4,Hy se nie sy kop nie hy se HOM kop,hy se nie geloop nie hy se nloop.Ons help hom reg.Hy praat vreeslik baie net baie deurmekaar,Ek verstaan wat hy se maar die Juffrou beveel spraakterapie aan.Hy hou niks van leer en lees nie ons probeer,hy ken sy kleure en kan tel ens, hy sit glad nie stil nie,Hy hou van knip en plak en speel,Die laaste 2 weke raak hy moeilik in die klas,luister nie ens.Moet ek stress op 4 of moet ek kans gee.
LikeLike
Jun 10, 2015 @ 17:59:02
Middag, Elmarie 😉 ‘n Spraakterapeut sal met voornaamwoorde kan help, maar ‘n mens kan ook tuis probeer. Lees boekies met hom deur en bespreek die prentjie. Bv. “Waar is Jan se skoen? Waar is sy hande? Waar is sy tas?…” As gewone woordeskatontwikkeling of taalwerk nie help nie, kan ‘n mens met ‘n gesoute taal- en spraakterapeut kontak maak.
LikeLike
Des 10, 2015 @ 13:37:24
Hi Juffer
My seuntjie is 22 maande oud. Hy was eers op 1 jaar en n half in die skool gesit. Ek het sy vorderingverslag gister vanaf die kleuterskool gekry.
Daar is paar goedjies wat my pla en wil graag jou advies he oor dit.
1. Hy praat nog nie, net baba taal, kan geen woordjies se nie. So daar is geen ekpressiewe taal van sy kant af by die skool nie.
2. Hy sukkel met sy ouditiewe persepsie, die juffrou het genoem dat hy nie altyd luister met begrip nie en dat hy aanmoediging in die departement benodig.
3. Hy kan nie vir twee minute op ‘n aktiwiteit konsentreer nie, hy verloor baie vinnig belangstelling.
4. Hy moet aangemoedig word om deel te neem aan meeste van die aktiwiteite wat aangebeid word in die klas.
By die huis sukkel ek ook, ek moet soms tot 5 keer sy naam noem voordat hy om kyk en luister na my. Hy voer ook nie opdragte uit wat ek vir hom vra nie.
Ek lees saans vir hom bybel en boek en hy verloor vinnig belangstelling in dit. Hy gaan aan met ander goed wat hom besig hou.
Moet ek hom stuur vir ‘n gehoor toets? of is dit net ‘n dissipliene probleem? Die klas juffrou het genoem dat hy ‘n baie rustige en gehoorsame kind in die klas is.
Hy kyk wel baie televisie, ek oorweeg dit om dit heeltemal te staak.
Jou raad sal baie waardeer word.
Dankie
Chantelle Henning
LikeLike
Des 10, 2015 @ 15:08:42
Middag, Chantelle 😉
Ek is ongelukkig nie opgelei om met die heel kleintjies te werk nie, maar kan ‘n paar idees noem…
Is die outjie se gehoor al getoets? Met ander woorde – kan hy tussen al die hoë en lae klanke onderskei? Kan hy al die gesprekke of opdragte korrek hoor?
Speel hy met maatjies of speel hy eerder “langs” hulle?
‘n Oudioloog sal die gehoor kan toets en werk dikwels in praktyke saam met ‘n oor-, neus- en keelspesialis en/óf ‘n spraak- en taalterapeut. Indien die outjie dalk geblokte ore het, kan die spesialis aandag daaraan skenk. ‘n Gesoute spraakterapeut sal hulp in verband met die uitspraak/spraak kan bied.
‘n Mens sal ook met ‘n pediater kan gesels oor die gehoor, spraak en aandagspan. Indien verdere verwysings nodig is, sal die dokter hom dan na spesialiste verwys.
Ek hoop dit kan help 😉
LikeLike
Des 10, 2015 @ 15:14:07
Baie dankie, ek gaan vanmiddag moet die sy klas juffrou gesels, sal ook hom vat vir ‘n gehoor toets.
LikeLike
Des 10, 2015 @ 17:08:45
Dis ‘n plesier.
LikeLike
Jan 29, 2016 @ 12:51:58
Middag Juff
My dogtertjie is Graad 2 en sukkel met sinne hoe leer ek haar sinne maak?
LikeLike
Feb 03, 2016 @ 03:21:56
Hallo, Luzell 😉
Begin altyd met ‘n “iets” of ‘n “iemand” en ‘n aksie. Bv. Die hond spring. Betrek dan vrae soos “Hoe?”, “Wat?”, “Wanneer?”, “Waar?”…om die sinne aan te vul.
