Kersfees

Lewer kommentaar


Screen Shot 2014-12-12 at 8.51.08

This slideshow requires JavaScript.

Tik soekterme soos “Kersfees” by die bruin soekblokkie aan die regterkant in vir nog idees.

2015 Drukbare Kalender en Kwartale

2 Kommentaar


This slideshow requires JavaScript.

2015-drukbare-kalender

Daaglikse Kalender-oefeninge (Druk genoeg vir elke dag.)

2015 Printable Calendar

Screen Shot 2014-12-04 at 11.19.04

depicta

Lewer kommentaar


AD FOR AFFILIATES

Loer gerus na Depicta se hulpbronne en hulpmiddels (bv. flitskaarte, weerkaarte, boeke, plakkers).   Bekostigbaar en kindervriendelik.  Die geskenkbewyse is ‘n oulike geskenk vir ‘n onderwyser of onderwysstudent.  Van die muurprente is tans teen R13 – R25 elk beskikbaar en jy kry afslag (R50 + beloningspunte) as jy aansluit.

 Screen Shot 2014-12-06 at 17.56.05

Gelukkige Lentedag!

5 Kommentaar


Lentedag

Atletiek

Lewer kommentaar


Vind hiermee ‘n paar riglyne vir atletiek en -afrigting.  Die inligting mag dalk verouderd wees.  Stuur gerus nuwe idees :wink:

 

This slideshow requires JavaScript.

 

Atletiek Laerskool (dokument)

Pantoffeldag

2 Kommentaar


Pantoffeldag 2014

Vrydag, 1 Augustus, is Pantoffeldag ten bate van die Reach for a Dream-projek.  Koop ‘n plakker en dra jou pantoffels skool toe. :wink:

ken jou onderwyser

Lewer kommentaar


Ken jy

Hoe goed ken die kinders jou?

Ken jou juffrou*

Ken jou meneer*

*Hou die “adres” vaag (woonbuurt of dorp).

hulpmiddels vir die klaskamer

4 Kommentaar


abc 123

Jy het ‘n nuwe pos gekry of jou universiteitsjare staan einde se kant toe.  Om gereed te maak vir ‘n nuwe klaskamer, kan jy die volgende items in gedagte hou:

Hulpmiddels om te versamel (klik)

Kies ‘n kleurskema of materiaal vir gordyne, kussinkies en ‘n tafeldoek – iets wat lank mooi sal bly.  Kyk ook na jou graadgroep se kurrikulum en skep of versamel items wat spesifiek op dié groep gemik is, bv. flitskaarte van woorde, klanke, getalkombinasies…Onthou om die tale in jou provinsie in gedagte te hou (bv. Afrikaans én Engels) en om daarvoor voorsiening te maak.  Hoe meer jy self versamel, hoe minder hoef jy oor te begin as jy na nuwe skole of klaskamers verskuif.

Daar is etlike voorbeelde hier op my blog beskikbaar.  Tik soekterme soos “skrif, lopende skrif, klanke, muurprent, syfer, vorm…” by die bruin soekblokkie aan die regterkant in of selfs terme soos “beginner”, “eerste dag” en “tuis idees”.

vadersdag

Lewer kommentaar


vadersjuf

This slideshow requires JavaScript.

 

fathersday

Sien ook Vadersdag 1 of Vadersdag 2.

vraestelle

2 Kommentaar


vraestelle

  1. Ek weet/I know – algemene kennis
  2. Think online
  3. Conquesta – Graad 1 – 7 Afrikaans en Engels
  4. Conquesta – Taal, Wiskunde, Lewensvaardige – Graad 1 – 3 en Verskeie vakke – Graad 4 – 7
  5. Engels aanlyn
  6. JNA/ANA riglyne – Graad 1 – 9
  7. JNA/ANA vraestelle
  8. JNA/ANA – 1, 2. 4 – 9
  9. JNA/ANA – Afrikaans, Engels, isiZulu
  10. Impies – Verskeie – Graad 4 – 7
  11. Wiskunde/Wetenskap
  12. Wiskunde – Graad 4 – 7

Graad 1

Graad 2

Graad 3

Graad 4

Graad 5

Graad 6

Graad 7

Sien ook die skakels aan die regterkant wat met “vraestel” of “vraestelle” gemerk is.  Nog JNA/ANA-vraestelle.

leer

2 Kommentaar


Eksamentyd

 

Goeie studiegewoontes.

onthou b en d

6 Kommentaar


b en d voorbeeld

Vorm die “als reg” (“okay“) teken met die vingers en sit die hande voor jou neer…of druk die gebalde vuiste teen mekaar.  Wat hoor jy eerste? b.  b staan eerste.  Wat hoor jy laaste? d.  d staan laaste.

This slideshow requires JavaScript.

Druk b-en-d uit.  Trek die b in blou na of skeur-en-plak stukkies om daarop te plak.  Gebruik donkergroen of donkerblou vir die d.

Loer ook na die meer omvattende beskrywing van die b en d idees.

groen

2 Kommentaar


 

This slideshow requires JavaScript.

 

Maak kompos vir die skooltuin op die skoolgrond deur die kinders bewus te maak van herwinning.  Plaas twee (of meer) dromme plek-plek op die skoolgrond sodat die kinders met die projek kan help.  Lamineer Drom etikette of verf die dromme om hiermee te help.

  • Hark die herfsblarebymekaar.
  • Maak die skool se geute skoon en gebruik die verrottende slik.
  • Versamel
    • Koffiereste (gebruik)
    • Papier en gebruikte papierprodukte
    • Papierhouers, karton (gebruik/skoon)
    • Oorskietkos (veral skille, stronke, broodkorsies, ens.)
    • Servette

herwinskool1

1 – 8 Junie

Lewer kommentaar


This slideshow requires JavaScript.

Dis eersdaags Kinder Beskermingsweek en dié tyd van die jaar word aan bewusmakingsveldtogte geskenk.

Sien ook noodnommers.

Graad 1

4 Kommentaar


This slideshow requires JavaScript.

