veelvoude

Veelvoude is die begin van maaltafels of vermenigvuldiging en dui op herhaalde optelling (herhaling van ‘n getal tydens optelling, bv. 2 + 2 + 2).  Hiermee dan ‘n paar drukbare takies soos elders gekry.

1. Tel in 2′s
2. Tel in 2′s (dot-to-dot)
3. Tel in 2′s (doolhof)
4. Tel in 2′s (wurm)
5. Tel in 2′s (voltooi patroon met Engelse getalname)
6. Tel in 3′e
7. Tel in 3′e (dot-to-dot)
8. Tel in 4′e
9. Tel in 5′e
10. Tel in 5′e (getallyn)
11. Tel in 6′e
12. Verskeie veelvouddoolhowe
13. Verskeie veelvoude (druk en hou)
14. Verskeie (maak jou eie blaaie)

Kyk ook na maaltafels en die drukbare bladsye vir nog hulp.

Aandagafleibaar

1. Plaaslike navorsing (Prof. A Venter, UFS)
2. Plaaslike navorsing (Prof Venter – Copy (2))
3. Dr. Gabriel Malherbe
4. Verklarings
5. Dr. Jeeva
6. 7 feite oor ADHD
7. Simptome/Kenmerke/Raad
8. ADHD Aware
9. Aktiwiteite en Sport vir kinders
10. ADHASA (Suid-Afrikaanse ondersteuningsgroep)
11. ADDers (Suid-Afrikaanse ondersteuningsgroepe)

Sien die skakels aan die regterkant en hierdie stukkie oor aandagafleibaarheid vir verdere besonderhede.

Kontak ‘n pediater of kinderpsigiater indien ADD/ADHD vermoed word.

knip

Ouers soek dikwels na ekstra knip-oefeninge.  Maak seker dat julle die korrekte stomppuntskêr (vir links-/regshandiges) het.

Begin eers by snipperwerk.

• Maak vinnige snipperaksies in die lug.  
• Rol klei in ‘n dunnerige wurm en knip dit volgens die snippermetode.
• Betrek karton (ou papbokse, die binnekant van toiletrolletjies, weggooibare dosies)…
• Knip reguit lyne
• Knip effense boë / kurwes
• Knip sigsaglyne
• Knip vorms met reguit lyne of geringe boë uit (bv. vierkante, ovale, sirkels).
• Knip krulle uit.
• Knip ‘n doolhof

Loer ook na die tuis idees vir verdere tuis oefeninge…

Hulp

25 April is Pay it Forward Day.  Hoe kan jy in, by of naby die skool help?

• Help die biblioteekjuffrou om stukkende boeke te herstel.
• Help om handboeke met plastiek oor te trek.
• Skenk meerjarige plante – Wat van steggies of kruie?
• Verf speelblokke (springblokke) op die speelgrond.
• Begin ‘n herwinningsprogram by die skool. Dit kan ‘n fondsinsamelingsprojek word.
• Bied ‘n leesuur na skool aan.  (Lees oulike boeke voor as outjies vir geleenthede moet wag.)
• Skenk ou skoolklere aan die klerebank.
• Skenk ou kinderklere aan die klerebank – vir noodgevalle.
• Skenk ou sambrele, reënbaadjies of -jasse – vir noodgevalle.
• Help by die skolierpatrollie.
• Vergesel kinders smiddae na die naaste biblioteek (as daar een naby is).
• Maak beurte om kinders by sportgeleenthede te besorg.

Wat doen julle om die skoolgemeenskap te ondersteun?

winter

1. Sambreel en reën:  Sny ‘n papierbord in die helfte en “oefen” dan die apieswaai- of hasie hoppatrone bokant of langs die reguitlyn.  Knip al op die lyn om die kartelrand te maak.  Verf of versier die sambreel met spatwerk.  Gebruik verskillende helder kleure en kyk hoe dit in mekaar vloei.  Só kan die kleingoed ook sien hoe kleure meng (bv. rooi en geel maak oranje…).  Kantel die agtergrondbladsy teen ‘n hoek (bv. ‘n ou hefboomlêer met plastiek oor) en drup pastadikverf of effens verdunde, blou voedselkleursel daarop.  Dit behoort oulike reëndruppels te vorm.  As die verf effens opdam by die onderkant van die papier, vorm dit sommer waterplasse.  Maak dan ‘n oulike mensie wat ‘n sambreel in die reën vashou – om bo-op die agtergrond te plak.
2. Vir ‘n sneeu-agtergrond, kan ‘n mens ‘n dikker papier of karton gebruik.  Kantel die bladsy teen ‘n helling en drup dan kerswas of wit vetkryt daarop.  Maak seker dat alle veiligheidsmaatreëls goed verduidelik is.  As wit papier gebruik word, kan ‘n mens flou, blou voedselkleursel bo-oor verf.
3. Drukwerk met dennetakkies:  Druk ‘n dennetakkie in houtlym en druk op ‘n vel papier om sneeuvlokkies te vorm.  Sprinkel fyn, silwer blinkertjies oor die gom en laat droog word…of gebruik wit verf.  Hou dit as ‘n agtergrondbladsy…
4. Versier ‘n goedkoop wolmussie met ‘n monstergesiggie.  Knip driehoeke uit wit lap (vir die tande), kies ‘n ekstra groot knoop vir ‘n oog en werk een ekstra groot kruissteek uit vir die ander oog.  Afhangende van die outjie se ouderdom, kan die kleingoed gehelp word om self die stekies te maak en om die driehoeke uit te knip.
5. Sneeu spuitwerk met ‘n tandeborsel en loperige wit verf (dun):  Kies plastiese speelgoeddiere om op ‘n vel papier te plaas.  Doop die tandeborsel in die verf en spat dit bo-oor die diere.  Sodra dit droog is kan die diere gelig en gewas word.  As jy nie speelgoed wil gebruik nie, kan ‘n mens diere uit karton sny vir dieselfde doel.
6. Sneeuman:  Trek drie sirkels in verskillende groottes.  Die kleinste een kom bo en die grootste vorm die voetstuk.  Smeer gom in die sirkels en strooi versnipperde papier in elk.  Druk vas en voeg dan items soos ogies, takkies vir die arms en ‘n mond by…’n Ander opsie is om die outjies ‘n dag of twee voor die tyd wit papier te laat pons (fynspier oefening) en om dít dan op die sneeuman te strooi.
7. Reënspeletjie:  Vul die helfte van ‘n glasflessie met water, spuit skeerroom bo-op die water en drup ‘n paar druppels voedselkleursel bo op.  Só reën dit kamma-kamma.
8. ‘n Oorsese mamma maak wolke in die mikrogolfoond deur ‘n stukkie seep te verhit.  Ek is te versigtig hiervoor…
9. Maak wolke.
10. Eenvoudige wolke om te druk en uit te sny.
11. Soutkleiwolke:  Rol ‘n ovaalvormige kleibal met soutklei en druk plat.  Druk dan die kepe na binne met ‘n tandestokkie en voeg ‘n gat vir die oorbeldraadjie by.  Sodra dit droog is, kan ‘n mens die draadjies byvoeg.
12. Maak ‘n sneeuman in ‘n sakkie:  Laat die outjies sirkels uit swart papier sny, plak dit in ‘n halfmaan (mond) en plak die twee oë bokant dit.  Sny ‘n oranje mond uit spons/skuimrubber (vir die neus) en plaas dít en goedkoop skeerroom binne in ‘n waterdigte sakkie.  Die outjies kan dan met die vingers die neus tot op die regte plek skuif – ‘n ideale fynspier oefening.
13. Verf die onderkant of boom van ‘n plat dosie in reënboogkleure.  Strooi ‘n lagie wit poeier, sout of meel bo-oor en laat die kleingoed hul klanke, syfers, vorms en patrone met die vinger hierin trek. Die reënboog sal dan tussen die wolke deur loer.
14. Sneeu-speelklei:  Maak gewone klei en meng silwer blinkertjies by.  Gebruik dit om klanke, woorde, syfers en vorms te vorm.
15. Teeligte:  Gebruik ‘n skoon glasfles – bedek met ModPodge.  Laat die glasfles in ‘n bordjie Epsomsout staan en rol dit dan om die kante te bedek.  Laat dit regop staan en sprinkel nog Epsomsout om die rand.
16. Weerlig in ‘n fles:  Verf ‘n glimverfwolkie (glow in the dark) bo om die fles met weerligstrale wat afwaarts beweeg.  As die handjies nog onhandig is, kan ‘n mens die buitelyne (apieswaaipatroon en ‘n sigsagpatroon na onder) met ‘n swart veselpen teken.  Die outjies trek dan basies die lyne met verf na.  Gebruik ‘n wattestokkie as die kwas smeer.  Dié fles behoort vir ‘n rukkie te skyn na ligte uit…’n mens kan ‘n gewone wintersprent met ‘n glimweerligstraal afrond.  Dit sal dieselfde effek hê.
17. Glinsterdruppels of -sneeuvlokkies:  Buig ‘n pypskoonmaker of enige dun draad in die vorm van jou keuse en hang dit aan ‘n stokkie/potlood binne in ‘n fles.  Kook water en voeg by.  Meng ongeveer ‘n 1/3 koppie Boraks by.  Teen die volgende dag behoort die vormpie met kristalle gevul te wees.  Hang dit in die venster op.
18. Pastavlokkies:  Pak wielvormige pasta in konsentriese sirkels – om soos ‘n groot sneeuvlokkie te lyk – of maak heksagone (seshoeke).  Plak dit dan met houtlym aan mekaar vas en verf wit.  ’n Mens kan dit ook met muurpapiergom plak, verwit met spuitverf en fyn blinkertjies bo-oor sprinkel.  Sodra die een kant droog is, draai om en herhaal aan die anderkant.  Hang dit in die venster op of hou dit vir die Kersboom.
19. Maak pofferige sneeumanne of ysbere met skeerroom.
20. Versier die yskas of klasdeur soos ‘n sneeuman (met vorms).  Sny sirkels en driehoeke uit om die hempsknopies, oë, mond en neus te vorm.  Dit maak ‘n vrolike prentjie, oefen die handspiere en lê die kennis van vorms vas.
21. Bou ‘n igloo-lees of fantasiespelhoekie  uit ou melkbottels – vir herwinning later.
22. Kap die boom van wit roomysbakke vol gate en bedek met watte.  Plaas dit by die waterspelpunt en kleur die water blou vir ekstra pret.  Nou kan die kleingoed hul wolke laat reën.
23. Maak ‘n windmeter met vyf dun, plastiese koeldrankglase, drie stewige strooitjies en ‘n blik vol grond.  Pons gate deur die teenoorstaande sye van een glas, sodat twee strooitjies ‘n kruis in die middel vorm.  Pons gate deur die kante van die ander glase, druk die strooitjies daardeur en plant die windmeter met ‘n strooitjie (of sosatiestok) in die blik vol sand.  Die glase behoort die wind te skep en sodoende te draai.  Vir ekstra sprankel, kan ‘n mens klokkies of koeldrankblik “tabs” aan die glase hang.  Só sal die windmeter aandag trek wanneer die klokkies begin lui of klingel.
24. Sneeuvlokkies om uit te sny as klasversiering.
25. Bak ‘n reënweer cupcake/kolwyntjie met pofferige, wolkerige versiersel en blou voedselkleursel as reënwater.  Skep bloot ‘n lepel voedselkleursel onder in die papiertjie vóór die beslag bygevoeg word.
26. Lugruim met wolke:  Maak blou jellie (Moir’s) aan en laat stol.  Skep dit in deursigtige bakke – met hier en daar ‘n lepel room as wolke.  Wat van wit malvalekkers in plaas van room?
27. Wolkebewers (mobiles):  Sny ‘n wolk uit karton en pons dan gate hier en daar.  Bind ‘n toutjie, lint of wol vanuit die middelste gat aan ‘n “hangertjie” of ringetjie (ringetjie om bruistabletproppe werk goed) vas.  Bind nou tou of vislyn van verskillende lengtes deur die ander gate vas.  Laat dit plat lê.  Gebruik blou papier (verf vooraf met blou voedselkleursel of waterverf) om reëndruppels te verteenwoordig en geel papier of foelie om weerlig uit te beeld.  Sny druppels en weerligstrale uit en plak dit op die toutjies vas.  Verseker dat die weerlig na aan die wolke begin – sodat die strale uit die wolke kom.  Om die bewertjie af te rond, kan die wolke met gepluisde watte bedek word.  Hang dit voor ‘n venster.