Tik gerus soekterme soos “nuwe leser, lees, woordeskat, flits, sigwoord, hersien, klanke…” by die bruin soekblokkie aan die regterkant in vir soortgelyke idees. 😉
LikeLike
Mar 07, 2016 @ 12:58:53
Hi Juffer, my seuntjie is in Graad 1 en presteer bogemiddeld, maar sukkel nog om die “R”klankie te sê, wattter aanvullende oefeninge kan ek met hom doen? Dankie
LikeLike
Mar 08, 2016 @ 20:01:48
Hallo, Marisa 😉
Hoe spreek hy dit uit? “Bry” hy of is dit meer soos ‘n “l” of “h”? Indien hy dit soos ‘n “l” of “h” uitspreek, kan ‘n mens die raad van ‘n gesoute spraakterapeut inwin – veral as dit tot spelprobleme lei.
LikeLike
Jan 05, 2018 @ 13:29:59
Hallo Marisa
Het jou kind reggerkom met die “R-klank”? My seun sukken net so. Hy gebruik die “H-klank”. Hy was al by ‘n spraakterapeet, maar dit raak net te deur. Die is op ‘n ander dorp. Het jy dalk vir my raad? Ai, en sy naam is Riaan. Hy is al 9, en sukkel steeds.
Groete Mickey
LikeLike
Mei 11, 2016 @ 14:56:55
Hello
Ek het n kind in my graad 3 klas, wat nou nog sukkel met die R klank..
Is dit n probleem wat kan mens doen om daarmee te help.
LikeLike
Mei 11, 2016 @ 15:28:35
Middag, Sally 😉 Indien sy uitspraak tot spelfoute lei, kan ‘n mens die hulp van ‘n gesoute spraakterapeut inroep. As die outjie brei, is dit gewoonlik nie ‘n probleem nie.
LikeLike
Mei 25, 2016 @ 20:49:01
My suster se seuntjie is 1 jaar en 1 maand. Hy sê n perfekte r soos in drie en ry. Wat is gemiddelde ouderdom vir kinders om r te sê?
LikeLike
Mei 26, 2016 @ 01:19:50
Hallo, Anna 😉
Dit hang af van die outjies se individuele ontwikkeling af. Ongelukkig is ek nie opgelei in die heel kleintjies se ontwikkeling nie 😉
LikeLike
Mei 26, 2016 @ 14:30:54
Hallo, my seuntjie het 5 geword in Maart, en sukkel met sy woorde. Hy se p vir v, r los hy uit en nog paar. wie is die regte persoon om te kontak.
LikeLike
Mei 26, 2016 @ 14:55:23
Middag, Helen 😉
Is daar al na sy gehoor gekyk? ‘n Gesoute spraak- en taalterapeut gaan beslis vir jou goeie raad kan bied met die uitspraak. ‘n Oudioloog gaan na die outjie se gehoor kan loer. Loer gerus vir iemand in jou area wat beide kwalifikasies het.
<a href="http://www.suidkaapforum.com/news.aspx?id=26367&h=Oudiologie-praktyk-ook-nou-hier" target="_blank">Hierdie artikel is oud en ek is nie seker of die persone steeds beskikbaar is nie.
LikeLike
Jun 13, 2016 @ 17:50:38
My meisiekind is gebore met ‘n gesplete lippie en verhemelte. As gevolg daarvan het sy ‘n groot probleem met di r-klank uitspreek. Sy is nou al 6 jaar oud en nou veroorsaak dit vir haar baie onsekerheid in die skool. Hoe kan ek haar by di huis help om haar R klank reg uit te spreek?
LikeLike
Jun 13, 2016 @ 20:06:45
Hallo, Claudine 😉
Is sy deur ‘n spraak- en taalterapeut getoets? Dit sal wenslik wees om met die spesialiste of kundiges te gesels om raakvat idees te kry.
LikeLike
Jun 28, 2016 @ 15:52:22
Hallo Juffer,
My sussie se dogtertjie is in Graad 3 en sy sukkel om te lees, te spel ens. En omdat sy onseker is, gaan haar stem al hoe sagter terwyl sy lees. Sy gebruik ook woorde verkeerd om, soos bv ek wil afklim, dan se sy opklim. dink dis nou al baie beter, maar dit sukkel maar. n Vriendin van my se dogter is ook in Graad 3 en sy praat vlot, lees vlot en is regtig goed. Ek persoonlik dink dis die tipe skool waar die kinders is, wat die verskil maak. Ons tipe skole het regtig n agterstand en ons kinders lei daaronder. Ek praat uit ondervinding, maar gelukkig was ek baie lief vir lees en het darem daardeur my woordeskat opgebou.Is daar n manier waarop ons haar speel-speel kan leer?
baie seen,
Andrishia
LikeLike
Jun 28, 2016 @ 16:15:52
Middag, Andrishia 😉
‘n Mens kan ‘n kombinasie van aspekte gebruik: hersien die kennis van klanke, woordbou, sigwoorde, skryf sinne, lees eenvoudiger boeke tussen-in om die selfvertroue aan te vul, ens. Tik gerus soekterme soos “flits, sigwoord, hersien, klanke, dubbelklank, tweeklank, drieklank, klanksamevloeiings, rym, rympies, liedjies, stories, nuwe leser, tuis oefen, tuis idees, verwarring, woordeinde, verkleinwoord, meervoud, ogies, VMI, oogsorg, visuele, ouditiewe, leeslys…” by die bruin soekblokkie hier aan die regterkant in vir verskeie idees en drukbare velle.