“ANA” Jaarlikse Nasionale Assessering

17 Kommentaar


Hiermee skakels na voorbeeldvraestelle vir die ANA/JNA-toetse (2012):

Huistaal:

Graad 1 (antwoorde)

Graad 1 (2014)

Graad 2 (antwoorde)

Graad 2 (2014)

Graad 3 (antwoorde)

Graad 3 (2014)

Wiskunde:

Graad 1 (antwoorde)

Graad 1 (2014)

Grade 1 (2014) English

Graad 2 (antwoorde)

Graad 2 (2014)

Graad 3 (antwoorde)

Graad 3 (2014)

Graad 5

English HL:

Grade 1 (answers)

Grade 1 (2014)

Grade 2 (answers)

Grade 2 (2014)

Grade 3 (answers)

Grade 3 (2014)

2013 Vraestelle en memo’s

Graad 1 (2013)  Taal en Wiskunde

Graad 2 (2013)  Taal en Wiskunde

Graad 3 (2013) Taal en Wiskunde

Graad 4 (2013) Taal en Wiskunde

Graad 5 (2013) Taal en Wiskunde

Graad 6 (2013) Taal en Wiskunde

2014 Vraestelle en memo’s

Graad 4 (2014) Taal en Wiskunde

Graad 5 (2014) Taal en Wiskunde

Graad 6 (2014) Taal en Wiskunde

Graad 9 (2014) Taal en Wiskunde

Daar is nog vraestelle in ander tale en grade beskikbaar.  Loer gerus hier en na die skakels aan die regterkant wat met “vraestel” gemerk is.

Tale en Wiskunde:  Graad 4Graad 5Graad 6

beloningskaart

2 Kommentaar


beloningskaart vb

Beloningskaarte (drukbaar)

Gebruik die beloningskaarte vir take en pligte in en om die huis.  Dit kan ook in die klaskamer of by die nasorgsentrum gebruik word.

moedersdag

Lewer kommentaar


This slideshow requires JavaScript.

Hang gedrukte mamma-vlaggies bo-oor die ontbyttafel.  Die driehoekige vorm behoort maklik geknip te word deur klein handjies.  Druk dit op verskillende kleure papier of verf dit.  (ma vlaggies, moedersdag banier)

Versteek ‘n verrassings-deurkaart binne-in ‘n kaartjie om aan die badkamerdeur se knop te hang.  Gee dit saam met ‘n klein botteltjie badsout of ‘n lekkerruik sepie.  As mamma dit aan die deurknop hang, mag niemand pla nie :wink:

Kopieer en spasieer die deurkaarte van jou keuse op ‘n A4-vel voor jy dit uit druk.

  • Verf dit liggies met ‘n klam kwas en druk effens verdunde voedselkleursel bo-op sodat die kleure in mekaar vloei…
  • of verf dit in die kleur van jou keuse en vee die oortollige nattigheid met ‘n snesie of droë lappie af.  Sodra dit droog is, kan ‘n mens dit lamineer of op karton plak.  Knip die sirkel uit wanneer die kaartjie droog is.
ma rus blouma rus witma rus geelTik gerus “moeder”, “waardeer” of “valentyn” by die bruin soekblokkie hier aan die regterkant in vir nog geskenk idees.

skenk

Lewer kommentaar


Skenk ‘n boek met ‘n boodskap.

 

 

tracing alphabet rhymes

Lewer kommentaar


alphabet rhymes

a rhyme

b rhyme

c rhyme

d rhyme

e rhyme

f rhyme

g rhyme

h rhyme

i rhyme

j rhyme

k rhyme

l rhyme

m rhyme

n rhyme

o rhyme

p rhyme

q rhyme

r rhyme

s rhyme

t rhyme

u rhyme

v rhyme

w rhyme

x rhyme

y rhyme

z rhyme

verdubbel

Lewer kommentaar


verdubbel

Verdubbel items deur “net soveel” te maak.  Pak 2 borde en verdubbel dit – 4.  Verdubbel jou skoen – 2.  Verdubbel jou 2 lekkers – 4.  Verdubbeling sal lei tot ewe getalle.  As jou antwoord gelykop tussen twee mense verdeel kan word, het jy dit reg verdubbel.

verdubbel

Verdubbel Semi-Konkreet

Verdubbel Semi-Konkreet2

Verdubbel 10 – 20

Verdubbel 20 – 50 

Verdubbel 20 – 100

Verdubbel Dekades

Verdubbel 100e

Verdubbel 100 – 500

drieklank

Lewer kommentaar


This slideshow requires JavaScript.

Klik op hierdie dokument om oop te maak:

drieklank sinne

Omkring of skryf byvoorbeeld die oei, eeu, aai of ooi in kleur.

oupa en ouma

Lewer kommentaar


This slideshow requires JavaScript.

  1. Tee in ou teekoppies/-stelle (soek in goedkoop winkels of leen).
  2. Eetgoed op koekborde met doilies.
  3. Handafdrukke van oupa/ouma en die kleinkind saam op ‘n voorskoot of vatlap.  ‘n Lap-inkopiesak kan dalk goed werk.
  4. Sing liedjies uit oupa/ouma se jeug of stal boeke uit hul jeug uit.  Dalk het die biblioteek voorbeelde wat hulle aan die kinders kan voorlees.
  5. Maak oulike raampies om vir oupa/ouma te gee.  Neem foto’s van die kinders met ‘n boodskap daarby (bv. magneetletters op ‘n bordjie/bordkryt op bordjie/Scrabble) en plaas dit in die raam.

rympies en skrif

6 Kommentaar


This slideshow requires JavaScript.

a rympie

b rympie

d rympie

e rympie

f rympie

g rympie

h rympie

i rympie

j rympie

k rympie

l rympie

m rympie

n rympie

o rympie

p rympie

r rympie

s rympie

t rympie

u rympie

v rympie

w rympie

y rympie

Die weergawe met prentjies is onder die “Drukbare Bladsye” gelys.

nuwe kwartaal

Lewer kommentaar


This slideshow requires JavaScript.

  • Pak die tas uit, verstel die bande sodat die tas reg op die rug pas en verseker dat die naamkaartjie duidelik sigbaar is.
  • Gaan deur die inhoud van die tas en besluit saam oor die nut of belangrikheid van elk.
  • Gaan saam deur die week se rooster en buite muurse aktiwiteite en stel ‘n roostertjie saam waarvolgens die tas reeds die vorige aand gepak kan word.
  • Hou ‘n boekrak, mandjie of houer gereed om die onbenutte boeke te hou vir die volgende dag.  As die boeke regop kan staan, blaai ‘n mens makliker daar deur.
  • Hou ‘n eenvoudige stelletjie gereed om die skoene blink te poets.
  • Kyk na die pennesakkie.  Verseker dat die potlode skerp en gemerk is.  Ander benodigdhede sou gom, ‘n uitveër, kleurpotlode of uitdraaikryte, ‘n swart veselpen (ronde punt), ‘n skêr, ‘n liniaal en ‘n goeie skerpmaker kon insluit.
  • Vou een of twee plastieksakke op en bêre dit saam met ‘n goedkoop poncho in ‘n seëlbare sakkie vir die reëndae.
  • Kram ‘n geld-/banksakkie agter-in die huiswerkboek vas en bêre ‘n foonkaart daarin vir noodsituasies.  Plak die gesin se kontaknommers onder die sakkie af langsaan vas.  Naamkaartjie
  • As die skool selfone toelaat, laai genoeg geld daarop en merk die omhulsel deeglik.
  • Hou hierdie kwartaal die huiswerkvelle, opdragte, toetse en take dop vir interessante vraagstellings.  Die eksamens lê om die draai en al die vaslegging gaan beslis help.