gemeenskapsdiens

25 April is Pay It Forward-dag.  Gebruik dié dag om die kleingoed bewus te maak van eienskappe of omgee-aspekte soos gemeenskapsdiens en bedagsaamheid.  Is daar iemand wie julle in die stilligheid kan help?  Loer gerus na hierdie stories vir inspirasie.

vakansie

 

Dit is vakansie!  Indien jy graag meer oor die kodes op die rapport wil weet, tik “CAPS” by die soekblokkie aan die regterkant in.  Loer gerus ook na “Paasfees” en skooldinge soos “potloodgreep, skrif, skryf, klanke, hersien, halveer, voor en na, meer en minder, vermenigvuldig, Graad R, Graad 1, middellynkruising, visuele persepsie, handspier, fynspier, links en regs…herfs, somer, lente, plaasdier, karnivore, wilde diere, sokker, rugby, olimpiese spele, krieket, beroepe…“.

Lekker rus!

woordsoort

Die ouer kinders begin reeds na woordsoorte soek.  Hiermee dan so ‘n paar idees.

woordsoort (drukbaar)

woordsoort 2 (drukbaar)

woordsoorte takie

Power Point (Juffrou Webb)

beroepe

Juffrou T het idees in verband met beroepe (voorskoolse vlak) gevra.  Hiermee dan so ‘n paar idees…

As ‘n mens oor beroepe (of werke) praat, kan ‘n mens na die ouers se beroepe kyk of vooraf ‘n opname maak oor wat elkeen wil word “as jy groot is”.  Betrek ‘n paar van hierdie beroepe of kies ‘n paar opwindende beroepe.

Dink aan vrae soos:

Onthou dat die besprekingskring ‘n ideale geleentheid is om die woordeskat uit te brei.

• Wat sal jy dra?  (uniform, gewone klere, kleurskema/kleure)
• Sal mense weet wat jou beroep is deur net na jou te kyk?  (unieke besonderhede aan die uniform – skoene, stewels, pet, balkies, lapelwapens, spesifieke voertuig…)
• Wat doen jy by die werk?
• Wat gebruik jy in jou beroep?  (rekenaar, toerusting…)
• Werk jy binne-in of buite ‘n gebou?

1.  Wildtuin- of dieretuinbewaarder:

Maak diere…

• Maak ‘n leeumasker en trek strepies vir snywerk al om die rand van ‘n papierbord.  Die outjies teken dan die gevreet, kleur die rand (maanhare) in en sny die strepies al om die rand om wippende maanhare te maak.  Vir die jonger outjies, kan ‘n mens die oë, snoet en bek met ‘n swart veselpen teken.  Hulle kleur die leeu dan met vetkryt in en verf bo-oor met effens verdunde oranje en/of eiergeel voedselkleursel.  Sodra dit droog is, kan hulle die maanhare sny (dalk ‘n tweede dag se ekstra taak).
• Groter kinders kan die leeumasker maak deur ‘n sirkel uit karton te sny.  Afhangende van hul vaardighede, kan ‘n mens die oë, snoet en bek vooraf binne-in die sirkel teken en afrol.  Die outjies sny die sirkel uit en ook die gate vir die oë.  Daarna verskaf ‘n mens smal strokies gekleurde papier (dalk vooraf gekleurde papier) om die maanhare te vorm.  Wys vir hulle hoe om die repies styf om ‘n potlood te rol, sodat die hare effens krul.  Verskaf verskillende kleure en skakerings en wys vir hulle hoe om die kleure al om die rand te herhaal (soos ‘n patroon).
• Maanhare kan ook met drukwerk gemaak word.  Druk ‘n bladsy vol geelbruin hande.  Sodra dit droog is, kan die outjies al om die buiterand knip.
• Maak ‘n sebra en ‘n kameelperd deur ‘n handafdruk te maak en die besonderhede by te voeg met druk- of verfwerk.
• As julle oor ‘n wildbewaarder praat, kan elkeen ‘n “selfportret”-gesig met ‘n safari-hoed maak.  Maak dan ‘n enorme Jeep en gee vir outjies byvoorbeeld groot blare of ‘n savanna-grasveld om te verf.  Maak dan ‘n muurtoneel met die hele klas op in die Jeep.
• Versier die tafels (of leeshoekie) soos ‘n wildbewaarder se Jeep.
• Soms gee dieretuine vir die diere ’n yshappie.  Dalk kan die outjies self ysies deur ‘n stokkie te merk (skryf naam op) en geure te giet.
• Koppe en sterte speletjie:  Sny alles uit en bedek met breë kleeflint of lamineer die prente.  Sny die diere dan middeldeur.  Die outjies moet dan die korrekte dele bymekaar pas.

2.  Polisie en Veiligheid:

• Maak ‘n pet deur ‘n donkerblou bladsy in die helfte te vou en die helfte van die pet met ‘n swart veselpen te teken.  Die outjies leer dan van simmetrie as hulle hul geknipte patroon oop vou en ‘n pet sien!  Gebruik onverdunde, blou voedselkleursel om die papier te kleur (kinders kan die vorige dag verf).  Kies die polisie of verkeersdepartement se kentekens om voor op die pet te plak.
• Vir oog-hand koördinasie, kan jy ‘n paar padletters uitsny (kies die korrekte Graad 1-skrif), sodat die outjies met motortjies daarop kan ry.

3.  Vervoer Industrie?

4.  Nooddienste en die dokter

5.  Beroepe in sport:

• Atletiek
• Krieket
• Rugby
• Sokker

6.  Bak-en-brou:

• Kyk na die werk van ‘n bakster/bakker op bak-en-brou dag.  Maak papierkoekies vir fantasiespel.
• Maak chefkepse deur ‘n wit platieksak met ‘n papierstrook af te rond (meet die strook nommerpas vir elkeen en kram vas).
• Bak dan broodjies (sien die idees in die Paasfeesstukkie).

Paasfees

Ek het voorheen ‘n stukkie oor Paasfees geplaas.  Hiermee nog so ‘n paar idees.

• Sny ‘n kruis uit foelie en versier met patroonwerk.
• Sny ‘n groot kruis uit ‘n dikkerige karton (soos bokse/dose).  Hou dan ‘n muntlegging om die kruis te bedek.  Plak dit vas en versier om aan bv. die plaaslike dierebeskermingsvereniging te skenk.  Reël met die hoof en lig die ouers net vooraf in van die projek.  Dalk voeg hulle ook ‘n ekstra ietsie by.
• Maak ‘n Paashaasknippie uit filtlap.  Ouer kinders kan dit dalk self uit knip en gesiggies plak.  Dit kan ook by die troeteldiertema pas.
• Wortels:  Kry oranje servette vir die bak-en-brou les.  Draai die eetgerei daarin toe en versier met groen linte of pypskoonmakers.
• Kosblik:  Gebruik blaardeeg om ‘n lang wurmpie te rol.  Buig dit in die helfte en vleg of verstrengel die twee bene soos ‘n koeksuster.  Rol ‘n balletjie om as stertjie te dien en plaas dit in die lussie.  Verf met melk voordat dit gebak word tot goudbruin.
• Kleur wit sjokolade oranje.  Doop dan aarbeie daarin en laat droog word.  (Kamma wortels)
• Intiem Tydskrif het oulike brooddeeghasies op Facebook gedeel.  Rol ‘n balletjie, knip twee snitte vir ore en maak ogies met ‘n tandestokkie.
• Maak vrolike eierhempies.  Hierdie voorbeeld is deur ‘n mamma gemaak, maar as ‘n mens materiaalverf ‘n ovaaldrukker en ‘n skoon hempie gebruik, kan die outjies hul eie hempies versier.  As jy nie ‘n ovaalvormige stempel het nie, kan jy ‘n ovaalvorm uit ‘n halwe aartappel kerf en vooraf patrone uit die plat oppervlakte kerf. Sodra die verf droog is, stryk mens dit aan die verkeerde kant (dalk huiswerk saam met die geskenkie).
• Drukbare naam- en plekkaartjies (haastema) is hier beskikbaar.
• Perseptuele takies.

Luidleesdag

6 Maart 2013 is Luidleesdag en ‘n mens kan dié dag gebruik om lees aan te moedig.  Kyk hoe wys hierdie onderwyser nuwe boeke aan sy leerders en hul ouers.  Sou dit moontlik wees om ‘n soortgelyke opname vir jou skool se webtuiste te maak?

• Staan 20 minute vroeër op om ‘n gediggie of ‘n kort storie voor te lees.
• Lees die begin van ‘n nuwe storie vroeg oggend voor en los die lekkerste deel vir die 10 minute voor huis-toe-gaan-tyd.
• Laat die kinders vir mekaar lees (paarlees).
• Lees of speel ‘n storie oor die interkomstelsel.
• Maak ‘n skoolopname van ‘n gunstelingboek.  Só sal ‘n mens kort-kort wil loer na bekendes se opnames.
• Laat die outjies buiteblaaie vir ‘n boek teken (ontwerp) en uitknip of knip ‘n prent uit.  Neem ‘n foto van elkeen met ‘n boek en plaas die foto agter die boek.  As jy nie foto’s wil neem nie, kan die outjies selfportrette teken.

Tik gerus soekterme soos lees by die bruin soekblokkie aan die regterkant in – vir nog idees.

afronding

 

Hiermee twee kort gedagtes in verband met afronding.  Druk die bladsye uit en hou byderhand om die geheue te verfris.

afrondinghulp en afrond

biblioteekweek

Biblioteekweek skop op die 16de Maart af.  Dit is die ideale tyd om die biblioteek of die klas se leeshoekie ‘n nuwe baadjie te gee.