Dit behoort genoeg werk vir die vakansie te bied 😉
LikeLike
Jun 29, 2016 @ 09:59:45
Baie dankie Juffer!
LikeLike
Jun 29, 2016 @ 14:42:10
Dis ‘n plesier 😉
LikeLike
Aug 09, 2016 @ 16:26:14
Kan u dalk help om op te hou brei
LikeLike
Aug 09, 2016 @ 17:10:10
Middag, Johann 😉
Gewoonlik lei bry nie tot lees- en spelprobleme nie en is dit dus nie ‘n probleem nie. Indien die outjie die “r” as “h” of “l” begin uitspreek en skryf, sal ‘n konsultasie met ‘n gesoute spraak- en taalterapeut van waarde wees. Dit is ‘n bietjie meer gespesialiseerde ondersteuning.
Ek hoop dit kan help 😉
LikeLike
Des 06, 2016 @ 15:06:07
Middag Juffer,
My jongste dogtertjie van 4jr oud het bietjie later begin praat as sussie (7jr oud). Sy praat nou vreeslik baie, maar sy kan nie “v” en “f” sê nie. Sy sê byvoorbeeld: “Ek is liep pir jou.” En sy kan ook nie “s” sê nie…Sy sê: “Ek peel met my pop.” Is daar enige oefeninge of speletjies wat ek met haar kan doen asb?
Groete:
Zelda
LikeLike
Des 07, 2016 @ 00:44:06
Hallo, Zelda 😉
Probeer gerus rympies vir die spesifieke klanke en toevallige regstelling deur herhaling (as sy “peel” sê, sê bloot “Ja, sy speel lekker.”).
Sing liedjies soos “Sewe sakke sout” se koor gedeelte vir die pret en probeer ook luisterspeletjies. Indien dit nie beter raak teen die tyd dat sy 5 word nie, kan ‘n mens ‘n gesoute spraak- en taalterapeut nader vir spesifieke oefeninge.
Ek hoop dit kan help 😉
LikeLike
Mar 31, 2017 @ 13:31:59
Hallo,
My dogter is 7 jaar oud in Graad 1. Sy het nou al 3 jaar spraak terapie ager haar, maar ongelukkig kan sy nog steeds nie reg praat nie. Sy kan glad nie die “r” klank sê nie, Sy gebruik eerder die “j” of “l” klank om die “r” klank in te neem. Haar juffrou het vir my gisteraand gesê sy gaan nie Gr 1 slaag as sy nie die “r” kan klank nie, dit beinvloed haar spelling en woordeskat te veel. Enige raad wat ek kan doen?
LikeLike
Mar 31, 2017 @ 21:39:40
Hallo, Gwen 😉
‘n Spraakterapeut het vertel dat die r-klank later as ander klanke ontwikkel. Die probleem tree egter nou in waar die uitspraak tot spelfoute lei.
Gewoonlik loer ons na verskeie aspekte om te bepaal waar die haakplekke is. Bv. Hoor die outjie al die klanke korrek? Sien hy/sy duidelik en beweeg die oogspiere egalig (saam) oor die woorde? Is die vliesie onder die tong nie dalk te kort nie? (M.a.w. is die beweeglikheid nie dalk te beperk nie?)
‘n Mens kan gedurende die vakansie ‘n “r”-boekie maak en saam met haar prente uit tydskrifte versamel wat met “r” begin. Plak dit op ‘n bladsy, skryf ‘n kort, beskrywende sin en lees dit hardop saam. Bv. Die rok is rooi. Dit reën regtig hard. Sy kan haar mond met ‘n selfoon afneem en kyk waar sy haar tong plaas. Hou die oefenwerk in ‘n ligte luim.
Na die vakansie, kan julle met die spraakterapeut ook gesels. Indien die oorsaak van die uitval dalk elders lê, sou ‘n mens dit gedurende die tweede kwartaal wil aanspreek.
Ek hoop dit kan help.
LikeLike
Mei 03, 2017 @ 14:33:56
hello juffrou
my dogtertjie is nou tans in graad 2 en sy sukkel so bietjie met lees, spelling en sinne veral die wat onvoorberei is maklike sinne maar asof sy baie in haarself twyfel haar skool juffrou moan ook oor haar skrif en ons oefen hard tuis ma lyk nie vir my of dit verbeter nie sy kan steeds nie r se nie. enige raad vir my asb
LikeLike
Mei 04, 2017 @ 19:34:32
Hallo, Nicolet 😉
Hersien die sigwoorde en onderskeie klanke met haar. Die flinke herkenning van sigwoorde help met die vlotheid van die leesproses en wanneer sy haar klanke goed ken, sal die onvoorbereide lees en spelling ook meer outomaties geskied.