Voorspoed aan elke ouer, opvoeder en kind :wink:

Paasfees

4 Kommentaar


This slideshow requires JavaScript.

  • Druk ‘n groot ovaal, reghoek of sirkel uit soutklei.  Plaas ‘n kruisvormige koekiedrukker in die middel en “pons” ‘n kruis uit die middel.  Strooi ‘n verskeidenheid deursigtige krale in die middel en bak totdat die krale gesmelt het.  Hierdie sonvanger kan in die venster of aan die Kersboom gehang word.  Indien die outjie vooraf ‘n teksvers in die raam wil skryf (gebruik tandestokkies), kan dit ‘n spesiale boodskap oordra.
  • Maak ‘n sonvanger met roomysstokkies en deursigtige plastiek.
  • Maak ‘n eie soutkleistempel deur ‘n ontwerp met mooi knope en proppies saam te stel.  Laat dit droog word, bak en gebruik.  As ‘n mens ‘n kruis-ontwerp gebruik, kan jy die stempel gebruik om inkkruise op soutklei te druk.  Druk die kruis met ‘n koekiedrukker uit en sodra dit droog is, kan ‘n mens ‘n borsspeld agterop plak.
  • Rol soutklei uit, plaas ‘n growwe doilie of lap bo-op en druk die motief in die klei in.  Druk daarna kruise, ovale of sterre met koekiedrukkers uit.  Onthou om ‘n gat in die hoek of kant te pons indien jy die ornament iewers wil hang of as ‘n hangertjie wil gebruik.
  • Hemelvaart:  Verf ‘n papierglasie blou en voeg wit wolkies by.  Pons ‘n gat in die boom en ryg ‘n veter of lint deur.  Plak ‘n teksvers aan die onderpunt van die lint.  Trek die boodskap op na die koppie.
  • Maak ‘n graf- met ‘n groot rots wat die opening oop en toe kan rol.
  • Ryg ‘n boekmerkkruis.
  • Drukbare Paastyd prente
  • Paastyd hersiening
  • Druk Paasfeeswoorde om op die rand van die kennisgewingbord te plak of gebruik dit as boekmerkies.  [Paasfees drukbaar]
  • Vissers van mense:

Inkleurprent, inkleurprent, inkleurprentkruis, Paasfeestake

 

bewus

Lewer kommentaar


This slideshow requires JavaScript.

April is Outisme Spektrum Bewustheidsmaand en die 2de is ‘n spesiale bewustheidsdag.

Loer na die skakels vir Aspergersindroom of Outisme aan die regterkant, asook na die skole op die Verwysingsblad.

Koeverte

Lewer kommentaar


This slideshow requires JavaScript.

Hiermee verskillende koeverte vir boodskappe of rapporte.  Druk dit op koeverte, wit papier of kardoes sakkies van die toepaslike grootte.  Toets eers voordat jy dit in groot maat druk.

  • Druk die kind se naam met Graad 1-skrif op ‘n strook papier en skuif dit binne-in die koevert.  Laat die kind die deurslag met ‘n dik veselpen natrek.
  • Druk die kinders se name groot op die koevert en laat hulle dit met fyn skeur- en plak-werk vul.
  • Teken gesinsprente of ‘n tema van die kwartaal met ‘n veselpen en kleur met uitdraaikryte in.  Los dit so of verf met ‘n effense verdunde voedselkleursellagie.
  • Soek en knip die letters in die naam uit tydskrifopskrifte en plak dit voor op die koevert.
  • Druk ‘n foto van die kind op die koevert.
  • Knip vorms uit verskillende kleure en bou ‘n prent (soos Brainy Blocks se idees).
  • Lamineer die koevert op die rand van die plastiekvel as jy dit vir die hele jaar wil beskerm of gebruik kleefbare plastiek.
  1. Raam DL Koevert
  2. Graad R A4 Koevert 
  3. A4 Graad R
  4. Graad 1 DL Koevert
  5. Graad 1 A4 Koevert
  6. Graad 1 Koevert
  7. Graad 2 DL Koevert
  8. Graad 2 A4 Koevert
  9. Graad 2 Koevert 
  10. Graad 3 A4 Koevert
  11.  2014 A4 Koevert Hart
  12. 2014 Koevert A4 
  13. A4 Koevert 2014
  14. A4 Koevert FDL
  15. A4 Koevert Yum
  16. A4 Koevert
  17. koevertraam
  18. abc 123 A4 Koevert
  19. Minion
  20. Vertroulik DL Koevert
  21. Vertroulik 2 DL Koevert

Boeke Nag

Lewer kommentaar


This slideshow requires JavaScript.

23 April is Wêreld Boeke Nag.

  • Hou ‘n Gesinsaand.  Nooi gesinne na die biblioteek met die belofte van sagte kussings, koffie, warm sjokolade en malvalekkers.  Hou uitstallings van die skool se nuutste biblioteekboeke en lees vir mekaar.
  • Nooi die ouers om saam na nuwe moontlikhede te kyk en om saam om oulike boeke vir die klas of biblioteek te besluit.  Los kleingeld kan dan aangewend word om boeke names die klas aan te skaf en aan die biblioteek te skenk.  
  • Skryf ‘n klasboek met behulp van die kinders en ouers.  Neem foto’s ter illustrasie en bind die boek.
  • Verf,  versier en organiseer die boekrakke.
Moontlike…

Boekmerkies om te druk:

bookmark night book night bookmark boekmerk nagboeknag boekmerk

Plak in geskenkte boeke:boeknagborg2boeknagborg

boeknagborg3

boeknag

Tik ook soekterme soos boek, biblioteek, lees, boekmerk…by die bruin soekblokkie in vir soortgelyke idees.

geluk

Lewer kommentaar


DagvanGeluk

 

Doen vandag wat jou gelukkig maak!

ligte uit

Lewer kommentaar


earth hour

 

Dit is amper skoolvakansie en EARTH HOUR val op die 29ste Maart.  Skakel die krag vir ‘n uur af, steek die kerse aan en ontspan saam as gesin.  Maak solank ‘n oorlewingshouer gereed en vul dit met bordspeletjies (slangetjies en leertjies, Scrabble, kaarte, ens.), storieboeke, stories of liedjies op die iPod en die kwartaal se flitskaarte.  Dink aan herwinningsprojekte om te probeer en probeer een of twee in dié uur.  Voeg items soos ‘n groot kombers, eetgoed en ‘n flitslig by om die oorlewingsproses lekkerder te maak, MAAR hou die houer toe om eers Saterdag om 20:30 oop te maak.  Hoe lank duur ‘n uur?  Stel die aftel wekker.  Geniet die aandjie saam!