• Verf die trappe naaste aan die biblioteek soos die rugkante van geliefde boeke (of gebruik papier as dit net tydelik so gaan lyk).
• Vra die outjies om die leesboeke volgens kleur, grootte of onderwerp te rangskik.
• Maak groot KRABBEL-stukke, lamineer en plaas in ‘n houer langs ‘n oop muur.  Dit kan ‘n lekker speletjie raak. (Scrabble)
• Gebruik die Deweystelsel om raaisels oor bekendes op te stel.  Bv. Mnr. Bester hou baie van …(spesifieke boek se nommer) en Juffrou Coetzee lees graag stories oor …

Tik ook soekterme soos boekmerk, bookmark, lees, sigwoorde, stories en rympies by die bruin soekblokkie aan die regterkant in…

Kry nog inligting by LIASA.

linkshandig

Hoe hou ‘n linkshandige kind die potlood vas?  Hoe vorm die linkshandige letters?  Knipoefeninge vir linkshandiges.  Só lyk die skêr.  Skrifhulp vir linkshandiges.  Skryfbehoeftes vir linkshandiges.  Help linkshandiges om te leer skryf.  Hoe gemaak met veters?

Het jy geweet daar is ‘n spesiale dag vir linkshandigheid?  Dit is die 13de Augustus.

WOH het my so 'n bietjie laat dink...

WEG

Die Wêreld Opvoedkundige Speletjiesdae is om die draai.  Die Geletterdheidsdag is op 5 Maart, Wiskundedag is op 6 Maart en op die 7de is dit Wetenskapdag.  Dit is heeltemal gratis en daar is reeds oefenspeletjies beskikbaar.  Skryf in en hou die “tickers” aan die regterkant dop om die dae af te tel.

Ambassador Zeyn Mahomed

Ambassador Amy Coningsby

Pre-Release – World Education Games 2013

emosies

Kinders sukkel soms om uiting te gee aan emosies of om die regte beskrywing vir hul emosies te vind.  Hier is ‘n paar takies om die kleintjies te help om emosies te verduidelik.  Indien daar egter meer ernstige probleme is, behoort dit deur ‘n kundige aangespreek te word.

• Gee vir die outjies ‘n leë gesig waarin hulle die gelaatstrekke kan teken.  Vandag lyk en voel ek so…
• Draai en wys:  Teken emosies op ‘n dun rolletjie of pyp (vorm kern en staander soos ‘n overlocker gare tol).  Teken ‘n karakter op ‘n toiletrol – met ‘n gaping in die gesig.  As die rolletjie om die kern draai, verander die emosies.
• Emosiemeter:  Gebruik kleure, ‘n pyl en ‘n spleetspeld om die pyltjie heen en weer oor die kleure te skuif.
• Speletjie (gratis) met Engelse woorde.
• Bou jou emosie met klei - en pak dit op die gesiggie.
• Kinderwerf het ‘n oulike emosiewiel, Wietske het ‘n paar interessante artikels en hier is ‘n hele boekie.  Die boekie bevat al die Engelse woorde – as die outjies opstelle wil skryf.
• Gee vir die outjies blaaie met emosiewoorde om opstelle te skryf.  [Gevoelens]
• Engelse emosiewoorde met prente.

Laat weet gerus van nog idees.

geld

Iemand het onlangs werksvelle in verband met geld gesoek.

Hoe lyk die geld?

Note

• ou R10, R10, ou R20, ou R50, ou R100, ou R200, 
• nuwe R10, nuwe R20, nuwe R50, nuwe R100, nuwe R200
  

Ouer Munte en nuwer Munte (nuwe R5, ou en nuwe R5)

Omdat die nuwe note nog kraakvars is, is dit redelik skaars in werksvelle.  Loer gerus na die volgende webtuistes vir moontlikhede:

1. Geld (somme)
2. Geld agtergrond (druk jou eie somme op dié agtergrond)
3. Math-Aids
4. Homeschool Math
5. Practical Pages
6. Lesidees

Internasionale Moedertaaldag

21 Februarie is Internasionale Moedertaaldag.  Wat sê UNESCO?  Dr. Michael le Cordeur?  Neville Alexander?  Marié Heese? Russel Botman? Ouers en mense op grondvlak?  ’n Stukkie navorsing…

boeke: soggens en saans

7 Maart is Wêreld Boeke Dag en 23 April is Wêreld Boeke Nag.  Laasgenoemde blyk wel vir grootmense te wees, maar ‘n mens kan van enige dag ‘n leesdag maak!

Stel ‘n paar leeslyste beskikbaar vir ywerige lesers, laat hulle hul gunstelingboeke kom wys, hou ‘n spesiale leesuur of selfs ‘n marathon en laat ander onderwysers boeke in jou klas kom lees.  As die skool die geriewe het, kan jy ‘n ouer selfs vra om deur middel van Skype ‘n boekie voor te lees.  Trek aan soos ‘n gunstelingkarakter of die leesboekies se hoofkarakters (Biebie, Kalla, Boet, Saartjie, Kleinsus…) Maak opnames van die lesery en bou julle eie storie versameling op.  As jou klas ‘n verveelde oomblik het, kan jy die video op die rekenaar of televisie wys.  Hulle sal dit geniet om vir juffrou so-en-so, die snoepietannie of Meneer te sien.  

Vir intervensie en motiverings-idees kan jy soekterme soos lees, sigwoorde, klanke…by die bruin soekblokkie aan die regterkant in tik.

bewaar

‘n Uur vir die aarde.  Hoe kan ‘n mens die aarde op pas en wat moet ‘n mens bewaar?

waardering

Wêreldwyd word spesiale waarderingsdae en -weke vir onderwysers gehou.  Hiermee sommer so ‘n paar skakels na oulike kaartjies en geskenk idees…

• Kleurvolle kolletjie en appel kaartjies (oorwegend swart)
• Kleurvolle kolletjie en appel kaartjies (oorwegend rooi)
• Helder en ronde kaartjies
• Pittige koeldrank idee
• Bessie geskenkpakkie
• Dankie flesse
• Klein kleurvolle dankie briefies
• Geskenkpakkies
• Wyse uilpakkies

10 Februarie (Biddag vir Onderwys en Opvoeding)

flits

Flitskaarte om verskeie klanke mee vas te lê… Hersien die klanke groepie-vir-groepie.

Dubbelklanke

uu flits

oo flits

ee flits

aa flits

Tweeklanke

ei flits

ie flits

eu flits

ou flits

ui flits

oe flits

Drieklanke

aai flits

eeu flits

oei flits

ooi flits

• Druk die flitskaarte in hierdie groottes uit of plaas 2 velle op ‘n A4-bladsy.  Beskerm dit met breë, deursigtige kleeflint of lamineer.  
• Gebruik die klanke se muurkaarte as hofie en plak die flitskaarte daaronder.  As dit in ‘n lêer (flip file) geplaas word, kan dit as ‘n tipe woordlêer of woordeboek dien.
• As daar genoeg muurspasie is, kan die bogenoemde teen die muur geplak word.
• As jy twee stelle druk, kan die een heel bly sodat die kleingoed die los flitskaarte bo-op of by hul maats kan pas.  
• Knip twee stelle uit om speletjies soos “snap” of ‘n “geheuespel” te speel.
• Plaas ‘n stelletjie flitskaarte onderstebo langs ‘n hopie sigwoorde.  Trek een van elk en maak ‘n sin daarmee.
• Plaas ‘n vel in ‘n lêersakkie sodat die outjie dit met ‘n witbord veselpen kan natrek.
• Plaas ‘n skoon vel papier bo-op die woorde, sodat dit deurskyn.  Nou kan dit ook na getrek word.

Loer ook na die drukbare bladsye vir nog idees.

valentynsdag

Valentynsdag is amper hier.  Hiermee dan so ‘n paar idees vir geskenke en bederfies…

• Plant ‘n hartjie:  Maak pienk papierpulp en meng met sade.  Giet dit in ‘n vormpie en laat droog word.  Gee dit as ‘n kaartjie of plaas ‘n hele paar hartjies in ‘n geskenkpakkie.
• ‘n Hartjie vir die hempsknoop of dalk vir die oorbel?
• Ryg harte met wol of linte
• Maak julle eie geskenkdosies (druk die gekleurde weergawes of druk die wit templaat op gekleurde papier).
• Hartjie koeverte:  Versier ‘n vel papier met patroonwerk (vetkryt) en verf dit met verdunde voedselkleursel.  Sodra dit droog is, kan ‘n mens ‘n groot hart daarop trek, uit knip en in ‘n koevertjie vou. ‘n Mens kan ook die harte voor af met veselpenne trek of met ‘n rekenaardrukker uit druk en afrol.
• Hande-hartjie:  Vou ‘n bladsy, trek ‘n hand af (met die duim en wysvinger teen die vou) en knip uit.  Die spasie tussen die duim en wysvinger vorm ‘n hartjie.  Dit kan as ‘n hartjie-kaartjie of as ‘n fotoraam dien.
• Bak hartjie koekies
• Maak ‘n verrassingsbroodjie vir die kosblik
• Skryf op malvalekkers:  Rooi voedselkleursel op malvalekkers
• Gebruik proppies en verskillende skakerings (pasta-agtige rooi, pienk, wit) verf  om drukwerk binne-in ‘n hartjieraam te doen.  Plaas dit in ‘n raam…of knip ‘n hart uit voordat julle die drukwerk doen om dit bo-op ‘n kaartjie te gebruik.
• Pak droë bone, neutedoppe of pitte (soos perskepitte) in die vorm van ‘n hartjie.  Gebruik sterk houtlym of gom om nog lae by te voeg en om die dele aan mekaar te heg.  Verf dit rooi, pienk of wit sodra droog en maak ‘n lint daaraan vas (om mee te hang).

bêre

Lê daar dikwels skoolskoene en -klere op die vloer?  Hiermee dan ‘n paar goedkoop bêre idees om die kledingstukke smiddae op te hang en om die skoene blink te hou.

In die klas…

• As jou skool nie hake het nie:  Maak eenvoudige klerehake deur stukke ou speelgoed (bv. arms, bene, skaakstukke), ongebruikte deurknoppe of gesaagde takke eenvormig te spuitverf of in die oorspronklike vorm aan ‘n lang houtplank vas te skroef/lym.  Hangers of kledingstukke het dan altyd ‘n plek om te hang (veral die fantasiespel klere).  Tuis kan die knoppe vervang word soos die outjies ouer word.
• As jy nie hake wil gebruik nie, maak ‘n reling, herwin ‘n ou netbalring/hoepel of sit ‘n handdoekreling onderstebo onder aan ‘n raamwerk/balke (as jou Graad R-klas ‘n ekstra vlak het) vas.  Hang die klere dan aan hangers op.
• Kies eenvormige houers (bv. opvoubare lapsakke, deursigtige plastiek houers met deksels of selfs roomysbakke) om soortgelyke hulpbronne te bêre.  Die ideaal is om items vinnig op te spoor en te organiseer.  Deksels help natuurlik om stof en moontlike waterskade te vermy.
• Gebruik eierdosies of ou ysbakkies vir stempels, skuifspelde, haarknippies en allerlei kleinighede.
• Verlore items:
  • As klere en besittings verlore raak kan ‘n mens dit vinnig aan die eienaar terug besorg.  Indien daar geen naam op is nie, kan ‘n mens dit in ‘n algemene houer plaas waar dit geleen kan word.
  • Vra dat ouers die kinders se name groot binne-in die skoene se skryf.  Indien daar vrese is dat die veselpen (koki) op wit sokkies sal afgee, kan ‘n mens op die binnesool skryf of naamplakkers gebruik.
  • Vra dat alle kledingstukke (selfs swemdrag en onderklere) duidelik gemerk word met lap naamstrokies of spesiale veselpenne vir klere.