Lei die uitspraak van “r” to spelprobleme? Indien sy dit soos ‘n “l” of “h” uitspreek, kan ‘n mens die kundige raad van ‘n spraak- en taalterapeut gebruik. Ongelukkig het onderwysers nie die opleiding nie.
Tik gerus soekterme soos “klanke, hersien, flits, dubbelklank, tweeklank, drieklank, klanksamevloeiings, komponente…” by die bruin soekblokkie hier aan die regterkant in vir verskeie oefeninge en idees.
Ek hoop dit kan help 😉
LikeLike
Mei 31, 2017 @ 11:22:34
More Juffer
my verloofde het `n halwe verlamming in sy regterkant van sy gesig gekry van `n halwe beroerte, sy spraak het aan getas en kan nie veel mooi praat nie, kan u asb my raad gee om die spraak te beoefen asb?
LikeLike
Mei 31, 2017 @ 15:39:04
Hallo, Lea 😉
My kennis is ongelukkig beperk tot laerskool ondersteuning. Spraakterapie is ‘n kliniese veld en raakvat hulp sal deur ‘n geregistreerde spraakterapeut verskaf kan word. Hulle evalueer elke pasiënt individueel en bepaal terapie vir elke unieke geval. Dit sou dalk wenslik wees om ‘n neuroloog se kantore te kontak vir die kontakbesonderhede van spraakterapeute wat in die veld spesialiseer.
Ek hoop dit kan help.
LikeLike
Aug 17, 2017 @ 16:37:13
Middag Juffrou
My kleinseun is nou 4 en het gesukkel met sy ore en dis nou uitgesorteer. Hy gaan nou al vir ‘n jaar na ‘n spraak terapeut. Sy spraak is nou eers op ‘n 2 jarige s’n en hy kan nie sinne praat nie. Ons het wel agter gekom dat hy beter Engels praat en verstaan. Dalk moet ons sy gehoor weer laat toets? Wat staan ons te doen ons is raadop?
Groete
Emsie
LikeLike
Aug 17, 2017 @ 18:37:30
Hallo, Emsie 😉
Indien ‘n blokkasie in die ore op geklaar is, behoort die spraak- en taalterapie te help om die ontwikkeling van luistervaardighede en uitspraak te versterk/verbeter. Heelwat voorlesing, gespreksvoering, rympies, liedjies, ens., sal help om die outjie se kennis van die taal te ontwikkel.
Hoor die outjie nou al die klanke korrek of is daar klanke/geluide wat hy glad nie hoor nie? Ek werk met ‘n outjie wat byvoorbeeld nie hoë klanke kan hoor nie – wat ook sy inname van inligting en begrip vir woorde/konsepte soms beïnvloed. Dit veroorsaak ook dat hy woorde verkeerd herhaal. Met spraakterapie, het sy spraak verbeter.
Het die outjie ‘n pediater en wat stel die pediater voor? ‘n Mens sal na sy volle ontwikkeling en mylpale moet loer om te probeer bepaal waar die leemtes (of ruimte vir hulp) lê.
Ek hoop dit kan help 😉
LikeLike
Feb 08, 2018 @ 16:06:26
Middag
Ons seun is nou in Graad R en word Mei 6
Ons sukkel ongelooflik met sy spraak, ons het hom daaglik om die regte woorde en sin kontekste te gebruik. Dit gaan al baie beter maar nie waar ek glo hy moet wees nie. As ek ander kinders sy ouderdom hoor gesels is daar n baie groot verskil. Hy is ook ons middel kind. Ou boet(9) en klein sus(2) is daar nie fout nie.
Ek het nou n klompie slimkop boeke gekoop vir algemense hulp
Wat bied Juffer aan ons nog kan doen om hom te help verbeter
Baie dankie
LikeLike
Feb 08, 2018 @ 17:06:13
Middag, Alicia 😉
Op hierdie ouderdomsvlak gebeur die meeste taalontwikkeling steeds deur wat hy hoor en waarneem. Lees baie stories, sing liedjies en sê rympies gereeld op sodat hy die sinskonstruksies en taal gebruik kan hoor. Gesels oor die storieboeke en praat ook met die juffrou. Het die skool dalk ‘n spraak- en taalterapeut wat besoek aflê? Dit kan nie skade doen om ‘n assessering deur ‘n gesoute terapeut te laat doen nie. Dit sal raad aan beide die skool én ouers bied om saam aan moontlike uitvalle te werk.