earth hour

verjaarsdag

Lewer kommentaar


Hoe vier julle verjaarsdae in die klas?  Dit gaan dikwels met ‘n kroon gepaard.  Gebruik viltlap indien jy die kroon weer gaan gebruik of dikkerige karton.  As jy nie die kroon lank genoeg kan maak om rondom die kop te pas nie, gebruik ‘n rekkie met klitsgras (velcro) of draai ‘n “alice band” dwars voor die voorkop.  Versier die krone met groot, glinsterende stene (verkrygbaar by kunsvlyt- of materiaalwinkels) of teken met vloeibare gom en besprinkel dit met blinkertjies.  Vir ‘n ietsie ekstra, kan jy die ouderdom voorop die kroon aanbring.  Maak ‘n getal of twee en heg dit met klitsgras indien julle die kroon weer wou gebruik.   Neem ‘n foto van die kroondraer voor die datumbord en siedaar!

 Hiermee dan so ‘n paar kroonpatrone:

Ouderdomme vir die krone:

Gebruik op kroon, kaartjie, as ‘n medalje om die nek of steek dit op die klere vas.

Verjaarsdaglyste vir die muur of om in ‘n boekie te bind (bv. as geskenk):

Vlaggies en boodskappe:

Druk op gekleurde velle of bruin karton.  Pons gate bo-in en ryg gare, lint, tou, rafia of ‘n vislyn deur.

verjaar (kaartjiewoorde)

verjaarsdagvlaggies

verjaarsdagvlaggies 2

Engelse verjaarsdaglyste/maande

Water

Lewer kommentaar


Waterweek

Dit is amper waterweek.  Leer die outjies om waterwys te wees en loer na die idees in hierdie Engelse boekie.  Leer die kleingoed om water op ‘n verantwoordelike wyse te benut deur:

  1. waterbekers/gieters te gebruik.  Maak die klas se potplante met spesifieke hoeveelhede (bv. 1 blikkie) nat en maak dit ‘n reël.
  2. waterspel water te herbenut om die plante nat te lei.
  3. die waterspel water te gebruik om op die teer- of sementoppervlakte te skryf.  Gebruik skoon kwaste en oefen patrone, syfers en klanke.
  4. ballonne met waterspel water te vul.  Gooi en vang die ballonne met herwonne melkbottels.
  5. reënwater op te vang.  ‘n Skool se dak het ‘n groot opvangsgebied en behoort heelwat water vir die tuin te kan opgaar.
  6. geld in te samel vir ‘n gerekenariseerde besproeiingstelsel vir die skooltuin.
  7. waterspel aktiwiteite bo-op gras uit te pak.
  8. druppende krane aan te meld.
  9. druppende krane toe te draai.
  10. ‘n loodgieter as gasspreker te kry.
  11. water uit ‘n opvangsbak te herwin tydens waterspel.  Maak ‘n pypsisteem met tregters – sodat verskeie outjies gelyktydig kan speel.
  • Vries ‘n strooitjie of ‘n kort stokkie in ‘n ysblokkie.  Gee vir die kinders ‘n klein driehoekie om uit te knip en pons gate in twee van die hoeke.  Gebruik dit as die seil vir jou ysbootjie en sien hoe dit op ‘n vlak dammetjie seil.
  • Meng verf (bv. akriel) met water en vries.  Plaas ‘n vel papier in ‘n vlak skinkbord en “verf” of “skryf” met die yskleure.
  • Blaas borrels deur die onderkant van ‘n water- of sapbotteltjie af te sny.  Trek ‘n ou sokkie oor die opening en bind met ‘n rekkie.  Vul die bottel met ‘n sterk seepoplossing en water.  Blaas!
  • Drukbare waterbottelplakker

waterweek

waterwyshede

Waterwys

Inhoud

 

 

 

verkleinwoorde

Lewer kommentaar


Verkleinwoorde Verkleinwoorde (Drukbaar) - nie altyd die norm nie.

Verkleinwoorde taak

Biblioteekweek

Lewer kommentaar


biblioteekweek2014

  • Hou ‘n muntlegging om boeke vir die biblioteek te kan aankoop.  Pak dit in vorms, rye, patrone, letters, woorde of embleme.   Skryf die vorms of simbole met bordkryt op teer of maak los papierweergawes.  Kies ‘n spesifieke munttipe (soos 5c of 10c) om te versamel vir die dag en pak dit.
  • Betaal 50c om te raai hoeveel boeke daar in die skool se biblioteek is.  Koop boeke met die fondse en gee vir die wenner(-s) ‘n boekprys.
  • Maak advertensies en prente van die klas se gunstelingboeke.
  • Gee vir die kinders karton om boodskappe, reëls en flitskaarte vir die leeshoek of boekrak te skryf (bv. Gunstelinge, Nuut, Mees genotvolle boeke, Engels, Afrikaans).
  • Vir Graad R en 1
    • Ek het nog ‘n boekmerk wat ons in Graad R gemaak het – rafia en ‘n geruite iets met groot gate. Ons het groot, stomp naalde gebruik.  Gebruik verskillende kleure en help die kinders om die rafia te ryg.  ‘n Lekker lang boekmerk sal goed in kinderboeke werk.
    • Ek hou nogal van die idee om volgens ‘n spesifieke beginklank te werk. Dalk kan ‘n mens klinkerprente maak. Gebruik akkerdoppies of halwe appels om verfdrukwerk op ‘n A4-vel papier te maak (patrone van herhalende kleure). Trek bv. ‘n groot a op ‘n x-straalplaat af en laat die kinders dit aftrek en uitknip. Plak die a dan bo-op die agtergrond. Herhaal met ander klanke en versier die aansteekbord met al die letters.  (Sien die alfabetrympies vir idees.)
    • Doen drukwerk met magneetletters (soek die korrekte Graad 1-letters).  Gebruik dikkerige bont verf op bruin of swart papier of selfs bleikmiddel (gebruik groot, plastiek voorskote) op suikerpapier.  Gebruik dit vir ‘n agtergrond, die kennisgewingbord of as die buiteblad van ‘n self gemaakte boekie.
    • Maak soutklei en laat die outjies self ‘n stukkie plat druk (nie te dun nie).  Gebruik hoofletter- en kleinlettermagnete as drukkers of soek alfabet koekiedrukkers om die kleingoed se name uit te druk.  Gee voorbeelde van die name op papier, sodat die spelling korrek is.  Druk die drukkers/magnete eers op ‘n inkkussing en dan in die klei.  Só, gee dit ‘n mooi effek.  Pons ‘n gat in een hoek of beide en hou dit as ‘n geskenk vir Moedersdag.
    • Gee ‘n basiese alfabetkaartjie (plak op die tafel) en ‘n bak vol los letters op die kleispeltafel.  Die outjies sal dan self met die klanke en letters kan speel.  Die alfabetkaartjie sal help om te verseker dat die letters reg geplaas word.
    • Bak en brou:
      • Kies ‘n eenvoudige koekieresep.  Druk letters, name of “boek” in die deeg en bak.
      • Kies ‘n eenvoudige koekieresep.  Druk ‘n koekie met enige koekiedrukker uit.  Plaas die koekiedrukkerletter (waarmee die outjie se naam begin) liggies bo-op en vul met “hundreds and thousands“.  Druk dit liggies met ‘n stomp voorwerp vas en lig die vormpie af.  Bak soos normaal.
    • Doen drukwerk met lapverf op ‘n tafeldoek, lapsakke of kussings vir die klas.  Gebruik die sponsletters in “matteëls” of magneetletters.