By die huis…

• Koop ‘n stelletjie hout hangers (gewoonlik in pakke van 5) en merk elkeen met ‘n byskrif of oulike boodskappie of beskrywing (bv. hemp, trui, rok…).  As die outjies smiddae tuis kom, kan die klere op gehang word vir nog ‘n draslag.
• Vir die dogtertjies se haarknippies, -rekkies en -linte kan ‘n mens ‘n ou pop of lang vlegsels (gevleg uit vol of vals haarinsetsels) aan die klerehaak/-plank vasheg.  Só kan die rekkies op ‘n spesifieke plek gebêre word.
• ‘n Vinnige gedagte om die skoene blink te hou:  Maak ‘n oulike kissie om die skoenpolitoer in te hou.  Pak kitspolitoer én die poetssoort daarin.  Voeg etlike lappe en sagte borsels by om die skoene blink te poets.  Plaas dan ‘n groterige, oop dosie (ook ‘n plastiese krat, matjie of selfs koerantpapier) saam met die skoenpoetskissie in die kamer.  Só kan die outjies smiddae die skoene bêre, gou afstof en die matte skoon hou.
• ‘n Mens kan natuurlik ‘n kissie vir elkeen se skoene hê – om aan te trek op pad by die deur uit.

Deel gerus ook jou idees.

Graad 1

Hierdie insetsels was Dinsdag, 15 Januarie 2013, in DIE BURGER.  Dit bevat baie oulike inligting.  Ongelukkig kon ek nie die aanlynskakel op gespoor het nie.

 

Klik om te vergroot.

 

skelet

Die ouer kinders bespreek en ondersoek meer as net die liggaam.  Hiermee dan ‘n verskeidenheid hulpmiddels vir die bespreking van die skelet.

Drukbare prente

• skedel
• rug/werwels
• volle skelet
• volle skelet
• skelet rame
• skeletmatjies - bou die skelet met klei
• voorbladprent

Vaslegging: 

• Maak ‘n skelet
  • uit papierborde
  • met behulp van oorstokkies
• Bou die skelet (aanlyn)
• Skeletliedjie (Engels)

liedjies

Luister na kinderliedjies aanlyn…

• Lappop
• Bennie Boekwurm
• Heidi
• Pinocchio
• Mannemarak
• Die padda wou gaan opsit
• Besterklub

Lees die…

• Lirieke van ou liedjies
• Lees die lirieke en luister na die melodie van die FAK-liedjies
• Liriekfabriek

Ou televisiestories is aanlyn beskikbaar.  

eerste dag

Die eerste dag van Graad 1 is baie spesiaal, want hierdie jaar gaan die outjies leer lees en dus is daar groot opgewondenheid.  Wat kan ‘n juffrou doen om die outjies te verwelkom?

• Stel ‘n pakkie met inligting saam (oor die skool se geskiedenis, akademie, sport, kulturele bedrywighede, gemeenskapswerk en reëls) om aan die ouers te oorhandig.  Só kan hulle na afloop van die eerste dag reeds bewus wees van belangrike reëlings voordat jy dit by die eerste oueraand kan oordra.
• Besluit hoe geld (bv. snoepie, fooie) hanteer sal word.  Gebruik die outjies beursies of gemerkte banksakkies?  Word dit in die tasse gehou of het die klas ‘n kluis?
• Wat gebeur met verlore items?  Word daar ekstra skryfbehoeftes by die skool gestoor indien ‘n potlood sou breek of iets aan gevul moet word?
• Maak inligtingstukkies vir die kennisgewingsbord met goeie gewoontes vir die skooljaar.  Bv.  foto’s van gesonde kosblikke (“Lekkers slegs op Vrydae”), netjiese potloodblikkies (“My skryfbehoeftes is gemerk”), netjiese skooltasse (“My tas is gereed”), boodskapboekies en die skooldrag (ook foto’s van die sportdrag).  Dít kan in die gang geplak word, sodat die ouers en kinders dit kan raak sien oppad klas toe.  Herhaal dit in die inligtingstuk.
• ‘n Ander gedagte is om elke klasdeur met ‘n spesifieke kleur te verf.  (Bv. Juffrou D se deur is pers.)  Verf dan baksteengrootte stippellyne (of ‘n solied lyn) in die gang en merk dit met pyle en klein fototjies van die klasjuffrou.  As die outjie dan verdwaal, volg hy net die lyn en foto’s tot by sy juffrou.  ’n Mens kan ‘n rigtingbordjie buite kernklasse (of die badkamers) aan bring om hiermee te help.  As jy later kinders na ander juffrouens wil stuur, kan jy bloot aandui dat die outjie bv. “die groen lyn” moet volg.

• Dit is belangrik om vir die outjies te gaan wys waar al die belangrikste plekkies is en ook hoe om daar te kom (bv. die badkamer en sekretaresse).
• Indien daar ‘n goeie fotograaf in die skool is, kan dié persoon van elke kind ‘n foto neem vir die skool se webtuiste of vir die koerant.  Dit kan nogal baie tyd in beslag neem en daarom sal hierdie fotosessies vroeg reeds moet begin.
• Stel ‘n fotohoekie of twee op waar ouers en kinders “eerste dag van skool” foto’s kan neem:
  • ‘n versierde muur of swartbord
  • ‘n gang
  • die klimrame behoort oulike agtergronde te bied
  • Leen ‘n poppekasraam om deur te loer.
  • Groot, ou rame
  • Skryf ‘n boodskap op ‘n klein swartbordjie wat die outjies kan vas hou.
  • Stapel ou boeke op en plaas ‘n rooi appel daarop.
  • Gee groot, los letters of syfers (bv. R, 1, 2, 3) om vas te hou.
  • Boublokkies met letters (bou byvoorbeeld abc, Graad 1, groot skool…)

• Verseker dat elke kind ‘n spesifieke staanplek vir sy tas het.  ’n Tydsame, maar effektiewe manier om alles uniek te merk (naamkaartjie, sitplek, stoel, tasrak…) is om ‘n unieke prent aan elke leerder toe te ken.  Bv. Jana Louw het ‘n krimpvarkie en Jayda Van Wyk het ‘n flamink.  As ‘n mens dit lamineer, kan jy die kaartjies later rond skuif en behoort dit heel jaar te hou.  [Kaartjies Diere]
• Kies ‘n tema vir die klas en gebruik dit in boodskapbriefies, naamkaartjies en versierings.  Versier die klasdeur met kindervriendelike prente of gebruik selfs ‘n toegangslengte om “slegs kinders” toe te laat (amper soos by pretparkritte).
• Dit is baie spesiaal om by ‘n klas in te stap waar die juffrou verrassings op die tafels gepak het.  Soek storieboekie oor die eerste dag van skool, sodat die ouers en kinders dit kan lees terwyl jy ander kinders by die deur ontvang.  Verskaf groot velle papier waarop die outjies kan teken of inkleurprente.  Wat van ‘n lekkernytjie en snesies?
• Plaas ‘n unieke naamkaartjie op elke tafel – waarop die ouers hul nuutste kontakbesonderhede kan skryf en voorsien ‘n blik of “posbus” daarvoor by die deur.  Indien daar ‘n noodsituasie sou op duik, kan jy die kaartjie vinnig trek en die ouers kontak.
• Jy kan die kinders betrek om saam met jou die klas te versier.  Gee byvoorbeeld vir elkeen ‘n groot vorm (nie net driehoeke nie) om te versier en uit te knip.  Jy kan karton, scrapbook papier, tafeldoek plastiek of selfs lap gebruik (as jy self wil sny).  ’n Eenvormige kleur, verf en ‘n groot stempel (soos potlode of appels) kan baie effektief wees op hierdie tipe “bunting” of vlaggies.
• Met groepwerk kan jy kunsdoeke voorberei en vir die outjies haardroëers gee om vetkryte daarop te laat smelt.  Gebruik dit as deurversiering (fotoraam met ‘n lawwe, eerste dag klasfoto) of hang verskeie kunsdoeke in die gang op.  As jy lang stroke lap só (of met spatsels onverdunde voedselkleursel) kan versier, kan ‘n mens rame vir die aansteekbord maak.  Onthou om voorskote te dra!
• Boekmerk:  Gee roomys- of tongstokkies met ‘n “inkleurprent” wat die outjies met veselpenne of verf kan versier.  Hoe groter die stokkie, hoe netjieser kan hulle werk.  Elkeen kan sy eie naam agterop skryf en die boekmerkies huis toe neem of in die klas gebruik.
• Maak ‘n spesiale bak-en-brou happie om huis toe te neem of voorsien dit aan die einde van die dag.

Deel gerus “eerste dag” foto’s of ervarings.  Ek plaas dit met graagte (en met erkenning).

terug skool toe

Kom loer gerus in vir raad en idees.  Tik kernwoorde of soekterme (bv. klanke, lees, potloodgreep, skrif, wiskunde…) by die bruin soekblokkie aan die regterkant in of kontak my direk by remediering@hotmail.com.

 

liggaamsdele

Een van die aspekte wat Graad 1-outjies aan die begin van die jaar moet kan doen, is om die liggaamsdele te benoem.  Hierdie kennis word dan later (en in die ouer grade) gebruik om meer kennis van die liggaam op te doen.  Wat kan ‘n mens doen om die liggaamsdele te bespreek of te hersien?

Gesig en kop:

As jy die liggaam wil bespreek, begin bo by die deel wat ‘n mens eerste in die spieël sien - die gesig.  Die gesig is die voorste deel van jou kop en is ovaalvormig.  Aan die bopunt van jou gesig, bokant jou wenkbroue en oogbanke, sit jou voorkop.   Die hele boonste deel, agterkant en kante van jou kop word met hare bedek.  Aan die onderpunt van jou gesig is jou ken (waar mans se baarde groei).  Die gesig en kop is waar die meeste sintuie gehuisves word.  Die volgende dele is op die gesig:

Ek het twee oë om mee te sien.  Die oog is amandelvormig, maar die oogbal is rond.  Oë kom in verskillende kleure voor (bruin, groen, blou) en ook in verskillende skakerings.  Die oog word deur die wimpers beskerm en die wenkbrou help om water uit jou oë te hou.  Die oë lyk dikwels soos spieëlbeelde van mekaar – met die neus in die middel.

Die neus is in die middel van die gesig en help ‘n mens om asem te haal.  Jy haal asem deur twee neusgate aan die onderkant daarvan en ruik ook met jou neus.  Jy moet dit altyd skoon hou.  Daarom sorg ons dat daar altyd snees- of sakdoeke in die tas en klas is.

Onder jou neus sit jou mond.  Die twee helftes (links en regs) lyk ook soos spieëlbeelde van mekaar.  Die buitekant van die mond het twee lippe – wat gewoonlik ‘n bietjie donkerder as die res van die vel is.  Jy doen baie dinge met jou mond – soos eet, drink en praat.  Wanneer jy ‘n toe neus het, haal ‘n mens dikwels ook deur die mond asem.  Loer hier na aspekte van ‘n gesonde mond (ook tande, tong, lippe).