Tik gerus soekterme soos “Graad 1, Graad R, skoolgereed, abc uitspraak, abc skryf, tuis idees, abc, ouditiewe, visuele, perseptuele, rympies, rym, syfer, stories, liedjies…” by die bruin soekblokkie hier aan die regterkant in vir enkele soortgelyke idees.
Ek hoop dit kan help 😉
LikeLike
Feb 15, 2018 @ 13:59:48
Hallo Juffer,
My dogtertjie is in graad R. Sy kan nog nie die “r” klank regkry nie. Is daar oefeninge wat ons tuis kan doen om haar te help?
LikeLike
Feb 15, 2018 @ 14:27:23
Middag, Susan 😉 Sover ek verstaan, is die “r” een van die klanke wat die outjies dikwels eers later bemeester. Indien sy die klanke met iets anders vervang (soos “h” of “l”) kan dit later die spelfoute lei. Oefen rympies saam met haar of sing strofes van liedjies waarin r-woorde verskyn (bv. rooi rok) en indien dit nie na sowat twee weke begin verbeter nie, kan ‘n mens die raad van ‘n gesoute spraak- en taalterapeut inwin. Ek hoop dit kan help 😉
LikeLike
Feb 16, 2018 @ 10:06:31
Hello Susan. Ek het met my dogter dieselfde probleem gehad en self met ‘n rympie opgekom, wat die regte tong oefeninge is om die “r” te kan vorm. My dogter het ‘n “l” gese tot sy amper 6 jaar oud was omdat haar tong te lui was of nie geweet het hoe om te beweeg nie.
“Die padda gee ‘n harde p***”….klink weird, maar hulle geniet die stout en sal dus dit oor en oor se, so lank jy ‘n gesig trek vir die “stink” en saam speel. Hoe die sin help? Wel ek het twee tegnieke toegepas wat ek op die internet gekry het. Die een is in die woord Padda. Die punt van die tong spier moet leer om te ril. As jy die woord stadig se, is dit net Padda, maar as jy dit vinnig oor en oor herhaal, dan word die “dd” ‘n “rr” as sulks en later rol die woord as Parra Parra Parra in plaas van Padda. (Jy gaan dit nou gou self probeer en hoor waarvan ek praat 🙂 Die tweede deel om die mond te help om die “r” te vorm is die woord “harde”. Ek het gelees dat die “r” voor die “d”, help om die tong op die regte plek te posisioneer om die beste kans te he om die “r” te kan vind in die mond.
Soos Juffer gese het…moet jy ook sorg dat jy haar reg help elke keer as sy ‘n “r” uitlaat of vervang, sodat sy nie woorde verkeerd leer se, omdat jy haar nie reggehelp het nie. Ons grootste probleem om reg te leer was met die woord “hardloop”,…Sy wou aanhou met “haploep”, maar jy sal byvoorbeeld elke keer as sy die woord verkeerd se, net die woord reg herhaal. Jy hoef haar nie te forseer om elke keer weer die woord reg te probeer herhaal nie, maak net seker sy hoor die regte woord na sy hom verkeerd uitgespreek het.
Ons het vir lank met die “k” ook gesukkel en eerder ‘n “t” gekry. Dit het ook met spesifieke woord oefeninge reggekom, en jy kan imagine die groot partytjie toe sy die woord “krokkedil” die eerste keer reg kon se.
Soos enige spier is oefening belangrik om dit sterk te maak.
Sy doen niks verkeerd nie, haar tong moet nog net leer om dit te doen…soos met fluit, wat my volgende uitdaging sal wees.
Sterkte
LikeLike
Apr 13, 2018 @ 16:46:44
Middag,
My dogtertjie word nou 7 jaar oud. Sy is van sy al 5 jaar oud is by die selfde spraak juffrou. Probleem het gekom sy het ouma gebly en daar was ‘n kind wat gelisp het en baie mense het altyd gese hul verstaan nie my kind nie maar as ‘n mamma was ek sommer kwaad (wie wil fout sien by jou kind). Sy gaan na ‘n dag sorg op middel van jaar net 3 jaar toe verstaan hulle haar nie ons begin boeke koop dat sy woorde begin leer en ken.
In kleuter skool was daar van die jaar 5 skool gese spraak klasse ons moes werk sinne bou, ouditiewe perceptie en Gr R kom my kind Juf se agv van ADHD wat my kind se spraak so is maar spraak juffrou se alles vat tyd. Sy is 8 maande agter
Nou in Gr 1 nou is gehoor ouditiewe persepsie glad nie probleem nie en sy boek goed bo gemiddel maar haar spraak is probleem nog. Ek is raad op want hoe kan sy nogsteeds 8 maande agter wees vir 1en half kan nie wees nie… Ek kan vinnig verskil sien regtig maar weet nie dalk nuwe spraak Juffrou.. weet nie
As sy stadig praat dan kan sin pragtig se maar sodra sy moet begin verduidelik dan ruil sy woord om haal dit uit…. Met die lisp heg sy S vir woorde aan nou leer ek maar meervoude dit help nogals. Om haar goed te gee van die spraak soos hoor begin middel en eind klank of watter woorde ruim hoe help dit haar.