This slideshow requires JavaScript.

leesislekkerEk lees graag...

Biblioteekweek e-pos, Biblioteekweek 1, Biblioteekweek 2, Biblioteekweek 3

Luidleesdag, 5 Maart

Lewer kommentaar


luidleesdag2014

This slideshow requires JavaScript.

5 Maart is Luidleesdag.  Lees stories, nuus en rympies vir mekaar…dalk op Skype?

kappie

Lewer kommentaar


 


kappie

Eenvoudige kappie sinne  vir die jonger outjies.

-d en -t

Lewer kommentaar


 

d en t aan die einded-en-t-einde-taak (oefen)

Boekedag, 6 Maart

2 Kommentaar


boekedag

6 Maart is Wêreld Boekedag en vanjaar is daar vele ekstra idees om in die klas te probeer.

  • Verdeel die klanke wat reeds aangespreek is (hetsy enkel-, dubbel-, twee- of drieklanke) en laat die kinders volgens die klanke aan trek – bv. a vir appel, akkers, anker, aartappel, b vir bal, bok, ballonne.  Sien alfabet rympies vir inspirasie.
  • Kies ‘n boek per klas.  Elke klas trek dan volgens die boekkarakters aan en versier die klasdeure.  Neem foto’s en versier die gangmure, biblioteek of kennisgewingborde om die boeke aan ander bekend te stel.  Onthou om die titel by te voeg.
  • Druk of maak boekmerkies om uit te deel.
Kies en spasieer verskeie boekmerkies op ‘n A4-bladsy.
Boekmerk witBoekedag Boekmerk wit Boekedag Boekmerk

breuke

2 Kommentaar


breuke

moedertaal

2 Kommentaar


IMD2014

Leer om mekaar in die onderskeie moedertale van die klasmaats te groet.

Tik gerus moedertaal by die soekblokkie in.

 

 

klanke en patrone

Lewer kommentaar


Dit is nie ‘n moet dat die skryf van klanke noodwendig in dieselfde volgorde aangebied of aangeleer word nie.  ‘n Gids wat uit 1997 dateer gee die volgorde as:  “v, w, m, n, r, h, b, p, a, o, l, k, t, j, u, y, i, d, g, s, f, e, aa, ee, oo, uu, ou, ui, eu, ei.”  Hier volg ‘n moontlike kombinasie van klanke en patrone:

wolfpatroon

Perdjiespring- of wolfpatroon:  

Drukskrif:  v, w en (y as die skool die “skerp y” gebruik) – ook later x en z

hasiehop

Hasie hoppatroon:  

Drukskrif:  m, n, r, l, h, b, p 

apieswaai

Swaai- of “Tarzan”patroon:  

Drukskrif:  u, y, i, j (as die skool die “geronde y” gebruik)

branderpatroon

Brander- of seepatroon:  

Drukskrif:  o, a, e, s, d, g, f, t - en later c en q

Loer ook na Patrone, ABC Skryf, Skrif voorbeelde en die skrif-oefeninge.

Valentynsdag

Lewer kommentaar


  • Druk hartjievlaggies op gekleurde papier en gee dit vir die kinders om uit te knip.  Ouer kinders kan die hartjies en agtergrond met uitdraaikryte inkleur (druk hard)…verf dit met effens verdunde voedselkleursel of hou dit so.  Wat van pastelle?
  • Kies boodskapvelletjies (hier onder) en spasieer dit op ‘n A4-vel.  Druk dit op ‘n gekleurde vel of wit papier.  As wit papier gebruik word, kan ‘n mens die prentjies met uitdraaikryte inkleur.
    • Laat die outjies opbouende sinne skryf en plaas dit op die aansteekbord.  Dis soms net lekker om positiewe boodskappe te lees.
    • Versier die personeelkamer se deur met die opbouende boodskappe of…
    • verklein ‘n paar boodskappe op een bladsy en plaas dit in die onderwysers se vakkies.
    • …vergroot ‘n paar boodskappe, kleur die prentjies lekker helder met pastelle in en versier ‘n ingangsportaal of -deur.
    • …plaas foto’s van die boodskappe op die skool se webtuiste.

valentyn1 valentyn2 valentyn3 valentyn4

Sien ook Valentynsdag, My Valentyn en My hartjie…my liefie

Graad 1

4 Kommentaar


Hierdie insetsels was Dinsdag, 15 Januarie 2013, in DIE BURGER.  Dit bevat baie oulike inligting.  Ongelukkig kon ek nie die aanlynskakel op gespoor het nie.

artopskrif

Klik om oop te maak.  Deur Marelize Potgieter. Rutgers1Rutgers2

Klik om te vergroot.

Besig bly wiskunde

Lewer kommentaar


Besigbly werkvelle vir die vakansie…

Flink dink 0 – 20

Flink dink Graad 2 en 3 aftrekking

Graad 2

Graad 2 of 3

Graad 3

Flink dink Graad 3 of 4 vermenigvuldiging

Graad 4 Hersiening

Graad 5

Tel aan en terug in veelvoude

Kyk ook onder die blogroll vir skakels na wiskunde take / webwerwe toe.

woordsomme

6 Kommentaar


This slideshow requires JavaScript.

Begin deur die probleem te lees.

Watter getalle / hoeveelhede kry ons in die som?  Bv. ‘n drie, ‘n tien, ens.

Wat dink jy moet ons doen?

Bymekaar tel / plus / optel…wegneem / aftrek / minus…meer maak…minder maak?

Bespreek die woordeskat in die probleem.

Bv. Jan spaar R2 elke dag.  Hoeveel geld spaar hy in 5 dae?  Wat beteken spaar?