Onder jou oë sit jou wange.  Dit is die ekstra, vlesige dele van jou gesig en vorm die buitekant van jou mond.  As jou wange rooi word, noem ons dit “bloos”.  ’n Mens bloos gewoonlik as jy skamerig voel, maar in baie gevalle raak jou wange rooi as jy te min water gedrink het.  As jy warm en rooierig voel, drink iets.

Teen die kant van jou kop sit ore.  Jy het een aan elke kant en hoor daarmee.  Die buitekant is die skulp en vang die klanke soos ‘n satelietskottel op.  Aan die onderpunt is ‘n sagte stukkie, wat ons die oorbel noem.

Liggaam:

Die res van jou liggaam bestaan uit die nek, lyf (romp) en ledemate (arms en bene).

Jou nek verbind jou kop en jy lyf/liggaam aan mekaar en is soos ‘n pyp waarin jy ruggraat, lugpyp en slukderm (keel) is.

Jou lyfie is reghoekig en jou ledemate is min of meer in die onderskeie hoeke.  Die boonste hoeke het skouers.  Dít is waar die arms vas is.  Die voorste, boonste deel van jou lyfie is jou borskas, maar die hele stuk bokant jou naeltjie is jou bolyf.  Die grootste gedeelte van die agterkant van jou lyf, is jou rug.  Onder dit sit jou sitvlak of boude.  Teen die kante van jou boude sit jou heupe.  Die knoppe in jou heupe is die heupbene waar jou bene begin.

Arms en hande:

Jy het twee arms en hande wat soos spieëlbeelde van mekaar lyk.  As jy jou handpalms teen mekaar druk, pas hulle mooi netjies op mekaar.  Jou arms het boonste dele (bo-arms) en onderste dele (voorarms).  Tussen hierdie dele is ‘n hoekbeentjie – die elmboog.  Aan die einde van jou voorarm, is die gewrig wat jou hand aan jou arm vashou.

Jou hand het vyf vingers.  Die duim staan weg van die ander vier en help jou om dinge vas te hou.  Ken jy die name van jou vingers?

Duimpie, (duim)

Duimpie se maat, (wysvinger)

Langeraat, (middelvinger)

Fiela Vlooi, (ringvinger)

Piepie in die kooi (pinkie)

Wat kan jy als met jou arms en hande doen?  Hande klap, kielie, krap, vang, vas hou, knyp, snap, gooi, vang…

(Hande rympies)

Bene en voete:

Jy het twee bene waarmee jy loop, draf en hardloop.  Jy gebruik jou voete en bene om mee te trap, te skop, te trippel, te huppel, te dans en te klim.

Jou bene het bobene.  Dit is die gespierde dele bokant jou knie.  Die sykante of buitekante is jou dye.  Aan die binnekant van jou bobene is die binneboude en as jy sit vorm die voorkante jou skoot.  Jou knieë is die stukkie tussen jou bobene en die onderbene.  Dit sit aan die voorkant van jou been.

Die onderste deel van jou been het ‘n kuit aan die agterkant (die vetterige, knopperige spier) en ‘n benerige voorkant – die skeen.  Dan is daar twee knoppe weerskante van jou been se onderkant.  Dít is die enkels en hiér is die verbinding tussen jou been en voet.

Jou voet is die platterige loopvlakke van jou liggaam.  Die onderkant is die voetsool en die agterste deel – reg onderkant jou been of kuit – is die hak.  Aan die voorpunt is die tone.  Jy het ‘n groottoon en vier kleiner tone om jou te help met balansering.  As jy die voetsole teen mekaar druk, sal jy sien dat hulle ook spieëlbeelde vorm.

Klik op “identiteit” in paragraaf

Vaslegging, speletjies en idees vir jong lyfies:

1. Elke liggaam is uniek en niemand in die wêreld het dieselfde liggaamselle (DNS), vinger- of voetafdrukke as jy nie.  Selfs die bytmerke van jou tande is besonders.  Maak ‘n kaart waarop die klas hul unieke vingerafdrukke plaas…of laat elkeen sy eie identiteitskaart maak.  Later kan ‘n mens die kaarte teen ‘n aansteekbord aan bring en vergrootglase verskaf sodat die outjies na die vingerafdrukke kan loer…óf gee aan die ouers. [identiteit]
2. Ter versiering van die aansteekbord kan ‘n mens hand- en voetafdrukke van elke kind maak – hetsy met ink of met verf.  Sodra die papier droog is, kan elkeen sy eie afdrukke uit knip en kan ‘n mens dit al om die rand van die aansteekbord plak.
3. Gebruik die voet- en handafdrukke in ‘n hindernisbaan.  Lamineer dit om die papier te beskerm.  Pak die hande en voet tussen apparaat in die speelpark om die roete aan te dui.  Die outjies moet hul hande en voete by die prente pas en byvoorbeeld eenbeen spring, hande-vier-voet loop, twee-voet spring…
4. Gebruik die voet- en handafdrukke tydens tel aktiwiteite (tel in tweë en vywe – pare hande en vingers).
5. Meet die voete en hande.  Wie het die grootste hande/kleinste hande/grootste voete/kleinste voete?  (Doen binne kleiner groepe.)
6. Rangskik verskeie hande/voete van groot na klein en klein na groot.
7. Gebruik ou x-straalplate op die aansteekbord of plak dit teen die vensterruite.  Onthou om byskrifte by te voeg.
8. Gee vir die outjies bordkryt om mekaar buite op die speelgrond af te trek.
9. Gebruik die bogenoemde idee op groot velle ongedrukte (of selfs gedrukte) koerantpapier.  Knip die buitelyne uit en plak dié kinders teen die gangmuur op.
10. Wie kan hierdie skadudiere teen die muur maak?  Rol dit agter op die huiswerkvel af vir ekstra lekker pret.
11. Wie kan die toutjiespeletjies nadoen?  Dit is ‘n lekker besigbly speletjie én goeie oefening vir die handspiertjies.
12. Span tou of rooi vol soos laserstrale en laat die kleingoed spioenstyl daardeur klim.  Die idee is dat hulle nie aan die tou moet raak nie en mooi moet konsentreer.
13. Gebruik flitskaarte om liggaamsdele uit te wys.  Vra die outjie om die ooreenstemmende voet of been op sy eie lyfie of op ‘n speelding aan te dui. Later kan ‘n mens die woorde op die flitskaarte skryf en dit sal moontlik deel van “toevallige lees” of aanvangslees word.  Sparklebox het Afrikaanse (gratis) flitskaarte.  Druk bloot op die SA-vlaggie en siedaar!
14. Maak flitskaarte waar die woorde en prente ewe groot is.  Die outjies speel dan ‘n geheuespel waar hulle die woord- en prentjie-paar gelyk moet optel en pas…of
15. speel “snap” deur slegs prente te gebruik, woorde én prente of selfs slegs woorde.
16. Ouer kinders kan werkskaarte voltooi waar hulle die bewoording met die liggaamsdele verbind (trek ‘n lyntjie) of die woorde self in vul.  Daar is heelwat Engelse takies in hierdie verband, maar ‘n mens kan die Afrikaanse woorde ook in die leë spasies in vul.
17. Maak voetafdrukkunswerke:

Wortel, roomys, ruimtetuig…, leeu, takbok/rendier, skoenlapper en voete van gips (foto’s geleen).

Ander:

• Fantasi verkoop ‘n tweetalige boek met al die liggaamsdele en rympies.
• Parmant - ‘n lyfie storie
• Speletjies, en dies meer
• Verskeie
• Verskeie
• Engelse woordeskat
• Besprekingspunte vir ouer kinders
• Lirieke vir “Dem Bones”

Die skelet

opvoedkundige netwerk

SA SchoolNetwork is ‘n eg-Suid-Afrikaanse webtuiste propvol opvoedkundige en onderwys-inligting.

SA SchoolNetwork is ‘n nie-winsgewende organisasie. Ons hoofdoel is om onderwys in Suid Afrika te verbeter.
Ouers, leerders, onderwysers en skole kan interesante hulpbronne vind wat op ‘n kleurvolle wyse gelys word.

Besoek die webtuiste by www.schoolnetwork.co.za.

Geseënde Kersfees

Leeslyste

Is die kleingoed al verveeld en soek jy nog ‘n laaste geskenkie vir die Kerskous?  Loer gerus na hierdie leeslyste vir verskeie storieboeke.

• ATKV Kinderboektoekennings Woordveertjies 2012 
• ATKV Storieleesfees 2013
• Leeslys:  Afrikaanse Boekelys WKOD
• Stories vir Haasbekkies
• Storiewerf se leeslyste

Die ATKV het ‘n leesprojek vir Graad 6- en 7-lesers (2013).  Loer gerus na die besonderhede van hierdie kompetisie en skryf in.

stokmannetjies

Maak stokmannetjie-gesinne vir kaartjies, boekmerke, naamkaartjies…Jy kan die gesinslede aanvul en die kleurskema’s aanpas.

“ANA” Jaarlikse Nasionale Assessering

Hiermee skakels na voorbeeldvraestelle vir die ANA/JNA-toetse (2012):

Huistaal:

Graad 1 (antwoorde)

Graad 2 (antwoorde)

Graad 3 (antwoorde)

Wiskunde:

Graad 1 (antwoorde)

Graad 2 (antwoorde)

Graad 3 (antwoorde)

Graad 5

English HL:

Grade 1 (answers)

Grade 2 (answers)

Grade 3 (answers)

Daar is nog vraestelle in ander tale en grade beskikbaar.  Loer gerus hier.

Tale en Wiskunde:  Graad 4, Graad 5, Graad 6

weer

Ek het reeds ‘n paar inskrywings oor die seisoene gemaak, maar nog nie oor die weer nie.  Hiermee dan ‘n paar idees vir weerkaarte.

Die meeste Grondslagfaseklasse het ‘n kalender- en weerbord iewers waar die dag, datum en weerstoestande aangedui word. ‘n Weerkaart is iets wat nie slegs by die skool gevolg word nie.  Jy kan dit ook by die huis volg.  Dit help ons almal om na die weerstoestande te kyk en om die regte klere vir die dag te kies.  ‘n Bewustheid van die weer en die verandering daarvan, skep ook ‘n bewustheid vir seisoene en tydsverandering…

• Druk ‘n kalender uit en afhangende van die outjies se ouderdom, kan hulle beskrywende naamwoorde (sonnig, bewolk, reën, wind…) inskryf of die prente teken.
• As die outjies nog klein is sal ek nie te veel prente of beskrywings betrek nie.  Kies slegs ‘n paar prentjies om te gebruik.
• Om die keuses makliker te maak, kan jy die verskillende weerstoestande met prente en bewoording eenkant op plak. Die outjie besluit dan op die mees geskikte beskrywing om te kopieer.
• Vir klasse met ‘n rekenaar en groot (witbord) skerm: As jy self mooi foto’s kan neem, kan jy die kinders met die dag se lugruim in die agtergrond afneem. Digitale foto’s laai maklik af en dus sal jy elke dag se weerstoestand kan “noteer” in dagboekvorm. Aan die einde van die week of maand kan julle deur die foto’s kyk om die veranderinge te bestudeer.
• In plaas van ‘n kalenderformaat, kan jy ‘n sirkeldiagram maak – met prentjies – sodat jy ‘n pyltjie na die gepaste weerstoestande kan draai.
• Vir ouer outjies (Graad 2 en ouer) sal ek ‘n eenvoudige boekie saamstel waarin hulle elke dag ‘n beskrywende sin of twee kan skryf.  Bv.  Dit is vandag koud en winderig.  Dit is sonnig en warm.  Die wind waai sterk en dit kan dalk later reën.  Dit kan dalk aanvullend tot die daaglikse of weeklikse “nuus” wees.  As jy ‘n tipe dagboek het vir die nuuswaardighede, kan jy ‘n aanvullende weerblad invoeg. (weer) (maande met prente: Kalender)
• Kleurvolle weer-banier.
• Kleurvolle seisoen-prente.
• Interaktiewe weerspeletjie.