Spraak lees ek maar boeke vrae vir haar vertel…
Enige ander raad sal so waardeer word…. asb
LikeLike
Apr 13, 2018 @ 23:39:33
Hallo, Petronella 😉
‘n Mens kan altyd ‘n tweede opinie by ‘n gesoute spraak- en taalterapeut inwin. ‘n Spraakterapeut sal beslis ook na die ouditiewe persepsie kan loer. Loer gerus na hierdie idees in verband met woordeskat ontwikkeling, maar tik ook soekterme soos “ouditiewe, rym, rympies” by die bruin soekblokkie hier aan die regterkant in.
Hoe lyk die eerste kwartaal se punte? Beïnvloed die spraak haar spelvaardighede? Indien die spraak, ouditiewe persepsie en ADHD wel die akademiese prestasie beïvloed, sou ‘n mens ‘n opvoedkundige sielkundige wou kontak om ‘n volledige evaluasie te doen. Dit word gewoonlik gevolg deur ‘n volledige verslag om raad aan die ouers en skool te gee. Praat gerus met die hoof van die Grondslagfase om die kontakbesonderhede van kundiges in jul area te kry.
Ek hoop dit kan help.
LikeLike
Apr 17, 2018 @ 09:27:56
Geagte Juffer,
Jy sal my glo nie maar my kind 73 gemiddeld gekry haar slegste fak is maar engels maar ons praat nou meer engels tuis ook om haar te help. Haar Juf se haar self beeld is nogals knak so werk hard daaraan,
Sy ken regtig haar klante wat hulle nou kry en sal altyd tuis kom vertel van haar klante maar tuis se ek woord bv lag – dan se ek L A G dan bou sy die woord en spel daarna en sy kan al mooi lees regtig sy kan nou nie al woorde klante maar kan dit goed herken en boekies wat hul moet begin leer is sy al op 6 boekie vir die jaar.
Mondeling wat uit daging is maar ek se atlyd praat mooi luister as jy sinnetjie se sussa. Sy praat ook soos lees tel ek ook op. Dink u dat as ek haar laat lees klasse doen dit ook meer kan help met sinne vorming.
As daar nou so groot probleem is sou my kind mos hierdie goedtjies nie kan toe pas nie… Ek gaan haar neem vir 2 opinie vir nou voor erge stappe neem as u verstaan wat ek se.
Waardeer u insette so bly op die website afgekom het.
Groete Petronella…
LikeLike
Apr 18, 2018 @ 00:01:33
Wonderlik, Petronella 😉 Dis ‘n baie goeie punt.
Dit is nog lekker vroeg in die jaar en ek is seker al die hulp gaan beslis resultate lewer.
Loer gerus weer in.
LikeLike
Apr 09, 2019 @ 13:22:14
Hi Juffer, my dogtertjie word 5 in aug. Sy kan nog nie ‘R’ se nie. Is daar oefeninge wat ek vir haar kan gee dat sy dit kan bemeester? Ek is baie bekommered dat hulle haar gaan wil stuur vir terapie?
LikeLike
Apr 09, 2019 @ 15:28:28
Hallo, Karina 😉
Die spiertjies is nog besig om te ontwikkel en die uitspraak sal met ouderdom beter raak. Op hierdie stadium, kan ‘n mens “r”-woorde herhaal – met ‘n byna “oor dramatiese” uitspraak. Bv. Dis ‘n mooi rok… Ja, die rooi rok is regtig mooi. Sing ook sommer liedjies soos “Dans met die rooi rok” se reffrein – vir die lekkerte 🙂
Indien sy teen die einde van Graad R steeds met die uitspraak worstel, kan ‘n mens ‘n gesoute spraak- en taalterapeut nader vir raad.
LikeLike
Apr 09, 2019 @ 15:51:59
Baie dankie ek wardeer die terugvoering
LikeLike
Apr 09, 2019 @ 16:44:37
Dis ‘n plesier 😉
LikeLike
Apr 24, 2019 @ 12:17:34
Hi Juffer,
My dogtertjie is 5 jaar oud. Sy stoot haar tongetjie deur haar tande wanneer sy s klanke sê. Maak nie saak of dit in die begin, tussen of einde van die woord is nie. Ek maak haar attend daarop en dan sal sy dit reg uitspreek. Meeste dan net wanneer die s aan die begin van die woord is. Maar gaan net weer aan met tong tussen deur die tande. Is daar oefeninge of iets wat ons kan doen? Gaan dit reg kom of moet ek bekommerd wees?