“Teken” die som:

sien prent 1

Pak dan boontjies, knope of ander tellers bo-op elke blokkie:

sien prent 2

Tel die tellers een vir een, m.a.w. 1, 2, 3, 4…9, 10!  Hoeveel rand het Jan gespaar? R10!

Is daar nie ‘n makliker manier om die geld te tel nie?  Kom ons tel weer (sê nou die ewe getalle harder as die onewe getalle): 1, 2, 3, 4, 5, 6, 7, 8, 9, 10 en ‘n laaste keer:  2, 4, 6, 8, 10!

Aanvanklik moet ‘n mens maar oor en oor werk en stelselmatig vir die outjies wys hoe om dinge makliker te maak.

Gebruik dan ook ‘n volgende / verdere voorbeeld soos hierdie:

Mia bêre elke dag twee lekkers vir die naweek.  Hoeveel lekkers sal sy na vyf dae oorhê?

sien prent 3

Twee en twee en twee en twee en twee.  Daar is vyf dae – dus het Mia vyf twee’s bymekaar gemaak.  As ons in tweë tel (druk op elke prentjie of blokkie soos jy tel) kry ons twee, vier, ses, ag, tien!  Tien lekkers!

Belangrik:

Hou die getalgebied klein.  Graad 1’s werk meestal in die gebied van 1 tot 10 en later tot by 20.  Graad 2’s werk aanvanklik in die gebied van 1 tot 20 en later tot by 34.  Die Graad 3’s werk dan verder – in dekades (tiene) en honderde (tot by 1004).  Maak by die juffrou seker in watter getalgebied jou kleinding moet werk en moet nooit vooruit hardloop nie.  ‘n Motor sukkel as jy van eerste na vyfde rat spring – so sal die kinders ook vas val as die ratte nie deur die regte prosesse gaan nie.

Werk met tellers as wiskunde en woordprobleme ‘n groot probleem is en hou dit altyd byderhand.  Daar moet ook altyd rofwerkpapier wees om prentjies te teken en om rofwerk op te doen.

Probleemtipes:

Hierdie is voorbeelde van woordsomtipes.  Gebruik die basiese strukture om jou eie probleme te skep.

1. Groepering:

Tom verkoop balle in sakkies van 2 elk.  Hy het 7 balle.  Hoeveel sakkies met 2 balle elk kan hy verpak?

Bly daar balle oor?  Hoeveel balle bly oor?

Jana se ma koop ‘n pakkie lekkers.  Daar is 18 lekkers in die pakkie.  Jana kry elke dag 3 lekkers.  Hoeveel dae sal die pakkie lekkers hou?

2. Verdeel / Uitdeel:

Verdeel 15 lekkers tussen 5 maats sodat al die maats ewe veel lekkers kry.

3. Deling wat tot ‘n breuk lei:

Verdeel 12 worsies tussen vier honde sodat elkeen ewe veel kry en sodat daar niks oorbly nie.

4. Nog deling (proporsioneel):

Tim en Jan werk saam.  Tim werk drie ure lank en Jan werk slegs vir ‘n uur.  Hulle kry saam R90.  Hoe gaan hulle nou die geld verdeel?

5. Herhaalde optelling:

Hoeveel wiele het 3 motors?

Hoeveel pote het 5 honde?

Hoeveel wiele het 2 driewiele?

6. Koers:

Mila eet elke dag twee koekies.  Hoeveel koekies eet sy in ‘n week?

Hoeveel dae is daar in ‘n week?

7. Roosters:

Dink hier aan ‘n “grid” of rooster.

Oom Daan plant beet.  Daar is drie rye beet en ses plante in elke ry.  Hoeveel beetplantjies is daar altesaam?

8. Kombinasies:

Ousus pak ‘n tas vir die naweek.  Sy het 4 verskillende toppies en 3 broeke.  Hoeveel verskillende uitrustings kan sy aantrek?

9.  Optelling en Aftrekking:

Saamvoeg

  • Tim het 3 penne. Tom gee vir hom nog 4 penne.  Hoeveel penne het Tim altesaam?
  • Tim het 3 penne.  Hoeveel meer penne het hy nodig om altesaam 7 penne te hê?

Skei

  • Tim het 7 penne.  Hy gee 4 penne vir Tom.  Hoeveel penne het Tim oor?
  • Tim het 7 penne gehad.  Hy gee van die penne vir Tom.  Nou het hy 3 oor.  Hoeveel penne het Tim vir Tom gegee?

Voorbeelde en werksvelle:

Klik op die skakel – ook in die aparte venster.

woordsom vb

  1. Woordsom 1 – 10 optel
  2. Woordsom 1 – 10 optelling
  3. Woordsom 1 – 10 aftrek
  4. Woordsom 1 – 10 aftrekking
  5. Woordsom optelling 1 -20
  6. Woordsom 1 – 20 aftreksom
  7. Woordsom 1 – 20 aftrekking
  8. Woordsom 1 – 20 aftreksom
  9. Woordsom 10 – 20 optel
  10. Woordsom 10 – 20 aftrek

Aflaaibare werkkaarte is in die departementele werkboeke beskikbaar.  Kyk gerus ook na die volgende skakels:

Woordsom 1

Woordsom 2

Wenke

Aandagafleibaarheid

184 Kommentaar


This slideshow requires JavaScript.

Onthou asseblief dat die volgende inligting nie ‘n mediese kundige se skrywe is nie en slegs as ‘n inligtingstuk dien.  Raadpleeg asseblief ‘n pediater indien aandagafleibaarheid vermoed word.

ADHD is die term wat onderwysers die meeste gebruik om ‘n aandagafleibaarheid te beskryf.  (Dit staan eintlik vir Attention Deficit and Hyperactivity Disorder.)  Dit dui gewoonlik daarop dat die kind nie op ‘n gegewe taak kan fokus nie.  Aandagafleibaarheid kan met Hiperaktiwiteit (geweldig woelig) of Hipo-aktiwiteit (dagdromerigheid) gepaard gaan en word eintlik deur ‘n pediater gepeil en behandel.

Bekendes met ADHD/AAHS sluit Bill Cosby, Cher, Dustin Hoffman, Jim Carey,Kirk Douglas, Robin Williams, Steve McQueen, Sylvester Stallone, Will Smith, Leonardo da Vinci, Galileo, Albert Einstein en Benjamin Franklin in.