As julle die weersvoorspelling vir die streek benodig, kan julle na foreca gaan.  Tik jou naaste stad of dorp se naam in en dit behoort vir jou ‘n oulike uiteensetting te gee. iWeather bied ‘n oulike uitleg en het selfs beeldmateriaal by sommige weerstasies.

Watter ander idees is daar om die weerstoestande te noteer?  Stuur gerus nog inligting…

Tik soekterme soos die onderskeie seisoene se name en “kalender” by die soekblokkie in of gaan na drukbare bladsye vir aanvullende bladsye (bv. dae van die week).

somer

 

 

Oorspronklik vir ‘n Engelse vriendin geskep.

It is summer in South Africa and we are halfway through the first month of the warm season.  We experience summer in different ways, but two stand out.  The areas to the north (Gauteng) receive a lot of rain during summer, whereas the Western Cape experiences warm, sunny days.

Herewith a couple of ideas to celebrate summer…

1. Make sun masks by painting a paper plate bright yellow. Add rays to the edge of the plate in various shades of orange and yellow. Always mix your powder paint until it has a thick, creamy consistency. When the plate is dry, you could add a handle and a face. Cut the eyes out and there you have a mask.  If you don’t want to cut the eyes out, you could paint both sides and use the sun as a fan.
2. Make summer sandals: Buy cheap rubber sandals and bright beads or buttons. Stick these beads or buttons in a pattern (explain what a pattern is) and there you have your own designer shoes! You don’t always need to buy your craft material. If you’ve had a birthday party, you could tie burst balloons around the straps.  What about all those ribbons that were used on the Christmas wrappings?
3. Those who live closer to the beach or who have collected shells during their holidays, can make ornaments or wreaths.  Paint or spray the wreath in one colour (such as white).  Use a lovely ribbon to hang it on your bedroom door.
4. Have a pirate party at the beach…and make a huge mural afterwards.  Divide the class into groups to paint the background and to make the buckets (tear and paste) and spades.  You could go as far as to sprinkle sand onto the beach area and to add cotton wool clouds to the sky.
5. Make summer critters with older children…
6. and strawberries from peach pips with younger ones.
7. Make a sea mural:  Prepare large sheets of news or computer paper for the back drop by using different shades of blue (watery) paint.  Give the children sponges with big holes to dry sponge the sheets.  Make sure that the sponges are relatively dry and that they press lightly (more like a dab).
8. Add fish by having the children paint the soles of their feet in different colours.  Step on a piece of paper, cut the dried prints out, add eyes and fins and there you have some fish. You could add starch or wall paper glue to the paint and have the children “draw” patterns in the wet paint before stepping on the paper.  This should give the impression of scales….
9. Make jelly fish from old sponges and string (wool) to add to the sea…
10. Use broken sea and egg shells to sprinkle on the sea bottom.  If you’d like, you could divide these onto several containers filled with food colouring.  Dry the shells on sheets of news paper before sprinkling it on the sea bottom.
11. You could use the sea mural idea to make a summer mural on fabric – using fabric paint.
12. Paint flower pots for the windowsill.  Choose a theme, picture, pattern or poem to decorate the pots with.
13. Have a baking day. Bake cupcakes and design summer collars for them.  This should make a lovely and personal gift for someone special.
14. You could even make sunglasses from these muffin collars by sticking them onto party masks.
15. Make your own beach-in-a-box.  This should keep the kids busy for a while…

Summer worksheets

links en regs

Oorspronklik vir ‘n Engelse vriendin geskep.

Understanding and developing a sense of left and right is a struggle for many children.   When they struggle to discern between the two sides of the bodies, they also tend to have trouble distinguishing between visual symbols such as b / d and p / q.  A first step at helping them is to put visual reminders up against the wall.

Print the right hand on red paper and place it in the right-hand corner of the writing board.  All the “r”-sounds should help to remember the association of right hand with red.  The left hand can be printed on yellow or a colour like light green.  These colours and visual prompts can be repeated on a smaller scale on the desks.  It can be laminated or simply covered in a colourless, see-through sticky tape (cellotape).  Also add the hand with the L near it to show that when you hold your left hand up, it actually forms a capital L in the web space between the thumb and forefinger.  If the child is right handed, you can play on alliteration:  ”You write with your right hand.”

Pages to hand out, to put up against the wall or to stick on desks (resize )…

left and right hand

Engelse werk

Ek is onlangs gevra om inligting oor Engelse takies te plaas. Hiermee dan ‘n paar skakels na oulike webwerwe:

• genki
• mes-english
• mes-english (grawe veral onder hul funfonix boeke)
• tlsbooks
• abcteach
• superteacher
• Verskillende vasleggingspeletjies en -werk
• CAPS gids (Engels Tweede / Addisionele Taal)

Kyk gerus ook na die blogroll en die “drukbares“-bladsy (gratis flitskaarte).

A Possible Phonics Programme for the Foundation Phase

Skrif voorbeelde

Hier is ‘n paar idees vir tuis-oefeninge.  Druk die voorbeeld uit en sit dit langs die kleinding neer of plak dit teen die muur vas.  Gebruik ‘n “lyntjieboek” om in te oefen.  Ek is nie seker of die prente se skaal korrek sal wees indien jy dit direk druk nie.  Indien dit wel werk – kan jy die bladsy in ‘n lêersakkie bêre en ‘n dun koki (witbord veselpen) gebruik om dan daarop te skryf.  ’n Mens kan die sakkie vinnig skoon vee en môre weer oefen.

Die drukskrif oefeninge is nog te moeilik vir Graad 1.  Doen dit eerder met Graad 2- en 3-leerders.  Die lopende skrif-oefeninge kan met kinders van Graad 2 af op gedoen word.

Moenie van CNX vergeet nie…So skryf ‘n mens op lyne:

a

m, n, r, h, p

r en b

p en d

h, p, b 

b, d

d

k

l

i

e met patroon

a, e, s

g

o en c

u

s

s en patroon

z en j

t, i, k

v

w

x

y

Vir linkshandige outjies

tandmuis / tooth fairy

Iemand wou graag iets oor die tandmuis leer…Wat kan jy doen om die tandmuis se besoeke lekker te maak?  Kyk na hierdie kreatiewe idees wat bordjies, kussinkies en sakkies insluit.

• Lees die tweetalige boek oor, Tando – Die Tandmuis van Muizenberg.
• Waar kom die verhaal van die “tooth fairy” vandaan?
• Tand skryfbehoeftes (drukbare blaaie)
• Tande takies
• Hou rekord van die tandjies (Tandekaart)
• Strooi blinkertjies naby die geld of los ‘n klein briefie (Tandmuis briefies).

Prente:

• Disney en draadjies
• Feë met tand
• Verskillende tande 
• Inkleur

Maak:

• Tandsakkie

plekkaartjies, naamkaartjies en dies meer

Iemand (dankie C!) het navrae gerig oor etikette en bordjies vir ‘n klaskamer.

1. SENTEACHER het ‘n maklike programmetjie waarmee jy raampies, bewoording, ensovoorts kan kies vir jou spesifieke behoeftes. Dit is maklik om te gebruik en lyk netjies.
2. Sparklebox is ‘n Britse webwerf propvol oulike hulpmiddels.  Daar is dikwels Afrikaanse hulpmiddels (loer vir die SA-vlaggie).
3. Kelly gee vir jou oulike idees, maar van die dokumente is ‘n bietjie groot om af te laai.
4. Lindsay het oulike idees en basisse (templates) vir busse en appels – indien jy die plekaanwyserkaartjies daarmee wou versier het.
5. K-3 het ‘n bladsy met aflaaibare, gratis takies en dinge.
6. Instant display gee oulike idees en anseo het oulike prentjies en kleure.
7. Usefulwiki verskaf foto’s van oulike klaskamer-uitstallings en bordversierings – asook the virtual vine.
8. Hier kan jy ‘n groot verskeidenheid tema’s deur kyk en idees kry vir jou eie klas.
9. Vir die weerkaart, kan jy hierna kyk. Druk die prentjies, lamineer en knip dit uit.
10. ‘n Mens kan gerus gereeld by Teacher’s Love inloer vir blink idees.
11. By Valley View Market kan jy ‘n basis vir ‘n kalender kry en dan self die bewoording en detail aanbring vir elke maand.  In die klaskamer kan jy dan elke leerder se verjaarsdag aanbring en prentjies van die seisoen of maand in die opskrif byvoeg.  VVM het nog verskeie ander basisse van houertjies en dies meer.
12. Juffrou Mandy het ‘n oulike en helder kalender. Die kaartjies word met skuifspelde vas gesteek, maar as jy die syfers met klitsgras (velcro) vas sit behoort dit seker minder skade op te doen. Die basiese maandblok is dit altyd teen die bord vas, maar die dae skuif om by die maand aan te pas.
13. Siende dat die kalender vir die klaskamer is, kan ‘n mens seker die blokke teen die muur verf en met bordkryt daarop skryf!  Hoekom nie?…of wat van jou eie ontwerpie - wat die kinders help inkleur?
14. Ek hou van hierdie beloningskaart. Dis helder en kindervriendelik. Druk dit in kleur, plak dit op ‘n helder rooi papier en siedaar!
15. Teach This is regtig vol oulike idees en ‘n loer werd.
16. Kaartjies - druk in meervoud en ken ‘n stelletjie aan elke kind toe.  Jannie kry dus ‘n beertjie by sy tas (langs sy naam), sy waslap, bank, ens.
17. Etikette
18. Naampies…en laastens kan jy gerus in die Blogroll loer na Depicta en Tuishulp (gemerk “apparaat”) se produkte

Was jy eintlik op soek na Afrikaanse partytjie uitnodigings?  Loer na die Safari-tema (Baba & Kleuter), ‘n drakie- (Loebi) of ‘n Sesame-ontwerp.

nood

Iemand het die afgelope paar dae gesoek vir aanwysings en kentekens vir ‘n badkamer. Ek vermoed dit is vir die kleingoed en vir kleuterskole se “troonkamers”. Hiermee dan ‘n paar skakels na oulike webwerwe. Daar is geïllustreerde aanwysings om die proses van goeie higiëne en toiletroetine aan te dui. Dit behoort behulpsaam te wees vir kinders van verskeie ouderdomme en kan tuis of by die skool gebruik word.

Klik op die foto’s om te vergroot…

1.  So maak mens

2.  Mooza gee inspirasie vir elegante aanwysings…lap, plakpapier…lamineer…(of hoe sal ons dit aanpas?)

3.  Wat van tuinkabouters in kissies op die deure?

4. ‘n Badkamer vir seuntjies met oulike teëlwerk.