LikeLike
Apr 25, 2019 @ 00:21:49
Hallo, Marianne 🙂
Tussen die wisseling van tande en die ontwikkeling van spiertjies in die mond, sal die tongplasing verbeter. ‘n Mens kan aanraai dat sy soos ‘n slangetjie sis terwyl sy na haar tande in die spieël loer. Lyk dit soos Mamma se mond? Dink aan rympies vir die “s”-klank – amper soos die refrein van Sewe Sakke Sout.
Is haar juffrou bekommerd? Jy kan dalk later in die jaar kontak met ‘n gesoute spraak- en taalterapeut gesels om te hoor of daar rede tot kommer is.
Ek hoop dit kan help.
LikeLike
Mei 13, 2019 @ 11:47:43
Goeie dag, snaaks genoeg sy het net verlede Donderdag haar eerste tand gewissel (wat ek dink te vroeg is). Wanneer sy sing of rympies opsê, is die tong steeds deur die tande. Nee, haar juffrou sê sy dink nie ek moet bekommerd wees nie, dit sal reg kom. Party maal maak sy haarself attend daarop om die tong “binne” te hou en te probeer reg praat. Ander kere gaan dit maar net weer deur die tande.
Baie dankie, ek sal maar bly dophou en later ‘n spraak terapeut nader.
LikeLike
Mei 14, 2019 @ 02:09:10
Wonderlik! Mag die tongetjie sy plek vind 😉
LikeLike
Mei 15, 2019 @ 09:13:52
Dankie, ek hoop ook van harte so! 😉
LikeLike
Jun 15, 2020 @ 07:05:28
Goeiedag
Dankie vir al die nuttige artikels! Ek waardeer elke een opreg.
My vyfjarige sukkel om “r” korrek uit te spreek en spreek dit as “l” uit.
Moet ek bekommerd wees en watter oefeninge of aktiwiteite kan ek doen om dit reg te stel?
Al haar ander klanke spreek sy korrek uit en sy het geen ander ontwikkelingsprobleme nie.
LikeLike
Jun 15, 2020 @ 12:57:36
Hallo, Helet 😉
‘n Gesoute spraak- en taalterapeut sal meer korrekte inligting kan gee. Gewoonlik word die uitspraak van die ‘r’-klank eers later bemeester en kan ‘n mens in die Graad R- of 1-jaar met ‘n spraak- en taalterapeut gesels om raakvat idees te bekom.
LikeLike
Jul 27, 2021 @ 14:46:14
Middag, Ek wil graag hoor wat om te doen om my seun (5) te help om “R” te se.. hy het dit eers vervang met “L” en nou “lllrrrr” men kan nie die R mooi hoor nie. en ekt al laat hy sweets onder sy tong sit om te oefen en klomp goed gegoogle maar dit wil nie werk nie
LikeLike
Jul 27, 2021 @ 22:16:38
Hallo, Angelique 🙂
Dit klink asof die outjie stadig, maar seker aan die r-klank werk. Hierdie artikel spreek enkele idees aan, maar indien dit nie help nie, sou ek voorstel dat jy met ‘n gesoute taal- en spraakterapeut gesels. Ek hoop dit kan help 🙂
https://www.netwerk24.com/baba-en-kleuter/Kleuter/Smoor-spraakprobleme-in-die-kiem-20150902
LikeLike
Jul 18, 2022 @ 20:16:54
My kind sukkel om sin bou te doen, hy is nou al 7 hy ek die klanke maar as dit kom om bymekaar te sit dan is dit asof hy vergeet wat hy geklank het. Moet Ons lees elke dag ekt hom by terapeute ook gehaad (kos klomp geld maar geen resultate nie) dit voel of ek hom misluk eks baie bekommerd
LikeLike
Jul 18, 2022 @ 22:09:53
Hallo, Sarita 🙂
Het die skool dalk ‘n remediërende opvoeder of gee die klasjuffrou dalk ekstra klasse (intervensie)? Vir leeswerk en sinsbou, sou ek soortgelyke sinne met bekende woorde gebruik: bv. Dit is warm. Dit is koud. Dit is my tas. Dit is my kos. My kos is warm. My kos is koud. Die kos is warm. Die kos is koud.
Herhaal sinne of woorde uit die storieboekies, bv. Ek sien ‘n hond. Ek sien ‘n bruin hond. Dit is my hond. My hond is bruin. Loer gerus ook hier na idees om te betrek: https://juffer.wordpress.com/tag/skryf/?iframe=true&preview=true/feed/, https://myklaskamer.com/2008/10/01/sigwoorde-of-hoe-frekwensie-woorde/. Ek hoop dit kan help.
LikeLike
Jul 20, 2022 @ 15:37:33
hi juffer
Ek het raad nodig asb. My seun is nou in Graad 1 agv persoonlike redes het hy nie Graad rr en r bygewoon nie en ons het hom nou redelik opgevang maar ons sukkel baie erg met lees. As hy bv n woord klank klank hy hom reg maar sal bv n woord soos ‘hak’ die ‘h’ vervang met n ander klank wat sodoende veroorsaak dat hy die woord verkeerd uitspreek. En ook as ek hom vat laat hy vir my n boekie moet lees sukkel hy om n woord te klank en dan die woord uit die klanke te herken. Is daar dalk enige wenke wat ek met hom kan doen om te help in die geval.
Baie dankie
LikeLike
Jul 20, 2022 @ 17:54:32
Hallo, Orditcha 🙂
Lees gerus eers die boekie vir hom – deur jou vinger onder die woorde te laat gly soos jy lees. As daar ‘n woord is wat hy dalk goed ken (bv. die, dit, in), kan jy telkens stop en vir hom die kans gee om die woorde te lees. Later, kan julle beurte maak (ek lees ‘n bladsy, jy lees ‘n bladsy). Probeer om die woorde wat probleme gee, neer te skryf en hou dit sigbaar (teen die yskas of teen die kamerdeur). Wanneer julle verby stap, gaan besoek julle die woorde in die woordhospitaal (deur dit hardop te lees) en kyk of julle een of twee woorde in ‘n sin kan gebruik.
Hoor of die juffrou ekstra klassies (intervensie lessies) aanbied. Elke bietjie behoort te help 🙂
Loer gerus ook na hierdie idees:
1. https://myklaskamer.com/2008/10/01/jong-lesers-en-nuwe-boekies/
2. https://myklaskamer.com/2009/02/11/ouditiewe-tuisprogram/
3. https://myklaskamer.com/2008/10/26/abc-uitspraak-van-klanke/
4. https://myklaskamer.com/2008/10/01/sigwoorde-of-hoe-frekwensie-woorde/
5. https://myklaskamer.com/2013/02/09/flits/
LikeLike
Nov 06, 2022 @ 21:13:54
My srun van 7 jaar dikkel om die rr te sé hy sê L plas van R hoe kan ek hom help
LikeLike
Nov 07, 2022 @ 02:20:42
Hallo, Willemien 🙂
Loer gerus na hierdie artikel: https://www.netwerk24.com/baba-en-kleuter/Kleuter/Smoor-spraakprobleme-in-die-kiem-20150902
‘n Mens sal met ‘n gesoute spraak- en taalterapeut wou gesels om raakvat idees te kry. Alle voorspoed.
LikeLike
Des 06, 2022 @ 16:02:17
Hallo, Este 🙂
Hoor gerus of julle aanvanklik afskrifte van die memorandums kan aanvra, sodat jul dogter bloot woorde kan onderstreep of met ‘n glimpen kan verlig.
Vra vir afskrifte van die skyfies of skakels na videos. Indien die opvoeder dit op ‘n sentrale plek soos Google Classroom of SeeSaw deel, kan die hele klas baatvind.
Indien moontlik, kan julle die rekenaarskrif in dokumente op Microsoft Word na Open Dyslexia omskep. Party kinders vind dit makliker om te lees. Op Google Docs, kan ‘n mens met Lexend of Comfortaa speel.
Vra gerus vir toestemming dat jul dogter foto’s van sketse en skryfwerk op die bord kan neem om haar te help. ‘n Mens kan vra of julle opnames van lesse kan maak (op ‘n selfoon, tablet of program soos Zoom).
Op Google Chrome, kan ‘n mens ‘n aanvulling of ”extension tool” met die naam Immersive Reader gebruik. As jy teks kies en regsklik, verskyn ‘n lysie met die opsie ”read to me”. Ek het dit nog slegs in Engels getoets.
Op Google Docs, kan ek ‘n sin in Afrikaans tik en die aanvulling ”Read&Write by Texthelp” gebruik om Afrikaanse teks in ‘n amper verstaanbare aksent te lees. Ek het die stem ”Dutch (Belgium and Flemish) Ellen” gekies en kon die Afrikaans uitmaak 🙂
Microsoft Lens is nog ‘n gratis toep/app – wat ‘n foto van swart teks op ‘n wit agtergrond kan vereenvoudig en lees. Ek het dit nog net met Engelse teks getoets.
Hoor gerus by skole wat spesialiseer (soos Vergezicht hier onder) of hulle ook idees het om te probeer.
Ek hoop dit kan help 🙂
https://myklaskamer.com/2016/01/29/nog-oulike-toepsapps-apple/,
https://myklaskamer.com/2018/10/20/toeps-en-katoeties/,
https://myklaskamer.com/2017/03/18/google-ekstras-vir-die-klaskamer/,
https://vergezicht.co.za/,
https://juffer.wordpress.com/tag/font/?iframe=true&preview=true/feed/
LikeLike