Die simptome van aandagafleibaarheid word gewoonlik deur middel van ‘n Connors vraelys beskryf en gepeil.  Die vorm lyk soos ‘n table en word gewoonlik in vyf dae opgedeel – met ‘n skaal van geensins, in ‘n mate, redelik baie en baie.  Van die aspekte uit so ‘n vraelys sluit die volgende in:

  • Vroetel gedurig
  • Neurie en maak ander geluide
  • Eise moet dadelik bevredig word, maklik gefrustreerd
  • Swak koördinasie
  • Rusteloos of ooraktief
  • Prikkelbaar, impulsief
  • Onoplettend, aandag maklik afleibaar
  • Onvermoë om take te voltooi, kort aandagspan
  • Oormatig sensitief
  • Oormatig ernstig of treurig (“sad“)
  • Dagdroom
  • Somber of nors
  • Huil maklik en dikwels
  • Steur ander leerders
  • Twissiek (stry graag)
  • Gemoedstemming verander vinnig en drasties
  • Tree gevat op (acts “smart”)
  • Vernielsugtig
  • Steel
  • Vertel leuens
  • Woedebuie, opvlieënd en onvoorspelbare gedrag
  • Sonder homself af van ander kinders
  • Kom voor asof hy nie deur die groep aanvaar word nie
  • Skyn maklik voorgegaan te word (easily led)
  • Geen sin vir regverdigheid
  • Toon geen leierskap
  • Kom nie oor die weg met die teenoorgestelde geslag nie
  • Kom nie oor die weg met eie geslag nie
  • Terg ander of meng in
  • Houding teenoor gesag:
  • Onderdanig
  • Uitdagend
  • Parmantig
  • Skaam
  • Beangs
  • Oordrewe eise vir onderwyser se aandag
  • Koppig
  • Oormatig gretig om tevrede te stel

NoodConnors

As die antwoord op die meeste vrae in die redelik baie en baie afdeling val, dui dit gewoonlik op ‘n probleem.  Die pediater of opvoedkundige sielkundige sal kan sê of die kind se optrede en gedrag werklik ‘n probleem is wanneer die skale bestudeer word.

Indien jy vermoed dat ‘n kind aandagafleibaar is:

  • Verminder die suikerinname en moenie soetgoed inpak skooltoe nie (sugar rush!)
  • Verseker dat die outjie ‘n goeie roetine én slaaproetine volg
  • Struktuur en reëls is belangrik
  • Omega 3 olies word gewoonlik aanbeveel en kan in sommige supermarkte en apteke gekoop word.
  • Praat voortdurend met die opvoeder en vra dat ‘n Connors vraelys voltooi word.  Neem die vorm saam na die pediater toe.
  • As medikasie (skedule tablette) aanbeveel word – doen navorsing daaroor en vra soveel vrae as wat jy kan.  (Kinders kla soms gedurende die eerste week of wat van maag- of hoofpyn terwyl die liggaam aanpas.)  Sodra die aanpassingstydperk verby is kan ‘n opvolg Connors deur die opvoeder voltooi word.  Gewoonlik kan die verskil dadelik opgemerk word.  Indien nie – raadpleeg dadelik weer die pediater.
  • Soek gerus Dr. Christopher Green se boek UNDERSTANDING ADHD op.  Dit het oulike leesstukke in.
  • Volg ADDitude Magazine se nuusbriewe.  Dit is nogal interessant.  (Voorbeeld van raad vir die Klaskamer)

…in die klas…

Na aanleiding van vele navrae het ek die volgende vir die klas saam geflans…Wat werk in jou klas?

Probeer gerus die skakels oor spiertonus…In die klas is die spasie beperk en al sê dokters en sielkundiges dat hiperaktiewe outjies voor en in die middel van die klas moet sit, werk dit nie altyd nie.  Daarom kan ‘n mens probeer om die outjies teen die kant en langs ‘n stiller maatjie te laat sit, sodat die versoeking vir klets en die ontwrigting minder is.  Jy kan ook vir die outjie “vroetel-speelgoed” gee om hom besig te hou.  Gee byvoorbeeld stresballetjies of rubber pypies sodat die outjie nie met ‘n liniaal of potlood sal sit en tik nie.  Sommige juffrouens gee vir hierdie outjies ‘n groot plastiek bal (“gym” bal) of ‘n rubber kussinkie om op te sit.  Dit veroorsaak dat die outjie moet fokus op die balansering en dus nie tyd kry vir kriewel nie.  Hierdie gedeelte vloei nogal redelik sterk saam met die behandeling vir ‘n lae spiertonus
Soms stuur die juffrouens die outjies met boodskappe, om vir Juffrou water te gaan haal en om voorwerpe te dra.  Arbeidsterapeute kan gerus gekontak word oor die proprioseptoriese sisteme.  Dit het te make met die sensoriese* stimulasie en oor die uitwerking van drukking en sintuiglike stimulasies.  Soms is dit goed om vir ‘n woelige outjie te vra om die meubels reg te skuif of om die stofsuier nader te bring.  Die bietjie weerstand of drukking het ‘n positiewe uitwerking om die lyfie.
‘n Mens kan die hele klas laat opstaan en ‘n beweging laat doen. Jy kan selfs ‘n klokkie lui of ‘n geluid maak waarna die hele klas ‘n ritme klap of ‘n dans-aksie uitvoer – net om die kop weer gefokus en wakker te kry.  Braingym het oulike oefeninge om net weer die lyfies gereed te kry vir leer…
Dan kan jy ook versoek dat die hele klas suikervry bly deur die week en ‘n lekkertjie vir Vrydae toe laat.
Juffrouens en ouers:
Loer gerus ook by die webwerf, ADDstudent, in.  Die leuse is ADD + school = success…’n webwerf met ‘n positiewe ingesteldheid.

Dan is daar ook een vir mammas – ADDmoms - met idees oor alternatiewe hulp.

*Sensoriese Integrasie probleme kom moontlik voor as die outjie sensitief lyk vir sintuiglike ervaring soos aanraking, harde geluide, smake of teksture…Kontak ‘n SI gekwalifiseerde arbeidsterapeut indien so iets vermoed word.  

Nuttige skakels vir huiswerkhulp

4 Kommentaar


huiswerk

Ekstra werk en idees:

1. Kinderwerf

2. Rotsreeks

3. Childlit

4. Homestead

5. The Reading Clinic / Leeskliniek

6. Pret met Afrikaans

7. Wiskunde hulp

8. Nog wiskunde werkvelle

9. Speltake:  Maak jou eie “word search” of “skommeltakie”

10.  Hoe jy kan help

11.  Voorstelle deur die WKOD (Graad R – 6)

12.  Geletterdheid/Taal riglyne (Graad 3)

13.  Wiskunde/Syferkundigheid/Gesyferdheid (Graad 3)

14.  Huiswerk:  Hoe om te help/beplan

Kyk asseblief ook onder die “BLOGROLL” aan die regterkant of tik spesifieke soekterme by die bruin soekblokkie in.