5.  ’n Kleurvolle badkamer – met oulike, wurm spieëls.

6.  Boodskappe teen die muur kan goeie gewoontes aanmoedig.

7.  ’n Badkamer vir jong meisies.

8.  Seetema - kan aansluit by Nemo, Little Mermaid…

9.  Ridder

10.  Leesstof vir die badkamermuur (tande)

11.  Drukbare kunswerke vir die badkamermure

12.  Superhero kentekens vir die deure

hoe laat is dit?

Ek het gemerk dat daar na idees oor tyd en horlosies gesoek word.  Hier is so ‘n paar webwerwe met oulike idees.  Onthou dat sommige werwe ‘n proeseltjie gee en dan vra dat jy aansluit of betaal vir meer inligting.  Gebruik egter die proesel as inspirasie en maak jou eie werkvelle.

• As ‘n mens tyd bespreek, kan die tydsverloop deur middel van prente voor gestel word.  Hang dit kronologies aan ‘n draad of plak dit teen ‘n skoon muur.
• Plak die digitale en analooghorlosies by die prente – om die outjies aan tydsverloop gewoond te maak.
• Kleur die agtergrond van die klashorlosie in om “voor” en “oor” voor te stel.  Jy kan so ‘n voorstelling op ‘n ekstra groot horlosie maak.
• Speel ‘n stil speletjie – waar die outjie die digitale en analoogtye bymekaar pas.
• Speel ‘n speletjie met twee of meer persone.
• Kyk na hierdie tipe vrae oor tyd en pas jou eie aan.

Analoog is die ouer weergawe en het twee “arms” – ‘n korte en ‘n lange.  Die arms beweeg altyd regs om en die horlosie is in 12 ure verdeel.

Digitaal is die meer moderne weergawe en flits of wys die tyd met syfers.  

 

Loer ook na:  inter-aktief, the teacher corner, time for time, teaching time, education, home school (tik tye in en “submit”), teachnology

lopende skrif

Hiermee ‘n voorbeeld van lopende skrif se letterformasies.  Lekker oefen!

Sien ook die ABC’s van skryf, patrone, Hand- of vingeroefeninge as deel van ‘n skrifles, stadige skrif en die aspekte van perseptuele ontwikkeling.

CNX se voorbeelde:

a en d

d skrifstukkie

m en n

r, m, n verbindings

e en verbindings

l, k en b

t en f – met hoofletters

i en t – met patroon

f en j woorde

j, g en y

j, g en y met woorde

s – met patroon

h – skrifstukkie

p – met patroon

p en b

o en c

c – skrifstukkie

c en x

x en z

w met woorde

v, w, u

skrifstukkie (rympie)

skrifstukkie (liriek)

verbindings

Begin eers aan die einde van Graad 2…

Patrone

Patrone is ‘n belangrike opwarmingsproses vir skrif en kan gerus daagliks gedoen of geoefen word.

Patrone kan van die kantlyn tot aan die einde van ‘n bladsy gemaak word of in korter stukkies (bv. raak drie keer bo, drie hoppe, ens.). Onthou dat dit ‘n ritmiese aksies is en dat die hoppies daarom ewe wyd en ewe groot moet wees.

 Die perdjiespring- of wolfpatroon is een van die eerste patrone wat kleintjies kan maak. Dit is die voorloper vir drukskrifletters soos “w” en “v”. Begin bo en beweeg skuins af na regs, skuins op na regs, ensovoorts. Dit is belangrik om bo en onder aan die lyne te raak en om die tande of spronge ewe wyd te spasieer. Eindig weer bo.

Die hasie hoppatroon is die voorloper vir drukskrifklanke soos “m”, “n” en “r”. Begin bo, beweeg reguit af en op dieselfde lyn op. ‘n Derde of ‘n kwart van die boonste lyn af weg, begin die draai na regs, af en op en oor, af en op en oor. Die hasie “spring” oor die klippies en eindig weer onder (“want ‘n haas kan nie in die lug hang nie”).

Die swaai- of “Tarzan”patroon is die voorloper vir klanke soos “u” en “y”. Begin bo en beweeg of tot so ongeveer ¾ van die spasie en swaai na regs en beweeg reguit op. Beweeg op dieselfde lyn af en draai op dieselfde plek na regs. Herhaal die swaai-aksie en eindig deur die lyn af te beweeg tot teen die lyn (soos ‘n “u”).

 

Die brander- of seepatroon is al ‘n groot stap in die rigting van lopende skrif. Dit word gebruik tydens die aanleer van klanke soos “c”, “o”, “a”, “e”, “s” en “d”. Begin onder en trek die lyn skuins op (teen ‘n hoek van ongeveer 45°) tot net voor die boonste lyn en begin draai. Stop die ronding daar waar die twee-uur op ‘n horlosie se gesig sal wees en keer op dieselfde lyn terug om die “c”-ronding teen die onderste lyn te vorm. Herhaal en stop deur die skuins-op lyn tot teen die boonste lyn te verleng.

 

Oefen die patrone:

• In gekleurde styselpap op ‘n skinkbord.
• In gekleurde styselpap op ongedrukte koerantpapier (trek later bv. visstensils daarop af en maak visse).
• Teken ‘n groot wolf met ‘n oop bek en vra die kind om die wolf se tand in te teken (patron).
• Teken groot seepatrone op ‘n A3-papier. Teken en knip ‘n seilbootjie uit en heg ‘n skuifspeld aan die mas. Die kind hou dan ‘n magneet onder die papier en skuif die boot in die “skryfaksie” van die patroon van links na regs.
• Maak verskeie kolletjiepatrone (dot-to-dot) wat die kind kan natrek (rol ‘n klomp af vir later).

 

Handwriting in the Junior Primary Classes, MC Grové en HMAM Hauptfleisch, is ‘n stok-ou boek wat ook die volgende assosiasies gee:

• Die sig-sag patroon (wolf-) is ‘n groot horlosie wat tik-tok klop.
• Die hasie kan met ‘n padda vervang word.
• Die Tarzanpatroon kan die frilletjies onder-aan ‘n dogtertjie se rok wees.
• As die lopende skrif se “e” en “l” geoefen word, kan dit rook wees wat bo by ‘n trein se skoorsteen uit borrel.

 Lekker oefen!

(patrone)

cnx – apieswaai

Aandagafleibaarheid

Onthou asseblief dat die volgende inligting nie ‘n mediese kundige se skrywe is nie en slegs as ‘n inligtingstuk dien.  Raadpleeg asseblief ‘n pediater indien aandagafleibaarheid vermoed word.

ADHD is die term wat onderwysers die meeste gebruik om ‘n aandagafleibaarheid te beskryf.  (Dit staan eintlik vir Attention Deficit and Hyperactivity Disorder.)  Dit dui gewoonlik daarop dat die kind nie op ‘n gegewe taak kan fokus nie.  Aandagafleibaarheid kan met Hiperaktiwiteit (geweldig woelig) of Hipo-aktiwiteit (dagdromerigheid) gepaard gaan en word eintlik deur ‘n pediater gepeil en behandel.

Bekendes met ADHD sluit Bill Cosby, Cher, Dustin Hoffman, Jim Carey,Kirk Douglas, Robin Williams, Steve McQueen, Sylvester Stallone, Will Smith, Leonardo da Vinci, Galileo, Albert Einstein en Benjamin Franklin in.

Die simptome van aandagafleibaarheid word gewoonlik deur middel van ‘n Connors vraelys beskryf en gepeil.  Die vorm lyk soos ‘n table en word gewoonlik in vyf dae opgedeel – met ‘n skaal van geensins, in ‘n mate, redelik baie en baie.  Van die aspekte uit so ‘n vraelys sluit die volgende in:

• Vroetel gedurig
• Neurie en maak ander geluide
• Eise moet dadelik bevredig word, maklik gefrustreerd
• Swak koördinasie
• Rusteloos of ooraktief
• Prikkelbaar, impulsief
• Onoplettend, aandag maklik afleibaar
• Onvermoë om take te voltooi, kort aandagspan
• Oormatig sensitief
• Oormatig ernstig of treurig (“sad“)
• Dagdroom
• Somber of nors
• Huil maklik en dikwels
• Steur ander leerders
• Twissiek (stry graag)
• Gemoedstemming verander vinnig en drasties
• Tree gevat op (acts “smart”)
• Vernielsugtig
• Steel
• Vertel leuens
• Woedebuie, opvlieënd en onvoorspelbare gedrag
• Sonder homself af van ander kinders
• Kom voor asof hy nie deur die groep aanvaar word nie
• Skyn maklik voorgegaan te word (easily led)
• Geen sin vir regverdigheid
• Toon geen leierskap
• Kom nie oor die weg met die teenoorgestelde geslag nie
• Kom nie oor die weg met eie geslag nie
• Terg ander of meng in
• Houding teenoor gesag:
• Onderdanig
• Uitdagend
• Parmantig
• Skaam
• Beangs
• Oordrewe eise vir onderwyser se aandag
• Koppig
• Oormatig gretig om tevrede te stel

NoodConnors

 

As die antwoord op die meeste vrae in die redelik baie en baie afdeling val, dui dit gewoonlik op ‘n probleem.  Die pediater of opvoedkundige sielkundige sal kan sê of die kind se optrede en gedrag werklik ‘n probleem is wanneer die skale bestudeer word.

Indien jy vermoed dat ‘n kind aandagafleibaar is:

• Verminder die suikerinname en moenie soetgoed inpak skooltoe nie (sugar rush!)
• Verseker dat die outjie ‘n goeie roetine én slaaproetine volg
• Struktuur en reëls is belangrik
• Omega 3 olies word gewoonlik aanbeveel en kan in sommige supermarkte en apteke gekoop word.
• Praat voortdurend met die opvoeder en vra dat ‘n Connors vraelys voltooi word.  Neem die vorm saam na die pediater toe.
• As medikasie (skedule tablette) aanbeveel word – doen navorsing daaroor en vra soveel vrae as wat jy kan.  (Kinders kla soms gedurende die eerste week of wat van maag- of hoofpyn terwyl die liggaam aanpas.)  Sodra die aanpassingstydperk verby is kan ‘n opvolg Connors deur die opvoeder voltooi word.  Gewoonlik kan die verskil dadelik opgemerk word.  Indien nie – raadpleeg dadelik weer die pediater.
• Soek gerus Dr. Christopher Green se boek UNDERSTANDING ADHD op.  Dit het oulike leesstukke in.
• Volg ADDitude Magazine se nuusbriewe.  Dit is nogal interessant.  (Voorbeeld van raad vir die Klaskamer)

…in die klas…

Na aanleiding van vele navrae het ek die volgende vir die klas saam geflans…Wat werk in jou klas?

Probeer gerus die skakels oor spiertonus…In die klas is die spasie beperk en al sê dokters en sielkundiges dat hiperaktiewe outjies voor en in die middel van die klas moet sit, werk dit nie altyd nie.  Daarom kan ‘n mens probeer om die outjies teen die kant en langs ‘n stiller maatjie te laat sit, sodat die versoeking vir klets en die ontwrigting minder is.  Jy kan ook vir die outjie “vroetel-speelgoed” gee om hom besig te hou.  Gee byvoorbeeld stresballetjies of rubber pypies sodat die outjie nie met ‘n liniaal of potlood sal sit en tik nie.  Sommige juffrouens gee vir hierdie outjies ‘n groot plastiek bal (“gym” bal) of ‘n rubber kussinkie om op te sit.  Dit veroorsaak dat die outjie moet fokus op die balansering en dus nie tyd kry vir kriewel nie.  Hierdie gedeelte vloei nogal redelik sterk saam met die behandeling vir ‘n lae spiertonus…

Soms stuur die juffrouens die outjies met boodskappe, om vir Juffrou water te gaan haal en om voorwerpe te dra.  Arbeidsterapeute kan gerus gekontak word oor die proprioseptoriese sisteme.  Dit het te make met die sensoriese stimulasie en oor die uitwerking van drukking en stimulasies.  Soms is dit goed om vir ‘n woelige outjie te vra om die meubels reg te skuif of om die stofsuier nader te bring.  Die bietjie weerstand of drukking het ‘n positiewe uitwerking om die lyfie.

‘n Mens kan die hele klas laat opstaan en ‘n beweging laat doen. Jy kan selfs ‘n klokkie lui of ‘n geluid maak waarna die hele klas ‘n ritme klap of ‘n dans-aksie uitvoer – net om die kop weer gefokus en wakker te kry.  Braingym het oulike oefeninge om net weer die lyfies gereed te kry vir leer…

Dan kan jy ook versoek dat die hele klas suikervry bly deur die week en ‘n lekkertjie vir Vrydae toe laat.

Juffrouens en ouers:

Loer gerus ook by die webwerf, ADDstudent, in.  Die leuse is ADD + school = success…’n webwerf met ‘n positiewe ingesteldheid.

Dan is daar ook een vir mammas – ADDmoms - met idees oor alternatiewe hulp.

Kinderstories op die internet

Ek is tans besig om na Afrikaanse kinderstories op die internet te soek. Dit is nogal moeilik om te kry.  Het jy al ‘n paar teë gekom?

Kyk gerus ook op my tuisblad.  Aan die regterkant is die “blogroll” vol skakels na opvoedkundige webblaaie met stories.  Ek lys ‘n paar:

• Die Drie Varkies
• Liewe Heksie
• Haas Das
• Oscar en Knersus
• Mina Moo
• Anna Emm
• Lekkerbekkie.TV
• Bester
• Loebi en Kinderwerf
• Jou wêreld – Die tandmuis
• Moomin

Loer gerus ook na die inskrywing in verband met rympies en die volgende boeke of leesstof:

• Oupa John se stories (CD)
• Leeslyste vir skole
• Chessalee
• Storieman
• Riley & Tiny (Engelse stelletjie uit SA)

Woordeskat ontwikkeling

‘n Goeie algemene woordeskat is belangrik.  Dit vergemaklik die leesproses en verbreed die leerder se algemene kennis (verwysings raamwerk).

 

Hoe kan ek tuis help?

• Verkeerde taalgebruik behoort reg gestel te word. Help jou kind subtiel reg indien hy byvoorbeeld ‘n item verkeerd benoem. “Ek wil sweets koop.” - “Watter soort lekkers gaan jy koop?”
• PRAAT, PRAAT, PRAAT! Kinders leer baie deur die voorbeeld na te volg.
• Praat soveel as moontlik oor dinge wat vir jou kind belangrik is en luister na wat jou kind sê.
• Praat stadig en duidelik.
• Leer jou kind om te luister na wat ander mense sê.
• Werk daaraan om spraakprobleme reg te stel. As ‘n kind klanke of woorde verkeerd uitspreek, kan dit dalk later probleme veroorsaak wanneer hy / sy lees en skryf. (Dink aan die outjie wat “l” in plaas van “r” sê…Die lok is looi.)
• Lees gunstelingstories voor en neem dit op ‘n kasset op. Dan kan jou kind oor en oor daarna luister.
• Bou ‘n prentewoordeboek op of koop een. Dit sal van groot waarde wees. Skryf moeilike of nuwe woorde daarin en plak of teken ‘n prent daarby.
• Skryf nuwe woorde
• met kolletjies, sodat jou kind daaroor kan skryf. Bv. Soos… dot-to-dot
• in verskillende kleure
• met ‘n stokkie in nat sand
• Soek klanke in tydskrif-opskrifte en bou die nuwe woorde met die los klanke.
• Maak ‘n verspotte sin met die nuwe woorde.
• Skryf ‘n sin met die nuwe woord. Kan die sin dalk uitgebrei word?

Bv. “Die man sing.”

“Die vriendelike man sing ‘n mooi liedjie.”

Belangrik:  Hou hierdie tipe aktiwiteite prettig en informeel…en kyk hoeveel sintuie jy kan betrek by hierdie tipe aktiwiteite…

Gaan lees gerus ook ‘n bietjie hier vir verdere oefeninge.

Taal en spraakontwikkeling

Daar verskyn al hoe meer artikels in tydskrifte en koerante oor die dalende vlakke / standaarde van lees en skryf in skole.Sommiges meen dat Uitkomsgebaseerde Onderwys die sondebok is en ander meen dis te wyte aan die meer tegnologies gevorderde samelewing van vandag.Hoe dit ook al sy, taal en spraakontwikkeling (en ook lees) is iets waaraan elke ouer, onderwyser en kind moet aandag gee.Dit is elkeen van ons se verantwoordelikheid.

Interessanthede:

1.Die mens se brein weeg by geboorte byna ‘n kwart van dít wat dit by volwassenheid sal wees en dit ontwikkel binne die eerste jaar tot 70 % van die finale grootte.Deur dus met die jong kind of baba te praat, stimuleer ‘n mens hierdie brein om inligting in te neem en te verwerk.Voortdurende kontak en gesprek help dus om die verstand te ontwikkel.

2.Die basis van alles wat ‘n mens eendag moet en sal leer, word in die eerste vyf tot ses jaar gelê.Sosiale, emosionele en intellektuele ontwikkeling word tydens hierdie jare geweldig sterk beïnvloed en die aspek wat al hierdie dinge aanraak, is taal.

3.Taalvermoë beïnvloed die kind se

1. 1. selfbeeld,
   2. sosiale en emosionele ontwikkeling,
   3. leergierigheid,
   4. vlak waartoe hy sy intellektuele potensiaal sal ontwikkel,
   5. begrip van norme en morele waardes en vermoë om tussen reg en verkeerd te onderskei.

4.Om te leer praat, is net so belangrik vir die jong kind as om asem te haal.

5.In die ouderdomsgroepe van vier en vyf jaar, gebruik ‘n kind tussen 1 000 en 1 500 woorde.Die meeste woorde word reg uit gespreek en rympies of rymwoorde fasineer die kind.Ten minste vier tot ses kleure en die basiese vorms (kruise, sirkels, driehoeke, reghoeke, vierkante) kan benoem word.Begrippe soos tyd word aangeraak (“Ons gaan volgende week see toe.”) en die kind kan meerledige / lang opdragte onthou (“Gaan was gou asseblief die waslap in die badkamer en droog dit uit.”).Gebruik woorde soos “wie, waar, wanneer, wonder, wat, hoekom” en gebruik die meeste klanke korrek (behalwe die moeiliker klanke soos “tr”, “kr”, “gr” en “pl”).

6.Die vyf- tot sesjarige kind kan ongeveer 2 200 woorde gebruik en praat mooi duidelik.Sinne bestaan uit min of meer ses woorde en die teenwoordige, toekomstige en verlede tyd word gebruik.Verstaan woorde soos “vandat, totdat, nadat, voordat”.Verstaan en gebruik woorde soos “bo-op, voor, agter, ver, naby” en “maar, en, omdat”.Teenoorgesteldes soos groot en klein, is deel van algemene gesprekke en speletjies.Die kind kan ook nou voorwerpe uittel (borde, lepels, messe, vurke) en telefoonnommers onthou.Tot 24 000 woorde kan nou verstaan word.

7.Die sesjarige kind gebruik tot ongeveer 3 000 woorde en weet wanneer sy verjaarsdag is.Dae van die week en maande van die jaar word nou begryp en geleer.Tel tot tien voorwerpe uit en kan bv. ‘n selfoonnommer memoriseer.

Watter probleme kan voorkom in gesproke taal?

·Gesinswoorde soos “stappies” vir skoene.Die gesin weet wat die woord beteken, maar ander mense verstaan dit nie.

·As ‘n kind sukkel om ‘n woord uit te spreek, vervang hy die woord met “goeters, dinges, watsenaam”.

·Die kind kan nie woorde en klanke herhaal wat voorgesê is nie.

·Die kind praat te hard, te sag, te skril of onduidelik.

·‘n Woord kan reg uit gespreek word, maar nie in ‘n sin gebruik word nie.

·‘n Taal- of woordarmoede kan veroorsaak dat ‘n kind kort sinnetjies gebruik of glad nie wil praat nie.

·Ritmeversteurings of uitspraakproleme soos stotter, hakkel, lispel en onduidelike spraak.

·Sommige kinders laat klanke weg in woorde (peel vir speel, tein vir trein).

·Sommige kinders vervang klanke met ander klanke (vam vir vang).

·Die jong kind sukkel dikwels met tydsbegrip.Gelukkig het ons tyd om dit vas te lê, omdat dit eers op negejarige ouderdom voltrek word.

Hoe kan ek my kind se taal en spraakvaardighede ontwikkel?

·PRAAT, PRAAT, PRAAT!

·Praat soveel as moontlik oor dinge wat vir jou kind belangrik is en luister na wat jou kind sê.

·Praat stadig en duidelik.

·Moenie babataal praat nie.

·Praat in ‘n eenvoudige taal en verduidelik moeiliker begrippe.

·Leer jou kind om te luister na wat ander mense sê.

·Verkeerde taalgebruik behoort reg gestel te word.(Herhaal net die regte sin.Die kind kan maar net luister.)

·Werk daaraan om spraakprobleme reg te stel.As ‘n kind klanke of woorde verkeerd uitspreek, kan dit dalk later probleme veroorsaak wanneer hy leer lees.

Hoe kan ek my kind help om ‘n liefde vir lees te ontwikkel?

·Lees soveel boeke as moontlik (in al die tale wat die kind verstaan ) voor.

·Moedig jou kind aan om die stories oor te vertel aan ‘n boetie, sussie of maatjie.

·Bespreek prentjies in storieboeke.

·Gaan GEREELD biblioteek toe.

·Wees ‘n voorbeeld en lees voor jou kind.

·Luister na storiekassette.

·Help jou kind om sy naam te herken deur dit op al sy besittings te skryf (in skoolskrif).

·Leer kinderrympies en –liedjies.

·Sorg dat daar altyd storieboeke in die huis is.As die biblioteek te ver en boeke te duur is, maak stories uit vrouetydskrifte (soos Liewe Heksie, Balkie, ens.) bymekaar en plak dit in ‘n ou skoolboek.

·Lees die name van winkels voor (Checkers, Edgars, Shoprite, ens.) as julle daar verbystap.

·Lees gunstelingstories voor en neem dit op ‘n kasset op.Dan kan jou kind oor en oor daarna luister.

·Bou ‘n prentewoordeboek op of koop een.Dit sal van groot waarde in Graad 1 tot 3 wees.

Lees ook “Praat jou kind slim” en “Die klein kind in fokus“.