Taal en spraakontwikkeling

19 Kommentaar


Screen Shot 2014-12-14 at 16.28.02

Daar verskyn al hoe meer artikels in tydskrifte en koerante oor die dalende vlakke / standaarde van lees en skryf in skole. Sommiges meen dat Uitkomsgebaseerde Onderwys die sondebok is en ander meen dis te wyte aan die meer tegnologies gevorderde samelewing van vandag. Hoe dit ook al sy, taal en spraakontwikkeling (en ook lees) is iets waaraan elke ouer, onderwyser en kind moet aandag gee. Dit is elkeen van ons se verantwoordelikheid.

Interessanthede:

1.Die mens se brein weeg by geboorte byna ‘n kwart van dít wat dit by volwassenheid sal wees en dit ontwikkel binne die eerste jaar tot 70 % van die finale grootte. Deur dus met die jong kind of baba te praat, stimuleer ‘n mens hierdie brein om inligting in te neem en te verwerk.Voortdurende kontak en gesprek help dus om die verstand te ontwikkel.

2.Die basis van alles wat ‘n mens eendag moet en sal leer, word in die eerste vyf tot ses jaar gelê. Sosiale, emosionele en intellektuele ontwikkeling word tydens hierdie jare geweldig sterk beïnvloed en die aspek wat al hierdie dinge aanraak, is taal.

3.Taalvermoë beïnvloed die kind se

    1. selfbeeld,
    2. sosiale en emosionele ontwikkeling,
    3. leergierigheid,
    4. vlak waartoe hy sy intellektuele potensiaal sal ontwikkel,
    5. begrip van norme en morele waardes en vermoë om tussen reg en verkeerd te onderskei.

4.Om te leer praat, is net so belangrik vir die jong kind as om asem te haal.

5.In die ouderdomsgroepe van vier en vyf jaar, gebruik ‘n kind tussen 1 000 en 1 500 woorde. Die meeste woorde word reg uit gespreek en rympies of rymwoorde fasineer die kind. Ten minste vier tot ses kleure en die basiese vorms (kruise, sirkels, driehoeke, reghoeke, vierkante) kan benoem word. Begrippe soos tyd word aangeraak (“Ons gaan volgende week see toe.”) en die kind kan meerledige / lang opdragte onthou (“Gaan was gou asseblief die waslap in die badkamer en droog dit uit.”). Gebruik woorde soos “wie, waar, wanneer, wonder, wat, hoekom” en gebruik die meeste klanke korrek (behalwe die moeiliker klanke soos “tr”, “kr”, “gr” en “pl”).

6.Die vyf- tot sesjarige kind kan ongeveer 2 200 woorde gebruik en praat mooi duidelik. Sinne bestaan uit min of meer ses woorde en die teenwoordige, toekomstige en verlede tyd word gebruik. Verstaan woorde soos “vandat, totdat, nadat, voordat”. Verstaan en gebruik woorde soos “bo-op, voor, agter, ver, naby” en “maar, en, omdat”. Teenoorgesteldes soos groot en klein, is deel van algemene gesprekke en speletjies. Die kind kan ook nou voorwerpe uittel (borde, lepels, messe, vurke) en telefoonnommers onthou. Tot 24 000 woorde kan nou verstaan word.

7.Die sesjarige kind gebruik tot ongeveer 3 000 woorde en weet wanneer sy verjaarsdag is. Dae van die week en maande van die jaar word nou begryp en geleer. Tel tot tien voorwerpe uit en kan bv. ‘n selfoonnommer memoriseer.

Watter probleme kan voorkom in gesproke taal?

  • Gesinswoorde soos “stappies” vir skoene. Die gesin weet wat die woord beteken, maar ander mense verstaan dit nie.
  • As ‘n kind sukkel om ‘n woord uit te spreek, vervang hy die woord met “goeters, dinges, watsenaam”.
  • Die kind kan nie woorde en klanke herhaal wat voorgesê is nie.
  • Die kind praat te hard, te sag, te skril of onduidelik.
  • ‘n Woord kan reg uit gespreek word, maar nie in ‘n sin gebruik word nie.
  • ‘n Taal- of woordarmoede kan veroorsaak dat ‘n kind kort sinnetjies gebruik of glad nie wil praat nie.
  • Ritmeversteurings of uitspraakproleme soos stotter, hakkel, lispel en onduidelike spraak.
  • Sommige kinders laat klanke weg in woorde (peel vir speel, tein vir trein).
  • Sommige kinders vervang klanke met ander klanke (vam vir vang).
  • Die jong kind sukkel dikwels met tydsbegrip. Gelukkig het ons tyd om dit vas te lê, omdat dit eers op negejarige ouderdom voltrek word.

Hoe kan ek my kind se taal en spraakvaardighede ontwikkel?

  • PRAAT, PRAAT, PRAAT!
  • Praat soveel as moontlik oor dinge wat vir jou kind belangrik is en luister na wat jou kind sê.
  • Praat stadig en duidelik.
  • Moenie babataal praat nie.
  • Praat in ‘n eenvoudige taal en verduidelik moeiliker begrippe.
  • Leer jou kind om te luister na wat ander mense sê.
  • Verkeerde taalgebruik behoort reg gestel te word.(Herhaal net die regte sin.Die kind kan maar net luister.)
  • Werk daaraan om spraakprobleme reg te stel.As ‘n kind klanke of woorde verkeerd uitspreek, kan dit dalk later probleme veroorsaak wanneer hy leer lees.

Hoe kan ek my kind help om ‘n liefde vir lees te ontwikkel?

  • Lees soveel boeke as moontlik (in al die tale wat die kind verstaan ) voor.
  • Moedig jou kind aan om die stories oor te vertel aan ‘n boetie, sussie of maatjie.
  • Bespreek prentjies in storieboeke.
  • Gaan GEREELD biblioteek toe.
  • Wees ‘n voorbeeld en lees voor jou kind.
  • Luister na storiekassette.
  • Help jou kind om sy naam te herken deur dit op al sy besittings te skryf (in skoolskrif).
  • Leer kinderrympies en -liedjies.  (Tik soekterme soos rympie en liedjie by die bruin soekblokkie aan die regterkant in.)
  • Sorg dat daar altyd storieboeke in die huis is.As die biblioteek te ver en boeke te duur is, maak stories uit vrouetydskrifte (soos Liewe Heksie, Balkie, ens.) bymekaar en plak dit in ‘n ou skoolboek.
  • Lees die name van winkels voor (Checkers, Edgars, Shoprite, ens.) as julle daar verbystap.
  • Lees gunstelingstories voor en neem dit op ‘n kasset op.Dan kan jou kind oor en oor daarna luister.
  • Bou ‘n prentewoordeboek op of koop een.Dit sal van groot waarde in Graad 1 tot 3 wees.
Lees ook “Praat jou kind slim” en “Die klein kind in fokus“.

Older Entries

Follow

Get every new post delivered to your Inbox.

Join 2 145 other followers

%d bloggers like this: